Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Rëndësia e Arsimimit: Bekimet Materiale dhe Shpirtërore të Arsimimit

“Rëndësia e Arsimimit: Bekimet Materiale dhe Shpirtërore të Arsimimit”, Manuali i Mësuesit të Seminarit për Dhiatën e Vjetër (2026)

“Rëndësia e Arsimimit: Bekimet Materiale dhe Shpirtërore të Arsimimit”, Manuali i Mësuesit të Seminarit për Dhiatën e Vjetër

Përgatitja për Arsimimin dhe Punësimin e Ardhshëm: Mësimi 188

Rëndësia e Arsimimit

Bekimet Materiale dhe Shpirtërore të Arsimimit

Ndërkohë që marrja e një arsimimi mund të jetë shumë sfiduese, ia vlen sakrifica dhe përpjekja. Jo vetëm që një arsimim mund ta bekojë jetën tonë dhe të personave që na rrethojnë, por ai na përgatit të jemi mjete më të mira në përmbushjen e punës së Zotit. Ky mësim mund t’i ndihmojë nxënësit të kuptojnë rëndësinë e arsimimit si nga ana materiale, ashtu edhe shpirtërore.

Përgatitja e nxënësve: Ftojini nxënësit të përsiatin diçka që u pëlqen të mësojnë, dhe mënyrën se si e zhvilluan atë interes. Ata gjithashtu mund të përsiatin mënyrën se si të mësuarit rreth këtij interesi ka qenë me vlerë për ta.

Veprimtari të Mundshme të të Mësuarit

Liri ose kufizim

Merreni parasysh të vizatoni në tabelë dy hinka, siç tregohet më poshtë. Nxënësit mund t’i vizatojnë këto hinka në ditarët e tyre. Ju gjithashtu mund të sillni një hinkë në klasë ose të formoni një hinkë të thjeshtë me letër.

Ftojini nxënësit të vënë në dukje anën e hinkës që duket më kufizuese dhe anën që duket më e hapur ose e lirë. Më pas, shkruani Marrja e një Arsimimi mbi figurën e parë.

Imagjino sikur gryka e vogël e kësaj hinke përfaqëson marrjen e një arsimimi.

Në ç’mënyra marrja e një arsimimi mund t’u duket fillimisht shtrënguese ose kufizuese disa njerëzve?
Çfarë mund të përfaqësojë gryka më e madhe në fund? Përse?

Nxënësit mund të shpjegojnë se ndërkohë që marrja e një arsimimi kërkon shumë përpjekje, disiplinë dhe sakrificë, ajo mund të çojë në bekime nga Zoti, duke përfshirë më shumë liri, mundësi dhe rritje.

Shkruani Zgjedhja për të Mos Marrë një Arsimim mbi figurën e dytë.

Tani imagjino sikur gryka më e madhe e kësaj hinke përfaqëson zgjedhjen për të mos marrë një arsimim.

Çfarë mund të përfaqësojë gryka më e vogël në fund? Përse?

Nxënësit mund të shpjegojnë se zgjedhja për të mos bërë përpjekje për të marrë një arsimim, mund të duket çliruese fillimisht, por mund të çojë në liri, mundësi dhe rritje të kufizuar ose të reduktuar.

Përsiati pyetjet vijuese:

Sa i rëndësishëm është arsimimi për ty? Përse?
Si mund të ndikojë zgjedhja jote për të marrë ose për të mos marrë një arsimim tek ti dhe te njerëzit që të rrethojnë?

Fryma e Shenjtë mund të të ndihmojë të dallosh mesazhe vetëm për ty. Ndërsa mëson rreth arsimimit, kushtoju vëmendje mbresave që mund të të ndihmojnë me synimet për arsimimin dhe jetën tënde.

Ji gjithnjë duke mësuar

Paraqitini thëniet vijuese. Ju mund t’ia shpërndani udhëzuesin Për Forcën e Rinisë çdo nxënësi, ose t’i ftoni ata ta gjejnë atë në programin Gospel Library [Biblioteka e Ungjillit].

Mund t’i ftoni nxënësit t’i studiojnë thëniet individualisht, më pas t’i diskutojnë pyetjet që pasojnë, në grupe të vogla.

Lexoji thëniet vijuese, duke kërkuar atë që mëson rreth të mësuarit dhe arsimimit.

