Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Arsimimi për Tërë Qenien: T’i Japim Përparësi Arsimimit të Mendjes dhe Shpirtit

“Arsimimi për Tërë Qenien: T’i Japim Përparësi Arsimimit të Mendjes dhe Shpirtit”, Manuali i Mësuesit të Seminarit për Dhiatën e Vjetër (2026)

“Arsimimi për Tërë Qenien: T’i Japim Përparësi Arsimimit të Mendjes dhe Shpirtit”, Manuali i Mësuesit të Seminarit për Dhiatën e Vjetër

Përgatitja për Arsimimin dhe Punësimin e Ardhshëm: Mësimi 189

Arsimimi për Tërë Qenien

T’i Japim Përparësi Arsimimit të Mendjes dhe Shpirtit

Zoti na inkurajon ta bëjmë përparësi arsimimin laik dhe fetar në jetën tonë (shih te Doktrina e Besëlidhje 88:77–80). Arsimimi laik dhe fetar mund të përmirësojë aftësinë tonë për t’i shërbyer Perëndisë dhe të tjerëve dhe për të qenë të mbështetur te vetja. Ky mësim mund t’i ndihmojë nxënësit të krijojnë një plan për të vazhduar arsimimin e tyre të lartë laik dhe fetar.

Përgatitja e nxënësve: Merreni parasysh t’i ftoni nxënësit të vijnë në orën mësimore të përgatitur për të treguar të paktën dy mundësi që po i marrin parasysh për atë që do të bëjnë pas shkollës së mesme.

Veprimtari të Mundshme të të Mësuarit

Dhënia përparësi arsimimit

Rezarti dëshiron të vazhdojë jetën pas shkollës së mesme duke mos e vazhduar arsimimin e tij. Ai dëshiron t’i zgjatë orët e punës në punën e tij të tanishme. Para se të marrë vendimin përfundimtar, ai vendos të marrë parasysh avantazhet dhe disavantazhet e vazhdimit të arsimimit të tij.

Cilat mund të jenë disa nga avantazhet e vazhdimit të arsimimit që mund të përmendë Rezarti?
Cilat mund të jenë disa nga disavantazhet?

Nxënësit mund të fillojnë të bëjnë një listë me një partner ose grup të vogël. Ju mund të shkruani Avantazhet dhe Disavantazhet në tabelë dhe t’i ftoni nxënësit t’i shkruajnë në tabelë përgjigjet që menduan. Nëse e dhatë Mësimin 188: “Rëndësia e Arsimimit” kohët e fundit, mund t’u kujtoni nxënësve atë që diskutuan në mësimin me sende me hinkë. Nxënësit mund të vazhdojnë të shtojnë gjëra në këtë listë gjatë gjithë mësimit.

Arsimimi laik dhe fetar

Udhëheqësit e Kishës e kanë theksuar rëndësinë e arsimimit për të gjithë fëmijët e Perëndisë. Arsimimi që theksojnë udhëheqësit e Kishës, përfshin edhe arsimimin laik, edhe fetar.

Shkruajeni fjalinë e paplotë vijuese në tabelë poshtë fjalës Avantazhet dhe ftojini nxënësit ta shkruajnë atë në ditarët e tyre.

Ndjekja e arsimimit edhe laik, edhe fetar më ndihmon …

Lexoje thënien vijuese duke kërkuar mënyrat e ndryshme se si mund ta plotësosh fjalinë.

Plaku Klark G. Gilbert, i Të Shtatëdhjetëve, dha mësim:

“A e dini se përse Kisha investon kaq shumë burime në arsim? Për shkak të dashurisë së Zotit për ju. Ai dëshiron të afroheni më pranë Tij dhe të gjeni forcë emocionale, intelektuale dhe shpirtërore. Udhëheqësit e Kishës dëshirojnë të njëjtën gjë! Lutemi për ju dhe për suksesin tuaj. Ne jemi të investuar në ju dhe për t’ju ndihmuar të arrini potencialin tuaj hyjnor.” (“Church Education: There Is a Place for Everyone”, Për Forcën e Rinisë, tetor 2023, f. 18)

Ftojini nxënësit ta tregojnë atë që gjetën, dhe t’i renditin përgjigjet e tyre në tabelë. Përgjigjet e nxënësve mund të përfshijnë:

… të afrohem më pranë Zotit.

