Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iona: “O Oe o le Atua Alofa Fua, ma le Alofa Mutimutivale”

“Iona: ‘O Oe o le Atua Alofa Fua, ma le Alofa Mutimutivale,’” Tusi Lesona a le Faia’oga Seminare o le Feagaiga Tuai (2026)

“Iona: ‘O Oe o le Atua Alofa Fua, ma le Alofa Mutimutivale,’” Tusi Lesona a le Faia’oga Seminare o le Feagaiga Tuai

Amosa; Opetaia; Iona: Lesona 151

Iona

“O Oe o le Atua Alofa Fua, ma le Alofa Mutimutivale”

The Old Testament prophet Jonah depicted lying on the beach at Nineveh after having survived being swallowed by a whale. The ocean and a whale are depicted in the background. The image depicts Jonah being returned to preach at Nineveh.

Sa fa’aloaloa atu e le Ali’i Ona aao o le alofa mutimutivale iā Iona ma tagata o Nineva, e ui i mea sese tetele sa latou faia.A o tatou iloaina lenei lava alofa ma le alofa mutimutivale ua tu’uina mai iā i tatou, e mafai foi ona tatou alalaga atu o le Ali’i o le “Atua alofa fua, ma le alofa mutimutivale, e telegese lona toasa, ma e agalelei tele” (Iona 4:2).O lenei lesona e mafai ona fesoasoani i tagata a’oga e lagona le alofa ma le alofa mutimutivale o le Alii mo i latou ma isi.

Gaoioiga e Ono Mafai Ona Aoaoina Ai

O la tatou vaaiga

Mafaufau e amatalia le vasega e ala i le tusiaina o le fua lenei i luga o le laupapa ma fa’atasi ma upu nei i autafa.A’o e fesili atu i tagata a’oga pe fa’apefea e isi ona va’ai atu i le Tamā Fa’alelagi ma Iesu Keriso, e mafai ona e fa’atulaga ni nai laina eseese i nofoaga eseese i luga o le fua, e fai ma faatusa o a latou tali.

Vaai faalemafaufau o lenei fua e fai ma faatusa o le auala e va’ai atu ai isi i le Tamā Fa’alelagi ma Iesu Keriso.

Aiseā e ono va’aia ai e isi tagata i Laua e alofa, alofa mutimutivale, ma agalelei, ae o isi e leai?

Ina ia fesoasoani i tagata a’oga e iloilo la latou vaaiga i le Tamā Fa’alelagi ma Iesu Keriso, mafaufau e vala’aulia i latou e mafaufau i mea nei.

Mafaufau loloto pe o gafea o luga o le laina e mafai ona e fa’atulaga ai lau va’aiga i le Tamā Fa’alelagi ma Iesu Keriso.Mafaufau pe aiseā ua e filifili ai lena tulaga i luga o le laina.

Vaai faalemafaufau la o lenei fua e fai ma faatusa o mea tatou te mafaufau iai po o le auala e taulima ai isi.

O ā ni mafua’aga tatou te ono taulimaina ai nisi tagata i se tasi auala, ma isi tagata i se auala e matuā ese lava?

A’o e suesue i le tala iā Iona, saili le Agaga Paia e fesoasoani iā te oe e va’aia le natura moni o le Tamā Fa’alelagi ma Iesu Keriso.Mafaufau pe fa’apefea e mea ua e a’oa’oina e uiga iā i Laua ona a’afia ai le auala e te va’ai ai, mafaufau ai, po o le auala e taulima ai isi.

O le tala iā Iona

Faitau le Iona 1:1–3, va’ava’ai mo fa’atonuga a le Ali’i iā Iona ma le auala na tali ai Iona.

O le ā se mea e fa’ailoa mai e le tali a Iona iā te oe e fa’atatau i ona lagona e uiga i fa’atonuga a le Ali’i e talai atu i tagata o Nineva?

2026 Old Testament Seminary Teacher Materials

A uma ona tu’u atu le taimi i tagata a’oga e fa’amae’a ai le gaoioiga, vala’aulia i latou e fai mai a latou fesili po o le fa’asoa mai o malamalama’aga ua latou maua mai le suesueina o lenei tala.

