Aoao

“Aisea e Faatau ai Tagata,” o loo maua i le srs.lds.org/videos. (A e a pe a le maua le vitio? Faitau le tusiga o lo o maua i le faaiuga o lenei vaega.)

O le a se mea na e aoaoina mai lenei vitio e uiga i le mafuaaga e ala ai ona faatau tagata?

Ina ia maua se avanoa faapisinisi talafeagai, e tatau ona e faamalieina le manaoga pe foia se faafitauli e mananao tagata latou te totogiina. Ina ia iloa pe mananao tagata latou te totogi mo lau auaunaga po o se oloa gaosi, e ao ona e talanoa ma i latou i lea mea. I le talanoa ai ia i latou e ono avea ma tagata faatau, e mafai ona e iloiloina le malosi o le manaoga mo lau auaunaga po o se oloa gaosi ma vaai pe lava ona tumau ai fefaatauaiga e te manaomia ina ia manuia lau pisinisi. O manatu faaalia o tagata faatau e mafai foi ona fesoasoani e toe teuteu faaleleia ai lou manatu mo lau pisinisi.

Amata ona vave suesue lou manatu faapisinisi ma tagata faatau --a o le i faaaluina le tele o le taimi ma tupe --e iloa ai pe iai se maketi talafeagai. O le toatele o tagata faipisinisi e faafetaui ma faaleleia o latou manatu ma auiliiliga mo a latou pisinisi i le tele o taimi a o le i maua le meatonu e ofaina atu e mafai ona faamanuiaina.

Afai e leai se manaoga malosi o tagata i lau auaunaga po o se oloa gaosi ma e le mananao e totogi, tusa lava pe ua maea ona e faaleleia, toe amata lelei i se isi manatu. Aua le faaauau ona faaalu le taimi ma tupe i se manatu e leai se mafuaaga malosi e manuia ai.

E faaopoopo i le talanoa ia i latou e ono avea ma tagata faatau e suesue ai lou manatu faapisinisi, e manaomia foi ona e faia o nisi suesuega. Ua fautua mai le Alii, “Suesue iai i lou mafaufau” (MF&F 9:8). Afai e mananao tagata e totogi mo lau auaunaga po o se oloa gaosi, o se amataga lelei lena, ae ao ona faaauau pea ona e suesue ma faaleleia lou manatu. Suesue i mea o lo o faia e tagata tou te faatauva. Suesue i faamatalaga i le initoneti ma faitau i faasalalauga faapisinisi. Talanoa i tagata atamamai faapitoa ua iloa ituaiga o pisinisi o lo o e mafaufau iai. O nei taumafaiga o le a fesoasoani ia te oe e malamalama ai i le siosiomaga faapisinisi ma manatunatu ai i ni mea e ono fai ma faafitauli ma avanoa. O nei taumafaiga o le a fesoasoani ia te oe e malamalama ai i le siosiomaga faapisinisi ma manatunatu ai i ni mea e ono avea ma faafitauli ma avanoa.

Ua siomia i tatou e suiga ma o lo o tupu pea. E toatele tagata e fefefe i suiga. Ae peitai, o tagata faipisinisi faamanuiaina latou te faafetaiaia suiga aua e maua ai e i latou le avanoa e faaleleia ai manaoga e le i faamalieina ma foia ai faafitauli. Latou te mataitu pea ma faatalitali i suiga ma faiga. Latou te faatino vave nei avanoa.

O nisi o suiga e popole iai le aufaipisinisi e aofia ai:

• Fesuiaiga o mea e nonofo ai tagata. E iai fesuiaiga o le aofai o tagata e faalagolago i itupa, tausaga, ituaiga, nuu, lotu, gagana, totogi, aoaoina, ma isi mea.

• Suiga faamalosi o tulafono ma aiaiga a le malo O nei tulaga e mafua mai i tulafono, aiaiga, po o faatonuga mai malo po o isi puleaga.

• Suiaiga faatekinolosi. O mea fou auilima nei lea e faaleleia ai atoatoa po o le ausia ai o isi penefiti.

• Suiga faaleaganuu. O lo o iai fesuiaiga o mea faatauaina, masani, ma talitonuga o vaega e aafia ai amioga.

Ua tuuina mai ia i tatou uma lava ni meaalofa mai lo Tatou Tama i le Lagi (tagai MF&F 46:11). O tagata faipisinisi faamanuiaina e masani ona latou tuliloaina pisinisi e ogatasi ma a latou meaalofa, taleni, ma mea e alolofa ma fiafia iai. O lo latou fiafiaga muamua e masani e le o tupe; ae o lea, o le foia o faafitauli po o le faamalieina o se manaoga ua latou popole e tausia. O nei tagata faipisinisi e faaalu o latou taimi paganoa e mafaufau ai ia latou pisinisi aua ua loloto i o latou popolega e tausi ai le faia o ni suiga lelei. O le lagona o le faamoemoe e faatupulaia ai le tautinoga i mea silisili ma le maoae i le pisinisi -- ma le malosiaga ma le taumafai i taimi faigata.

O tagata faipisinisi faamanuiaina e masani ona maua aafiaga i le galulue ai i le alamanuia o a latou pisinisi, galulue ai i alamanuia talafeagai, po o le faaaogaina o le auaunaga po o oloa gaosi o le alamanuia. O lenei aafiaga e masani ona maua ai e tagata faipisinisi le poto o le tauvaga, sootaga taua, ma le malamalama i faafitauli ma manaoga e le i faamalieina o tagata faatau.

“Manaoga e le i Faamalieina,” o lo o maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.)

O pisinisi uma lava e iai avanoa e tauva ai, o lea e manaomia e lau pisinisi se tulaga faatauva e maua ai se tupe mama ma tausia tagata faatau. Ina ia maua se tulaga faatauva, e manaomia e lau pisinisi ona ese mai pe sili ae nai lo o e ua latou tauva. E masani ona faia e le tulaga faatauva se pupuni ulufale e faigata ai e i latou ua tauva ona kopi lau auaunaga po o se oloa gaosi.

“Tulaga Faatauva,” o loo maua i le srs.lds.org/videos (A e a pe a le maua le vitio? Faitau le tusiga o lo o maua i le faaiuga o lenei vaega.)

O le a se mea na e aoaoina mai lenei vitio e uiga i le maua o le tulaga faatauva atonu ua ia te oe?

O a tulaga faatauva ua e iloa i pisinisi o le lotoifale?