Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Amos 3; 7: Zoti e Zbulon të Vërtetën nëpërmjet Profetëve të Tij

“Amos 3; 7: Zoti e Zbulon të Vërtetën nëpërmjet Profetëve të Tij”, Manuali i Mësuesit të Seminarit për Dhiatën e Vjetër (2026)

“Amos 3; 7: Zoti e Zbulon të Vërtetën nëpërmjet Profetëve të Tij”, Manuali i Mësuesit të Seminarit për Dhiatën e Vjetër

Amos; Abdia; Jona: Mësimi 149

Amos 3; 7

Zoti e Zbulon të Vërtetën nëpërmjet Profetëve të Tij

Në një botë me shumë zëra bindës, mund të jetë e vështirë të dish se cilët zëra të mirëbesosh. Fatmirësisht, Ati ynë i dashur në Qiell dhe Shpëtimtari, Jezu Krishti, na i zbulojnë planet e Tyre nëpërmjet profetëve të Tyre të gjallë. Ky mësim mund t’i ndihmojë nxënësit të kuptojnë se Ati Qiellor dhe Jezu Krishti zbulojnë këshilla dhe të vërtetën përmes profetëve të Tyre.

Veprimtari të Mundshme të të Mësuarit

Përgjigjet për këshillën profetike

Veprimtaria vijuese është hartuar për t’i ndihmuar nxënësit të përsiatin qëndrimin e tyre ndaj profetëve. Mund të jetë e dobishme t’i shkruani tri përgjigjet vijuese të rrjeteve sociale në tabelë.

Si një alternativë për veprimtarinë vijuese, ju mund t’i ftoni nxënësit të imagjinojnë që përgjigjet u dhanë nga shokët e tyre pasi e dëgjuan profetin të fliste në konferencën e përgjithshme ose në një takim shpirtëror për të rinjtë e të rejat. Atëherë mund ta kapërceni pyetjen shoqëruese.

Imagjino sikur i sheh përgjigjet e mëposhtme si përgjigje ndaj një publikimi në rrjetet sociale:

“Atij nuk i takon të flasë për këtë. Ai nuk e kupton.”

“Ai është shkëputur nga ajo që po ndodh në të vërtetë.”

“Me gjithçka tjetër që është e nevojshme të bëj, nuk e kuptoj se si mund ta zbatoj këtë këshillë në jetën time shumë të ngarkuar.”

Kujt mund t’i referohen këto përgjigje?

Mund të paraqitni një figurë të një profeti të gjallë dhe t’i ftoni nxënësit të imagjinojnë që këto komente ishin përgjigje për diçka që tha profeti. Nxënësit mund të tregojnë arsyen përse dikush mund të mbajë një nga qëndrimet e mësipërme.

Merreni parasysh të paraqitni pyetjet vijuese për t’i ndihmuar nxënësit të vlerësojnë ndjenjat e tyre në lidhje me këshillën profetike vijuese.

Ndalu një çast për të reflektuar mbi pikëpamjen tënde për profetin e Zotit në tokë sot. Mund të marrësh në shqyrtim përgjigjet e tua për pyetjet vijuese:

Çfarë ndiej në lidhje me këshillën e profetit? A ndryshojnë ndjenjat e mia në varësi të këshillës që më jep ai?
Çfarë arsyesh mund të jap për ndjekjen e këshillës profetike? A ka ndonjë mënyrë pse e kam të vështirë ta ndjek këshillën profetike?

Ndërsa studiojmë në librin e Amosit sot, Fryma e Shenjtë mund t’ju ndihmojë të mësoni më shumë rreth rëndësisë së fjalëve të Perëndisë për ne nëpërmjet profetëve të Tij. Nëse do, mund t’i shkruash pikëpamjet ose pyetjet që ke ndërkohë që studion sot.

Zoti i zbulon planet e Tij nëpërmjet profetëve të Tij

Në kohën e shërbesës profetike të Amosit për mbretërinë veriore të Izraelit shumë nga njerëzit e besëlidhjes së Perëndisë e kishin braktisur Atë dhe profetët e Tij, dhe ndiqnin rrugët e liga të kombeve fqinje (shih tek Amos 2:6–12). Zoti e zgjodhi Amosin për t’i thirrur ata në pendim. Amosi profetizoi shkatërrimin dhe robërinë e Mbretit Jeroboam II dhe të popullit të Tij (shih tek Amos 7:8–9; 11, 17).

Lexo tek Amos 7:10–15, duke kërkuar mënyrën se si Amatsiahu, prifti i Mbretit Jeroboam II, iu përgjigj këshillës profetike të Amosit.

