Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Amos 8: Mposhtja e Urisë Shpirtërore

“Amos 8: Mposhtja e Urisë Shpirtërore”, Manuali i Mësuesit të Seminarit për Dhiatën e Vjetër (2026)

“Amos 8: Mposhtja e Urisë Shpirtërore”, Manuali i Mësuesit të Seminarit për Dhiatën e Vjetër

Amos; Abdia; Jona: Mësimi 150

Amos 8

Mposhtja e Urisë Shpirtërore

191st Semiannual General Conference: Russell M. Nelson

Të gjithë kemi ndier uri. Imagjino si mund të jetë të vuash nga uria shpirtërore. Zoti i mësoi izraelitët nëpërmjet Amosit duke përdorur këtë gjuhë figurative. Amosi profetizoi se popullit të tij nuk do t’i jepej më fjala e Tij për shkak se e kishin refuzuar atë. Humbja e fjalës së Zotit do të çonte në një uri shpirtërore. Ky mësim mund t’i ndihmojë nxënësit që t’iu shtohet siguria se Ati Qiellor dhe Jezu Krishti mund ta përmbushin urinë e tyre shpirtërore nëpërmjet Rivendosjes së ungjillit.

Përgatitja e nxënësve: Ftojini nxënësit të përsiatin mënyrën se si do të ishte ndryshe jeta e tyre po të mos kishin shkrimet e shenjta ose fjalët e profetëve. Nxënësit mund të vijnë në orën mësimore të gatshëm për ta treguar atë që menduan.

Veprimtari të Mundshme të të Mësuarit

Uria shpirtërore

Merreni parasysh ta filloni orën mësimore duke paraqitur një figurë të ushqimit ose të sillni një artikull ushqimor të thjeshtë dhe të bëni pyetjet vijuese.

Kur është një kohë kur ti je ndier veçanërisht i uritur?
Si mund të sillemi kur jemi të uritur?

Përgjigjet mund të përfshijnë që mund të ndihemi të acaruar, të mos kemi shumë energji ose të jemi të babëzitur për çfarëdolloj ushqimi.

Shkruajeni frazën Uri Shpirtërore në tabelë.
Për çfarë mund të kenë uri njerëzit shpirtërisht dhe të kenë vështirësi ta gjejnë?

Merrni parasysh t’i shkruani në tabelë përgjigjet e nxënësve. Nxënësit mund të thonë gjëra si dashuria e Perëndisë, një qëllim për jetën e tyre, njohja e së vërtetës, drejtim në vendime të vështira, etj.

Ndalu një çast për të shkruar në ditarin e studimit mënyrat në të cilat ti ose dikush që ti njeh mund të ndiejë aktualisht uri shpirtërore.

Inkurajojini nxënësit të kërkojnë Frymën e Shenjtë sot ndërsa marrin parasysh atë që mund të bëjnë për ta marrë ushqimin shpirtëror që ofron Jezu Krishti.

Uri për të dëgjuar fjalët e Zotit

Profeti Amos profetizoi për urinë shpirtërore. Ai ua zbuloi fjalët e Zotit njerëzve të Izraelit, por ata nuk deshën ta dëgjonin atë (shih tek Amos 2:12; 7:11–16).

Nëse mendon se do të ishte e dobishme, ftojini nxënësit të lexojnë tek Amos 7:12–13 për të kuptuar se si iu përgjigjën izraelitët fjalëve të Zotit nëpërmjet Amosit.

Lexo tek Amos 8:11–12 duke kërkuar pasojat për njerëzit që e refuzojnë fjalën e Zotit.

Nëse është e nevojshme, shpjegoni se zia e bukës është një mungesë ekstreme e ushqimit.

Çfarë pasojash vure re?

Nëse nxënësit nuk i vënë në dukje ato, thoni të vërteta si vijuesja: Kur njerëzit i hedhin poshtë profetët e Zotit, ata i humbin bekimet e fjalës së Zotit. Pa fjalën e Perëndisë, ne vdesim urie shpirtërisht.
Pse mendon se zia e bukës është një krahasim i mirë për të jetuarit pa fjalën e Zotit?
Në ç’mënyra është përmbushur profecia e Amosit?

