Unsaon Nako nga Makabarog pinaagi sa Kinaugalingong Paningkamot?

Ang pagkahimong makabarog pinaagi sa kinaugalingong paningkamot nagpasabot nga makasangkap ka sa imong nag-unang mga panginahanglan nga walay tabang gikan sa uban. Nagpasabot usab kini nga naningkamot ka sa pagkat-on og bag-ong mga kahanas sa pagpalambo sa imong kinabuhi. Samtang nakigtambabayong ka sa mga lider ug sa mga miyembro sa Simbahan, tudloan ka nila sa pipila ka paagi nga ang Simbahan makatabang. Hinuon, ang Simbahan wala mag-inusara sa paghatag og mga kapanguhaan ug mga programa sa pagtabang sa mga tawo nga mahimong makabarog pinaagi sa kinaugalingong paningkamot. Daghang grupo sa komunidad ang naghatag og tabang ngadto sa kanhi nabilanggo nga mga indibidwal.

Ang pagpangita og trabaho tingali mahagiton. Pagkat-on sa pagsulti sa dayag ug matinuoron nga paagi mahitungod sa imong kagikan. Pangayo og tambag gikan sa mga lider sa Simbahan ug sa mga tigsangkap og pagtambal mahitungod kon unsaon sa pagpangita og trabaho. Paghatag og akses sa potensiyal nga mga employer ngadto sa imong bag-ohay nga mga ebalwasyon sa pagtambal ug mga sumada sa imong kalamboan ug kaandam sa pagpanarbaho.