Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Në Tempull, Ne Besëlidhim që t’i Bindemi Ligjit të Bindjes dhe të Sakrificës: Besëlidhja për t’iu Bindur Perëndisë dhe për të Bërë Sakrifica për Hir të Tij

“Në Tempull, Ne Besëlidhim që t’i Bindemi Ligjit të Bindjes dhe të Sakrificës: Besëlidhja për t’iu Bindur Perëndisë dhe për të Bërë Sakrifica për Hir të Tij”, Manuali i Mësuesit të Seminarit për Dhiatën e Vjetër (2026)

Përgatitja për në Tempull: Ligji i Bindjes dhe i Sakrificës: Mësimi 202

Në Tempull, Ne Besëlidhim që t’i Bindemi Ligjit të Bindjes dhe të Sakrificës

Besëlidhja për t’iu Bindur Perëndisë dhe për të Bërë Sakrifica për Hir të Tij

Ati Qiellor i do të gjithë fëmijët e Tij. Një nga mënyrat se si Ati Qiellor e demonstron dashurinë e Tij, është duke i ftuar fëmijët e Tij të bëjnë besëlidhje me Të në tempull. Këto besëlidhje përfshijnë premtimin tonë për t’iu bindur ligjit të bindjes dhe ligjit të sakrificës. Ky mësim mund t’i ndihmojë nxënësit të kuptojnë ligjet e bindjes dhe të sakrificës, të cilat besëlidhim gjatë dhurimit që t’i mbajmë.

Përgatitja e nxënësve: Ftojini nxënësit të mendojnë rreth kësaj pyetjeje përpara se të vijnë në orën mësimore: Si do ta bekojë jetën time bërja e besëlidhjeve shtesë me Atin Qiellor?

Veprimtari të Mundshme të të Mësuarit

Qëllimi i tempujve

Fillojeni këtë mësim duke i ndihmuar nxënësit të kuptojnë pse do të dëshironin të bënin besëlidhje me Atin Qiellor dhe Jezu Krishtin. Në vijim është një mënyrë për ta bërë këtë gjë. Mund të filloni duke përcaktuar disa rrethana sfiduese me të cilat njerëzit mund të përballen në jetë, që mund t’i bëjnë të distancohen nga Perëndia. Disa ide mund të jenë shkurorëzimi, sëmundja ose humbja e një vendi pune.

Pse disa rrethana sfiduese, me të cilat përballen njerëzit, i bëjnë ata që të distancohen nga Perëndia?
Pse është kaq vendimtare, në këto lloj rrethanash, që ne të qëndrojmë afër Perëndisë në vend që të distancohemi nga Ai?

Përsiat se si mund të përgatitemi për sfidat e jetës në mënyrë që të qëndrojmë afër Perëndisë dhe të marrim ndihmën dhe fuqinë e Tij.

Sillni në klasë tre llastikë për stërvitje. Ftoni tre nxënës të vijnë përpara klasës ose shfaqni imazhet shoqëruese dhe përshkruani se çfarë po ndodh. Vëreni llastikun e parë të stërvitjes rreth kyçeve të dorës së nxënësit të parë. Pastaj rrotullojeni llastikun e dytë të stërvitjes dy herë rreth kyçeve të dorës të nxënësit të dytë. Pastaj rrotullojeni llastikun e tretë të stërvitjes tri herë rreth kyçeve të dorës të nxënësit të tretë.

Ftojeni secilin nga tre nxënësit t’i tendosin duart për të parë se kush mund ta bëjë më lehtësisht. Ju gjithashtu mund të pyesni klasën se cili nga tre nxënësit mendojnë se mund ta heqë më kollaj llastikun e stërvitjes nga duart.

Përndryshe, mund të shfaqni materialin filmik “Stronger and Closer Connection to God Through Multiple Covenants” [“Lidhje më e Fortë dhe më e Afërt me Perëndinë nëpërmjet Besëlidhjeve të Shumta”], nga kodi kohor 4:13 deri në 5:44 ku Plaku Dejll G. Renland, i Kuorumit të Dymbëdhjetë Apostujve, e demonstroi këtë mësim me sende me dy të reja dhe një të ri në moshë madhore.

Çfarë mund të na mësojë ky mësim me sende rreth bërjes dhe mbajtjes së besëlidhjeve me Perëndinë?

Plaku Dejll G. Renland, i Kuorumit të Dymbëdhjetë Apostujve, tregoi se si bërja e besëlidhjeve me Perëndinë mund të na bekojë ne:

“Secila besëlidhje shton një lidhje, duka na afruar më shumë Perëndinë dhe duke e forcuar lidhjen tonë me Të.

… Kur përballemi me sfidat e jetës, gjasat për t’u distancuar me Perëndinë bien.” (“Stronger and Closer Connection to God Through Multiple Covenants”, [takim shpirtëror në Universitetin “Brigam Jang”, 5 mars 2024], f. 2, 3, speeches.byu.edu)

Ju mund t’u kërkoni nxënësve të përcaktojnë disa nga besëlidhjet që bëjmë me Perëndinë.