Nëse është e nevojshme, tregojuni nxënësve se këto vargje i referohen një periudhe kohe të njohur si braktisje. Braktisje është kur individë ose grupe njerëzish i hedhin poshtë parimet e ungjillit dhe Zoti nuk u dërgon më profetë. Një përmbushje e profecisë së Amosit ndodhi pas vdekjes së apostujve të Krishtit dhe njihet si Braktisja e Madhe. Braktisja e Madhe zgjati derisa Zoti e rivendosi ungjillin e Tij nëpërmjet profetit Jozef Smith.

Shuarja e urisë shpirtërore

Në mirësinë e Tij, Zoti ua bëri të qartë njerëzve të Tij nëpërmjet profetëve të Tij se Ai do ta shpëtonte popullin e Tij nga pasojat e braktisjes dhe do ta bekonte popullin e Tij. Zoti profetizoi nëpërmjet Amosit se Ai do ta mbledhë popullin e Tij sërish në një ditë të ardhshme dhe Ai do ta bekojë atë në shumë mënyra (shih tek Amos 9:14–15).

Lexoji vargjet vijuese duke kërkuar çfarë tjetër zbuloi Zoti nëpërmjet profetëve të Tij se do të bënte në periudhën ungjillore të fundit përpara Ardhjes së Dytë të Tij:

Daniel 2:44–45

Veprat e Apostujve 3:19–21

Efesianëve 1:3, 10

Doktrina e Besëlidhje 27:13; 112:30; 128:18

Ftojini nxënësit ta tregojnë atë që mësuan dhe të bëjnë pyetjet që kanë rreth këtyre vargjeve. Për ndihmë shtesë, mund t’i drejtoni te “Rivendosja e Ungjillit”, tek Tema dhe Pyetje nëse dëshironi.

Çfarë bekimesh kanë vënë Ati Qiellor dhe Jezu Krishti në dispozicion të një bote të uritur shpirtërisht nëpërmjet Rivendosjes?

Nxënësit mund të renditin çelësat dhe autoritetin e priftërisë, profetët, zbulesat, shkrimet e shenjta, organizatat e Kishës, ordinancat dhe dhuratën e Frymës së Shenjtë.

Mendoni se si mund t’i ndihmoni nxënësit të kuptojnë se si këto bekime mund të plotësojnë nevojat e tyre dhe të njerëzve që ata i kanë për zemër. Sa vijon është një mënyrë se si mund ta bëni këtë.

Ftojini nxënësit të krijojnë një skenar për një individ që ka uri për një nga temat e renditura në tabelë nën titullin Uria Shpirtërore. Mund t’i vini nxënësit të shtojnë hollësi në mënyrë që skenari të ndihet më i prekshëm. Si shembull, mund të tregoni sa vijon rreth Martës. Nxënësit mund të punojnë më pas së bashku, individualisht, ose si grupe të vogla për t’iu përgjigjur skenarit.

Skenari: Marta është 15 vjeçe dhe nuk dëshiron asgjë më tepër sesa të gjejë qëllim për jetën e saj. Ajo ka vështirësi me vetëbesimin dhe nuk është e sigurt se çfarë drejtimi duhet të marrë.

Çfarë mund të tregosh që Ati Qiellor dhe Jezu Krishti e kanë bërë si pjesë e Rivendosjes së ungjillit që mund të ndihmojë të përmbushet uria shpirtërore e Martës?

Si pjesë e përgjigjes sate, sigurohu të përfshish shkrime të shenjta; citate nga udhëheqësit e Kishës dhe, nëse është e mundur, përvojën tënde vetjake.

Nëse nxënësit e kanë të vështirë të përgjigjen, mund t’i vini ata të shfletojnë broshurën Udhëzuesi Për Forcën e Rinisë ose disa nga fragmentet e zotërimit doktrinor.

Nëse nxënësit po i përgjigjen skenarit me Martën, mund t’i drejtoni ata te pjesa me titullin “Bëni Zgjedhje të Frymëzuara” e broshurës Udhëzuesi për Forcën e Rinisë ose Moisiu 1:39: “Kjo është vepra ime dhe lavdia ime – të bëj të ndodhë pavdekësia dhe jeta e përjetshme e njeriut”. Nxënësit mund të përsiatin se si dijenia që Zoti kujdeset për ta dhe punon në mënyrë aktive për kthimin e tyre në praninë e Tij mund të përmbushë urinë shpirtërore për të ndier dashurinë e Perëndisë ose për të ndier qëllim në jetën e tyre.