Çfarë gjete?
Përse mendon se njerëzit menduan se nuk mund t’i “duro[nin] tërë fjalët [e Amosit]” (Amos 7:10) dhe donin që ai të shkonte të profetizonte diku tjetër (shih tek Amos 7:12)?
Përse mendon se profetët e Perëndisë vazhdojnë të japin mësim edhe kur disa njerëz i shohin ata si të papëlqyer, të shkëputur nga realiteti, ose të panevojshëm?

Nëse nxënësit nuk e përmendin, mund të pyesni se çfarë bëri Amosi para se të thirrej për të qenë profet (shihni tek Amos 7:14) dhe çfarë bëri Zoti te vargu 15 për ta thirrur Amosin të bëhej një profet. Shpjegoni se, ashtu si me Jozef Smithin dhe të tjerët, Zoti nuk kërkon që profetët e tij të mbajnë një pozitë të lartë ose të kenë arritje para se Ai t’i thërrasë ata për të qenë profetë. Nëse nxënësit kanë nevojë për ndihmë për t’iu përgjigjur kësaj pyetjeje, nëse doni, mund të tregoni thënien nga Presidenti Nelson te “Burime Shtesë” të këtij mësimi te Gospel Library [Biblioteka e Ungjillit].

Disa kapituj më parë, Zoti zbuloi një të vërtetë të fuqishme për Veten dhe profetët e Tij nëpërmjet Amosit.

Amos 3:7 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo tek Amos 3:7–8, duke kërkuar atë që do të bëjë gjithmonë Zoti nëpërmjet profetëve të Tij.

Mund të jetë e dobishme për nxënësit të dinë se termat e tjera për fjalën sekret përfshijnë këshillë ose plan.

Çfarë mund të mësojmë nga këto vargje rreth Zotit?

Nxënësit mund të përdorin fjalë të ndryshme për të përcaktuar se Zoti i zbulon planet e Tij nëpërmjet profetëve të Tij. Si një shembull të kësaj të vërtete mund të tregoni se, para se Juda dhe Izraeli të shkatërroheshin përfundimisht për shkak të ligësisë së popullit, Zoti zbuloi atë që do të ndodhte nëse njerëzit nuk pendoheshin (shihni tek Amos 2:4–6, 8:11–12).

Ndërsa mësimi vazhdon, kërkoni mënyra për të theksuar se Zoti na do dhe dëshiron të na udhërrëfejë.
Çfarë mund të të mësojë kjo e vërtetë rreth arsyes përse është e rëndësishme për ty ta dëgjosh profetin pavarësisht se si reagojnë të tjerët ndaj fjalëve të tij?

Ndjekja e profetëve të Zotit

Veprimtaria vijuese është një mënyrë për t’i ndihmuar nxënësit të thellojnë kuptueshmërinë e tyre se Ati Qiellor dhe Jezu Krishti e zbulojnë të vërtetën nëpërmjet profetëve të Tyre. Merreni parasysh t’i organizoni nxënësit në grupe të vogla dhe t’i paraqitni me radhë hapat e veprimtarisë.

Silli ndër mend komentet e rrjeteve sociale në fillim të mësimit dhe përzgjidh njërin. Veprimtaria vijuese mund të të përgatitë për të shkruar një përgjigje.

Rilexoje vargun tek Amos 3:7 dhe përsiat se si mund ta ndihmojë personin që e bëri atë koment. Lexoji edhe fragmentet vijuese të zotërimit doktrinor, duke kërkuar mënyrën se si ata mund të ndihmojnë. (Merre parasysh të lidhësh ose të bësh referencë-kryq të këtyre shkrimeve të shenjta me vargun tek Amos 3:7.)
- Ezekiel 3:16–17
- Doktrina e Besëlidhje 1:37–38
- Doktrina e Besëlidhje 21:4–6
Përfshi të paktën dy bekime që mund të vijnë kur e dëgjon profetin e Perëndisë. Ti mund të gjesh shembuj në shkrimet e shenjta, në historitë nga Historia e Kishës ose në mësimet nga profetët sot. Përpiqu të tregosh një shembull ku fjalët e një profeti bënë një ndryshim pozitiv në jetën tënde.