Afai e mana’omia, fa’amatala atu e faapea o le Iona 4 ua fa’aali mai ai e ui sa loto fa’afetai Iona ona sa alofa mutimutivale mai le Ali’i ma loto fa’amagalo iā te ia, sa inoino o ia i nei uiga ina ua fa’aali atu e le Ali’i i tagata o Nineva.Na a’oa’o atu e le Ali’i iā Iona o tagata Nineva sa matuā telē lo latou taua iā te Ia, e sili atu nai lo o le kikai.

Mafaufau e tusi upumoni lē uma nei i luga o le laupapa.Vala’aulia tagata a’oga a fa’auma upumoni e fa’aaoga ai mea fa’ato’a latou a’oa’oina mai le tala iā Iona.

O le Ali’i e …

Ina ia avea e pei o le Ali’i, e tatau ona tatou …

Mafaufau e fa’auma fa’amatalaga i luga o le laupapa i upu ma fasi fuaitau e fa’asoa mai e tagata a’oga, e pei o le:

E alofa mutimutivale le Ali’i, agalelei, ma loto fa’amagalo.

Ina ia avea e faapei o le Ali’i, e tatau ona tatou alofa mutimutivale, agalelei, ma loto fa’amagalo e pei o Ia.

E mafai ona e vala’aulia tagata a’oga e fa’asoa mai ni fa’ataitaiga fa’apitoa mai le tala iā Iona e faapupula ai nei upumoni.E mafai foi ona latou fa’asoa mai pe aiseā latou te lagona ai o upu ma fasi fuaitau ua latou filifilia e taua ona latou iloa.

Aiseā e faigata ai mo i tatou i nisi taimi ona alofa pe alofa mutimutivale i isi?
E mafai fa’apefea e le aoao e uiga i le alofa mutimutivale ma le alofa o le Alii ona a’afia ai le auala tatou te va’ai ai, mafaufau, po le auala e taulima ai isi?

Avea e pei o le Ali’i

Atonu ua uma ona faailoa e tagata a’oga nisi upumoni nai lo o isi ua lisiina i luga.Afai o lea, mafaufau i auala e fa’aloloto ai le malamalama’aga o tagata a’oga i upumoni ua latou faailoaina.O gaoioiga nei e mafai ona fesoasoani i tagata a’oga e malamalama lelei atili ai i upumoni uma o i luga, ma lagona le alofa o le Ali’i mo i latou ma isi.

E mafai ona e fa’atulaga tagata a’oga i ni paga ma tu’u atu e fa’amae’a ta’ito’atasi se tasi o gaoioiga.Ona mafai lea ona latou a’oa’o atu e le tasi le isi i mea sa latou a’oa’oina.Po o le tuuina atu i paga e faamae’a le gaoioiga lava lea e tasi ma fefa’asoaa’i mea ua latou a’oa’oina.

Filifili se tasi o ata fa’ataitai o lo o mulimuli mai:

Ata fa’ataitai A. Vaai faalemafaufau e iai sau uo e manatu e sauā, e lē alofa mutimutivale, pe e lē loto fa’amagalo le Tamā Fa’alelagi ma Iesu Keriso.

Ata fa’ataitai E. Vaai faalemafaufau e iai sau uo o lo o tauivi ia alofa mutimutivale, agalelei, pe loto fa’amagalo atu i se isi.

Fai mea nei:

Saili se fuaiupu mai le tala iā Iona e te ono fa’asoa atu i lau uo.(E mafai foi ona e fa’aopoopo nisi fuaitau o tusitusiga paia e mafai ona fesoasoani.)
Mafaufau i se a’afiaga e ono fesoasoani.Mo le ata fa’ataitai A: mafaufau i se taimi na fa’aalia ai e le Ali’i le alofa po o le alofa mutimutivale iā te oe po se isi e te iloaina.Mo le ata fa’ataitai E: mafaufau i se taimi na fesoasoani ai le Ali’i iā te oe po o se isi e te iloa ia faaali atu le alofa po o le alofa mutimutivale i isi.

O le ā se mea na e a’oa’oina?

Ina ia fesoasoani i tagata a’oga ia va’ai ma lagona le alofa ma le alofa mutimutivale o le Ali’i mo i latou fa’apea ma isi, mafaufau e vala’aulia i latou e tusi se ata i a latou api tala’aga o suesuega, e mafai ona fa’amanatu ai iā i latou le tala iā Iona e pei o se tafola po o se la’au tele.Ona tusi lea o a latou tali i se tasi o fesili o i lalo, i totonu, po o autafa o a latou ata.

