Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pagtuon sa mga Mensahe sa mga Sulugoon sa Ginoo: Paghimo sa mga Pulong sa mga Lider sa Simbahan nga Kabahin sa Inyong Pagtuon sa Ebanghelyo

“Pagtuon sa mga Mensahe sa mga Sulugoon sa Ginoo: Paghimo sa mga Pulong sa mga Lider sa Simbahan nga Kabahin sa Inyong Pagtuon sa Ebanghelyo,” Manwal sa Magtutudlo sa Seminary sa Daang Tugon (2026)

“Pagtuon sa mga Mensahe sa mga Sulugoon sa Ginoo: Paghimo sa mga Pulong sa mga Lider sa Simbahan nga Kabahin sa Inyong Pagtuon sa Ebanghelyo,” Manwal sa Magtutudlo sa Seminary sa Daang Tugon

Mga Pagtulun-an sa mga Lider sa Simbahan: Leksiyon 206

Pagtuon sa mga Mensahe sa mga Sulugoon sa Ginoo

Paghimo sa mga Pulong sa mga Lider sa Simbahan nga Kabahin sa Inyong Pagtuon sa Ebanghelyo

Young Vietnamese woman wearing eyeglasses, writing and studying scriptures while watching General Conference. (horiz)

Sa unsang paagi ang mga mensahe sa mga sulugoon sa Ginoo nakapanalangin sa inyong kinabuhi? Ang pagtuon sa mga pulong sa Ginoo nga gihatag sa mga lider sa Iyang Simbahan nakatabang kanato nga madungog ang tingog sa Ginoo. Kini nga leksiyon makatabang sa mga estudyante nga ilakip ang pagtuon sa mga mensahe sa Ginoo nga gihatag sa Iyang mga sulugoon isip kabahin sa ilang personal nga pagkat-on sa ebanghelyo.

Pagpangandam sa estudyante: Dapita ang mga estudyante sa paghunahuna sa pipila ka mga panalangin nga ilang nadawat samtang ilang gitun-an ang bag-ohay nga mga mensahe gikan sa mga lider sa Simbahan. Pwede usab silang mangutana sa usa ka sakop sa pamilya o lider sa lokal nga Simbahan alang sa mga panalangin nga ilang nasinati. Duna silay kahigayonan atol sa klase sa pagpakigbahin niini nga mga panalangin.

Posibleng mga Kalihokan sa Pagkat-on

Nganong tun-an ang mga mensahe sa mga lider sa Simbahan?

Sa pagsugod, ikonsiderar ang pagpakigbahin sa mosunod nga mga pamahayag ug pagdapit sa mga estudyante nga pribadong susihon ang ilang mga paningkamot sa pag-apil sa kinatibuk-ang komperensiya.

Samtang inyong susihon ang duha ka pamahayag sa ubos, pwede ba nimong ihulagway ang matag usa isip “tinuod para nako” o “dili tinuod para nako”?

Nagtan-aw ko sa kinatibuk-ang komperensiya.
Akong gibasa ug gitun-an ang mga pakigpulong human sa kinatibuk-ang komperensiya.

Human ang mga estudyante dunay higayon sa pagpamalandong, pasaligi sila nga ang katuyoan sa pagtimbang-timbang sa kaugalingon usa ka oportunidad alang nila nga matimbang-timbang kon unsa ang ilang nahimo ug asa sila mahimong molambo.

Sa kataposan sa kinatibuk-ang komperensiya, si Presidente Russell M. Nelson mitudlo:

Manghinaot ko nga balikbalikon ninyo sa pagtuon ang mga mensahe niini nga komperensiya sa tanang umaabot nga mga bulan. (“Magmaya sa Gasa sa mga Yawe sa Pagkapari,” Liahona, Mayo 2024, 119)

Ngano kaha nga importante ang pagtuon sa mga mensahe sa kinatibuk-ang komperensiya?
Ngano kaha nga lisod alang sa mga tin-edyer ang pagtuon niini nga mga mensahe? Unsay mga babag nga inyong nasinati, o tingali inyong masinati, samtang magtinguha kamo sa regular nga pagtuon niini nga mga mensahe?

Samtang ang mga estudyante mopakigbahin, mahimo nimong ilista diha sa pisara ang pipila ka mga babag nga ilang gihisgotan. Pwede nimong gamiton kini nga lista unya sa leksiyon.