Ju mund t’u jepni nxënësve disa nga shembujt vijues, sipas nevojës:

Nëpërmjet profetit të Tij, Noeut, Zoti i paralajmëroi njerëzit që, nëse nuk pendoheshin, do të shkatërroheshin nga një përmbytje (shihni te Moisiu 8:22–30; Zanafilla 7:17–24).
Profeti Isaia profetizoi rreth asaj që do të përjetonte Shpëtimtari nëpërmjet Shlyerjes së Tij (shihni tek Isaia 53:3–5).
Kisha e përqendruar te shtëpia dhe e përkrahur nga Kisha “na përgatiti … përpara se të kishte ndonjë shenjë pandemie, duke na bërë të aftë të durojmë sfidat që kanë ardhur” (Geri E. Stivenson, “Jashtëzakonisht të Favorizuar nga Zoti”, Liahona, nëntor 2020, f. 103).

Përgjigjja ime

Duke përdorur atë që ke mësuar dhe ndier sot, shkruaj një përgjigje të dobishme për një nga komentet negative nga fillimi i mësimit. Sigurohu që të përfshish të paktën një shkrim të shenjtë dhe një shembull që mund të jetë një përvojë vetjake.

Ftojini disa nxënës të gatshëm t’i tregojnë përgjigjet e tyre. Merreni parasysh të tregoni atë që ju ka mësuar Fryma e Shenjtë rreth dashurisë dhe udhërrëfimit të Perëndisë nëpërmjet profetëve të Tij.

Mësoni Përmendsh

Nëse doni, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargun tek Amos 3:7 është “Zoti, [Perëndi], … ua treg[on] sekretin e tij shërbëtorëve të tij, profetëve”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Përse profetët e Perëndisë vazhdojnë ta japin mësim të vërtetën edhe kur disa njerëz i shohin ata si të papëlqyeshëm, të shkëputur nga realiteti, ose të panevojshëm?

Presidenti Rasëll M. Nelson shpjegoi:

“Nganjëherë ne si udhëheqës të Kishës kritikohemi ngaqë qëndrojmë të palëkundur ndaj ligjeve të Perëndisë, duke e mbrojtur doktrinën e Shpëtimtarit dhe duke u bërë qëndresë trysnive shoqërore të kohës sonë. Por porosia jonë si apostuj të shuguruar është ‘të shk[ojmë] në gjithë botën për t’i[a] predikuar ungjillin [e Tij] çdo krijese’. Kjo do të thotë që ne urdhërohemi ta japim mësim të vërtetën.

Prej bërjes së kësaj, nganjëherë na akuzojnë se jemi të pandjeshëm kur i japim mësim kërkesat e Atit për ekzaltim në mbretërinë çelestiale. Por a nuk do të ishte shumë më e pandjeshme po të mos e thoshim të vërtetën – të mos e jepnim mësim atë që Perëndia ka zbuluar?

Është pikërisht sepse interesohemi thellësisht rreth të gjithë fëmijëve të Perëndisë, që e shpallim të vërtetën e Tij. Ne mund të mos u themi njerëzve gjithnjë atë që duan të dëgjojnë. Profetët rrallëherë admirohen në masë. Por ne gjithmonë do të japim mësim të vërtetën!” (“The Love and Laws of God”, [takim shpirtëror në Universitetin “Brigam Jang”, 17 shtator 2019], f. 3, speeches.byu.edu)

Përse ka siguri në ndjekjen e këshillës së profetëve të Zotit?

Plaku Alen D. Hejni, i Të Shtatëdhjetëve, shpjegoi:

11:22

“Të dish me anë të zbulesës se ka një profet të gjallë mbi tokë, ndryshon gjithçka. Ajo bën që njeriut të mos i interesojë debati rreth kohës se kur po flet një profet si profet ose a justifikohet ndonjëherë dikush për mospranimin përzgjedhës të këshillës profetike. Një njohuri e tillë e zbuluar, e fton dikë t’i mirëbesojë këshillës së një profeti të gjallë, edhe nëse ne nuk e kuptojmë plotësisht atë. Fundja, një Atë i përsosur dhe i dashur në Qiell ka zgjedhur modelin e zbulimit të së vërtetës ndaj fëmijëve të Tij nëpërmjet një profeti, dikujt që nuk e ka kërkuar kurrë një thirrje të tillë të shenjtë dhe që nuk ka nevojë për ndihmën tonë për të qenë në dijeni për papërsosuritë e veta. Një profet është dikush që Perëndia e ka përgatitur, thirrur, korrigjuar, frymëzuar, qortuar, shenjtëruar dhe mbështetur Vetë. Kjo është arsyeja përse ne nuk jemi kurrë në rrezik shpirtëror kur ndjekim këshillën profetike.” (“Një Profet i Gjallë për Ditët e Mëvonshme”, Liahona, maj 2023, f. 25)

Çfarë mund të na mësojë udhërrëfimi profetik rreth Perëndisë?