Mafaufau e tali se tasi o fesili nei i lau api tala’aga mo suesuega:

O ā mea ua e a’oa’oina i le asō e fesoasoani ai iā te oe e lagona e faapea e alolofa mutimutivale, agalelei, ma loto fa’amagalo le Tamā Fa’alelagi ma Iesu Keriso.
O ā ni ou a’afiaga i le asō e fesoasoani iā te oe e lagona ailo La’ua alofa mo i latou atonu o lo o e tauivi e alofa iai pe fa’amagalo?

O Puna’oa Fa’aopoopo

O le ā se mea e mafai ona fesoasoani iā te a’u e malamalama ai i le natura moni o le Tamā Fa’alelagi ma Iesu Keriso?

Na molimau mai Elder Robert M. Daines o le Fitugafulu:

10:22

E pei ona a’oa’o mai Peresitene Nelson, “O le tele o lou a’oa’o e uiga i le Fa’aola, o le faigofie atu foi lena o le fa’alagolago i Lona alofa mutimutivale, Lona alofa e lē i’u.”Ma o le tele foi lea o le a e fa’atuatuaina ai ma alofa i lou Tamā Fa’alelagi.

Ua a’oa’o mai i tatou e Elder Jeffrey R. Holland e fa’apea na afio mai Iesu e fa’aali mai iā i “tatou po o ai le Atua lo tatou Tamā e Fa’avavau ae fa’apeī foi o ia, fa’apea le atoatoa o le gaua’i atu o Ia i Lana fanau i tupulaga uma ma atunuu.”

O lo o ta’ua e Paulo o le Atua “o le Tamā e ona le alofa mutimutivale [uma], ma o le Atua foi e ana fa’amafanafanaga uma.”

Afai e ese lau va’ai iā te Ia, fa’amolemole taumafai pea.(“Lau Susuga, Matou Te Fia Va’ai iā Iesū,” Liahona, Nov. 2023, 14)

Pe faapefea la tatou amio pe afai tatou te va’aia le fa’amanuiaina e le Atua o isi, aemaise lava pe afai tatou te lagona e lē tatau mo i latou.

Na saunoa mai Elder LeGrand R. Curtis Jr. o le Fitugafulu:

O le alofa o le Tamā Fa’alelagi mo Lana fanau uma e lē fa’atuaoia, ma e lē mana’omia ona tatou inoino i lena alofa pe afai e va’aia ua faatinoina i olaga o isi.E matua lava ma totoe le alofa mo i tatou, ma a tatou fa’asoa atili atoatoa i lena alofa, e le gata ua tatou fa’amanatuina le toe foi mai o le atali’i fa’amaumau oa ae fa’apea foi ona fesoasoani ai i le to’atele e mafai ai, e toe fo’i mai i le lafu “saogalemū ma le manuia” (Luka 15:27).(“Na ia Momo’e, ma Fa’apa’u i Lona Ua, ma Sogi Iā Te Ia,” Liahona, Ian. 2015, 47)

Na a’oa’o mai Peresitene Jeffrey R. Holland, o le Korama a Aposetolo e To’asefululua:

15:23

O le a iai taimi i o tatou olaga o le a maua ai e se tagata se fa’amanuiaga e lei fa’amoemoeina pe maua se tulaga aloaia fa’apitoa.E mafai ona ou augani atu ia te i tatou ia aua nei tiga ai—ma mautinoa ia aua nei lotovale ai—pe a oo atu se manuia lelei i se isi tagata?E le faaitiitia ai o tatou tulaga pe a tele ni mea e maua e le isi tagata.Tatou te le’o iai i se tu’uga e fa’atauva le tasi i le isi e iloa ai pe o ai ua sili ona mau’oa pe sili ona talenia, pe sili ona aulelei pe sili foi ona fa’amanuiaina.O le tu’uga moni lea tatou te iai, o le tu’uga e fa’asagatau i le agasala, e mautinoa lava o le lotovale o se tasi o agasala e matua sili ona ta’atele.(“O le Au Faigaluega i le Tovine,” Liahona, Mē 2012, 31)

Ona o le Atua e sili ona alofa mutimutivale ma agaalofa, pe mana’omia moni ona ou salamō?

