Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Hagai: “Mendohuni Mirë Për Sjelljen Tuaj”

“Hagai: ‘Mendohuni Mirë Për Sjelljen Tuaj’”, Manuali i Mësuesit të Seminarit për Dhiatën e Vjetër (2026)

“Hagai: ‘Mendohuni Mirë Për Sjelljen Tuaj’”, Manuali i Mësuesit të Seminarit për Dhiatën e Vjetër

Hagai 1–2; Zakaria 1–4; 10–14: Mësimi 155

Hagai

“Mendohuni Mirë Për Sjelljen Tuaj”

A young man with his arms folded. Squares that show different symbols of activities such as music, books, pencil and paper, and a phone surround him.

Në jetën tonë të ngarkuar, si mund të gjejmë kohë për Zotin dhe gjërat që Ai na kërkon të bëjmë? Ne mund të kemi dobi nga ndjekja e ftesës së Zotit për judenjtë për t’u “mend[uar] mirë për sjelljen [tonë]” (Hagai 1:5) lidhur me mënyrën se si gjejmë kohë për Të. Ky mësim mund t’i ndihmojë nxënësit ta vendosin Perëndinë të parin në jetën e tyre.

Përgatitja e nxënësve: Ftojini nxënësit të bëjnë një listë të gjërave që ata i bëjnë në një ditë të zakonshme. Nxënësit mund të emërtojnë gjërat që mendojnë se janë më të rëndësishme dhe të përsiatin arsyen përse i konsiderojnë ato gjëra të rëndësishme. Ata mund t’i sjellin listat e tyre në klasë.

Veprimtari të Mundshme të të Mësuarit

T’i japim përparësi Zotit

Mësimi vijues me sende është në artikullin “Përdorimi i Kohës Suaj në Mënyrën e Duhur” (Liahona, korrik 2020, f. 60).

Para orës mësimore, mbusheni një kavanoz me gurë, më pas shtoni rërë sipër, duke e tundur mirë që të bjerë në fund. Kjo vlen për t’u siguruar që keni rërë të mjaftueshme për të mbushur kavanozin. Më pas, ndajeni rërën nga gurët sërish. Sillini kavanozin, rërën dhe gurët në orën mësimore. Ndërsa fillon ora mësimore, tregojuani artikujt nxënësve, duke shpjeguar se kavanozi përfaqëson kohën tonë, gurët përparësitë tona dhe rëra veprimtaritë tona të përditshme.

Cilat janë gjërat që shpenzon kohën tënde për t’i bërë çdo ditë?
Cilat janë gjërat që Zoti i kërkon secilit prej nesh t’u japim përparësi?

Nxënësit mund t’i përgjigjen pyetjes së dytë me përgjigje të tilla si studimi i shkrimeve të shenjta, lutja, koha familjare, shërbimi e kështu me radhë. Merreni parasysh t’i shkruani përgjigjet e nxënësve mbi gurë.

Për t’i ndihmuar nxënësit të shohin vlerën e dhënies së përparësisë, së pari mbushni kavanozin me rërë. Më pas përpiquni të shtoni gurët, që nuk do t’i nxërë. Diskutoni se si t’i futni të dy artikujt. Zbrazeni kavanozin dhe provojeni përsëri. Shtoni gurët në fillim, më pas rërën, duke e tundur kavanozin që rëra të bjerë në hapësirat bosh.
Çfarë mund të mësojmë nga ky mësim me sende?
Përse mund të jetë e vështirë të gjejmë kohë për Zotin dhe gjërat që Ai na kërkon të bëjmë çdo ditë?

Ndërsa e studion Hagain, kërko frymëzim nga Fryma e Shenjtë rreth mënyrës se si Zoti mund ta bekojë jetën tënde ndërsa gjen kohë për Të.

Rindërtimi i tempullit

Për t’i ndihmuar nxënësit të kuptojnë kontekstin e Hagait, merreni parasysh të jepni përmbledhjen vijuese.

Pasi judenjtë u kthyen në Jerusalem nga robëria e tyre në Babiloni, ata bënë përpjekje të mëdha për rindërtimin e tempullit, qytetit, shtëpive dhe jetës së tyre (shih tek Ezdras 1:1–6). Por pasi kishin kaluar rreth 15 vjet, Zoti u mërzit që ata nuk i kishin dhënë përparësi më të madhe rindërtimit të tempullit (shih tek Ezdras 4:24; Hagai 1:3–4). Ai e dërgoi profetin e Tij Hagain t’i bindte njerëzit t’i jepnin përparësi ndërtimit të shtëpisë së Zotit.

