Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zakaria 10–14: Po Vjen Dita e Zotit

“Zakaria 10–14: Po Vjen Dita e Zotit”, Manuali i Mësuesit të Seminarit për Dhiatën e Vjetër (2026)

“Zakaria 10–14: Po Vjen Dita e Zotit”, Manuali i Mësuesit të Seminarit për Dhiatën e Vjetër

Hagai 1–2; Zakaria 1–4; 10–14: Mësimi 157

Zakaria 10–14

Po Vjen Dita e Zotit

"He Comes Again to Rule and Reign" by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

Nëpërmjet profetëve të Tij, Zoti zbulon hollësi rreth ngjarjeve të ardhshme në mënyrë që ne t’i kuptojmë dhe t’i presim me siguri. Zakaria profetizoi se Shpëtimtari do të kthehet dhe do ta mbrojë popullin e Tij nga kombet e mbledhura për të luftuar kundër tij. Ky mësim mund t’i ndihmojë nxënësit të ndihen të sigurt se Shpëtimtari do të jetë me ta gjatë ngjarjeve që i paraprijnë Ardhjes së Dytë.

Përgatitja e nxënësve: Ftojini nxënësit të lexojnë shënimin “Ardhja e Dytë e Jezu Krishtit” tek Tema dhe Pyetje (Gospel Library [Biblioteka e Ungjillit]). Inkurajojini ata të vijnë në orën mësimore të përgatitur për të treguar atë që mësuan ose pyetjet që kanë.

Veprimtari të Mundshme të të Mësuarit

Pritja e Ardhjes së Dytë të Shpëtimtarit

Merreni parasysh ta filloni orën mësimore duke u kërkuar nxënësve të mendojnë për disa ngjarje të mëdha që i presin në të ardhmen, si vajtja me pushime, shërbimi në një mision ose martesa. Ftojini ata të tregojnë se si ndihen në lidhje me këto ngjarje.

Më pas, tregoni një figurë të Ardhjes së Dytë të Shpëtimtarit. Ftojini nxënësit të renditin në tabelë disa fjalë që mund të përfaqësojnë mënyrën se si mund të ndihen individët në lidhje me këtë ngjarje. Lista mund të përfshijë fjalë si i/e emocionuar, gati, i/e sigurt, plot paqe, i/e frikësuar, i/e paqartë, nervoz, ose i/e pasigurt.

Për të vlerësuar se si ndihen në lidhje me Ardhjen e Dytë të Shpëtimtarit, nxënësit mund të bëjnë sa vijon.

Në ditarin tënd të studimit, përgjigju për pyetjet vijuese:

Cilat fjalë përshkruajnë mënyrën se si ndihesh në lidhje me Ardhjen e Dytë të Shpëtimtarit?
Çfarë ndikon në mënyrën se si ndihesh në lidhje me këtë ngjarje?

Shkruaj çdo pyetje që ke rreth Ardhjes së Dytë të Shpëtimtarit.

Ndërsa i studion ngjarjet e lidhura me Ardhjen e Dytë, dëgjo për mbresa nga Shpirti për të ditur se si mund të ndihesh më i sigurt se Shpëtimtari do të jetë me ty gjatë këtyre ngjarjeve.

Mund t’i ftoni nxënësit ta tregojnë atë që shkruan. Inkurajojini nxënësit të kërkojnë përgjigje për pyetjet e tyre ndërsa studiojnë te Zakaria.

Shënim: Nuk është e nevojshme t’i përgjigjeni çdo pyetjeje rreth Ardhjes së Dytë të Shpëtimtarit. Nëse nxënësit dëshirojnë të mësojnë më shumë, ata mund të studiojnë burime si “Ardhja e Dytë e Jezu Krishtit” tek Tema dhe Pyetje (Gospel Library [Biblioteka e Ungjillit]).

Zakaria profetizoi Ardhjen e Dytë të Shpëtimtarit

Për t’i ndihmuar nxënësit t’i kuptojnë profecitë e Zakarias në lidhje me Ardhjen e Dytë të Shpëtimtarit, mund të lexoni ose të përmblidhni paragrafin vijues. Nxënësit mund të lexojnë edhe titujt e kapitujve për kapitullin te Zakaria 10; 12–14.