… të marr forcë nga Perëndia.

… të arrij potencialin tim hyjnor.

Përse mund të jenë edhe arsimimi laik, edhe fetar të nevojshëm për të ftuar këto bekime nga Zoti?

Arsimimi laik

Merreni parasysh të vizatoni në tabelë dy libra si vijuesit. Emërtojeni të parin “Laik” dhe të dytin “Fetar”. Ftojini nxënësit të vizatojnë libra të ngjashëm në ditarët e tyre të studimit.

Poshtë librit të emërtuar “Laik”, ftojini nxënësit të renditin përgjigjet e tyre për pyetjen vijuese. Mund t’i ftoni ata të punojnë në dyshe ose grupe të vogla.

Cilat janë mundësitë në dispozicion për arsimimin laik pas shkollës së mesme?

Ju mund të jepni mundësi të tjera që nxënësit nuk i përmendën, të tilla si shkollimi në internet, kolegji i lartë dy vjeçar, shkollat profesionale, mundësitë për ushtrim të zanatit, trajnimi në punë e me radhë.
Cilat mundësi janë në dispozicion nëpërmjet Sistemit Arsimor të Kishës (SAK)?

Arsimimi fetar

Cila mundësi e arsimimit fetar është në dispozicion për secilën mundësi arsimimi laik të përmendur?

Për çdo zë të renditur poshtë arsimimit laik, vërini nxënësit të renditin një mundësi arsimimi fetar që mund ta shoqërojë atë. Sigurohuni që nxënësit të kuptojnë se secila prej shkollave të SAK-ut e ka arsimin fetar si pjesë të programit të detyrueshëm mësimor. Nxënësit mund të shkruajnë orë mësimore fetare pranë vijës së cilësdo prej shkollave të SAK-ut.

Nëse nxënësit nuk e përmendin, ftojini ata të shkruajnë institut pranë çdo mundësie tjetër arsimi laik të renditur. Nëse është e nevojshme, shpjegoni se për ata që nuk frekuentojnë një shkollë të SAK-ut, instituti është një vend ku çdo i ri/e re në moshë madhore (18–35 vjeç), kudo në botë, mund të ndjekë orë mësimore fetare pa pagesë.

Mendoni për mënyrat se si mund t’i ndihmoni nxënësit e seminarit të shohin se si frekuentimi i institutit mund t’i ndihmojë ata në të ardhmen. Diskutimi i këtij skenari dhe disa prej pyetjeve vijuese është një mënyrë se si mund ta bëni këtë.

Supozo sikur Rezarti vendosi të merrte arsim shtesë pas shkollës së mesme në një shkollë profesionale dhe po merrte parasysh a duhej të frekuentonte edhe institutin.

Çfarë arsyesh mund të japë Rezarti për mosfrekuentimin e institutit?
Në ç’mënyrë ka qenë seminari i dobishëm për ty ndërkohë që ke shkuar në shkollë?
Si mund të jetë e dobishme për Rezartin të vazhdojë të mësojë rreth Atit Qiellor dhe Jezu Krishtit ndërkohë që shkon në një shkollë profesionale?

Shfaqni materialin filmik “Ftesë Vetjake për të Frekuentuar Institutin” (2:44), në dispozicion në ChurchofJesusChrist.org. Ftojini nxënësit të kërkojnë bekimet e premtuara për frekuentimin e institutit. Ju gjithashtu mund t’i ftoni nxënësit të lexojnë rreth institutit në fletushkë.

2:51

Mund të shtoni më shumë ide në listën në tabelë poshtë fjalës Avantazhet që nxënësit i japin si pjesë e këtij diskutimi.
Cilat bekime të bënë përshtypje më shumë nga ato që premtoi Presidenti Nelson për frekuentimin e institutit?
Nga ajo që ke diskutuar, çfarë mendon se mund ta shtyjë Rezartin të frekuentojë institutin?

Ndihmojini nxënësit të kuptojnë mënyrën se si të gjejnë një institut kudo ku mund të banojnë pas shkollës së mesme duke shkuar te myinstitute.ChurchofJesusChrist.org/findInstitute. Merreni parasysh të përzgjidhni disa nga mundësitë e arsimimit të përmendura më herët poshtë librit të parë. Përcaktoni vendndodhjen e atyre mundësive dhe shënoni qytetin në faqen e internetit për të demonstruar mënyrën se si gjendet dhe si bëhet regjistrimi në institut. Ju gjithashtu mund të demonstroni mënyrën se si të gjeni një institut në internet në të njëjtën hallkë lidhëse.

