Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Amosa 3; 7: E Fa’aalia e le Ali’i Upumoni e ala mai i Ana Perofeta

“Amosa 3; 7: E Fa’aalia e le Ali’i Upumoni e Ala Mai i Ana Perofeta,” Tusi Lesona a le Faia’oga Seminare o le Feagaiga Tuai (2026)

“Amosa 3; 7: E Fa’aalia e le Ali’i Upumoni e Ala Mai i Ana Perofeta,” Tusi Lesona a le Faia’oga Seminare o le Feagaiga Tuai

Amosa; Opetaia; Iona: Lesona 149

Amosa 3; 7

E Fa’aalia e le Ali’i Upumoni e ala mai i Ana Perofeta

I se lalolagi e tele leo fa’atauanau, e mafai ona faafaigata ona iloa po o le fea leo e fa’atuatuaina.O le mea e lelei ai, ua fa’aali mai e lo tatou Tamā i le Lagi ma le Fa’aola, o Iesu Keriso, a La’ua fuafuaga iā i tatou e ala i a La’ua perofeta soifua.O lenei lesona e mafai ona fesoasoani i tagata a’oga ia malamalama e fa’aali mai e le Tamā Fa’alelagi ma Iesu Keriso apoapoaiga ma upumoni e ala mai iā La’ua perofeta.

Gaoioiga e Ono Mafai Ona Aoaoina Ai

O tali i apoapoaiga fa’aperofeta

O lenei gaoioiga ua fuafuaina e fesoasoani i tagata a’oga e mafaufau loloto i o latou uiga agai i perofeta.Atonu e fesoasoani le tusi o nei tali e tolu o faasalalauga fa’aagafeso’ota’i i luga o le laupapa.

O se isi mea e ono sui a’i le gaoioiga lenei, e mafai ona e vala’aulia tagata a’oga e vaai faalemafaufau e faapea o tali [nei] sa fa’asoaina mai e a latou uo ina ua uma ona fa’alogologo i le perofeta o lauga i le konefesi aoao po o i se faigalotu a le autalavou.Ona mafai lea ona e faamisia le fesili o loo tuuina faatasi atu iinei.

Vaai faalemafaufau i le va’aia ai o mea nei o ni tali i se tusitusiga o faasalalauga fa’aagafeso’ota’i:

“E leai sana aiā e tautala ai i lenei mea.E lē malamalama o ia.”

“E lē o malamalama o ia i le mea moni o lo’o tupu.”

“I isi mea uma lava e mana’omia ona ou faia, ou te le o iloa pe fa’apefea ona ou fa’atatau lenei fautuaga i lo’u olaga pisi tele.”

O ai o loo ono fa’asino atu iai nei tali?

E mafai ona e fa’aali se ata o le perofeta soifua ma vala’aulia tagata a’oga e vaai faalemafaufau e faapea o nei manatu o ni tali i se saunoaga a le perofeta.E mafai e tagata a’oga ona fa’asoa mai pe aiseā e ono iai i se tagata se tasi o nei uiga ua tuuina atu i luga.

Mafaufau e fa’aali atu fesili nei e fesoasoani i tagata a’oga e iloilo o latou lagona e uiga i le fautuaga fa’aperofeta lenei.

Fa’aalu sina taimi e tomanatu ai i lau vaaiga [patino] i le perofeta a le Ali’i i le lalolagi i aso nei. E mafai ona e mafaufau i au tali i fesili nei:

E faapefea so’u lagona e fa’atatau i fautuaga a le perofeta?E suia o’u lagona e fa’avae i fautuaga e na te aumaia?
O ā ni mafua’aga e mafai ona ou tu’uina atu mo le mulimuli ai i fautuaga fa’aperofeta?E iai ni auala e faafaigata ai ona ou mulimuli i fautuaga fa’aperofeta?

A’o tatou suesue i le tusi a Amosa i le aso nei, e mafai ona fesoasoani le Agaga Paia iā te oe e a’oa’o atili e uiga i le taua o afioga a le Atua iā i tatou e ala mai i Ana perofeta.E te ono mana’o e tusi i lalo ni ou malamalama’aga po o au fesili o iai a’o e suesue i le asō.

