Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Hosea: O le Alofa ma le Alofa Mutimutivale o le Ali’i

“Hosea: O le Alofa ma le Alofa Mutimutivale o le Ali’i,” Tusi Lesona a le Faia’oga Seminare o le Feagaiga Tuai (2026)

“Hosea: O le Alofa ma le Alofa Mutimutivale o le Ali’i,” Tusi Lesona a le Faia’oga Seminare o le Feagaiga Tuai

Hosea 1–6; 10–14; Ioelu: Lesona 146

Hosea

O le Alofa ma le Alofa Mutimutivale o le Ali’i

I le tusi a Hosea, sa fa’aaoga ai e le Ali’i le fa’aipoipoga a Hosea ma Komeri o se fa’atusa e a’oa’o ai Isaraelu e uiga i Lona alofa faale-feagaiga e lē mavae.E faapei o Isaraelu, o nisi taimi tatou te ono sē ese ai mai le Ali’i ma a tatou feagaiga ma Ia.Ae tumau pea le fa’amaoni ma le alofa o Iesu Keriso mo i tatou.O lenei lesona e mafai ona fesoasoani i tagata a’oga ia malamalama i le alofa ma le alofa mutimutivale lē mavae o le Ali’i mo i latou.

Sauniuniga a le tagata a’oga: Vala’aulia tagata a’oga e mafaufau po o a ni a’afiaga na fesoasoani iā i latou e lagona ai le alofa ma le alofa mutimutivale o le Ali’i

Gaoioiga e Ono Mafai Ona Aoaoina Ai

Manatuaina o le Tamā Fa’alelagi ma Iesu Keriso

Ina ia amata le vasega, ia saunia tagata a’oga e feso’ota’i i se auala talafeagai ma le tala iā Hosea ma Komeri.O se tasi o auala e mafai ona fai ai lena mea e ala lea i se ata fa’ataitai e pei o lenei.

Na avea Camille ma Hannah o ni uo mamae mo se tausaga.I lena taimi, sa mafana ma lagolagoina e le tasi le isi i taimi faigata.Na fa’asoa atu e Hannah nisi o mea sa ia tauivi ai.Na folafola e Camille e na te lē fa’asoaina atu na mea i isi tagata.Ae ui i lea, i ni nai aso talu ai, na iloa ai e Hannah e faapea sa fa’asoa atu e Camille i nisi o a la uo e uiga i tauiviga o Hannah.

Afai o oe o Hannah, o ā ni ou manatu ma lagona e te ono maua?
Aiseā e ono fa’afaigata ai ona fa’amagalo Camille?

Mafaufau e fa’amatala atu e faapea o se tasi nei o fa’ataitaiga o auala tatou te ono lagona ai le fa’alataina ma le tigā pe a solia e se tasi se folafolaga.E ui atonu tatou te tali atu i nei tulaga i ni auala lē aoga, ae e ese le tali mai a le Ali’i.

Ua a’oa’o mai le tusi a Hosea e uiga i se sootaga o le fa’aipoipoga.I totonu o tusitusiga paia, e masani ona fa’aaoga e le Ali’i le fa’aipoipoga o se fa’atusa mo la tatou sootaga faale-feagaiga ma Ia.Ua a’oa’o mai e Peresitene Russell M. Nelson e faapea o a tatou feagaiga e fatuina “se sootaga faale-feagaiga lea e fusia ai i [tatou ma le Ali’i] ina ia fa’amaoni ma tuuto le tasi i le isi” (“O le Feagaiga e Fa’avavau,” Liahona, Oke. 2022, 6).

O nisi taimi, e lē fa’amaoni ai le fanau a le Atua ma sē ese mai a latou feagaiga ma Ia.Ao e suesue i le tusi a Hosea i le asō, va’ava’ai pe fa’ape’i lagona o le Ali’i e uiga, ma le tali atu i Ona tagata o le feagaiga e tusa lava pe afai ua latou te sē ese mai ia te Ia.

Hosea ma Komeri

Ina ia fesoasoani i tagata a’oga ia malamalama i le tala iā Hosea ma Komeri, fa’aali pe aotele le parakalafa lenei.

