សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
  - មេរៀនទី ១
    បុព្វកថានៃព្រះគម្ពីរសញ្ញាចាស់
  - មេរៀនទី ២
    ផែនការនៃសេចក្តីសង្គ្រោះ—ព្រះអង្គសង្គ្រោះគឺជាតួអង្គសំខាន់នៃផែនការរបស់ព្រះវរបិតា
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

បុព្វកថានៃព្រះគម្ពីរសញ្ញាចាស់

« បុព្វកថានៃព្រះគម្ពីរសញ្ញាចាស់ » សៀវភៅសិក្សាព្រះគម្ពីរសញ្ញាចាស់សម្រាប់សិស្សថ្នាក់សិក្ខាសាលា ( ឆ្នាំ២០២៦ )

សូមស្វាគមន៍មកកាន់ព្រះគម្ពីរសញ្ញាចាស់ ៖ មេរៀនទី ១

បុព្វកថានៃព្រះគម្ពីរសញ្ញាចាស់

ព្រះគម្ពីរសញ្ញាចាស់ថ្លែងទីបន្ទាល់អំពីព្រះវរបិតាសួគ៌ដែលតែងមានព្រះទ័យយកចិត្តទុកដាក់ និងអំពីព្រះយេស៊ូវគ្រីស្ទ

សូមមើល « ការសិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

មនុស្សជាច្រើនសន្មតថា ព្រះគម្ពីរសញ្ញាចាស់មិនបង្រៀនអំពីព្រះយេស៊ូវគ្រីស្ទទេ ។ ដោយសារតែព្រះគម្ពីរដែលបានស្តារឡើងវិញ និងព្យាការីសម័យទំនើប ទើបយើងដឹងថា វាពិតជាបង្រៀនអំពីទ្រង់ និងតួនាទីរបស់ទ្រង់ជាព្រះអង្គសង្គ្រោះនៃពិភពលោកនេះ ។ ដំណើររឿងព្រះគម្ពីរសញ្ញាចាស់បង្ហាញពីរបៀបដែលព្រះពាក់ព័ន្ធយ៉ាងខ្លាំងនៅក្នុងជីវិតរបស់បុត្រាបុត្រីទ្រង់ ។ មេរៀននេះអាចជួយអ្នកឲ្យបង្កើនបំណងប្រាថ្នារបស់អ្នក ដើម្បីខិតទៅកាន់តែជិតព្រះ ខណៈពេលកំពុងសិក្សាព្រះគម្ពីរសញ្ញាចាស់ ។

សិក្សាគោលលទ្ធិ

អ្វីដែលយើងជ្រើសរើសផ្តោតលើ អាចធ្វើឲ្យមានភាពខុសគ្នាខ្លាំងនៅក្នុងជីវិតរបស់យើង ។ តើអ្នកធ្លាប់ខកខានអ្វីមួយដែលសំខាន់ ដោយសារការផ្តោតលើរឿងខុសដែរឬទេ ? ប្រសិនបើមាន សូមមើលវីដេអូ « Focus Test » ចាប់ពីនាទីទី ០:០០ ដល់ ០:២២ ។ នៅពេលអ្នកមើល សូមផ្តោតថា តើក្រុមពណ៌សបានបោះបាល់ចំនួនប៉ុន្មានដង ។

1:2

តើអ្នករាប់ឃើញបាល់បោះបានប៉ុន្មានដង ? តើអ្នកបានសង្កេតឃើញមានអ្វីផ្សេងទៀតដែលកើតឡើងនៅក្នុងវីដេអូនេះដែរឬទេ ? បើឃើញ តើជាអ្វី ?

សូមមើលវីដេអូដែលនៅសេសសល់ ។ លើកនេះ សូមរកមើលស្ដ្រីចំណាស់ម្នាក់ដែលកំពុងរាំ នីនចា ការបោះបាល់ និងក្រុមពណ៌ខ្មៅដែលកំពុងពាក់មួក ។ ប្រសិនបើមិនមានវីដេអូនេះទេ សូមគិតអំពីគ្រាមួយក្នុងអតីតកាល នៅពេលដែលការផ្តោតលើរឿងខុសបណ្តាលឲ្យអ្នកមានបញ្ហា ។

ហេតុអ្វីបានជាវាងាយម៉្លេះ នៅក្នុងការខកខានព័ត៌មានលម្អិតសំខាន់ៗ ? តើការណ៍នេះអាចដូចជាអ្វីដែលមនុស្សមួយចំនួនបានជួបប្រទះ នៅពេលអានព្រះគម្ពីរសញ្ញាចាស់ដោយរបៀបណា ?