Presidenti Rasëll M. Nelson dha mësim:

“Krijuesi ynë pret që fëmijët e Tij kudo të marrin një arsimim si një përpjekje vetjake.” (“Education – A Religious Responsibility” [takim shpirtëror në Universitetin “Brigam Jang” – Ajdaho, 26 janar 2010], byui.edu)

Për Forcën e Rinisë: Një Udhëzues për Bërjen e Zgjedhjeve shpjegon:

“Ati Qiellor dëshiron që bijat dhe bijtë e Tij të jenë gjithmonë duke mësuar. Ju keni arsye materiale dhe shpirtërore për të kërkuar dhe për ta dashur të mësuarit. Arsimimi nuk ka të bëjë vetëm me fitimin e parave. Është pjesë e synimit tuaj të përjetshëm që të bëheni më shumë si Ati Qiellor. …

Jini gjithnjë duke mësuar. Kërkoni mundësi për të zgjeruar mendjen dhe aftësitë tuaja. Këto mundësi mund të përfshijnë arsimin formal në shkollë ose trajnimin profesional, si dhe të mësuarit joformal nga burime që ju i mirëbesoni. Përfshijeni Zotin në përpjekjet tuaja dhe Ai do t’ju udhërrëfejë. Ndërsa mësoni për botën përreth jush, mësoni edhe për Shpëtimtarin, i cili e krijoi botën. Studiojini jetën dhe mësimet e Tij. Bëjeni seminarin, institutin dhe studimin vetjak të ungjillit pjesë të të mësuarit tuaj gjatë gjithë jetës. …

Arsimimi e rrit aftësinë tuaj për t’i shërbyer Zotit. Ju fuqizon që t’i bekoni të tjerët, veçanërisht familjen tuaj. Sa më shumë të mësoni, aq më shumë mund të ndihmoni për të ndërtuar mbretërinë e Perëndisë dhe për të ndikuar në botë për mirë.” (Për Forcën e Rinisë: Një Udhëzues për Bërjen e Zgjedhjeve [2022], f. 31–32)

Cilat fraza nga këto thënie janë më kuptimplotat për ty? Përse?
Çfarë të vërtetash të përjetshme mund të mësojmë nga këto thënie?
Shënojini të vërtetat që tregojnë nxënësit, pranë hinkës së parë në tabelë. Nxënësit mund të bëjnë të njëjtën gjë me vizatimin e tyre. Ata mund të tregojnë të vërteta të tilla si vijueset:
- Arsimimi është pjesë e synimit tonë të përjetshëm për t’u bërë më shumë si Ati Qiellor.
- Ati Qiellor dëshiron që bijat dhe bijtë e Tij të jenë gjithmonë duke mësuar.
- Arsimimi rrit aftësinë tonë për t’i shërbyer Zotit dhe për t’i bekuar të tjerët.
Pse është të mësuarit dhe arsimimi një pjesë e rëndësishme e planit të Atit Qiellor?
Si mund ta ndihmojnë këto të vërteta dikë që e sheh arsimimin si kontrollues dhe kufizues?

Rëndësia e arsimimit

Të mësuarit dhe arsimimi kanë qenë gjithmonë pjesë thelbësore e përparimit për fëmijët e Atit Qiellor. Për shembull, Adami dhe Eva u mësuan fëmijëve të tyre gjëra shpirtërore si edhe laike (shih te Moisiu 5:10–12; 6:5–6), duke i ndihmuar kështu të bëheshin më shumë si Ati Qiellor.

Çfarë bekimesh nga Zoti ke parë në jetën tënde ose në jetën e të tjerëve për shkak të të mësuarit dhe arsimimit?
Çfarë përvojash ke pasur që të ndihmojnë të shohësh se Ati Qiellor kujdeset për arsimimin tënd?

Përfundimi

Imagjino sikur ke një shok që e urren shkollën dhe po merr parasysh mundësi që nuk do të kërkojnë arsimim të mëtejshëm pas shkollës së mesme. Shkruaje atë që do t’i thoshe shokut tënd duke përdorur atë që mësove sot. Sa vijon janë shembuj të asaj që mund të duash të përfshish:

Bekimet materiale dhe shpirtërore me të cilat Ati Qiellor dhe Jezu Krishti mund të na bekojnë nga marrja e një arsimimi.
Shkrimet e shenjta, citimet ose mendimet apo përvojat vetjake që janë kuptimplota për ty.

Ftojini disa nxënës të shprehen para klasës. Merreni parasysh të dëshmoni për bekimin e madh që mund të jetë arsimimi në jetën tonë, sidomos për të na ndihmuar të bëhemi më shumë si Ati Qiellor dhe Jezu Krishti.

Burime Shtesë

Pse është e rëndësishme të marrësh një arsimim?