Samtang magtuon kamo karon, dapita ang Espiritu Santo nga tabangan kamo nga mailhan kon nganong importante ang pagtuon niini nga mga mensahe. Mahimo kamong mangita og mga paagi nga ang Langitnong Amahan ug si Jesukristo makatabang ninyo nga mabuntog ang bisan unsang babag nga makahimo niining mahagiton sa paglakip niining mga mensahe sa inyong personal nga pagtuon sa ebanghelyo.

Ang mga propeta namulong sa mga pulong sa Ginoo

Aron matabangan ang mga estudyante nga masabtan kon nganong importante kaayo ang pagtuon sa mga mensahe sa mga sulugoon sa Ginoo, mahimo nimong dapiton sila sa pagtuon sa tawag ni Ezequiel nga mahimong usa ka propeta atol sa panahon sa apostasiya sa Israel. Mahimong tun-an sa mga estudyante ang tawag ni Ezequiel nga mahimong usa ka “magbalantay sa tore” (tan-awa sa Ezequiel 3:16–17) sa Leksiyon 138: “Ezequiel 1–3; 33”. Kon ang mga estudyante wala pa niini nga leksiyon, mahimo nimong ipakigbahin ang mosunod nga summary.

Kauban sa daghang ubang mga Israelita, si Ezequiel gidakop ug gidala ngadto sa Babelonia. Samtang gibihag, giduaw siya sa Ginoo ug gitawag aron mahimong usa ka propeta (tan-awa sa Ezequiel 1–2).

Basaha ang Ezequiel 3:4, 10–11, 27, nga mangita sa mga instruksiyon sa Ginoo ngadto sa Iyang propeta.

Unsa ang atong makat-onan mahitungod sa tahas sa propeta sa Ginoo?

Pwede nimong ipasabot ang mga hugpong sa mga pulong nga “mamati man sila o dili” sa bersikulo 11 ug “ang buot mamati, papamatia” sa bersikulo 27. Ipakigbahin nga ang Ginoo naghatag sa Iyang katawhan sa pagpili nga maminaw sa Iyang mga pulong pinaagi sa Iyang mga propeta ug kadtong Iyang gitawag sa pagpangulo.

Mahimo dayon nimong isulat ang mosunod nga dili kompleto nga kamatuoran diha sa pisara: Samtang kita mopili nga maminaw sa mga pulong sa Ginoo nga gihatag sa Iyang mga sulugoon, Siya mo …

Dapita ang mga estudyante nga kompletohon kini nga hugpong sa mga pulong isip usa ka baroganan, gamit ang mosunod nga pamahayag gikan ni Presidente Nelson.

Si Presidente Russell M. Nelson mipakigbahin og pipila sa mga panalangin nga gisaad sa Manluluwas niadtong kinsa makadungog (maminaw), mopatalinghog (andam nga mosunod), ug mamati (mosunod diha sa hugot nga pagtuo) sa mga pagtulun-an sa Manluluwas nga gihatag sa Iyang mga sulugoon:

24:24

[K]ita maminaw Kaniya samtang kita mamati sa mga pulong sa mga propeta, mga manalagna, ug mga tigpadayag. Ang naordinahan nga Apostoles ni Jesukristo kanunay nga nagpamatuod Kaniya. Sila nagtudlo sa dalan samtang kita nagsubay sa malisod nga dalan sa atong mortal nga mga kasinatian.

Unsay mahitabo kon kamo maminaw pag-ayo, mopatalinghog, ug mamati unsay gisulti sa Manluluwas ug unsay Iyang gisulti pinaagi sa Iyang mga propeta? Ako mosaad nga kamo mapanalanginan og dugang gahom sa pag-atubang sa tintasyon, mga pakigbisog, ug kahuyang. Ako mosaad og mga milagro sa inyong kaminyoon, mga relasyon sa pamilya, ug inadlaw nga trabaho. Ug ako mosaad nga ang inyong kapasidad sa pagbati og hingpit nga kalipay madugangan bisan kon ang unos magkadaghan sa inyong kinabuhi. (“Paminaw Kaniya,” Liahona, Mayo 2020, 90) (time code 13:07 hangtod 14:16)

Unsa nga gisaad nga mga panalangin ang imong nadiskobrehan?

