Joel

Si Presidente Russell M. Nelson mihatag sa mosunod nga imbitasyon:

Akong minahal nga mga kaigsoonan, mohangyo ko kaninyo sa pagpalambo sa inyong espirituhanong kapasidad sa pagdawat og pagpadayag. … Pilia ang paghimo sa espiritwal nga buhat nga maoy gikinahanglan aron sa pagtagamtam sa gasa sa Espiritu Santo ug mas kanunay ug mas klaro nga pagpaminaw sa tingog sa Espiritu.“ Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 96)

• Unsaon nimo paggamit ang lainlaing sudlanan aron ipasabot ngadto sa usa ka tawo ang kahulogan sa “pagpalambo sa [atong] espirituhanong kapasidad sa pagdawat og pagpadayag?”

  Human mahisgoti ang imbitasyon ni Presidente Nelson, pwede nimong itudlo ang mga sudlanan ug dapiton ang mga estudyante nga hilom nga pamalandongan ang ilang personal nga kapasidad sa pagdawat og pagpadayag. Pwede nilang irekord ang ilang mga tubag sa mosunod nga mga pangutana diha sa ilang journal sa pagtuon.

• Hain sa mga sudlanan ang para nimo ang labing nagrepresentar sa imong kapasidad karon sa pagdawat og personal nga pagpadayag? Ngano man?

• Unsa ang imong nasinati sa imong kinabuhi nga makabenepisyo ang pagdawat og dugang nga personal nga pagpadayag gikan sa Dios?

Nanagna si Joel sa makalilisang nga mga panghitabo nga mag-una sa ikaduhang pag-anhi ni Jesukristo (tan-awa sa Joel 2:1–11). Nanagna usab si Joel sadagkong mga saad sa Ginoo nga matuman aron tabangan ang Iyang katawhan sa kataposang mga adlaw.

Basaha ang Joel 2:21 ug ang unang linya sa mga bersikulo 22 ug 23. Markahi ang tambag nga gihatag sa Ginoo sa Iyang mga nilalang sa kataposang mga adlaw.

• Unsa ang pipila sa “dagko nga mga butang” nga gihimo sa Langitnong Amahan ug ni Jesukristo nga makatabang nimo nga “[dili] mahadlok” ug “[m]agmaya”?

Basaha ang Joel 2:27–29, nga pangitaon ang dagko nga mga butang nga gisaad sa Dios nga himoon sa ulahing mga adlaw.

• Unsay imong nakita niini nga mga bersikulo nga makonsiderar nga “dagko”?

  Ang mga estudyante mahimong mopahayag og daghang kamatuoran, lakip niana ang ibubo sa Ginoo ang Iyang Espiritu ngadto sa tanang katawhan sa ulahing mga adlaw. Ikonsiderar ang pagpakigbahin nga gisubli ni anghel Moroni kini nga panagna dihang gibisita niya si Joseph Smith (tan-awa sa Joseph Smith—Kasaysayan 1:41).

• Unsa ang pipila ka lainlaing paagi nga ibubo sa Ginoo ang Iyang Espiritu?

  Kini nga panagna mahimong adunay daghang kahulogan ug katumanan. Ang usa ka paagi nga ibubo sa Ginoo ang Iyang espiritu kanato mao ang paghatag kanato og personal nga pagpadayag.

  Kon nagdala ka og mga sudlanan diha sa klase, pwede nimong ipakita ang mga kalainan sa tali sa pagbubo, pagtulo, ug pag-spray og tubig diha sa sudlanan. Hisgoti ang kamahinungdanon sa saad sa Ginoo nga ibubo ang Iyang espiritu nganhi kanato.

• Unsaon nato pag-ila sa pagpadayag nga gibubo sa Ginoo nganhi kanato?

  Kon nagkinahanglan og tabang ang mga estudyante sa pagtubag sa nag-unang pangutana, pwede nimong dapiton ang katunga sa klase nga basahon ang Mga Taga-Galacia 5:22–23 ug ang laing katunga sa pagbasa sa Doktrina ug mga Pakigsaad 11:12–13 dayon ipakigbahin ang ilang nakaplagan. Mahimong makabenepisyo usab ang mga estudyante sa paghisgot sa kamahinungdanon sa hugpong sa mga pulong nga tanang katawhan diha sa Joel 2:28 ug mas gipasabot diha sa bersikulo 29. Tabangi sila nga masabtan nga kini nga saad para sa tanang anak sa Langitnong Amahan nga mga babaye ug mga lalaki.

• Unsay gitudlo niini kanimo bahin sa mga tinguha sa Langitnong Amahan para nimo?

Ablihan ang PDF

Ipakigbahin ang usa sa mosunod nga may kalabotan nga sugyot:

1. Usa ka personal nga kasinatian

2. Pipila ka tambag

3. Usa ka kasulatan o pahayag

4. Usa ka pangutana

Aron tabangan ang mga estudyante nga makita ang pagsalig sa mga lider sa Simbahan nga makadawat og pagpadayag ang kabatan-onan, ikonsiderar ang pagtan-aw sa “2020 Temple and Family History Leadership Instruction” gikan sa timecode 56:06 hangtod 58:29, nga anaa sa ChurchofJesusChrist.org. Si Elder David A. Bednar sa Korum sa Napulog Duha ka Apostoles namulong ngadto sa mga kapangulohan sa kabatan-onan bahin sa gihimong mga kausaban aron mas maapil sila sa buhat sa kaluwasan.

59:35

Ikonsiderar ang pagpamatuod nga gusto sa Ginoo nga ibubo ang Iyang Espiritu ug mamulong sa tanang katawhan, apil ang imong mga estudyante. Dapita ang mga estudyante sa pagpamalandong sa mga paagi aron ilang mapalambo ang ilang kapasidad sa pagdawat og pagpadayag diha sa ilang kinabuhi. Mahimo nimo kini pinaagi sa paghatag sa mosunod nga mga instruksiyon:

1. Pamalandonga pag-usab ang imong nasinati sa kinabuhi nga makabenepisyo sa dugang nga personal nga pagpadayag gikan sa Dios.

2. Diha sa imong journal sa pagtuon, pagdrowing og sudlanan nga adunay gisulod niini.

3. Butangi og label ang imong sudlanan og usa o duha ka butang nga imong mahimo aron molambo ang imong kapasidad sa pagdawat og pagpadayag nga ibubo sa Ginoo nganha kanimo. Pwede kang magdugang og piho nga mga detalye kon unsaon nimo pagsulay nga himoon kining mga butanga sa epektibong paagi.