Na a’oa’o mai Elder D. Todd Christofferson o le Korama a Aposetolo e To’asefululua:

13:12

Ona o le alofa o le Atua e aofia ai tagata uma, ua fai mai nisi e “lē fa’atuaoia,” ma i o latou mafaufau, atonu latou te manatu ai o lona uiga o fa’amanuiaga a le Atua e “lē fa’atuaoia” ma o le fa’aolataga foi e “lē fa’atuaoia.”E leai.E fai mai soo a nisi, “E alofa le Faaola ia te a’u i le tulaga lea ou te i ai,” ma e moni lelei lava lena mea.Ae e lē mafai e Ia ona aveina se tasi o i tatou i Lona malō i le tulaga o tatou iai nei, “aua e leai se mea eleelea e mafai ona nofo ai iina, pe nofo ai i lona afioaga” (taga’i i le Mose 6:57).E tatau ona foia muamua a tatou agasala.(“O Le Alofa o le Atua,” Liahona, Nov. 2021, 16)

Gaoioiga Fa’aopoopo e A’oa’o Ai

Se vaaiga faa’ata’ata o le tala iā Iona

Afai e fesoasoani i au tagata a’oga, mafaufau e fa’aali atu le “Jonah the Prophet” (2:30).O lenei vitiō e mafai ona fesoasoani i tagata a’oga e va’ai ai i le tala iā Iona a’o le’i faaumaina po o le uma ai ona faamae’a o le pepa e tufa atu.

2:30

O se fa’ataitaiga fa’aonapō nei o Iona

I le sui tulaga ai o le vitiō i le vaega “Avea e pei o le Ali’i,” e mafai ona e fa’asoa atu se tala mai le tusiga “E Le’i Tuai Tele mo se Avanoa Lona Lua”.O lenei tusiga e aofia ai le tala o se tamaita’i talavou na leiloa uma le fa’amomoe o le fa’amanuiaina i le a’oga, ae na maua le mafanafana ma le fa’amoemoe e ala mai i lona tamā.A uma ona fa’asoa atu le tala, e mafai ona e fai atu i tagata a’oga e fa’asoa mai pe na fa’apefea e le tamā i lenei tala ona pei o lo tatou Tamā Fa’alelagi.Ona mafai lea ona fa’asoa mai o latou a’afiaga patino i le taimi na latou lagona ai le fa’aali atu o le alofa mutimutivale o le Tamā Fa’alelagi i o latou olaga.

Fa’aali atu o le alofa ma le alofa mutimutivale i isi

I le sui tulaga ai i le vaega o iai le vitiō o le “Avea fa’apei o le Ali’i”, mafaufau e fa’aali atu le vitiō “President Uchtdorf: Forgiveness” (3:40).O lenei vitiō e mafai ona fa’aaoga e fesoasoani i tagata a’oga e va’ai i le taua o le fa’aalia o le alofa mutimutivale ma le fa’amagalo e pei ona faia e le Ali’i iā i tatou.E mafai e tagata a’oga ona matamata le vitiō e mafaufau ai i se tasi o lo o latou tauivi e fiafia pe fa’amagalo iai.

3:40

Iona 2.Mauaina o le alofa mutimutivale o le Ali’i e ala i le salamō

Afai e te manatu e aoga mo tagata a’oga le fa’aalu o se taimi e talanoaina ai le taua o le salamō, e mafai ona e vala’aulia tagata a’oga e suesue le Iona 2:1–10 i paga.E mafai ona latou va’ava’ai mo fasi fuaitau i le tatalo a Iona e fa’ailoa mai ai le naunau fa’amaoni o Iona ia salamō.

E mafai ona e fesili atu i tagata a’oga po o ā ni fa’amaoniga mai le tala ia Iona o lo o fa’aalia ai na fa’amagaloina o ia e le Ali’i ona sa salamō o ia.Ona mafai lea ona e fesoasoani i tagata a’oga e saili isi fa’ataitaiga mai tusitusiga paia o loo iai nisi na mauaina le alofa mutimutivale o le Ali’i e ala i le salamō fa’amaoni.