Zakaria profetizoi se në ditët e fundit do të ndodhë një betejë e madhe, e njohur si beteja e Armagedonit (shih te Zbulesa 16:16), pranë Jerusalemit. Të gjitha kombet e tokës do të mblidhen kundër Jerusalemit (shih te Zakaria 12:2–3). Si pjesë e betejës, Jerusalemi do të rrethohet ndërsa ushtritë e rrethojnë qytetin (shih te Zakaria 14:2). Shpëtimtari do të shfaqet më pas në Malin e Ullinjve (shih te Zakaria 14:4).

Pasi nxënësit ta plotësojnë fletushkën, ftojini ata të bëjnë pyetje rreth asaj që studiuan. Nëse jeni i/e pasigurt në lidhje me një përgjigje, thuajuni atyre se nuk e dini. Ftojini të kërkojnë për një përgjigje. Mund të kërkoni gjithashtu një përgjigje me ta në klasë ose jashtë saj.

Pyetja vijuese mund t’i ndihmojë nxënësit të përcaktojnë të vërteta nga mësimet e Zakarias.

Çfarë të mësojnë këto fragmente rreth Jezu Krishtit?

Si pjesë e diskutimit, ftojini nxënësit ta përmbledhin atë që mësuan rreth Shpëtimtarit në një pohim të thjeshtë të vërtete. Nxënësit mund të japin një larmi përgjigjesh, duke përfshirë këtë: Jezu Krishti do të kthehet në ditët e fundit dhe do të mbledhë, do të shpëtojë dhe do të mbrojë popullin e Tij.

Fuqia vjen kur nxënësit kuptojnë se të vërtetat që ata po mësojnë në shkrimet e shenjta janë provë e dashurisë, fuqisë dhe mëshirës së Atit Qiellor dhe Jezu Krishtit në jetën e tyre. Kjo kuptueshmëri mund t’i ndihmojë nxënësit të ndiejnë një lidhje më të afërt me Ta.

Pyetjet vijuese mund t’i ndihmojnë nxënësit ta arrijnë këtë kuptueshmëri.

(Për trajnim shtesë mbi bërjen e pyetjeve që i lidhin dashurinë, fuqinë dhe mëshirën e Zotit me të vërtetat që jepen mësim në shkrimet e shenjta, shihni “Ndihmojini nxënësit t’i dallojnë dashurinë, fuqinë dhe mëshirën e Zotit në jetën e tyre”, te Zotësitë për Përmirësimin e Mësuesve.)
Si na ndihmon dijenia për këtë të vërtetë rreth Jezu Krishtit të përballemi me Ardhjen e Dytë të Tij me siguri në vetvete?
Cilat janë disa mënyra se si Jezu Krishti e mbledh, e shpëton dhe e mbron popullin e Tij sot?

Përgjigjet për pyetjen e mëparshme mund të përfshijnë: Jezu Krishti i mbledh njerëzit duke i ftuar të gjithë të vijnë tek Ai, të ndjekin ungjillin e Tij dhe të marrin bekimet e tempullit. Ai i shpëton njerëzit duke ofruar dhuratën e Shlyerjes së Tij dhe ordinancat e ungjillit. Ai i mbron njerëzit duke zbuluar vullnetin e Tij nëpërmjet profetëve të gjallë dhe shkrimeve të shenjta.

Tregoje atë që di

Lexoje tekstin e himnit “Eja, Mbret i Mbret’ve” (Himne, nr. 31). Më pas, shkruaj një strofë shtesë për himnin. Përfshiji mësimet e Zakarias për atë që premtoi të bënte Shpëtimtari për popullin e Tij gjatë Ardhjes së Tij të Dytë dhe për mënyrën se si këto premtime të ndihmojnë të ndihesh i sigurt se Shpëtimtari do të jetë me popullin e Tij në ditët e fundit.

Ftojini nxënësit ta tregojnë tekstin që shkruan.

Mund të merrni parasysh ta këndoni himnin së bashku si klasë, duke përfshirë një ose më shumë nga vargjet që shkruan nxënësit.

Për ta përmbyllur, mund të jepni dëshminë tuaj për Shpëtimtarin dhe mënyrën se si Ai ju ndihmon ta prisni me padurim Ardhjen e Tij të Dytë me siguri.

Burime Shtesë

Çfarë kanë dhënë mësim profetët bashkëkohorë rreth Ardhjes së Dytë të Shpëtimtarit?