Pasi nxënësit të kenë pasur kohë të mjaftueshme, ftojini ta tregojnë atë që përgatitën. Ata mund të tregojnë edhe atë që mësuan nga kjo përvojë.

Reflektimi vetjak

Për ta mbyllur, merreni parasysh t’i ftoni nxënësit t’u përgjigjen pyetjeve vijuese në ditarin e tyre.

Çfarë ke mësuar sot që ta shton sigurinë se Ati Qiellor dhe Jezu Krishti mund ta shuajnë urinë tënde shpirtërore?
Cila është një mënyrë se si do të doje të silleshe sipas asaj që ke mësuar ose ndier?

Burime Shtesë

Përse është kaq i rëndësishëm studimi i rregullt i shkrimeve të shenjta?

Plaku Majkëll Xhon U. Teh, i Të Shtatëdhjetëve, dha mësim:

“Unë besoj se lënia pas dore e studimit të shkrimeve të shenjta në mënyrë të rregullt është një formë e ngurtësimit të zemrës sonë. Unë druaj se, nëse vazhdojmë në atë rrugë, do të na jepet një pjesë më e vogël e fjalës dhe përfundimisht nuk do të dimë asgjë për misteret e Perëndisë. Pirja e përditshme nga shkrimet e shenjta, nga ana tjetër, do të na ndihmojë të ndërtojmë forcën dhe njohurinë shpirtërore, të demaskojmë mashtrimet e djallit dhe të zbulojmë kurthet që ai ka vënë për të na kapur.” (“The Power of the Word of God”, Liahona, mars 2013, f. 23)

Çfarë e shuan me të vërtetë urinë tonë shpirtërore?

Presidenti Xhefri R. Holland, dha mësim:

“Unë lutem këtë mëngjes që të gjithë ata që janë të uritur dhe të etur, dhe nganjëherë duke u endur, ta dëgjojnë këtë ftesë nga Ai që është Buka e Jetës, Burimi i Ujit të Gjallë, Bariu i Mirë i të gjithëve ne, Biri i Perëndisë: ‘Ejani tek unë, o ju të gjithë të munduar dhe të rënduar, … ju do të gjeni prehje për shpirtrat tuaj’ [Mateu 11:28–29]. Me të vërtetë, Ai i mbush ‘me të mira të uriturit’, [Lluka 1:53], siç dëshmoi nëna e vet Maria.” (“He Hath Filled the Hungry with Good Things”, Ensign, nëntor 1997, f. 66)

Po kur mendoj se nuk kam kohë për t’i studiuar shkrimet e shenjta?

Plaku Riçard G. Skot (1928–2015), i Kuorumit të Dymbëdhjetë Apostujve, dha këtë këshillë:

“Mos iu dorëzoni gënjeshtrës së Satanit se ju nuk keni kohë për t’i studiuar shkrimet e shenjta. Zgjidhni që ta gjeni kohën për t’i studiuar ato. Ushqyerja me bollëk me fjalën e Perëndisë çdo ditë është më e rëndësishme sesa gjumi, shkolla, puna, shfaqjet televizive, videolojërat apo mediat shoqërore. Mund t’ju duhet t’i riorganizoni përparësitë tuaja për të siguruar kohë për studimin e fjalës së Perëndisë. Nëse ju duhet, bëjeni atë!” (“Bëjeni Ushtrimin e Besimit Përparësinë Tuaj Parësore”, Liahona, nëntor 2014, f. 93)

Si përfundoi zia e bukës shpirtërore e braktisjes së madhe?

