Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Amosa 8: Fa’ato’ilaloina o le Matelāina Fa’aleagaga

“Amosa 8: Fa’ato’ilaloina o le Matelāina Fa’aleagaga,” Tusi Lesona a le Faia’oga Seminare o le Feagaiga Tuai (2026)

“Amosa 8: Fa’ato’ilaloina o le Matelāina Fa’aleagaga,” Tusi Lesona a le Faia’oga Seminare o le Feagaiga Tuai

Amosa; Opetaia; Iona: Lesona 150

Amosa 8

Fa’ato’ilaloina o le Matelāina Fa’aleagaga

191st Semiannual General Conference: Russell M. Nelson

Na tatou lagonaina uma lava le matelāina. Vaai faalemafaufau pe fa’ape’ī le mafatia i le matelāina fa’aleagaga.Na a’oa’o e le Ali’i tagata Isaraelu e ala atu iā Amosa e fa’aaoga ai ata faatusa.Na valoia e Amosa e fa’apea o le a lē toe tu’uina atu afioga [a le Alii] i ona tagata ona sa latou te’enaina.O le le mauaina o afioga a le Ali’i e o’o atu ai i le oge fa’aleagaga.O lenei lesona e mafai ona fesoasoani i tagata a’oga e fa’ateleina lo latou mautinoa e mafai e le Tamā Fa’alelagi ma Iesu Keriso ona fa’amalieina lo latou matelāina fa’aleagaga e ala i le Toefuata’iga o le talalelei.

Sauniuniga a le tagata a’oga: Vala’aulia tagata a’oga e mafaufau loloto pe ono fa’apefea ona ese o latou olaga pe ana faapea latou te le o mauaina tusitusiga paia po o upu a perofeta.E mafai ona o mai saunia tagata a’oga i le vasega e fa’asoa mea latou te manatu iai.

Gaoioiga e Ono Mafai Ona Aoaoina Ai

Matelāina fa’aleagaga

Mafaufau e amatalia le vasega e ala i le fa’aali atu o se ata o mea’ai po o le aumai o se fasi mea’ai faigofie ma fai atu fesili nei.

O le ā se taimi na e matua lagona fa’apitoa ai le fia’ai?
E fa’apefea a tatou faatinoga pe a tatou matelāina?

O tali e ono aofia ai le lagona ita, maualalo le malosi, po o le le mataofia o le mana’o i so’o se itūaiga o mea’ai.

Tusi le fasi fuaitau Matelāina Fa’aleagaga i le laupapa.
O ā mea e ono fia aai ai tagata fa’aleagaga ae faafaigata ona maua?

Mafaufau e tusi tali a le vasega i luga o le laupapa.E ono fai mai e tagata a’oga i ni mea e pei o le alofa o le Atua, fa’amoemoega i o latou olaga, iloaina o le upumoni, taitaiga i [taimi o] filifiliga faigata, ma isi.

Fa’aalu se taimi e tusi ai i totonu o lau api tala’aga o suesuega auala e te lagona ai po o se isi e te iloa, le matelāina fa’aleagaga i le taimi nei.

Uunaia tagata a’oga e saili le Agaga Paia i le asō a’o latou mafaufau i mea e mafai ona latou faia e maua ai le fafagaina fa’aleagaga ua ofoina mai e Iesu Keriso.

O le oge i le fa’alogo i afioga a le Ali’i.

Na valoia e le perofeta o Amosa le matelāina fa’aleagaga.Na ia faaalia afioga a le Ali’i i tagata o Isaraelu, ae latou te le’i fia fa’alogo iai (taga’i i le Amosa 2:12; 7:11–16).

Afai e te lagona e ono fesoasoani, vala’aulia tagata a’oga e faitau le Amosa 7:12–13 ina ia malamalama pe na fa’apefea ona tali atu tagata Isaraelu i afioga a le Ali’i e ala iā Amosa.

Faitau le Amosa 8:11–12 va’ava’ai mo taunu’uga o tagata e te’enaina afioga a le Ali’i.

Afai e talafeagai, fa’amatala atu o le oge o se matuā leai lava o se mea’ai.

O ā ni taunu’uga na e va’aia?

Afai e lē fa’ailoaina mai e tagata a’oga, fa’asoa atu upumoni e pei o nei: Afai e te’ena e tagata perofeta a le Ali’i, latou te lē maua fa’amanuiaga o afioga a le Ali’i. Pe a aunoa ma afioga a le Atua, tatou te matelāina fa’aleagaga.
Aiseā e te manatu ai o le oge o se fa’atusatusaga lelei lea o le ola e aunoa ma afioga a le Ali’i?
O ā auala ua fa’ataunu’uina ai le valoaga a Amosa?