Lexo te Hagai 1:2–4, duke kërkuar fjalët ose frazat që tregojnë se judenjtë nuk ishin të përqendruar te rindërtimi i tempullit.

Mund të nevojitet të shpjegoni fjalën “të mbuluara”. Kjo mund të tregojë se, ndërkohë që tempullin e lanë të papërfunduar, njerëzit ndërtuan për vete shtëpi të rehatshme dhe të mobiluara mirë.

Si mund të lidhet kjo me mësimin me sende?

Lexo te Hagai 1:5–11, duke kërkuar pasojat me të cilat u përballën judenjtë për shkak se u dhanë përparësi gjërave të tjera dhe jo rindërtimit të tempullit.

Cilat janë disa pasoja që mund të përjetojmë nëse nuk i japim përparësi Zotit në jetën tonë?

Ju mund t’i ftoni nxënësit të vënë në dukje ose të shenjojnë frazën e përsëritur te vargjet 5 dhe 7.
Çfarë mendon se nënkuptoi Zoti kur Ai i ftoi njerëzit të “mendoh[eshin] mirë për sjelljen [e tyre]”? (Hagai 1:5, 7)

“Që nga kjo ditë e tutje, unë do t’ju bekoj”

Merreni parasysh të lexoni ose të përmblidhni paragrafin vijues për t’i ndihmuar nxënësit të kuptojnë pjesën tjetër të rrëfimit.

Judenjtë dhe udhëheqësit e tyre iu bindën zërit të Zotit. Zorobabeli (qeveritari) dhe Jozueu (prifti i lartë) drejtuan përpjekjet për rindërtimin e tempullit (shih te Hagai 1:12–14). Edhe profeti Hagai ndihmoi (shih tek Ezdras 5:1–2). Ndërsa punuan, Zoti dha fjalë inkurajimi.

Shkruajeni të vërtetën e paplotë vijuese në tabelë: Nëse e vendosim Perëndinë të parin në jetën tonë …

Merreni parasysh ta ndani klasën në tri grupe, ku çdo grup lexon njërin nga fragmentet vijuese.

Lexo një ose më shumë prej fragmenteve vijuese, duke kërkuar nga Zoti inkurajim që mund të plotësojë fjalinë në tabelë:

Hagai 2:4–5

Hagai 2:6–9

Hagai 2:18–19

Nxënësit mund të vijnë në tabelë dhe të shkruajnë se si do ta plotësonin thënien. Sa vijon janë shembuj të asaj që ata mund të shkruajnë:

… Ai do të jetë me ne.

… Ai do të na japë paqe.

… Ai do të na bekojë shpirtërisht dhe fizikisht.

Për të gjetur bekimet shtesë që mund t’i marrim duke e vendosur Perëndinë të parin, nxënësit mund të lexojnë te Mosia 2:41 dhe 3 Nefi 13:31–33. Më pas, mund ta shtoni në tabelë atë që gjejnë ata.

Cilin prej bekimeve të Zotit nga këto vargje e dëshiron më shumë? Përse?

Imagjino sikur ke një shoqe që quhet Arjana, që mendon se nuk ka fare kohë për t’i dhënë përparësi Perëndisë në jetën e saj. Ditët e saj janë të mbushura me detyrat e shkollës, shokët dhe pasionet, duke e lënë atë të rraskapitur dhe pa shtysë për gjërat shpirtërore. Ajo sheh një nevojë për të ndryshuar, por nuk di se çfarë të bëjë.

Çfarë këshille do t’i jepje Arjanës për ta ndihmuar atë ta vendosë Perëndinë të parin?
Si mund ta bekojë Perëndia atë për shkak se e vendosi Atë të parin?

Pas një kohe të mjaftueshme, mund të shfaqni pjesën tjetër të materialit filmik “Dëshira e Sinqertë e Shpirtit” nga kodi kohor 2:02 deri në 3:28, duke i ftuar nxënësit të kërkojnë atë që bën Arjana për të ndryshuar.