Ang mga estudyante mahimong makaila nga ang Manluluwas:

Motultol sa atong dalan pinaagi sa malisod nga agianan sa atong mortal nga mga kasinatian.
Mopanalangin kanato sa Iyang gahom sa pagbuntog sa tentasyon, mga panlimbasog, ug mga kahuyang.
Mopadala og mga milagro sa atong mga pamilya ug inadlaw nga buluhaton.
Mopalambo sa atong kapasidad nga mabati ang kalipay bisan kon nagkadako ang kagubot sa kinabuhi.

Ikonsiderar ang pagdapit sa mga estudyante sa pagpakigbahin sa bisan unsang ubang mga panalangin nga ilang nakita tungod sa ilang mga paningkamot sa pagtuon sa mga pulong sa Manluluwas ug idugang kini ngadto sa lista diha sa pisara. Ang mga estudyante mahimong makabenepisyo sa pag-ila sa pipila ka paagi nga kining gisaad nga mga panalangin makatabang sa mga tin-edyer. Sa paghimo niini, pwede nimong bahinon sa gagmayng grupo ang mga estudyante aron hisgotan ang mosunod:

Sa pagtan-aw niining gisaad nga mga panalangin, paghunahuna og piho nga kahimtang diin usa niining mga panalangin maktabang sa usa ka tin-edyer.

Unsa ang mahimo nimong ipakigbahin aron matabangan ang mga tin-edyer nga magtuon sa mga mensahe sa mga lider sa Simbahan kon sila nanlimbasog sa pagbuhat sa ingon?
Kanus-a kamo o ang usa ka tawo nga inyong kaila nakasinati niini nga mga panalangin?

Palamboa ang inyong pagtuon sa mga mensahe sa Ginoo

Ikonsiderar ang pagdapit sa mga estudyante nga mainampoong pilion ang usa o daghan sa gisaad nga mga panalangin diha sa pisara nga gusto nilang madawat sa ilang kinabuhi ug isulat kini diha sa ilang journal sa pagtuon.

Pwede nimong i-refer ngadto sa lista sa mga babag nga mahimong masinati sa mga tin-edyer nga ilang gihimo bag-ohay lang sa leksiyon. Mahimong mopili ka og usa ka babag ug mangutana sama sa mosunod:

Unsa nga tambag ang imong ihatag sa pagtabang sa usa ka tawo nga mabuntog kini nga babag?

Ikonsiderar ang pagdapit sa mga estudyante sa paghunahuna kon sa unsang paagi ilang malakip ang pagtuon sa mga mensahe sa mga lider sa Simbahan diha sa ilang kinabuhi. Pasaligi sila nga dili kini magkinahanglan og dakong oras. Ipakigbahin ang pipila sa mga ideya ngadto sa klase ug dapita ang mga estudyante sa pagpakigbahin og pipila nga nakatabang nila. Makakita ka og dugang nga digital nga mga kalihokan diha sa Dugang nga mga Kalihokan sa Pagkat-on sa online nga bersiyon niini nga manwal.

Paghunahuna og usa ka paagi nga para ninyo mahimo ninyong ilakip sa pagtuon sa mga mensahe sa mga lider sa Simbahan diha sa inyong personal nga pagtuon. Pagpili og usa sa mosunod nga mga ideya:

I-follow ang mga account sa social media sa mga lider sa Simbahan.
Tun-i ang usa ka pakigpulong o usa ka porsiyon sa pakigpulong isip kabahin sa inyong pagsimba sa Dominggo o sa usa o uban pang mga adlaw sa semana.
Paminaw sa usa ka pakigpulong samtang magbuhat og laing kalihokan sama sa pag-ehersisyo, pagsakay, o pagtrabaho.
Gamita ang feature sa Plano sa Pagtuon aron maghimo og plano sa pagtuon sa mga pakigpulong gikan sa labing bag-o nga kinatibuk-ang komperensiya o sa mga mensahe gikan sa kasamtangang Presidente sa Simbahan.
Gamita ang Citation Index sa Kasulatan kon mangita ka og kasulatan nga makahuloganon kaninyo sa inyong personal nga pagtuon sa kasulatan. Makita sa scriptures.byu.edu, kini nga index makatabang ninyo nga makita ang labing bag-o nga gigamit nga bersikulo sa kinatibuk-ang komperensiya. Mahimo ninyong i-link ang kinutlo sa bersikulo diha sa Librarya sa Ebanghelyo.
Paghimo og usa sa inyong kaugalingon.