Ne bëjmë besëlidhje me Atin Qiellor në tempull si pjesë e dhurimit në tempull. Si pjesë e dhurimit, ne besëlidhim për të mbajtur ligjet e bindjes, sakrificës, ungjillit të Jezu Krishtit, dëlirësisë dhe përkushtimit (shihni te Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 27.2). Ky mësim përqendrohet te ligji i bindjes dhe ai i sakrificës.

Merreni parasysh t’i ftoni nxënësit të shkruajnë në ditarin e tyre sa vijon: Si pjesë e dhurimit në tempull, ne besëlidhim me Atin Qiellor dhe Jezu Krishtin për të jetuar ligjin e bindjes dhe ligjin e sakrificës.

Ligji i bindjes dhe ligji i sakrificës

Ajo që Mësova

Fryma e Shenjtë mund t’i pohojë të vërtetat që nxënësit mësuan, ndërsa japin përvoja dhe dëshmi. Ftojini nxënësit të tregojnë një përvojë vetjake ose të mendojnë për dikë që është shembull i bindjes ose gatishmërisë për të sakrifikuar për punën e Zotit. Mund të jetë e dobishme të tregoni një histori dhe dëshmi vetjake. Mund të përdoren pyetjet vijuese ndërsa nxënësit tregojnë përvoja, si pjesë e një diskutimi në klasë, ose që nxënësit t’u përgjigjen në ditarët e tyre të studimit.

Si mund të na ndihmojë bindja ndaj ligjit të bindjes dhe ligjit të sakrificës që të bëhemi më shumë si Jezu Krishti?
Si mund të na ndihmojë besëlidhja në tempull për t’iu bindur këtyre dy ligjeve, që të afrohemi me Perëndinë dhe ta forcojmë lidhjen tonë me Të?

Burime Shtesë

Çfarë është dhurimi që marrim në tempull?

“Dhurimi është një ceremoni fetare e administruar në tempujt e Kishës së Jezu Krishtit të Shenjtorëve të Ditëve të Mëvonshme. Ai është në dispozicion për anëtarët e rritur të Kishës që janë të përgatitur për këtë përvojë të shenjtë. Dhurimi mundëson udhëzime, besëlidhje dhe bekime të premtuara që ofrojnë fuqi, qëllim dhe mbrojtje në jetën e përditshme. Ai na mëson për krijimin e tokës, rënien e Adamit dhe Evës, planin e shëlbimit përmes Jezu Krishtit dhe udhëtimin tonë vetjak për t’u kthyer në praninë e Perëndisë. …

Përmes dhurimit, anëtarët e Kishës e thellojnë marrëdhënien e tyre të besëlidhjes me Perëndinë ndërsa premtojnë se do t’i ndjekin standardet e Tij të moralit, integritetit dhe shërbimit ndaj të tjerëve. Në këtë ceremoni të shenjtë, anëtarët e Kishës bëjnë besëlidhje “për të zbatuar ligjin e bindjes, ligjin e sakrificës, ligjin e ungjillit, ligjin e dëlirësisë dhe ligjin e përkushtimit” (Dejvid A. Bednar, “Të Përgatitur për të Fituar Çdo Gjë të Nevojshme”, Liahona, maj 2019, f. 103–104). Nderimi me besnikëri i këtyre premtimeve i ndihmon anëtarët e Kishës të bëhen shenjtorë përmes Shlyerjes së Krishtit. Dhurimi është një mënyrë se si Perëndia ia jep fuqinë e Tij popullit të Tij të besëlidhjes.” (Gospel Topics: Endowment [Tema të Ungjillit: Dhurimi])

Për informacion shtesë rreth Dhurimit, shihni te Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 27.2, Gospel Library [Biblioteka e Ungjillit].

Çfarë i tregon Perëndisë bindja ime ndaj urdhërimeve të Perëndisë?

“Tregojeni dashurinë për Perëndinë duke i zbatuar urdhërimet e Tij. Për shembull, duke e mbajtur të shenjtë ditën e Shabatit, përfshirë përgatitjen me besnikëri dhe marrjen e sakramentit, ju i tregoni Perëndisë se jeni të gatshëm t’i kushtoni Atij një ditë në javë. Kur agjëroni dhe paguani të dhjetat dhe ofertat, ju i tregoni Perëndisë se vepra e Tij është më e rëndësishme për ju sesa gjërat materiale. Kur i përdorni emrat e Perëndisë dhe të Krishtit me nderim, asnjëherë në një mënyrë të kotë apo të rastësishme, ju tregoni se jeni mirënjohës për gjithçka që Ata kanë bërë për ju.” (Për Forcën e Rinisë: Një Udhëzues për Bërjen e Zgjedhjeve [2022], f. 11–12)

Si zbatohet ligji i sakrificës në ditët tona?