Bëj një plan

Thuajuni nxënësve se pavarësisht nëse e përfundojnë ose jo shkollën e mesme këtë vit, ata mund të kenë dobi nga bërja e një plani për arsimimin e tyre laik dhe fetar. Për t’i ndihmuar nxënësit të bëjnë një plan, paraqitni udhëzimet dhe pyetjet vijuese. Ftojini ata t’u përgjigjen pyetjeve në ditarët e tyre të studimit.

Duke përdorur pyetjet më poshtë për të të udhërrëfyer, bëj një plan për arsimimin tënd të ardhshëm laik dhe fetar. Kërko udhërrëfim nga Ati Qiellor nëpërmjet Frymës së Shenjtë ndërsa reflekton mbi përgjigjet dhe i shkruan ato.

Çfarë synimesh të ardhshme ke?
Çfarë zgjedhjesh arsimore do të të ndihmojnë t’i arrish ato synime?
Çfarë planesh mund të bësh për arsimimin tënd fetar vitin e ardhshëm? Në vitet e mëvonshme?

Shpesh është e dobishme që nxënësit të dëgjojnë ide nga nxënësit e tjerë. Merreni parasysh të ftoni disa vullnetarë t’i tregojnë planet e tyre.

Merreni parasysh të jepni dëshminë tuaj për rëndësinë e vendosjes së përparësisë te të mësuarit laik dhe fetar gjatë gjithë jetës.

Burime Shtesë

Si mund të më bekojë vendosja e përparësisë te arsimimi fetar?

Presidenti M. Rasëll Ballard (1928–2023), i Kuorumit të Dymbëdhjetë Apostujve, dha mësim:

15:45

“Ata prej jush në shkollë të mesme që po përgatiten për mision, ju nxit të merrni pjesë dhe të merrni diplomën e seminarit. Ju të rinj në moshë madhore duhet të regjistroheni në institutin e fesë. Nëse po ndiqni shkollën e Kishës, vazhdimisht përfshijeni një lëndë të edukimit fetar çdo semestër. Gjatë kësaj kohe të rëndësishme përgatitjeje për mision, martesë të përjetshme dhe jetën si një i rritur, ju duhet të vazhdoni të gjeni mënyra për të mësuar e për t’u rritur dhe për të marrë frymëzim e udhërrëfim nëpërmjet Frymës së Shenjtë. Një studim i kujdesshëm, me lutje i ungjillit nëpër orët mësimore të seminarit, institutit ose edukimit fetar mund t’ju vijë në ndihmë për atë qëllim.

Qoftë nëse e ndiqni shkollën e Kishës apo jo, qoftë nëse ndiqni kolegjin apo jo, mos mendoni se jeni tepër të ngarkuar për ta studiuar ungjillin. Orët mësimore të seminarit, të institutit ose të fesë do të ofrojnë drejtpeshim në jetën tuaj dhe do ta rritin arsimimin tuaj laik, duke ju dhënë një mundësi tjetër për të kaluar kohë me studimin e shkrimeve të shenjta dhe mësimet e profetëve e të apostujve.” (“Brezi më i Mirë i Të Rinjve në Moshë Madhore”, Liahona, maj 2015, f. 69)

Presidenti Henri B. Ajring, i Presidencës së Parë, dha mësim:

“Përparësia jonë e parë duhet të shkojë drejt të mësuarit shpirtëror. …

Është e qartë se vendosja e të mësuarit shpirtëror në vend të parë nuk na lehtëson nga të mësuarit e gjërave laike. Përkundrazi, i jep qëllim të mësuarit tonë laik dhe na jep shtysë që të punojmë më fort për të.