Mahimo nimong awhagon ang mga estudyante sa pag-ampo alang sa tabang sa Langitnong Amahan samtang maningkamot sila sa pagtuon sa Iyang pulong nga gihatag sa Iyang mga sulugoon. Mahimo nimong ipakigbahin ang imong pagsaksi sa mga panalangin nga imong nadawat samtang naningkamot ka sa pagpalambo sa imong pagtuon sa mga mensahe sa mga sulugoon sa Ginoo. Ikonsiderar ang pag-follow up sa mga estudyante sa pipila ka semana, maghatag nila og kahigayonan sa pagpakigbahin sa ilang mga kalamposan ug mga panlimbasog.

Dugang nga mga Kapanguhaan

Unsa nga mga panalangin ang atong madawat tungod sa pagtuon sa mga mensahe sa mga lider sa Simbahan?

Si Elder D. Todd Christofferson sa Korum sa Napulog Duha ka Apostoles mitudlo:

14:21

Usa ka aspeto sa pagkamaisogon sa pagpamatuod ni Jesus mao ang pagpatalinghog sa Iyang mga mensahero. Ang Dios dili mopugos nato ngadto sa mas maayo nga dalan, ang dalan sa pakigsaad, apan mipahimangno Siya sa Iyang mga propeta nga pahibaloon gayod kita sa mga sangpotanan sa atong mga pagpili. Ug dili lamang ang mga miyembro sa Iyang Simbahan. Pinaagi sa Iyang mga propeta ug apostoles, mahigugmaon Siya nga nangamuyo ngadto sa tibuok kalibotan nga mopatalinghog sa kamatuoran nga mohimo nilang gawasnon, moluwas nila sa dili na kinahanglanon nga pag-antos, ug maghatag nila og malahutayon nga kamaya. (“Ang Pagpamatuod ni Jesus,” Liahona, Mayo 2024, 98) (time code 6:22 hangtod 7:00)

6:1

Awhagon ko kamo sa pagtuon kanunay sa mga mensahe niining komperensiya—gani balik-balikon—sulod sa mosunod nga unom ka bulan. Magmakugihon sa pagpangita og mga paagi sa paglakip niining mga mensahe sa inyong mga family home evening, sa inyong pagtudlo sa ebanghelyo, sa inyong mga panag-istorya sa pamilya ug sa mga higala, ug gani sa inyong mga diskusyon niadtong lahi nato og tinuohan. … Ug ang inyong tinguha sa pagsunod mapalambo samtang kamo maghinumdom ug mamalandong kon unsa ang inyong gibati sa milabayng duha ka adlaw. (“Magpadayon Tang Tanan,” Liahona, Mayo 2018, 118) (time code 6:22 hangtod 7:00) (time code 1:18 hangtod 1:59)

Asa ko makakita og ubang mga ideya aron motabang nako nga magtuon sa mga mensahe sa mga lider sa Simbahan?

“Learn Elder Bednar’s Pattern for Studying Conference Messages — Doctrine, Invitations, Blessings,” (Newsroom.ChurchofJesusChrist.org, Mar. 30, 2021)

“Studying General Conference,” (New Era, June 2013, 40–42)

Dugang nga mga Kalihokan sa Pagkat-on

Ang mga sulugoon sa Manluluwas mopakigbahin sa Iyang mensahe

Makatabang tingali ang pagpasabot nga ang mga sulugoon sa Ginoo nagpakigbahin sa Iyang mensahe nga mas kanunay ug sa daghan paagi kay sa kaniadto sa kasaysayan sa Iyang Simbahan. Mahimo nimong hangyoon ang mga estudyante sa pagpakigbahin og pipila ka paagi nga mga sulugoon sa Ginoo nagtudlo kanato ngadto ni Jesukristo.