E fa’aalia e le Ali’i Ana fuafuaga e ala mai i Ana perofeta

E o’o ane i le taimi o le auaunaga fa’aperofeta a Amosa i le malō i matū o Isaraelu, o le to’atele o tagata o le feagaiga a le Atua na latou fulitua iā te Ia ma Ana perofeta ae mulimuli i ala leaga o nu’u tuaoi (taga’i i le Amosa 2:6–12).Na filifili e le Ali’i Amosa e alagaina le salamō ia i latou.Na valoia e Amosa le fa’atafunaga ma le ave fa’atagataotauaina o le Tupu o Ierepoamo II ma ona tagata (taga’i i le Amosa 7:8–9; 11, 17).

Faitau le Amosa 7:10–15, va’ava’ai i le auala na tali atu ai Amasia, le ositaulaga a le Tupu o Ierepoamo II, i fautuaga fa’aperofeta a Amosa.

O le ā se mea na e mauaina?
Aiseā e te manatu ai na mafaufau tagata e lē mafai ona latou “onosaia upu uma a [Amosa]” (Amosa 7:10) ma manana’o e alu o ia e vavalo i se isi nofoaga (taga’i i le Amosa 7:12)?
Aiseā e te manatu ai e fa’aauau pea e perofeta a le Atua ona a’oa’o atu e ui i le vaaiga a nisi tagata o i latou o ni tagata e lē lauiloa, le malamalama, pe lē o mana’omia?

Afai e lē ta’ua mai e tagata a’oga, e mafai ona e fesili atu po o le ā se [galuega] sa faia muamua e Amosa a o le’i vala’auina o ia e avea ma perofeta (taga’i i le Amosa 7:14) ma le mea sa faia e le Ali’i i le fuaiupu 15 e vala’auina ai Amosa e avea ma perofeta.Ia fa’amatala atu e faapea, e pei o Iosefa Samita ma isi, e le mana’omia e le Ali’i Ana perofeta e umia ni tofiga maualuluga po o ausiaga a o le’i vala’auina i latou e avea ma perofeta.Afai e mana’omia e tagata a’oga se fesoasoani i le taliina o lenei fesili, e te ono mana’o e fa’asoa atu le fa’amatalaga a Peresitene Nelson i le “Puna’oa Fa’aopoopo” o lenei lesona i le Potutusi a le Talalelei.

I ni nai mataupu na muamua atu, na fa’aalia ai e le Ali’i se upumoni mamana e uiga iā te Ia ma Ana perofeta e ala iā Amosa.

O leAmosa 3:7 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala iloga ina ia mafai ona latou mauaina gofie.

Faitau le Amosa 3:7–8, ma va’ava’ai mo mea o le a faaauau ona faia pea e le Atua e ala i Ana perofeta.

E ono fesoasoani mo tagata a’oga le iloa e faapea o isi fa’aupuga mo le mea lilo e aofia ai apoapoaiga po o fuafuaga.

O ā ni mea e mafai ona tatou a’oa’o mai nei fuaiupu e uiga i le Ali’i?

E ono fa’aaoga e tagata a’oga ni upu eseese e faailoa ai e faapea e fa’aalia e le Ali’i Ana fuafuaga e ala mai i Ana perofeta.E te ono faasoa atu, e fai ma fa’ataitaiga o lenei upumoni, e faapea ae le’i i’u ina faaumatiaina Iuta ma Isaraelu ona o le amio leaga o tagata, na faaalia e le Alii le mea o le a tupu pe afai e lē salamō tagata (taga’i i le Amosa 2:4–6, 8:11–12).

A’o fa’aauau le lesona, va’ava’ai mo auala e fa’amamafa ai e alofa le Ali’i iā i tatou ma finagalo e taitai i tatou.
O le ā se mea e mafai ona a’oa’o mai e lenei upumoni ia te oe e uiga i mafua’aga e taua ai lou faalogo i le perofeta, tusa lava po o le ā le auala e tali atu ai isi i ana upu?