Presidenti Gordon B. Hinkli (1910–2008) dha mësim:

“Ju duhet të merrni të gjithë arsimimin që mundeni. Jeta është bërë kaq e ndërlikuar dhe konkurruese. Ju nuk mund të hamendësoni se keni privilegje që ju takojnë. Nga ju do të pritet të bëni përpjekje të mëdha dhe të vini në punë talentet tuaja më të mira për të arritur një të ardhme nga më të mrekullueshmet që mundeni të keni. Sakrifikoni një makinë; sakrifikoni gjithçka nevojitet të sakrifikohet që të kualifikoheni për të bërë punën e botës. Ajo botë në masë të madhe do t’ju paguajë aq sa mendon se vleni dhe vlera juaj do të rritet ndërsa merrni një arsimim dhe zotësi në fushën që keni zgjedhur.” (“Words of the Prophet: Seek Learning”, New Era, shtator 2007, f. 3–4)

Presidenti Dallin H. Ouks dhe Motra Kristen M. Ouks shpjeguan:

“Sa më e shumtë dija që kemi për ligjet qiellore dhe gjërat tokësore, aq më i madh ndikimi që mund të ushtrojmë për mirë ndaj atyre rreth nesh dhe aq më të sigurt do të jemi nga ndikimet gojëprishura e të liga që mund të na hutojnë e të na shkatërrojnë.” (“Mësimi dhe Shenjtorët e Ditëve të Mëvonshme”, Liahona, prill 2009, f. 22–23)

Po sikur të mos kem arsim formal në dispozicion?

Presidenti Diter F. Uhtdorf, asokohe i Presidencës së Parë, tha:

18:45

“Nëse nuk është i disponueshëm arsimi zyrtar, mos e lejoni këtë t’ju pengojë që të fitoni gjithë njohurinë që të mundeni. Në rrethana të tilla, librat më të mirë, në njëfarë kuptimi, mund të bëhen ‘universiteti’ juaj – një klasë që është gjithmonë e hapur dhe i pranon të gjithë ata që aplikojnë. Përpiquni fort ta shtoni njohurinë tuaj për gjithçka ‘të virtytshme, të dashur ose me famë të mirë apo të denjë për t’u lavdëruar’. Kërkoni njohuri ‘me anë të studimit dhe gjithashtu me anë të besimit’.” (“Dy Parime për Cilëndo Ekonomi”, Liahona, nëntor 2009, f. 58) (kodi kohor 15:28 deri në 16:05)

Veprimtari Plotësuese të të Mësuarit

Fillim ndryshe

Merreni parasysh ta filloni orën mësimore duke paraqitur një figurë të një dere të hapur.

Më pas, paraqiteni citimin vijues, duke e lënë fjalën e parë bosh. Ftojini nxënësit të gjejnë se cila është fjala që mungon. Ndërsa japin përgjigje të mundshme, ata mund të shpjegojnë arsyen përse zgjodhën fjalën që zgjodhën.

Presidenti Gordon B. Hinkli (1910–2008) dha mësim sa vijon:

“… është çelësi që do të hapë dyert e mundësive për ju. Ia vlen të sakrifikosh për të.” (“Inspirational Thoughts”, Ensign, qershor 1999, f. 4)

Pas një kohe të mjaftueshme, shkruani Arsimimi në hapësirën bosh. Ftojini nxënësit të tregojnë mënyrën se si thënia mund të jetë e vërtetë. Nëse nxënësit nuk e thonë, merreni parasysh të shpjegoni se si një mënyrë se si arsimimi na hap dyert e mundësive, është për shkak se ai na ndihmon të mësojmë dhe të rritemi, duke u bërë kështu më shumë si Ati Qiellor dhe Jezu Krishti (shihni te Doktrina e Besëlidhje 93:36).

Më pas, paraqitni një figurë të një dere të mbyllur.

Ftojini nxënësit të tregojnë arsyet përse disa njerëz mund të zgjedhin të mos kërkojnë të mësuarit dhe arsimimin. Mund t’i ftoni nxënësit të përsiatin për pikëpamjet e tyre vetjake për arsimimin.

Arsimimi është çelësi për mundësi

Për një mundësi tjetër veprimtarie në pjesën “Rëndësia e arsimimit”, merreni parasysh të shfaqni materialin filmik “Education Is the Key to Opportunity” [“Arsimimi Është Çelësi për Mundësi”] (1:38). Në këtë material filmik Tomas S. Monsoni dhe Gordon B. Hinkli flasin rreth rëndësisë së arsimimit. Ju mund t’i ftoni nxënësit t’i referohen hinkës në tabelë, duke kërkuar mënyrat se si arsimimi hap derën për mundësi dhe bekime të mëtejshme.

1:38