“Ko Hono Kumi ʻa e ʻUhinga ʻo e Ngaahi Foʻi Leá mo e Kupuʻi Leá,” Ngaahi Taukei Ako Folofolá (2024)
Ko Hono Kumi ʻa e ʻUhinga ʻo e Ngaahi Foʻi Leá mo e Kupuʻi Leá
Fakaʻuhingaʻí
Te ke lava ʻo fakaʻaliʻali ha ngaahi foʻi lea pe kupuʻi lea mei he ngaahi potufolofolá ʻe ngali faingataʻa ke mahino ki hoʻo kau akó. Fakamatalaʻi ange ʻe lava ke tokoni hono kumi ʻa e ʻuhinga ʻo e ngaahi foʻi leá mo e kupuʻi leá ke mahino lelei ange kiate kitautolu ʻa e folofolá pea mo e ngaahi moʻoni ʻoku nau akoʻi maí.
Fakaʻaliʻali ʻa e lisi ko ʻeni ʻo e ngaahi maʻuʻanga tokoni ʻe lava ke fakaʻaongaʻi ʻe he kau akó ke kumi e ʻuhinga ʻo e ngaahi foʻi lea mo e kupuʻi lea ʻi he folofolá. Kapau ʻe fiemaʻu, fakaʻaliʻali ki he kau akó ʻa e founga ke maʻu ai ʻa e ngaahi maʻuʻanga tokoni ko ʻení.
-
Ngaahi Tikisinalí
-
Founga fakaʻuhingaʻi (Define) ʻi he Gospel Library
-
ʻŪ futinoutí
Fakatātaaʻi
Te ke lava ʻo fakaʻaongaʻi ha maʻuʻanga tokoni ʻe taha pe lahi ange mei he ngaahi maʻuʻanga tokoni ko ʻení pe ko haʻo maʻuʻanga tokoni pē ʻaʻau ke fakatātaaʻi ʻa e taukei ko ʻení.
Tikisinalí pe Founga Fakaʻuhingaʻi (Define) ʻi he Polokalama Gospel Library
Lau ʻa e ʻĪsaia 7:14, pea kumi ʻa e foʻi lea ko e “ʻImanuela.” Kumi ʻa e “ʻImanuelá” ʻi ha tikisinali pe ʻi hoʻo telefoní, pea lau ʻa e fakaʻuhingá. Hili iá pea fakatātaaʻi ʻa e founga hono fakaʻaongaʻi ʻo e Fakaʻuhinga (Define) ʻi he polokalama Gospel Library ʻaki hano fakaʻilongaʻi ʻa e foʻi lea “ʻImanuela” ʻi he ʻĪsaia 7:14. Ko e taimi pē ʻe ʻasi mai ai ʻa e toolbar, lomiʻi ʻa e fakaʻilonga Define ke fekumi ʻi ha tikisinali he ʻinitanetí.
ʻŪ futinoutí
Fakahinohino ki he Ngaahi Folofolá
Fakaʻaliʻali ki he kau akó ʻa e founga ke kumi ai ʻa e “ʻImanuelá” ʻi he Fakahinohino ki he Ngaahi Folofolá, ʻa ia ʻokú ne fakamatalaʻi ʻa e foʻi leá ko e “ʻOtuá ʻiate kitautolu.”
Vahevahe mo e kau akó ʻa e meʻa ʻoku akoʻi mai ʻe he ʻuhinga ʻo e ʻImanuelá fekauʻaki mo Sīsū Kalaisí.
Fakaangaanga
Fili ha potufolofola mei he folofola ke laukonga he uike ní, pe fili mei he ngaahi potufolofola ʻoku hiki atu ʻi laló. Fakaafeʻi ʻa e kau akó ke nau ako ʻa e potufolofolá pea fakaangaanga hono kumi ʻa e ʻuhinga ʻo e ngaahi foʻi lea mo e ngaahi kupuʻi lea ʻoku ʻikai mahino kiate kinautolú. Fakaafeʻi ʻa e kau akó ke nau fevahevaheʻaki ʻa e ngaahi meʻa ko ʻení mo hanau hoa pe fakakulupu iiki:
-
Ko e ʻuhinga naʻa nau maʻu ki ha foʻi lea pe kupuʻi lea pea mo e founga naʻa nau maʻu ai iá.
-
Ko e founga ʻoku tokoni ai hono ʻiloʻi e ʻuhinga ko ʻení ke mahino lelei ange kiate kinautolu ʻa e potufolofolá pe ko ha foʻi moʻoni ʻokú ne akoʻi
Ngaahi potufolofola lahi ange ke fakaangaangá:
|
Foʻi lea: liliu | |
|
Kupuʻi lea: toʻo hake ʻene ʻakau mafasiá. Kapau ʻoku fiemaʻu tokoni ʻa e kau akó, fakahinohino kinautolu ki he Liliu ʻa Siosefa Sāmitá, Mātiu 16:26. | |
|
Kupuʻi lea: fuʻu siasi lahi mo fakalielia | |
|
Foʻi lea: ngaahi meʻa lilo |
Fakaafe pea Toe Vakaiʻi
Poupouʻi ʻa e kau akó ke tuku ha taimi ʻi he lolotonga ʻenau ako folofolá ke kumi e ʻuhinga ʻo e ngaahi foʻi lea mo e kupuʻi lea ʻoku ʻikai mahino kiate kinautolú. Fakaafeʻi ʻa e kau akó ke nau ōmai mateuteu ki he kalasi hokó ke vahevahe ʻa e founga naʻe tākiekina ai ʻe he fakaʻaongaʻi ʻo e taukei ko ʻení ʻa ʻenau ako folofola fakatāutahá. ʻOange ha taimi ke nau vahevahe ai ʻa e ngaahi ʻuhinga naʻa nau maʻu ki he ngaahi foʻi leá mo e kupuʻi leá pea mo e founga naʻe tokoni ai ʻa hono maʻu ha mahino ki he ngaahi ʻuhinga ko ʻení ke mahino lelei ange ʻa e folofolá. Kumi ha ngaahi faingamālie ke hokohoko atu ai hono fakaangaanga ʻa e taukei ko ʻení ʻi he kalasí.