Mulimuli i perofeta a le Ali’i

O lenei gaoioiga o se tasi o auala e mafai ona fesoasoani i tagata a’oga ia faaloloto ai lo latou malamalama e faapea e faaalia e le Tamā Fa’alelagi ma Iesu Keriso upumoni e ala mai ia La’ua perofeta.Mafaufau e fa’atulaga tagata a’oga i ni vaega to’alaiti ma fa’aali atu la’asaga o le gaoioiga ia ta’itasi i le taimi.

Toe faamanatu manatu faaalia i faasalalauga fa’aagafeso’ota’i mai le amataga o le lesona ma filifili na o se tasi.O le gaoioiga lenei e mafai ona fesoasoani iā te oe e saunia e tusi se tali.

Toe faitau le Amosa 3:7 ma mafaufau loloto pe fa’apefea ona ono fesoasoani i le tagata na faia lena manatu faaalia.Faitau foi ma fuaitau nei o le atamai i a’oa’oga fa’avae, ma va’ava’ai mo mea e ono mafai ona latou fesoasoani ai.(Mafaufau e fa’afeso’ota’i pe fefaasinoa’i nei mau ma le Amosa 3:7.)
- Esekielu 3:16–17
- Mataupu Fa’avae ma Feagaiga 1:37–38
- Mataupu Fa’avae ma Feagaiga 21:4–6
Fa’aaofia ni fa’amanuiaga se lua pe sili atu e mafai ona oo mai pe a e fa’alogo i le perofeta a le Atua.E mafai ona e maua fa’ataitaiga i tusitusiga paia, tala mai tala fa’asolopito o le Ekalesia, po o a’oa’oga mai perofeta i aso nei.Taumafai e fa’asoa atu se fa’ataitaiga se tasi na mafai ai e upu a se perofeta ona faia se suiga lelei i lou olaga.

E mafai ona e fa’asoa atu nisi o fa’ataitaiga nei i tagata a’oga pe a mana’omia:

E ala mai i Lana perofeta o Noa, na lapataia ai e le Ali’i tagata afai latou te lē salamō, o le a fa’aumatia i latou i se lolo (taga’i i le Mose 8:22–30; Kenese 7:17–24).
Na valoia e le perofeta o Isaia e uiga i mea o le a tutupu i le Fa’aola e ala i Lana Togiola (taga’i i le Isaia 53:3–5).
O le lotu e totonugalemū i le aiga ma lagolagoina e le Ekalesia na “saunia i tatou … a o le’i iai se fa’ailoga o se faama’i tele, na mafai ai ona tatou onosa’ia lu’itau na o’o mai” (Gary E. Stevenson, “Alofagia Tele e le Ali’i,” Liahona, Nov. 2020, 103).

O la’u tali

E ala i le fa’aaogaina o mea ua e a’oa’oina ma lagona i le asō, tusi se tali anoa i se tasi o manatu faaalia lē lelei mai le amataga o le lesona.Ia mautinoa e faaaofia ai se mau se tasi pe sili atu ma se fa’ataitaiga se tasi, ia e mafai ona avea o se a’afiaga patino.

Vala’aulia ni isi o tagata a’oga e naunau e fa’asoa mai a latou tali.Mafaufau e fa’asoa atu mea ua a’oa’o atu e le Agaga Paia iā te oe e uiga i le alofa ma le taitaiga a le Atua e ala mai i Ana perofeta.

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasifuaitau autū o le mau i le taimi o lenei lesona, ma toe iloilo i latou i lesona i le lumana’i.O le fasi fuaitau autū o le mau mo le Amosa 3:7 o “Le Alii le Atua … na te fa’aalia lona finagalo lilo i ana auauna o perofeta.”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

Aiseā e fa’aauau ai e perofeta a le Atua ona a’oa’o atu le upumoni e ui i le vaaiga a nisi tagata o i latou o ni tagata e lē lauiloa, le malamalama, pe lē o mana’omia?