Afai e mana’omia, fa’asoa atu i tagata a’oga o nei fuaiupu e fa’asino atu i se taimi ua taua o le liliu ese.O se liliu ese o le te’ena lea e se tasi po o se vaega o tagata o mataupu fa’avae o le talalelei ma ua lē toe auina atu e le Ali’i ni perofeta iā i latou.O se tasi o fa’ataunu’uga o le valoaga a Amosa na tupu ina ua mavae le maliliu o aposetolo a Keriso ma ua ta’ua o le Liliu Ese Tele.Sa tumau le Liliu Ese Tele seia oo ina toefuata’i mai e le Ali’i Lana talalelei e ala mai i le perofeta o Iosefa Samita.

Fa’amalieina o le matelāina fa’aleagaga

I le alofa agalelei o le Ali’i, na Ia fa’amanino atu ai i Ona tagata e ala i Ana perofeta o le a Ia laveai Ona tagata mai a’afiaga o le liliu ese ma fa’amanuia Ona tagata.Na valoia e le Ali’i e ala iā Amosa e faapea o le a Ia toe fa’apotopoto Ona tagata i se aso o i le lumanai, ma o le a ia fa’amanuia i latou i le tele o auala (taga’i i le Amosa 9:14–15).

Faitau fuaiupu nei ma va’ava’ai po o ā isi mea na fa’ailoa mai e le Ali’i o le a Ia faia e ala mai i Ana perofeta, i le tisipenesione mulimuli a’o lumanai lona Afio Mai Fa’alua:

Tanielu 2:44–45

Galuega 3:19–21

Efeso 1:3, 10

Mataupu Fa’avae ma Feagaiga 27:13; 112:30; 128:18

Vala’aulia tagata a’oga e fa’asoa mai mea ua latou a’oa’oina ma fai mai a latou fesili o iai e uiga i nei fuaiupu.Mo se fesoasoani fa’aopoopo, e te ono mana’o e fa’asino i latou i le “Toefuata’iga o le Tala Lelei,” i le Autū ma Fesili.

O ā fa’amanuiaga ua fa’aavanoaina e le Tamā Fa’alelagi ma Iesu Keriso i se lalolagi matelāina e ala mai i le Toefuata’iga?

E mafai e tagata aoga ona lisi ki ma le pule o le perisitua, perofeta, fa’aaliga, tusitusiga paia, fa’alapotopotoga a le Ekalesia, sauniga, ma le meaalofa o le Agaga Paia.

Mafaufau pe mafai fa’apefea ona e fesoasoani atu i tagata a’oga ia iloa o nei fa’amanuiaga e mafai ona faamalieina ai o latou mana’oga ma manaoga o tagata e pele ia i latou.O se tasi nei o auala e mafai ona e fa’atino ai lenei mea.

Vala’aulia tagata a’oga e fatu se ata fa’ataitai o se tagata ua matelāina mo se tasi o autū ua lisi i luga o laupapa i lalo o le Matelāina Fa’aleagaga.E mafai ona e [faatonu] tagata a’oga e fa’aopoopo atu auili’iliga ina ia sili atu ona talafeagai le faatatauga o le ata faataitai.E mafai ona e fa’asoa atu le mea lenei e uiga iā Marta e fai ma fa’ataitaiga.Ona mafai lea e tagata a’oga ona galulue fa’atasi, pe ta’ito’atasi, pe i vaega toalaiti e tali atu le ata fa’ataitai.

Ata fa’ataitai: O Marta e 15 tausaga le matua ma e le mana’o i se isi lava mea tau lava o le sailia o le fa’amoemoega mo lona olaga.E tauivi o ia ma le talitonuina o ia lava ma e na te le o mautinoa po o lē fea le itū e tatau ona ia agai atu iai.

O le a se mea e ono mafai ona e fa’asoa atu ua faia e le Tamā Fa’alelagi ma Iesu Keriso, o se vaega o le Toefuata’iga o le talalelei, e mafai ona fesoasoani e fa’amalieina le matelāina fa’aleagaga o Marta.

O se vaega o lau tali, ia mautinoa e aofia ai tusitusiga paia; upu si’i mai i taitai o le Ekalesia; ma a ono mafai, o ou lava a’afiaga patino.

Afai e faafaigata i tagata a’oga ona tali mai, e mafai ona e fai atu e saili i le Taiala Mo le Malosi o le Autalavou po o ni fuaitau o le atamai i a’oa’oga fa’avae.