Presidenti Spenser W. Kimball tregoi:

“Pas shekujsh errësire shpirtërore, … ne solemnisht i shpallim gjithë botës se uria shpirtërore mbaroi, thatësira shpirtërore kaloi, fjala e Zotit në pastërtinë dhe plotësinë e saj është në dispozicion të të gjithë njerëzve. Nuk është nevoja që dikush të endet sa nga një det në tjetrin, as nga veriu në lindje, duke kërkuar ungjillin e vërtetë siç parashikoi Amosi, sepse e vërteta e përjetshme është në dispozicion” (te Conference Report, prill 1964, f. 93–94; shihni edhe tek Old Testament Student Manual, bot. i 3-të [2003], f. 94)

Veprimtari Plotësuese të të Mësuarit

Shuarja e urisë shpirtërore

Nëse dëshironi, për t’i ndihmuar nxënësit të kuptojnë mënyrën se si fjala e Perëndisë mund ta shuajë urinë shpirtërore, mund të shfaqni materialin filmik “Daily Bread: Pattern” [“Buka e Përditshme: Modeli”] dhe t’i ftoni nxënësit të kërkojnë të vërteta të tjera rreth reagimit ndaj urisë shpirtërore.

2:52

Braktisja në Dhiatën e Vjetër

Një e vërtetë tjetër që mund të mësohet nga vargjet tek Amos 8:11–12 është që braktisja rezulton nga refuzimi i fjalës së Zotit. Mund t’u kërkoni nxënësve të diskutojnë për ato që mendojnë se janë ndryshimet dhe ngjashmëritë ndërmjet pikave vijuese:

Braktisja individuale

Braktisja në grup

Braktisja e përgjithshme

Ftojini nxënësit të marrin parasysh se si mund të ndihmojë një rivendosje e ungjillit të Jezu Krishtit të riparohen kushtet e çdo lloj braktisjeje.

Materiali filmik “The Great Apostasy” [“Braktisja e Madhe”] demonstron mënyrën se si kërkimi i Uillford Udrafit për Kishën e vërtetë e ndihmoi atë të kuptonte Braktisjen dhe nevojën për Rivendosjen e kishës së Jezu Krishtit.

16:36

Profetët na drejtojnë te Krishti

Për t’i ndihmuar nxënësit ta kuptojnë më mirë domethënien e fjalëve të profetëve, merreni parasysh të lexoni tek Amos 7:11–16 dhe Amos 8:11–12, duke kërkuar mënyrën se si njëri çoi tek tjetri. Ftojini nxënësit të përsiatin se si do të ishte ndryshe jeta e tyre pa dëgjimin e fjalës së Zotit nëpërmjet profetëve. Mund të shfaqni materialin filmik “Përse Kemi Profetë?” për të demonstruar se si fjala e Zotit nëpërmjet profetëve na mëson të vijmë tek Ai. Mund t’i ftoni nxënësit të kërkojnë rolin e profetëve ndërsa e shohin.

1:38

Cili është roli kryesor i profetëve?

Ju mund të jepni sa vijon nga Plaku Nil L. Andersen, i Kuorumit të Dymbëdhjetë Apostujve:

“Roli më i rëndësishëm i profetit të Zotit është të na mësojë për Shpëtimtarin dhe të na udhëheqë drejt Tij. …

Një profet nuk qëndron ndërmjet jush dhe Shpëtimtarit. Përkundrazi, ai qëndron përkrah jush dhe ju tregon rrugën drejt Shpëtimtarit.” (“Profeti i Perëndisë”, Liahona, maj 2018, f. 25, 27)

Si mund të ndihmojë ndjekja e profetëve në shuarjen e urisë shpirtërore?

Bekimi prej shkrimeve të shenjta

Në kontrast me urinë për fjalën e Perëndisë (shihni tek Amos 8:11–12), në kohën tonë ne kemi një sasi të madhe të fjalës së Perëndisë në shkrimin e shenjtë. Nëse do të ishte e dobishme për nxënësit për ta kuptuar më mirë bekimin e pasjes së shkrimeve të shenjta, mund të shfaqni materialin filmik “The Blessing of Scripture” [“Bekimi prej Shkrimeve të Shenjta”] dhe t’i ftoni nxënësit të kërkojnë arsye të ndryshme përse njerëzit mund të mos e kenë fjalën e Perëndisë në jetën e tyre.

3:4

Mund t’i pyesni nxënësit se çfarë mësuan nga materiali filmik rreth pasojave të mospasjes së fjalës së Perëndisë në jetën e tyre ose të arsyeve përse disa njerëz i vlerësojnë shkrimet e shenjta më shumë se të tjerët.