Taiala o le Atinaega o Faiaoga

O lenei taiala o le atinaega ua tuuina atu ai fautuaga mo taitai faamaopoopo ma taitai o polokalama e fesoasoani ai i faiaoga seminare e faamaea le Aoaoga o Mataupu Aoaoina a le Seminare ma saunia ai mo se atinaega faaopoopo. Ua mamanuina e fesoasoani ai i faiaoga e aoao ai mai lea taimi i lea taimi, lea e mafai ona fesoasoani ia i latou ia aua nei lagonaina le lofituina.

Mafaufau e fatu se fuafuaga e fesoasoani ai i faiaoga fou e faamaea aoaoga faamasani ma fesoasoani i isi faiaoga pe a manaomia. E mafai ona oo atu lenei mea i fonotaga faafaiaoga e tele atu faalemasina pe fetuunai i manaoga o faiaoga taitoatasi. A o e mafaufau i le taimi o nei fautuaga, e taua le le lagonaina e faiaoga o le faamalosia e agai vave atu i laasaga taitasi. Vaavaai mo ni auala e faatulaga ai se saoasaoa talafeagai e fausia ai le tomai o ou faiaoga.

Ae Latou Te Lei Amata Aoao Atu

Valaaulia faiaoga e faitau ma mulimuli i faatonuga o loo i le “Taiala e Amata Vave Ai.”
Fesoasoani ia latou iloa le auala e auai ai.

Laasaga 1

Valaaulia faiaoga e faaaoga le mataupu aoaoina o le seminare e ala i le mulimuli ma le toto’a i lesona e pei ona otooto atu.
Faatulaga se taimi e talanoaina ai soo se fesili atonu o ia i latou e uiga i le mataupu aoaoina ma iloilo pe o a mai i latou.

Laasaga 2

Valaaulia i latou e faamaea le “Aoaoga mo Lesona mo Sauniuniga o le Olaga.”
Faatulaga se taimi e talanoaina ai soo se fesili atonu o ia i latou e uiga i le auala e aoao atu ai lesona mo Sauniuniga o le Olaga.

Laasaga 3

Valaaulia i latou e faamaea le “Aoaoga o le Atamai i Aoaoga Faavae.”
Faatulaga se taimi e talanoaina ai soo se fesili atonu o ia i latou e uiga i le auala e fesoasoani ai i tagata aoga ia ausia le atamai i aoaoga faavae.

Laasaga 4

Valaaulia i latou e faamaea le “Aoaoga o le Iloiloga.”
Faatulaga se taimi e talanoaina ai soo se fesili atonu o ia i latou e uiga i le Iloilo au lesona e Aoao ai poo auala e fesoasoani ai i tagata aoga ia maua togi o le kosi mo le iloiloga.

Laasaga 5

Valaaulia i latou e faamaea le “Faaaogaina ma le Fetuunaiga o Aoaoga o Mataupu Aoaoina a le Seminare.” O lea la ua folasia atu i faiaoga ni lesona eseese i le mataupu aoaoina ma ua i ai se poto masani i le taliaina o i latou, atonu o le a sili atu ona mafai e faiaoga ona fetuunai ma le talafeagai ia mataupu aoaoina.
Faatulaga se taimi e talanoaina ai soo se fesili atonu o ia i latou e uiga i le auala e talia ai ona fetuunai lea ma le talafeagai o mataupu aoaoina a le seminare.

Laasaga 6

Saunia se fuafuaga mo le atinaega faaopoopo o le faiaoga a o e fuaina, faamatala, aoao, ma iloilo o latou tomai.