Afai e tali atu tagata a’oga i le ata fa’ataitai faatasi ma Marta, e mafai ona e fa’asino atu i latou i le ulutala “Fai filifiliga musuia” vaega o le Taiala Mo le Malosi o le Autalavou po o le Mose 1:39: “O la’u galuega ma lo’u mamalu lenei—ia aumaia le tino e ola pea ma le ola e fa’avavau o le tagata.”E mafai e tagata a’oga ona mafaufau loloto i le iloaina e faapea e tausia i latou e le Ali’i ma o lo o galue malosi aga’i i lo latou toe foi atu i Lona afioaga, e mafai ona fa’amalieina ai le matelāina fa’aleagaga mo le lagonaina o le alofa o le Atua po o le lagonaina o le fa’amoemoega i o latou olaga.

Ina ua lava se taimi na tu’uina atu i le vasega, vala’aulia i latou e fa’asoa mai mea sa latou saunia.E mafai e tagata a’oga ona fa’asoa mai mea na latou a’oa’oina mai le a’afiaga.

Manatunatuga patino

Ina ia fa’auma, mafaufau e vala’aulia tagata a’oga e tali fesili nei i totonu o a latou api fa’amaumau mo suesuega.

O ā ni mea ua e a’oa’oina i le asō e fa’ateleina ai lou mautinoa e mafai e le Tamā Fa’alelagi ma Iesu Keriso ona fa’amalieina lo tatou matelāina fa’aleagaga?
O le ā se auala se tasi e mafai ona e faia e fa’atino ai mea ua e aoaoina pe lagonaina?

O Puna’oa Fa’aopoopo

Aiseā e taua tele ai le suesue e lē aunoa i tusitusiga paia?

Na a’oa’o mai Elder Michael John U. Teh o le Fitugafulu:

Ou te talitonu o le faatalalē e suesue i tusitusiga paia e lē aunoa o se itūaiga o loto maa’a.Ou te popole afai tatou te tumau i lena ala, o le a tu’uina mai iā i tatou se vaega itiiti o le upu ma i’u ai ina tatou lē iloa se mea lilo a le Atua.O le inu ai i aso taitasi mai tusitusiga paia, o le a fesoasoani iā i tatou e fausia ai le malosiaga fa’aleagaga ma le malamalama, aveesea le ufimata o taufa’aseseega a le tiapolo, ma iloa ai mailei ua ia fa’ata’atiaina e pu’e ai tatou.(“Le Mana o Afioga a le Atua,” Liahona, Mat. 2013, 23)

O le ā se mea e fa’amalieina moni ai lo tatou matelāina fa’aleagaga?

Na a’oa’o mai Elder Jeffrey R. Holland:

Oute tatalo i lenei taeao o i tatou uma o lo o fia a’ai ma fia feinu, ma feseta’i i nisi o taimi, o le a lagonaina le vala’au mai iā te Ia o le Areto o le Ola, le Puna o le Vai Ola, o le Leoleo Mamoe Lelei o tatou uma lava, le Alo o le Atua: “Ia outou o mai iā te a’u, o outou uma o e tigaina ma mafatia i avega, … e malōlō ai outou” [Mataio 11:28–29].E moni lava Na te fagaina “e fia aai i mea lelei” [Luka 1:53], e pei ona molimau ai Lona lava tina o Maria.(“He Hath Filled the Hungry with Good Things,” Ensign, Nov. 1997, 66)

A fa’apefea pe a faapea ou te lagona e leai so’u taimi e suesue ai i tusitusiga paia?

Na tu’uina mai e Elder Richard G. Scott (1928–2015) o le Korama a Aposetolo To’asefululua le fautuaga lenei:

Aua ne’i gaua’i atu i pepelo a Satani fa’apea e leai sou taimi e suesue ai i tusitusiga paia.Filifili e fa’aalu se taimi e suesue ai.O le taumamafa ai i afioga a le Atua i aso ta’itasi e sili atu le taua nai lo le moe, a’oga, faigaluega, ata o le televise, ta’aloga vitiō, po o fa’asalalauga fa’aagafeso’ota’i.Atonu e mana’omia ona e toe fa’atulagaina au mea e fa’amuamua ia maua ai se taimi mo le suesueina o le afioga a le Atua.Afai o le tulaga lea, ia fai loa!(“Ia Avea le Fa’atinoga o le Fa’atuatua ma Mea E te Fa’amuamuaina,” Liahona, Nov. 2014, 93)

Na fa’apefea ona muta le oge fa’aleagaga o le liliu ese tele?