Plaku Diter F. Uhtdorf, i Kuorumit të Dymbëdhjetë Apostujve, dha mësim:

“Shkrimet e shenjta na tregojnë se gjëja e parë që bëri Perëndia pasi i krijoi burrin dhe gruan, ishte t’u fliste atyre. Ai kishte informacion jetësor dhe udhëzime të çmuara për t’ua dhënë atyre. Qëllimi i Tij nuk ishte t’u vinte barrë apo t’i shqetësonte ata, por që t’i udhërrëfente drejt lumturisë dhe lavdisë së përjetshme.

Dhe ai ishte vetëm fillimi. Që nga ajo ditë e deri më sot, Perëndia ka vazhduar të komunikojë me fëmijët e Tij. Fjalët e Tij janë mbajtur, ruajtur si thesar dhe studiuar nga dishepujt e çdo brezi. Ato nderohen nga ata që kërkojnë ta dinë vullnetin e Perëndisë, dhe japin dëshmi për të vërtetën se ‘Zoti [Perëndia], nuk bën asgjë, pa ua treguar sekretin e tij shërbëtorëve të tij, profetëve’ (Amos 3:7).

Ky ka qenë modeli që prej fillimit të kohëve dhe modeli vazhdon sot. Nuk është thjesht një histori e këndshme nga Bibla, është mënyra e krijuar nga Perëndia për t’u kumtuar mesazhe thelbësore fëmijëve të Tij. …

Ky është një nga mesazhet më të lavdishme, më nxitëse dhe plot shpresë i Rivendosjes – Perëndia nuk është i heshtur. Ai i do fëmijët e Tij. Ai nuk na ka lënë të endemi në errësirë.” (“Fjala e Perëndisë ndaj Fëmijëve të Tij”, Liahona, mars 2018, f. 1)

Veprimtari Plotësuese të të Mësuarit

Ndjekja e profetit të Perëndisë kur përballeni me mosmarrëveshje ose pështjellim

Disa nxënës mund të kenë vështirësi ose të mos bien dakord me këshillën profetike. Për t’i ndihmuar nxënësit të mësojnë çfarë mund të bëjnë në këto situata, mund të shihni “Face to Face with Elder and Sister Rasband” [“Ballë për Ballë me Plakun dhe Motrën Rasband”] nga kodi kohor 18:26 deri në 21:34.

83:59

Pasi nxënësit ta kenë parë materialin filmik, ju mund të diskutoni pyetje si vijueset:

Si bekohemi ne sot për të pasur qasje më të shpeshtë në udhërrëfimin e Perëndisë nëpërmjet profetëve të Tij?
Si mendoni se dëgjohet një profet me “durim dhe besim”?
Cilat janë disa gjëra që mund t’i bëjmë për të ndjekur profetët e gjallë të Perëndisë?

Urtësia e Perëndisë

Një mënyrë për t’i ndihmuar nxënësit ta rritin mirëbesimin e tyre te këshilla profetike është duke i ndihmuar ata të kuptojnë më shumë rreth karakterit të Perëndisë. Ju mund të bëni sa vijon si pjesë të ndihmesës ndaj nxënësve për të përcaktuar të vërtetën e cituar tek Amos 3:7.

Ftojini nxënësit të lexojnë fragmentet vijuese të shkrimit të shenjtë dhe thënien nga Plaku Diter F. Uhtdorf, i Kuorumit të Dymbëdhjetë Apostujve:

Plaku Diter F. Uhtdorf dha mësim:

“Ka një burim të vërtete që është i plotë, i saktë dhe i pacenueshëm. Ai burim është Ati ynë Qiellor, pafundësisht i urtë dhe i gjithëditur. Ai e di të vërtetën siç ishte, siç është dhe siç do të jetë (shihni te Doktrina e Besëlidhje 93:24). ‘Ai i kupton të gjitha gjërat, … dhe ai është mbi të gjitha gjërat … dhe të gjitha gjërat janë nëpërmjet tij dhe prej tij’ (Doktrina e Besëlidhje 88:41).

Ati ynë i dashur Qiellor na e ofron të vërtetën e Tij neve, fëmijëve të Tij të vdekshëm.” (“Our Search for Truth”, New Era, gusht 2020, f. 5)

Nxënësit mund të diskutojnë më pas mënyrën se si kuptueshmëria që Perëndia është i gjithëditur mund t’i ndihmojë ata t’u mirëbesojnë profetëve të Tij.