Presidenti Rasëll M. Nelson dha mësim:

“Zoti do të kthehet në tokën që Ai e bëri të shenjtë nëpërmjet misionit të Tij atje gjatë vdekshmërisë. Plot ngadhënjim, Ai do të vijë përsëri në Jerusalem. Me rrobën e kuqe mbretërore që të simbolizojë gjakun e Tij që doli nga çdo por, Ai do të kthehet në Qytetin e Shenjtë (shih Doktrina e Besëlidhje 133:46–48). Atje dhe kudo tjetër, ‘lavdia e Zotit do të zbulohet dhe çdo qenie do ta shohë’ (Isaia 40:5; shih edhe Doktrina e Besëlidhje 101:23). Ai ‘do të quhet Këshilltar i admirueshëm, Perëndi i fuqishëm, Atë i përjetshëm, Princ i paqes’ (Isaia 9:6).

Ai do të qeverisë nga dy kryeqytete të botës: njëri në Jerusalemin e lashtë (shih Zakaria 14) dhe tjetri në Jerusalemin e Ri që ‘do të ndërtohet në kontinentin amerikan’ (Nenet e Besimit 1:10). Nga këto qendra Ai do të drejtojë punët e Kishës dhe të mbretërisë së Tij. Një tempull tjetër sërish do të ndërtohet në Jerusalem. Nga ai tempull Ai do të mbretërojë përgjithmonë si Zot i Zotërve. Ujë do të rrjedhë nga poshtë tempullit. Ujërat e Detit të Vdekur do të shërohen. (Shih Ezekiel 47:1–8.)

Në atë ditë Ai do të mbajë tituj të rinj dhe do të rrethohet nga shenjtorë të veçantë. Ai do të njihet si ‘Zot i zotërve dhe Mbret i mbretërve; dhe ata që [do të jenë] me të [do të jenë ata që] janë të thirrur, të zgjedhur dhe besnikë’ (Zbulesa 17:14) për shkak të mirëbesimit të tyre këtu në vdekshmëri. Atëherë Ai ‘do të mbretërojë në shekuj të shekujve’ (Zbulesa 11:15).

Toka do të kthehet në gjendjen e saj të parajsës dhe do të bëhet e re. Do të ketë një qiell të ri dhe një tokë të re (shih Zbulesa 21:1; Ethëri 13:9; Doktrina e Besëlidhje 29:23–24).

Është përgjegjësia jonë – është privilegji ynë – që të ndihmojmë për ta përgatitur botën për atë ditë.” (“E Ardhmja e Kishës: Përgatitja e Botës për Ardhjen e Dytë të Shpëtimtarit”, Liahona, prill 2020, f. 10–11)

Çfarë ndjenjash mund të përjetojmë ndërsa përgatitemi për kthimin e Shpëtimtarit?

Plaku Nil L. Andersen, i Kuorumit të Dymbëdhjetë Apostujve, dha mësim:

15:55

“Dhe ndërsa jetoni me drejtësi vit pas viti, ju siguroj se përvojat tuaja do t’ju pohojnë herë pas here se Jezusi është Krishti. Shkëmbi shpirtëror nën këmbët tuaja do të jetë i fortë dhe i sigurt. Ju do të ngazëlleheni që Perëndia ju ka vendosur këtu që të jeni pjesë e përgatitjeve përfundimtare për kthimin e lavdishëm të Krishtit.” (“Vorbullat e Erërave Shpirtërore”, Liahona, maj 2014, f. 21)

Për këshilla shtesë mbi mënyrën se si të përjetojmë shpresë ndërsa përgatitemi për kthimin e Shpëtimtarit, shihni artikullin e Presidentit Nelson “E Ardhmja e Kishës: Përgatitja e Botës për Ardhjen e Dytë të Shpëtimtarit” (Liahona, prill 2020, f. 7–11).

Ku mund të mësoj më shumë rreth betejës së Armagedonit?