Na faasoa mai Peresitene Spencer W. Kimball:

I le mavae ai o seneturi o le pogisā fa’aleagaga, … matou te folafola atu ma le fa’amaoni i le lalolagi atoa ua uma le oge fa’aleagaga, ua uma le lamala fa’aleagaga, ua avanoa le afioga a le Ali’i i lona māmā ma atoatoa i tagata uma.E lē tau fealua’i se tasi mai lea sami i lea sami pe mai le itū i matū i le itu i sasa’e, e saili le talalelei moni e pei ona valoia e Amosa, auā ua maua le upumoni e fa’avavau.” (i le Ripoti o le Konefesi, Ape. 1964, 93–94; taga’i foi i le Tusi A’oga e Tagata A’oga o le Feagaiga Tuai, 3rd ed. [2003], 94)

Gaoioiga Fa’aopoopo e A’oa’o Ai

Fa’amalieina o le matelāina fa’aleagaga

Afai e mana’omia, ina ia fesoasoani i tagata a’oga e malamalama lelei atili i le auala e mafai ai e le afioga a le Atua ona fa’amalie le matelāina fa’aleagaga, e te ono fa’aali atu le vitiō “Daily Bread: Pattern” ma vala’aulia tagata a’oga e va’ava’ai mo upumoni fa’aopoopo e uiga i le tali atu i le matelāina fa’aleagaga.

2:37

Liliu ese i le Feagaiga Tuai

O se isi upumoni e mafai ona a’oa’oina mai le Amosa 8:11–12 e faapea o le liliu ese o se taunu’uga o le te’enaina o le afioga a le Ali’i.E te ono fesili atu i tagata a’oga e talanoaina mea latou te manatu e eseese ma tutusa ai mea nei:

Liliu ese ta’ito’atasi

Liliu ese o se vaega

Liliu ese lautele

Vala’aulia tagata a’oga e mafaufau pe fa’apefea e se toefuata’iga o le talalelei a Iesu Keriso ona fesoasoani e toe fa’aleleia tulaga o itūaiga ta’itasi o le liliu ese.

O le vitiō “O Le Liliu Ese Tele” ua fa’aalia ai le auala na fesoasoani ai le sailiga a Uilifoti Uitilafi mo le Ekalesia moni, e malamalama ai i le Liliu Ese ma le mana’oga mo le Toefuata’iga o le ekalesia a Iesu Keriso.

16:32

Ua fa’asino atu perofeta iā Keriso

Ina ia fesoasoani i tagata a’oga e malamalama lelei atili i le taua o upu a perofeta, mafaufau e faitau le Amosa 7:11–16 ma le Amosa 8:11–12, va’ava’ai pe na fa’apefea ona taitai atu le tasi i le isi.Vala’aulia tagata a’oga e mafaufau loloto pe o le a fa’apefea ona ese o latou olaga e aunoa ma le fa’alogo ai i le afioga a le Ali’i e ala mai i perofeta.E mafai ona e fa’aali atu le vitiō “Why Do We Have Prophets?” e faamalamalama ai le auala e aoao mai ai e le afioga a le Alii e auala mai i perofeta ia tatou o atu iā te Ia.E mafai ona e vala’aulia tagata a’oga e va’ava’ai mo le matafaioi a perofeta a’o latou matamata.

1:37

O le ā le matafaioi autu a perofeta?

Atonu e te mana’o e fa’asoa atu le saunoaga lenei mai ia Elder Neil L. Andersen o le Korama a Aposetolo e To’asefululua.

O le matafaioi aupito sili ona taua a le perofeta a le Ali’i o le a’oa’oina lea o i tatou e uiga i le Fa’aola ma taitai atu i tatou iā te Ia. …

E lē tū se perofeta i le va o oe ma le Fa’aola.Ae e tū o ia i ou tafatafa ma fa’asino atu le ala i le Fa’aola.(“O Le Perofeta a le Atua,” Liahona, Mē 2018, 25, 27)

E mafai fa’apefea e le mulimuli i perofeta ona fesoasoani e fa’amalieina le matelāina faaleagaga?

O le fa’amanuiaga o tusitusiga paia

I le fa’atusatusa atu i le oge o le afioga a le Atua (taga’i i le Amosa 8:11–12), i o tatou aso, ua tatou maua se aofa’iga tele o afioga a le Atua i tusitusiga paia.Afai e mafai ona aoga mo tagata a’oga ia malamalama lelei atili ai i fa’amanuiaga o le mauaina o tusitusiga paia, e te ono mana’o e fa’aali atu le vitiō “The Blessing of Scripture” ma vala’aulia tagata a’oga e saili mo mafua’aga eseese e ono lē maua ai e tagata afioga a le Atua i o latou olaga.

3:4

E mafai ona fesiligia tagata a’oga mo mea ua latou a’oa’oina mai lenei vitiō e uiga i taunu’uga o le lē iai o afioga a le Atua i o latou olaga po o le mafua’aga e fa’ataua ai e nisi tagata tusitusiga paia nai lo isi.