Nëse do ta mbajmë të mësuarit shpirtëror në vendin e vet të duhur, do të na duhet të bëjmë disa zgjedhje të vështira lidhur me mënyrën se si e përdorim kohën tonë. Por nuk duhet të jetë kurrë një zgjedhje e vetëdijshme që ta lëmë shpirtëroren të bëhet dytësore si model në jetën tonë.” (“Education for Real Life”, Ensign, tetor 2002, f. 17, 18)

Presidenti Gordon B. Hinkli (1910–2008) tregoi:

“Në gjithë të mësuarit tuaj, mësoni për Të. Në gjithë studimin tuaj, kërkoni njohuri për Mësuesin. Ajo njohuri do ta plotësojë në një mënyrë të mrekullueshme formimin laik që do të merrni dhe do t’i japë plotësi dhe karakter jetës suaj që nuk mund të vijë në asnjë mënyrë tjetër.” (Në Conference Report, tetor 1964, f. 118)

Po nëse vendimet për të ardhmen time duken të papërballueshme?

Presidenti Dallin H. Ouks, i Presidencës së Parë, dhe Kristen M. Ouks dhanë mësim:

“Ne e dimë se asgjë nuk është më turbulluese, sesa të mos dish ç’të bësh me të ardhmen tënde, por asgjë nuk është më shpërblyese personalisht, sesa zbulimi i aftësive tuaja vetjake. Lexoni bekimin tuaj patriarkal, mendoni prirjet dhe talentet tuaja të natyrshme dhe shkoni përpara. Hidhni hapin e parë dhe dyert do të hapen.” (“Mësimi dhe Shenjtorët e Ditëve të Mëvonshme”, Ensign, prill 2009, f. 25)

Plaku Nil A. Maksuell (1926–2004), i Kuorumit të Dymbëdhjetë Apostujve, tregoi:

“Shumë të rinj pyesin veten a duhet të shkojnë në një universitet, një kolegj apo në një shkollë profesionale. Zgjedhja është e juaja. Megjithatë, zgjedhja që duhet bërë, është zakonisht një çështje parapëlqimi, jo parimi. Prandaj, para se të zgjidhni, bëni me urtësi një inventar të interesave tuaja, aftësive tuaja dhe rrethanave tuaja. Kuptoni ndjenjat dhe parapëlqimet tuaja. Më pas, vazhdoni dhe këmbëngulni në marrjen e llojit të arsimimit dhe formimit që reflekton më mirë interesat dhe aftësitë tuaja. Mos harroni, çdo vepër që është e nderuar, është e nderuar.” (“Seek Learning, Even by Study and Also by Faith”, videokasetë e vitit 1994).

Veprimtari Plotësuese të të Mësuarit

Cilat janë afatet për të aplikuar në shkollat e Kishës?

Për t’i ndihmuar nxënësit të dinë se kur mund të aplikojnë për shkollat e Kishës, përdorni hallkat lidhëse vijuese për të marrë informacion të përditësuar.

UBJ–Pathway: https://www.byupathway.edu/academic-calendar

UBJ: https://enrollment.byu.edu/admissions/when-should-i-apply

UBJ-Havai: https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

UBJ-Ajdaho: https://www.byui.edu/admissions/application-deadlines

Kolegji “Ensign”: https://www.ensign.edu/admissions-dates-deadlines

Instituti është për të gjithë

Nëse nxënësit mund të kenë dobi nga më shumë informacion rreth institutit, mund të merrni parasysh të shfaqni një ose më shumë nga materialet filmike nga faqja e mjeteve të informimit “I Love Institute” [“Më Pëlqen Shumë Instituti”]. Në këto materiale filmike, të rinjtë në moshë madhore nga e gjithë bota dëshmojnë për rëndësinë e institutit.

Një mënyrë ndryshe për ta filluar orën e mësimit

Mund ta filloni orën mësimore duke dhënë informacionin vijues: sipas Organizatës Botërore të Shëndetësisë, jetëgjatësia mesatare botërore është afërsisht 73 vjeç. (Faqja e internetit e Organizatës Botërore të Shëndetësisë.)

Mund t’u tregoni nxënësve se, nëse dikush do të ishte 16 vjeç dhe do të jetonte deri në moshën 73 vjeç, ai do të kishte rreth 78 përqind jetë të mbetur.

Përse mendoni se është e rëndësishme të kuptoni në shkollë të mesme se mbetet akoma një pjesë kaq e madhe e jetës?

Ndihmojini nxënësit të kuptojnë se investimet e tyre në arsimimin e lartë mund të ndikojnë te shumë vjet të jetës së tyre në të ardhmen. Nëse e keni dhënë tashmë Mësimin 188: “Rëndësia e Arsimimit”, ftojini nxënësit ta tregojnë atë që mbajnë mend rreth arsyes përse arsimimi është i rëndësishëm.