Ang mga estudyante mahimong moila og mga debosyonal, face–to–face nga mga sibya, mga artikulo sa magasin sa Simbahan, ug mga post sa social media isip mga paagi nga ang mga lider sa Simbahan nagtudlo kanato ngadto sa Manluluwas. Mahimo nimong dapiton ang mga estudyante sa pagrebyo og usa sa mosunod nga mga kapanguhaan ug pagpili og mubo nga kinutlo nga ipakigbahin:

Ang labing bag-o nga edisyon sa kinatibuk-ang komperensiya sa Liahona
Mga summary sa pipila sa labing bag-o nga mga mensahe sa kinatibuk-ang komperensiya nga gikan sa Newsroom.ChurchofJesusChrist.org
Mga kopya sa artikulo “Recent Messages from Church Leaders,” gika sa kasamtangan nga Liahona o Alang sa Kalig-on sa mga Kabatan-onan nga mga magasin
Usa ka kopya sa usa o daghang bag-o nga mga mensahe gikan sa mga account sa social media sa mga lider sa Simbahan

Mahimo nimong dapiton ang mga estudyante sa pagpakigbahin sa kinutlo nga ilang gipili ug sa unsang paagi kini nga mensahe makatudlo sa usa ka tawo ngadto sa Langitnong Amahan ug ni Jesukristo.

Gamita ang Librarya sa Ebanghelyo sa paghimo og plano sa pagtuon

Mahimong makabenepisyo ang mga estudyante gikan sa paghimo sa ilang plano sa pagtuon diha sa Librarya sa Ebanghelyo. Ang mosunod nga mga instruksiyon makatabang kanila sa paghimo niini nga plano:

I-open ang home page sa Librarya sa Ebanghelyo ug i-scroll sa “Mga Plano sa Pagtuon.” Dayon iklik ang + nga button aron maghimo og bag-o nga plano. (Mahimong “I-edit” sa mga estudyante ang ilang home page aron malakip ang feature sa Mga Plano sa Pagtuon.)
Pilia ang Kinatibuk-ang Komperensiya ug dayon ang labing bag-o nga komperensiya makita.
I-on ang Maghimo og eskedyul, pagpili kon kapila ka higayon ang imong plano nga magtuon.
I-on ang Magdugang og pahinumdom sa pagtabang nimo nga maghimo og batasan sa pagtuon.
I-save ang plano sa pagtuon. Malista na kini diha sa Akong mga Plano nga seksiyon sa home page.

Magdugang og “Quote of the Day” sa imong home page sa Librarya sa Ebanghelyo

Ang mga estudyante mahimong modugang og feature nga “Quote of the Day” sa ilang home page sa Librarya sa Ebanghelyo aron makadawat og mensahe gikan sa mga lider sa Simbahan kada adlaw. Sa paghimo niini, ilang iklik ang Edit Home sa ubos sa screen ug pilion ang Quote of the Day nga feature. Mahimo nilang i-on ang Notipikasyon nga opsiyon, nga mopadala og usa ka alerto sa ilang mga selpon kon ang kinutlo ma-post.

Ang mga estudyante mahimong morebyo niini nga kinutlo nga kabahin sa ilang plano sa pagtuon.

Gamita ang social media sa pagtuon sa Pulong sa Dios pinaagi sa Iyang mga sulugoon.

Mahimong ilakip sa mga estudyante ang mga mensahe nga gihatag sa mga lider sa Simbahan pinaagi sa ilang mga account sa social media sa ilang plano sa pagtuon. Ang mosunod nga mga instruksiyon makatabang nila sa paghimo niini.

Human makita ang account sa social media, “I-follow” ang account, himoa kining usa ka “Favorite,” kon anaa.
Mahimong basahon sa mga estudyante pinaagi ang pipila ka post o thread. Dapita sila nga iklik ang Like o ang kasingkasing nga icon. Pwede usab nilang mag-post og “Komento” nga nagpahayag og pasalamat alang sa mensahe o nganong ilang nakita nga makahuloganon ang mensahe. Ang paghimo niini modugang sa pagkaklaro sa social medica nga mga account sa lider sa tibuok kalibotan, nagtabang sa pagpakatap sa mensahe sa Manluluwas.
Ang mga estudyante makahimo og “Push Notification” alang sa mga account nga ilang gipili. Kini mohimo og alerto sa ilang device kon dunay gihimo nga bag-o nga post.