3:29
Çfarë këshille tjetër do t’i jepje dikujt që mendon se nuk mund ta vendosë Perëndinë të parin në jetën e tij për ndonjë arsye tjetër?
Si të ka bekuar Perëndia ty ose të tjerët që ti i njeh që e vendosën Atë të parin?

Bëj një plan

Kjo pjesë mund t’i ndihmojë nxënësit ta zbatojnë atë që mësuan. Merreni parasysh ta paraqitni thënien vijuese.

Reflekto personalisht mbi ftesën vijuese nga Plaku Dejvid A. Bednar, i Kuorumit të Dymbëdhjetë Apostujve:

13:56

“E përsëris këshillën e Zotit drejtuar popullit të Tij, që u dha nëpërmjet profetit Hagai të Dhiatës së Vjetër: ‘Prandaj Zoti i ushtrive thotë tani: “Mendohuni mirë për sjelljen tuaj!”’ [Hagai 1:5].

Secili prej nesh duhet t’i vlerësojë me çiltërsi dhe plot lutje përparësitë e veta materiale dhe shpirtërore për të përcaktuar gjërat në jetën tonë që mund t’i pengojnë bekimet bujare që Ati Qiellor dhe Shpëtimtari janë të gatshëm të na i japin. Dhe sigurisht Fryma e Shenjtë do të na ndihmojë ta shohim veten ashtu siç jemi në të vërtetë.” (“Rivishu me Forcën Tënde, o Sion”, Liahona, nëntor 2022, f. 94)

Vepro sipas ftesës së Zotit për t’u “mend[uar] mirë për sjelljen [tënde]” (Hagai 1:5, 7) duke përsiatur për përparësitë e tua. Përsiat nëse ka gjëra që është e nevojshme t’u japësh përparësi ose t’i heqësh nga jeta jote për të ftuar bekimet që Ati Qiellor dhe Jezu Krishti janë të gatshëm të t’i japin.

Jar full of rocks with sand or dirt on the side

Në ditarin tënd skico një kavanoz me gurë dhe emërtoji gurët me zotimet që do të bësh për t’i dhënë përparësi Perëndisë. Vizato rërë jashtë kavanozit dhe emërtoje atë me gjërat që do të doje t’i eliminoje. Zgjidh një ose dy gurë dhe planifiko çfarë, kur dhe si do t’i përmbushësh këto zotime.

Merreni parasysh të jepni dëshminë ose mendimet tuaja rreth bekimeve të Atit Qiellor dhe Jezu Krishtit ndërsa i vendosim Ata të parët në jetën tonë.

Burime Shtesë

Përse duhet ta vendos Zotin të parin në jetën time?

Presidenti Rasëll M. Nelson nxiti:

“Zërat dhe trysnitë nga bota janë ndjellëse dhe të shumta. Por tepër shumë zëra janë mashtrues, joshës dhe mund të na heqin nga shtegu i besëlidhjeve. Për ta shmangur zemërthyerjen e pashmangshme që vijon, ju përgjërohem sot që t’i kundërviheni tërheqjes së botës, duke gjetur kohë për Zotin në jetën tuaj – në secilën dhe për çdo ditë.

… Ju përgjërohem që të gjeni kohë për Zotin! Bëjeni themelin tuaj vetjak shpirtëror të fortë dhe të aftë për t’i qëndruar provës së kohës duke bërë ato gjëra që e lejojnë Frymën e Shenjtë të jetë me ju gjithmonë.” (“Gjeni Kohë për Zotin”, Liahona, nëntor 2021, f. 120)

Si mund të gjej kohë për gjërat shpirtërore kur kam kaq shumë kërkesa të tjera në ditën time?

Presidenti Ezra Taft Benson (1899–1994) shpjegoi:

“Kur ne e vendosim Perëndinë të parin, gjithë gjërat e tjera zënë vendin e duhur ose largohen nga jeta jonë. Dashuria jonë për Zotin do të rregullojë faktin se kush e merrdashurinë tonë, kërkesat e kohës sonë, interesat që ndjekim dhe rendin e përparësive tona.” (“The Great Commandment – Love the Lord”, Ensign, maj 1988, f. 4)

Plaku Terens M. Vinson, i Të Shtatëdhjetëve, dha mësim:

“Ne mund të ndiejmë gëzim jetëgjatë kur Shpëtimtari ynë dhe ungjilli i Tij bëhen struktura brenda së cilës e ndërtojmë jetën tonë. Gjithsesi, është kaq e lehtë që ajo strukturë të përbëhet, përkundrazi, nga gjërat e botës, ku ungjilli qëndron si një diçka shtesë kur kemi dëshirë, ose si një frekuentim i thjeshtë i kishës për dy orë të dielave. Kur ky është rasti, ai është i barasvlershëm me vendosjen e të ardhurave tona në ‘një qese të shpuar’.