Presidenti Dallin H. Ouks, i Presidencës së Parë, shpjegoi:

“Vuajtja e papërfytyrueshme e Jezu Krishtit, i dha fund sakrificës me anë të derdhjes së gjakut, por nuk i dha fund rëndësisë së sakrificës në planin e ungjillit. Shpëtimtari vazhdon të na kërkojë të bëjmë sakrifica, por sakrificat të cilat i urdhëron tani, janë që ne “t[’i] ofrojmë për fli një zemër të thyer dhe një shpirt të penduar” (3 Nefi 9:20). Ai e urdhëron gjithashtu secilin prej nesh që ta duam e t’i shërbejmë njëri-tjetrit – në parim, të bëjmë një imitim të vogël të vetë sakrificës së Tij, duke sakrifikuar kohën vetjake dhe përparësitë tona egoiste. … Në të vërtetë, jeta jonë plot shërbim e sakrificë është shprehja më e përshtatshme e zotimit tonë për t’i shërbyer Mësuesit dhe bashkëqenieve tona.” (“Sakrifica”, Liahona, maj 2012, f. 19–20)

Si mendoni ju, çfarë do të thotë të ofrosh si sakrificë një zemër të thyer dhe një shpirt të penduar?

Plaku D. Tod Kristoferson, i Kuorumit të Dymbëdhjetë Apostujve, dha mësim:

11:21

“Në kohët e lashta, kur njerëzit dëshironin të adhuronin Zotin dhe të kërkonin bekimet e Tij, ata shpesh sillnin një dhuratë. Për shembull, kur shkonin në tempull, ata sillnin një flijim për ta vendosur në altar. Pas Shlyerjes dhe Ringjalljes së Tij, Shpëtimtari tha se nuk do t’i pranonte më flijimet me djegie të kafshëve. Dhurata ose sakrifica që Ai do të pranojë tani, është ‘një zemër [e] thyer dhe një shpirt [i] penduar’ (3 Nefi 9:20). Kur kërkoni bekimin e kthimit në besim, ju mund t’i ofroni Zotit dhuratën e zemrës suaj të thyer apo të penduar dhe shpirtit tuaj të penduar apo të bindur. Në të vërtetë, ajo është dhurata e vetvetes – ajo që jeni dhe ajo që po bëheni.” (“When Thou Art Converted” [“Kur të Jesh Kthyer në Besim”], Liahona, maj 2004, f. 12) (kodi kohor 7:01 deri në 7:46)

Veprimtari Plotësuese të të Mësuarit

Sakrificat për të marrë bekimet e përjetshme të premtuara në tempull

Materiali filmik “Temples Are A Beacon” [Tempujt Janë një Fener”] (2:50) mund të përdoret për të frymëzuar nxënësit të bëjnë sakrifica për të frekuentuar tempullin. Në materialin filmik, Presidenti Tomas S. Monson (1927–2018) tregon historinë e familjes Mou Tam që bëri sakrifica të mëdha për të frekuentuar tempullin. Pas materialit filmik, mund të diskutoni sakrificat që mund të bëjmë për të adhuruar Perëndinë në shtëpinë e Tij.

2:50

Një dhurim fuqie

Merreni parasysh t’i ndihmoni nxënësit të kuptojnë se si bekohemi me fuqinë e Perëndisë përmes dhurimit në tempull. Merreni parasysh të lexoni te Doktrina e Besëlidhje 38:32, 38; 43:16. Nxënësit gjithashtu mund të lexojnë thënien në lidhje me dhurimin te Burime Shtesë. Diskutoni mënyrat se si të jetuarit e ligjit të bindjes dhe ligjit të sakrificës mund të na ndihmojë që të na dhurohet fuqia e Perëndisë. Si pjesë e diskutimit, ndihmojini nxënësit të kuptojnë se përpjekjet tona për ta jetuar ligjin e bindjes dhe ligjin e sakrificës na ndihmojnë të bëhemi më shumë si Jezu Krishti.

Përgatitja për të bërë besëlidhje me Perëndinë në tempull

Presidentja Xhin B. Bingham, ish-Presidente e Përgjithshme e Shoqatës së Ndihmës, tregoi përvojën e saj ndërkohë që përgatitej për të bërë besëlidhje me Perëndinë në tempull. Mund të shfaqni materialin filmik: “Besëlidhjet me Perëndinë na Forcojnë, na Mbrojnë dhe na Përgatitin për Lavdi të Përjetshme” (11:59) nga kodi kohor 1:42 deri në 2:50.

11:59

Pas materialit filmik, mund të diskutoni se si të kuptuarit e besëlidhjeve që do të bëjmë me Perëndinë në tempull, mund të na përgatitë për atë ngjarje të shenjtë.