Për një diskutim të hollësishëm rreth betejës së Armagedonit, shih The Battle of Armageddon: A Prophetic View [Beteja e Armagedonit: Një Pamje Profetike] (Old Testament Student Manual 1 Kings–Malachi [Manuali i Nxënësit për Dhiatën e Vjetër, 1 Mbretërve–Malakia] [2003], f. 291–295). Mund të studiosh gjithashtu rreth këtij konflikti mbarëbotëror tek Ezekiel 38–39; Zakaria 12–14; Zbulesa 11; Doktrina e Besëlidhje 45:47–53; dhe tek Udhëzuesi për Shkrimet e Shenjta, “Armagedon” (Gospel Library [Biblioteka e Ungjillit]).

Veprimtari Plotësuese të të Mësuarit

Zakaria 9:9. Profecia e hyrjes ngadhënjimtare të Krishtit

Mund të shpjegoni se përveç profecive të Ardhjes së Dytë të Shpëtimtarit, Zakaria parashikoi një ngjarje që do të ndodhte gjatë shërbesës në vdekshmëri të Krishtit.

Ftojini nxënësit të lexojnë te Zakaria 9:9, duke kërkuar profecinë rreth Jezu Krishtit. Më pas, ftojini ata të lexojnë te Mateu 21:4–11, duke kërkuar mënyrën se si Jezu Krishti e përmbushi këtë profeci. Për t’i ndihmuar nxënësit ta përfytyrojnë ngjarjen, mund të shfaqni “The Lord’s Triumphal Entry into Jerusalem” [“Hyrja Ngadhënjimtare e Zotit në Jerusalem”] (1:22).

1:22

Mund të diskutoni më pas mënyrën se si Zoti u zbulon profetëve të Tij të vërteta rreth ngjarjeve të ardhshme dhe çfarë na mëson kjo rreth Zotit. Nxënësit mund të renditin shembuj të tjerë nga shkrimet e shenjta ku profetët profetizuan për Jezu Krishtin. Ata mund të diskutojnë mënyrën se si ato profeci na i forcojnë dëshmitë për Të.

Të qenit gati për Ardhjen e Dytë të Shpëtimtarit

Për t’i ndihmuar nxënësit të ndihen të përgatitur për Ardhjen e Dytë të Shpëtimtarit, mund të shfaqni njërën ose të dyja pjesët filmike:

Israel, Israel, God is Calling – Highlight 1 [Izrael, Izrael, Po Thërret Perëndia – Pika Kulmore 1] (1:53): Presidenti Xhefri R. Holland jep mendime rreth mënyrës se si dëshiron të gjendet kur të kthehet Shpëtimtari.

1:53

The Righteous Need Not Fear [Të Drejtët Nuk Duhet të Kenë Frikë] (1:06): Presidenti Dallin H. Ouks jep mësimin se të drejtët nuk kanë përse të kenë frikë kur të vijë Shpëtimtari.

1:8

Gjetja e përgjigjeve për pyetjet rreth Ardhjes së Dytë në Shkrimet e Shenjta

Për t’i ndihmuar nxënësit t’i përdorin shkrimet e shenjta që të gjejnë përgjigjet për pyetjet rreth Ardhjes së Dytë, mund ta organizoni klasën në grupe të vogla për veprimtarinë vijuese. Caktojini secilit grup njërën nga pyetjet vijuese dhe vargjet shoqëruese të shkrimit të shenjtë. Ftojini nxënësit të studiojnë disa ose të gjitha vargjet dhe të përgatisin një paraqitje të shkurtër rreth asaj që zbulojnë. Ftojeni secilin grup t’ia tregojë klasës atë që mësoi.

Çfarë do t’u ndodhë të drejtëve dhe të ligjve në Ardhjen e Dytë?
- Zakaria 14:12–13, 16
- Malakia 3:1–3; 4:1–3
- 1 Nefi 22:15–17, 19, 22–23
A do të jem unë atje kur të kthehet Shpëtimtari?
- Zakaria 14:5
- 1 Thesalonikasve 4:14–17
- Doktrina e Besëlidhje 45:44–46
- Doktrina e Besëlidhje 88:96–98
A e dimë se kur do të ndodhë Ardhja e Dytë e Shpëtimtarit?
- Mateu 24:36
- Doktrina e Besëlidhje 39:20–21
- Doktrina e Besëlidhje 49:7
Cilat janë disa shenja të tjera të Ardhjes së Dytë të Shpëtimtarit?
- Ezekiel 47:1, 8–9
- Joel 2:30–32
- Zakaria 14:8
- Lluka 21:25–28