សូមអានសេចក្ដីថ្លែងការណ៍ខាងក្រោមនេះពីអែលឌើរ ម៉ៃឃែល ធី រីងវូដ ក្នុងពួកចិតសិបនាក់ អំពីការផ្ដោតនៃព្រះគម្ពីរសញ្ញាចាស់ ។

យើងសំខាន់នៅក្នុងផែនការរបស់ព្រះវរបិតាសួគ៌ ហើយក៏ជាហេតុនាំឲ្យមានបេសកកម្មរបស់ព្រះអង្គសង្គ្រោះដែរ ។ …

… ពីមួយជំពូកទៅមួយជំពូក [ នៃព្រះគម្ពីរសញ្ញាចាស់ ] យើងរកឃើញឧទាហរណ៍អំពីរបៀបដែលព្រះវរបិតាសួគ៌ និង [ ព្រះយេស៊ូវគ្រីស្ទ ] ភ្ជាប់យ៉ាងជិតស្និទ្ធនៅក្នុងជីវិតយើង ។ ( « ដ្បិតព្រះទ្រង់ស្រឡាញ់យើងដល់ម៉្លេះ » លីអាហូណា ខែឧសភា ឆ្នាំ២០២២ ទំព័រ៨៨ )

ខណៈដែលព្រះយេស៊ូវគ្រីស្ទគឺជាអង្គដ៏សំខាន់នៅក្នុងព្រះគម្ពីរសញ្ញាចាស់ មនុស្សមួយចំនួនពិបាកនឹងមើលឃើញវត្តមានរបស់ទ្រង់ ដោយសារតែព្រះនាម « ព្រះយេស៊ូវគ្រីស្ទ » មិនបង្ហាញឡើងនៅក្នុងព្រះគម្ពីរនេះឡើយ ។

នៅពេលអ្នកសិក្សាព្រះគម្ពីរសញ្ញាចាស់ វានឹងសំដៅទៅលើព្រះអម្ចាស់ ឬព្រះយេហូវ៉ា ។ វាមានប្រយោជន៍ក្នុងការដឹងថា ព្រះយេហូវ៉ាគឺជាព្រះយេស៊ូវគ្រីស្ទ ។ ព្រះយេហូវ៉ាបានធ្វើតាមព្រះហឫទ័យរបស់ព្រះវរបិតាសួគ៌ក្នុងគ្រប់ការណ៍ទាំងអស់ ។ នៅពេលអ្នករៀនអំពីព្រះយេហូវ៉ា អ្នកក៏រៀនអំពីព្រះវរបិតាសួគ៌ ដែលបានដឹកនាំ និងប្រទានអំណាចដល់ទ្រង់ផងដែរ ។

ប្រធាន ដាល្លិន អេក អូក ក្នុងគណៈប្រធានទីមួយបានបង្រៀន ៖

ពីមុនការធ្លាក់ ព្រះវរបិតាសួគ៌យើងបានមានបន្ទូលដោយផ្ទាល់ទៅកាន់លោកអ័ដាម និងនាងអេវ៉ា ។ បន្ទាប់មក ព្រះវរបិតាបានណែនាំព្រះរាជបុត្រាបង្កើតតែមួយគត់របស់ទ្រង់ គឺព្រះយេស៊ូវគ្រីស្ទ ដែលជាព្រះអង្គសង្គ្រោះ និងព្រះប្រោសលោះរបស់យើង រួចទ្រង់បានបង្គាប់យើង « ចូរស្តាប់តាមទ្រង់ចុះ » ។ ចេញពីការណែនាំនេះ យើងសន្និដ្ឋានថា កំណត់ត្រាព្រះគម្ពីរអំពីព្រះបន្ទូលថ្លែងដោយ « ព្រះ » ឬ « ព្រះអម្ចាស់ » គឺសឹងតែជាព្រះបន្ទូលរបស់ព្រះយេហូវ៉ាជានិច្ច ជាព្រះអម្ចាស់ដ៏មានព្រះជន្មរស់ឡើងវិញរបស់យើង គឺព្រះយេស៊ូវគ្រីស្ទ ។ ( « ការបង្រៀនរបស់ព្រះយេស៊ូវគ្រីស្ទ » លីអាហូណា ខែឧសភា ឆ្នាំ២០២៣ ទំព័រ១០២ )

នៅពេលអ្នកសិក្សាព្រះគម្ពីរសញ្ញាចាស់ ការផ្ដោតរបស់អ្នកអាចកំណត់ថា តើបទពិសោធន៍របស់អ្នកនឹងមានអត្ថន័យខ្លាំងប៉ុនណាដែរ ។ ការផ្តោតលើរបៀបដែលព្រះយេស៊ូវគ្រីស្ទបានពាក់ព័ន្ធយ៉ាងជិតស្និទ្ធនៅក្នុងជីវិតរបស់យើង អាចជួយអ្នកឲ្យមានការសិក្សាដែលកាន់តែមានអត្ថន័យថែមទៀត ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមបំពេញជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យបង្កើនបំណងប្រាថ្នារបស់អ្នក ដើម្បីខិតទៅកាន់តែជិតព្រះ ខណៈពេលកំពុងសិក្សាព្រះគម្ពីរសញ្ញាចាស់ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

អ្វីដែលអ្នកបានរៀនអំពីការពាក់ព័ន្ធរបស់ព្រះនៅក្នុងជីវិតរបស់អ្នកចេញពីដំណើររឿងដែលអ្នកបានសិក្សា ។
របៀបដែលប្រធានបទដែលបានសង្កត់ធ្ងន់នៅក្នុងព្រះគម្ពីរសញ្ញាចាស់ បង្ហាញពីសេចក្តីស្រឡាញ់របស់ព្រះចំពោះបុត្រាបុត្រីរបស់ទ្រង់ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?