Unsaon Nako nga Makaapil sa Simbahan samtang anaa sa Probation o Parole?

Adunay daghang paagi nga ang mga indibidwal nga anaa sa probation o parole makatagamtam sa mga panalangin sa ebanghelyo ug molambo paingon sa Manluluwas. Ang mga lider sa Simbahan gihatagan og mga instruksiyon kon unsaon sa pagtabang. (Tan-awa sa Kinatibuk-ang Tamdanan nga Basahon, kapitulo 32.) Kontaka ang imong bishop o presidente sa branch nga motabang nimo sa pagplano ug sa pagbati og kakomportable. Siya moabiabi nimo ug motabang sa paggiya nimo. Aron matabangan ang imong lider nga makasabot kon unsaon sa pagtabang nimo, ipasabot sa hingpit ang imong sitwasyon, lakip na ang bisan unsang legal nga mga restriksiyon nga kinahanglan nimong sundon. Ang imong bishop o presidente sa branch motino sa mga lakang nga angay nimong sundon sa dili pa motambong sa mga miting sa Simbahan ug moestablisar og mga lagda sa imong pag-apil. Kon ang mga pribilihiyo sa imong pagkamiyembro kanhi adunay restriksiyon, ang imong bishop o presidente sa branch motino kon kanus-a ka makabalik sa hingpit nga pag-apil. Usab, hibaloi nga ang pipila sa legal nga mga opisyal, sama sa mga opisyal alang sa parole o probation, mahimong mobutang og mga restriksiyon kon kanus-a ka makatambong sa simbahan.