Taiala e Amata Vave Ai

1. Suesue le faatomuaga i le Tusi Lesona a le Faiaoga Seminare. Faamasani oe lava i nisi o meafaigaluega o loo aofia i le tusi lesona, e pei o le Sini Faamoemoeina o Seminare ma Inisitituti o Mataupu Faalelotu (S&I).

2. Ia maua mai se taiala o le saoasaoa mai lau taitai faamaopoopo o le S&I po o le taitai o le polokalama mo le faasologa o le seminare i le lotoifale.

3. Faaaoga le taiala lenei o le saoasaoa e faailoa ai le lesona e sosoo ai o le a e aoao atu.

O lenei tusi lesona ua faatulagaina i ni vaega autu se lua:

1. Lesona o le Kosi o Tusitusiga Paia, lea e o faatasi ma anomea mo suesuega o le Sau, Mulimuli Mai ia te A’u mo vaiaso taitasi.

2. Lesona mo Sauniuniga o le Olaga, ua mamanuina e fesoasoani i tamaiti aoga e saunia ai mo tulaga faigata o loo feagai ma i latou i le taimi nei pe e le o toe mamao ona feagai lea.

O vaiaso taitasi o le Sau, Mulimuli Mai ia te A’u ma le vaega o Sauniuniga mo le Olaga o loo i ai se vaaiga aoao. O le vaaiga aoao e aofia ai:

1. Faamoemoega o le lesona.

2. Manatu mo sauniuniga a tamaiti aoga.

3. O anomea mai le lesona e ono manaomia ai se faasilasilaga maualuga atu e saunia ai, e pei o manatu faatino o lesona, pepa e tufa atu fautuaina, ata, ma vitio.

E mafai e se vasega seminare masani ona mulimuli i se lisi o mataupu e pei o lea:

1. Faafeiloai atu i tagata aoga (2–3 minute)

2. Faigalotu (8–10 minute)

   1. Viiga

   2. Tatalo amata

   3. Mafaufauga faaleagaga e ala i se tagata aoga po o se iloiloga o le atamai i aoaoga faavae

3. Lesona

4. Tatalo faaiu

O le a e maua avanoa i le lumanai mo aoaoga faaopoopo. Mo le taimi nei, amata ona faamasani i au tamaiti aoga ma faamasani oe lava i le mataupu aoaoina.