Olengull

Bebil er a taem eng uaia le sal kirek lousbech er tial technology el mo ungil a renguk a lechub e kungedecheduch er a rechad. A lechub a kumes le ngak el sabisi e diak a ngera el kuruul. Bebil er a taem eak mes a tekoi el mekngit, kdekudel, teletael er a deleboes, e diak kudengei el kmo ak mekerang.

Ak mla mo medengei el uase ng sebechek el kuk olengull. A Chedaol Reng a mo omekrael e omeklatk er ngak, e ngosukak er a kirek lomdasou e meruul el tekoi me a ikel kumelchesiu. Seikid e ngak a sebechek el kuk melilt er a ngodech el uldasou.

Ak mla metik er ngii lungil sel:

• Kulengull: Sel kues a teletael el mekngit a lechub eng rullak el mo mekngit a tsios e rngak, sabisi, kora ngodech, eng sebechek el kmo, “Tia diak el ungil.”

• Melilt er a ungil: Ng sebechek el mekodir a mesil er ngak a lechub ak kekeringii a notifications er ngak. Sebechek el mo rikl a lechub a kuk mora tara delmerab, el diak kuba device er ngak.

• Mengedecheduch er a tara chad: Sebechek el mengedecheduch er a sechelik a lechub a chedal a telungalk el kirel aikel kumelchesiu. Ea bebil er a taem eak chelbangel er a chad e mengedecheduch er ngii, el diak kngara mesil.

3:45

Moktek. Uldasu. Olengull. A kldei el mekekerei el tekoi a kmal klou a relii.

Ngera moktek er kau lousbech er a technology? Ng sebechem lousbech er tiaikid el page el meluches a soam a lechub a tekoi lomeklatk er kau.