Hagai po na thotë të jemi të zotuar. …

Nuk ka asnjë thesar, as ndonjë veprimtari të kohës së lirë, as ndonjë status, as ndonjë media shoqërore, as ndonjë lojë kompjuterike, as ndonjë sport, as ndonjë shoqërim me një njeri të famshëm, as ndonjë gjë në tokë që është më e çmuar sesa jeta e përjetshme. Prandaj këshilla e Zotit ndaj çdo njeriu është: ‘Mendohuni mirë për sjelljen tuaj’.” (“Dishepujt e Vërtetë të Shpëtimtarit”, Liahona, nëntor 2019, f. 9, 11)

Veprimtari Plotësuese të të Mësuarit

Në tempull, Zoti mund të na japë paqe

Nëse nxënësit tuaj mund të kenë dobi nga një diskutim më i thellë rreth tempullit, merreni parasysh t’i ftoni ata të lexojnë te Hagai 2:6–9, duke kërkuar bekimet që Zoti ua premtoi judenjve për shkak të tempullit. Ftojini nxënësit ta tregojnë atë që gjetën. Ndihmojini ata të përcaktojnë një të vërtetë të tillë si vijuesja: Kur jemi në shtëpinë e Zotit, Ai mund të na japë paqe. Më pas, mund t’i ftoni ata t’i përgjigjen pyetjes vijuese:

Kur e keni ndier Zotin t’ju japë paqe nëpërmjet përvojave me tempullin?

Rindërtimi i jetës sonë

Nëse dëshironi të përqendroheni më shumë mbi mënyrën se si rindërtimi i tempullit mund të lidhet me jetën tonë personale, merreni parasysh të tregoni historinë e Tempullit të Qendrës së Qytetit të Provos. Ky tempull u rindërtua nga një tabernakull i dashur që ishte dëmtuar nga zjarri (shihni “Provo City Center Temple Completed” [“Tempulli i Qendrës së Qytetit të Provos i Përfunduar”] nga kodi kohor 0:05 deri në 2:16).

7:17

Më pas, ftojini nxënësit tuaj të lexojnë te Hagai 2:1–9, duke përsiatur gjërat në jetën e tyre që mund të jenë si rindërtimi i një tempulli që ishte shkatërruar.

Si na rindërton ne Zoti pas tragjedisë ose fatkeqësisë?

Krahasimi me Tempullin e Kirtlandit

Mund t’i ndihmojë nxënësit ta krahasojnë rindërtimin e tempullit në Jerusalem me ndërtimin e Tempullit të Kirtlandit në vitin 1833. Nxënësit mund t’i krahasojnë izraelitët me Shenjtorët e hershëm të Ditëve të Mëvonshme nëpërmjet leximit të vargjeve te Doktrina e Besëlidhje 95:1–3, duke kërkuar arsyen përse Zoti u mërzit me ta.

Pasi të shpjegoni se izraelitët zgjodhën t’i bindeshin Zotit, mund të shpjegoni më pas se edhe Shenjtorët e hershëm iu bindën Zotit dhe e filluan menjëherë ndërtimin e Tempullit të Kirtlandit. Të dy tempujt kërkuan sakrificë dhe përpjekje të madhe për t’u ndërtuar (shihni Latter-day Saint History: 1815–1846 Teacher Material [2018], Mësimi 13: “The Kirtland Temple”).

Material filmik rreth ekuilibrimit të përparësive

Nëse mendoni se nxënësit mund të kishin dobi nga një material filmik rreth ekuilibrimit të përparësive, merreni parasysh të shfaqni materialin filmik “Wisdom and Order” [“Urtësia dhe Rendi”] (3:19). Ju mund t’i pyesni nxënësit se çfarë mësojnë nga materiali filmik që lidhet me rrëfimin te Hagai.

3:18