Na fa’amatala mai e Peresitene Russell M. Nelson:

O nisi taimi, o i matou o ni taitai o le Ekalesia e faitioina ona o le taofiofi mamau i tulafono a le Atua, puipuia o le mataupu a le Fa’aola, ma le tetee atu i u’una’iga fa’aagafeso’ota’i o o tatou aso.Ae o le valaauga o i matou o ni aposetolo fa’au’uina o le “o atu i le lalolagi uma e folafola atu [Lana] talalelei i tagata uma.”O lona uiga ua poloaiina i matou e aoao atu le mea moni.

O le faia o lena mea, o nisi taimi e tuua’ia ai i matou i le faaleano a o matou aoao atu tulaga manaomia e le Tama mo le faaeaga i le malo selesitila.Ae pe le sili atu ea ona matou faaleano i le le ta’uina atu o le upumoni—le aoao atu o mea ua faaalia mai e le Atua?

O le mea moni lava e matou te popole tele e uiga i fanau uma a le Atua o lea [e mafua ai ona matou] folafola atu Lana upumoni.Atonu matou te lē ta’uina atu i taimi uma i tagata mea latou te fia fa’alogo iai.O perofeta e seāseā ona lauiloa.Ae o le a matou aoao atu e le aunoa le upumoni!(“O le Alofa ma Tulafono a le Atua,” [faigalotu a le Brigham Young University, Sete. 17, 2019], 3, speeches.byu.edu)

Aiseā e iai le saogalemu i le mulimuli ai i fautuaga a perofeta a le Ali’i?

Na faamalamalama mai e Elder Allen D. Haynie o le Fitugafulu:

11:22

O le iloa ai e ala i fa’aaliga o lo o iai se perofeta soifua i le lalolagi ua suia ai mea uma.E mafua ai ona lē fia faalogo se tagata i se fa’afinauga e uiga i le po o le ā le taimi e saunoa ai se perofeta o se perofeta po o le, pe mata e ta’u amiotonuina se tagata i le filifili e teena o fautuaga fa’aperofeta.O se malamalama fa’aalia mai fa’apena, e vala’aulia ai se tagata e fa’atuatua i le fautuaga a se perofeta soifua, e tusa lava pe tatou te lē malamalama atoatoa iai.Ae o le mea sili lava, ua filifilia e se Tamā i le Lagi atoatoa ma agaalofa le mamanu o le fa’aali mai o upumoni i Ana fanau e ala i se perofeta, o se tasi na te le’i sailia lava se tofiga paia fa’apea ma o sē na te lē mana’omia la tatou fesoasoani e tau fa’ailoa atu iā te ia ona lava lē atoatoa.O se perofeta o se tasi ua sauniaina, vala’auina, fa’asa’oina, musuiaina, aoa’iina, fa’apaiaina, ma lagolagoina e le Atua.O le mafua’aga lena e lē mafai ai lava ona tatou lamatia fa’aleagaga pe a mulimuli i fautuaga fa’aperofeta.(“O Se Perofeta Soifua mo Aso e Gata Ai,” Liahona, Mē 2023, 25)

O le ā se mea e mafai ona a’oa’o mai e taitaiga faaperofeta iā i tatou e uiga i le Atua?

Na a’oa’o mai Elder Dieter F. Uchtdorf o le Korama a Aposetolo e To’asefululua:

Ua ta’u mai e tusitusiga paia iā i tatou o le mea muamua lava na faia e le Atua ina ua uma ona foafoaina le tane ma le fafine, o le fetalai atu lea iā i laua.Na i ai ia te Ia ni faamatalaga taua ma ni faatonuga faapelepele e tuuina atu ia te i laua.O Lona faamoemoe e le o le faalavelave atu pe faapopoleina i laua ae ia taitaia i laua i le fiafia ma le mamalu e faavavau.

