Kapërcimi i Pengesave ndaj Arsimimit të Mëtejshëm

Shënim: Pengesat ndaj arsimimit të mëtejshëm ndryshojnë anembanë botës. Mund të jetë e nevojshme t’i përshtatni skenarët ose pengesat e mundshme në bazë të zonës suaj dhe nevojave të nxënësve tuaj.

Merreni parasysh ta filloni orën mësimore duke vizatuar ose paraqitur një figurë të një adoleshenti që shikon përtej një lumi përfaqësimin e një arsimimi të ardhshëm si ai më poshtë. Më pas, jepni skenarin vijues.

Pasi të jepni përvojën e Landit, mund t’i ftoni nxënësit të renditin pengesat e mundshme te ose pranë figurës së lumit që mund të pengojnë Landin ose adoleshentë të tjerë të vazhdojnë arsimimin e tyre. Nëse nxënësit e bënë përgatitjen e tyre, mund t’i ftoni të tregojnë disa pengesa nga listat e tyre.

Inkurajojini nxënësit të marrin parasysh pengesat e jashtme, si edhe pengesat e brendshme. Pengesat e jashtme mund të përfshijnë kufizimet financiare, notat e ulëta ose mungesën e të drejtës së përdorimit. Pengesat e brendshme mund të përfshijnë vetëbesimin e ulët ose mungesën e shpresës ose dëshirës.

Për t’i ndihmuar nxënësit të mendojnë rreth pengesave të mundshme ndaj arsimimit të tyre të vazhdueshëm, mund t’i ftoni ata të bëjnë sa vijon.

Për t’i ndihmuar nxënësit t’i përdorin shkrimet e shenjta për të mësuar se si t’i kapërcejnë pengesat ndaj arsimimit të tyre, merreni parasysh të diskutoni tregimin e Jozueut dhe fëmijëve të Izraelit që kalojnë lumin Jordan (shihni Mësimin 62: “Jozueut 2–4” për më shumë hollësi). Mund ta lexoni ose përmblidhni paragrafin vijues, sipas nevojës.

Mund t’i organizoni nxënësit në dyshe për të lexuar dhe diskutuar vargjet vijuese. Mund të jetë e dobishme të shpjegoni se frazat “ndalen tok” (vargu 13) dhe “u ngritën tok” (vargu 16) i referohen ndalimit të rrjedhës së lumit Jordan.

Nxënësit mund të përdorin vetë fjalët e tyre për të treguar një të vërtetë si: Ndërsa shkojmë përpara me besim te Jezu Krishti, Ai do të na ndihmojë t’i kapërcejmë pengesat me të cilat përballemi.

Mund t’u kujtoni nxënësve se të ecurit përpara me besim te Jezu Krishti përfshin çdo përpjekje që ata mund të bëjnë. Për shembull, biseda me një këshilltar, fitimi i parave dhe pagimi me besnikëri i të dhjetave janë të gjitha mënyra për të shkuar përpara me besim te Jezu Krishti për të kapërcyer pengesat ndaj arsimimit.

Veprimtaria vijuese i ndihmon nxënësit të ushtrojnë të menduarit në mënyrë kritike. Mund t’u vini në dukje nxënësve se të menduarit në mënyrë kritike është një aftësi që mund të na ndihmojë të marrim vendime të mira. Ai përfshin 1) vëzhgimin dhe mbledhjen e informacionit rreth vendimit, 2) bërjen e pyetjeve rreth asaj që po vëzhgoni, 3) diskutimin e vëzhgimeve tuaja me të tjerët dhe 4) zgjidhjen e problemeve në bazë të asaj që mësoni. Ju mund t’i vini nxënësit ta plotësojnë secilin prej këtyre hapave si pjesë të kësaj veprimtarie.

Ftojini nxënësit të krijojnë në një copë letër një skenar me një pengesë që ka lidhje me një adoleshent/e. Nëse kanë nevojë për ndihmë, ata mund të plotësojnë hapësirat bosh në fjalinë vijuese.

Ju mund t’i ftoni nxënësit e gatshëm t’ia tregojnë skenarin dhe këshillën e tyre klasës. Si pjesë e diskutimit tuaj, mund t’i ftoni nxënësit të tregojnë përvoja ku Perëndia i ka ndihmuar ata ose dikë që ata njohin, të kapërcejnë një pengesë ndaj çuarjes më tej të arsimimit të tyre. Ose mund të jepni një shembull nga “Komentet e Plakut dhe Motrës Gilbert”, nga kodi kohor 3:25 deri në 5:48 në takimin shpirtëror mbarëbotëror të majit 2024 për të rinjtë në moshë madhore.

6:20

Mund t’i ftoni nxënësit të shqyrtojnë listën e pengesave vetjake që përcaktuan në fillim të orës mësimore. Inkurajojini ata të kërkojnë udhërrëfim nga Shpirti ndërsa u përgjigjen pyetjeve vijuese në ditarët e tyre.

Mund ta përmbyllni duke dëshmuar se, ndërsa bëjmë me gëzim të gjitha gjërat që janë në fuqinë tonë, Ati Qiellor dhe Jezu Krishti do të na ndihmojnë t’i kapërcejmë pengesat ndaj çuarjes përpara të arsimimit tonë.