Ma ua na o le amataga lena.Mai i lena aso seia oo mai i lenei aso, o loo faaauau pea e le Atua ona fesootai ma Ana fanau.Na faasaosaoina, teufatuina, ma suesueina Ana afioga e [Ona] soo i augatupulaga taitasi uma lava.E fa’aaloalogia i latou e i latou o e saili ia iloa le finagalo o le Atua, ma latou te tu’uina atu le molimau o le mea moni e fa’apea “e lē faia lava se mea e le Ali’i o Ieova, ae fa’aalia lona finagalo [lilo] i ana auauna o perofeta” (Amosa 3:7).

O le mamanu lava lenei talu mai le amataga o taimi, ma o loo faaauau pea le mamanu i le aso.E lē na o se tala manaia i le Tusi Paia; o le auala fa’atulagaina a le Atua e tu’uina atu ai savali taua i Lana fanau. …

O se tasi lenei o savali e aupito sili ona mamalu, e faamalosiau, ma tumu i le faamoemoe o le Toefuataiga—e le o gūgū le Atua!E alofa o Ia i Ana fanau.Na te le o tuua i tatou e feseta’i i le pogisa.(“O le Afioga A le Atua i Ana Fanau,” Liahona, Mat. 2018, 4)

Gaoioiga Fa’aopoopo e Aoao Ai

Mulimuli i le perofeta a le Atua pe a feagai ma fe’ese’eseaiga po o le fenumia’i.

O nisi tagata a’oga e ono tauivi pe lē fiafia foi i se fautuaga fa’aperofeta.Ina ia fesoasoani i tagata a’oga ia iloa mea e mafai ona latou faia i nei tulaga, e mafai ona e matamata i le “Fa’afesaga’i ma Elder ma Sister Rasband” mai le faailo taimi 18:26 i le 21:34.

84:14

A mae’a ona matamata e tagata aoga le vitiō, e mafai ona e fai atu fesili e pei o nei:

Ua fa’apefea ona fa’amanuiaina i tatou i nei aso e maua atili soo le taitaiga a le Atua e ala mai i Ana perofeta?
O le ā sou manatu, e faapefea foliga o le fa’alogo atu i se perofeta ma le “onosa’i ma le fa’atuatua”?
O ā nisi o mea e mafai ona tatou faia e mulimuli ai i perofeta soifua a le Atua?

O le poto o le Atua

O se tasi o auala e fesoasoani ai i tagata a’oga e fa’ateleina lo latou fa’alagolago i se fautuaga fa’aperofeta, o le fesoasoani lea iā i latou ia malamalama atili e fa’atatau i uiga o le Atua. E mafai ona e faia le mea lenei, o se vaega o le fesoasoani i tagata a’oga ia faailoa upumoni ua si’i mai i le Amosa 3:7.

Vala’aulia tagata a’oga e faitau fuaitau nei o mau ma le saunoaga a Elder Dieter F. Uchtdorf o le Korama a Aposetolo e To’asefululua.

Na a’oa’o mai Elder Dieter F. Uchtdorf:

O lo o iai le punavai e tasi o le upu moni e atoatoa, tonu, ma e lemafaaseseina.O lena punavai o lo tatou Tamā Fa’alelagi e le gata lona atamai ma e silafia mea uma.E silafia e Ia mea moni e pei ona sa iai, e pei ona iai, ma e pei ona o’o mai (taga’i i le Mataupu Fa’avae ma Feagaiga 93:24).“Ua malamalama o Ia i mea uma, … ua i ai o ia i luga o mea uma, … ma o mea uma ua ala mai iā te ia, ma e a ia” (Mataupu Fa’avae ma Feagaiga 88:41).

Ua ofoina mai e lo tatou Tamā Fa’alelagi alofa Lana upumoni iā i tatou, o Lana fanau faitino.(“Our Search for Truth,” New Era, Aug. 2020, 5)

E mafai loa e tagata a’oga ona talanoa pe fa’apefea e le malamamalama’aga e silafia e le Atua mea uma lava, ona fesoasoani iā i latou e fa’atuatuaina Ana perofeta.