Taga’i i le vaega Puna’oa Fa’aopoopo o lenei lesona i le Potutusi a le Talalelei mo nisi fa’amatalaga e uiga i le poloaiga a le Atua mo Hosea ia fa’aipoipo atu iā Komeri.

O Hosea o se perofeta i le Malō i Matū o Isaraelu na vavalo atu i le taimi lava e tasi ma Isaia.Na poloa’iina e le Ali’i Hosea ia fa’aipoipo atu iā Komeri e ui lava o ia o se fafine mulilua ma se talitane.E to’atolu le fanau a Hosea ma Komeri (taga’i Hosea 1:2–8).

E te ono mana’o e fa’amatala atu na tautala Hosea mo le Ali’i e faatatau iā Komeri, o lē sa fai ma faatusa o tagata Isaraelu.Mafaufau e tusi ni koluma se lua i luga o le laupapa.Fa’aigoa le tasi i le Hosea e fai ma faatusa o le Ali’i ma le isi Komeri e fai ma faatusa o Isaraelu.

Faitau le Hosea 2:5, va’ava’ai po o ā mea na fai mai Hosea sa faia e Komeri.“Le latou tinā” e fa’asino iā Komeri.

E fa’apefea ona avea amioga a Komeri ma faatusa o tagata Isaraelu?

E te ono fa’amatala atu o le lē fa’amaoni o Komeri i lana feagaiga o le fa’aipoipoga ma Hosea, ua fa’atusaina iai le lē fa’amaoni fa’aleagaga o Isaraelu i la latou feagaiga ma le Atua.Afai e mafai ona fesoasoani, e mafai ona faitau e tagata a’oga le 2 Tupu 17:14–16, va’ava’ai pe na fa’apefea ona solia e Isaraelu a latou feagaiga ma le Ali’i.

Ina ia fesoasoani i tagata a’oga e faatatau tusitusiga paia iā i latou lava, e mafai ona e fai atu se fesili e pei o lenei.Lisi tali a tagata a’oga i luga o le laupapa i lalo o le Komeri e fai ma faatusa o Isaraelu.
E fa’apefea e tagata i o tatou taimi ona sē ese mai le Ali’i ma a latou feagaiga ma Ia?

E ono fa’asoa mai e tagata a’oga mea e pei o le matua pisi tele [ua galo ai] le Ali’i, fa’aaogaina lē talafeagai o tekonolosi, taulimaina leaga o isi, fa’amuamua o isi mea nai lo le Ali’i, po o isi agasala sili atu ona ogaoga.E mafai ona toe manatu tagata a’oga i lenei lisi isi mea a’o latou mafaufau loloto i le uunaiga lenei.

Toe manatunatu i auala e ono fa’aosoosoina ai oe e solia au feagaiga po o auala e te ono sē ese ai mai au feagaiga ma le Ali’i.

A’oa’o e uiga i le Ali’i

Vala’aulia tagata a’oga e fa’asoa fa’amatalaga o le upumoni a’o latou tusi i a latou pepa na tufa atu.E mafai ona latou fa’asoa leotele po o le tusi o a latou fa’amatalaga i luga o le laupapa i lalo o le vaega Hosea e fai ma faatusa o le Ali’i.Latou te ono tusi upumoni e pei o nei:

O Iesu Keriso e tumu i le alofa ma le alofa mutimutivale, e tusa lava pe ou te sē ese mai iā te Ia.
E vala’aulia e Iesu Keriso ona tagata o le feagaiga e salamō ma tausia a latou feagaiga.

A’o fa’asoa tagata a’oga, e mafai ona e fai atu fesili tulitatao e fesoasoani i tagata a’oga ia faia feso’ota’iga manino ma tusitusiga paia: “O le ā le vaega o le tala na fesoasoani iā te oe e a’oa’o ai e uiga iā te Ia?” po o le “Na fa’apefea ona e va’aia lena upumoni e uiga iā te Ia ua fa’apupulaina e ala mai iā Hosea?”

A’o le’i fai atu le fesili lenei, e te ono fa’asino atu tagata a’oga i le lisi i luga o le laupapa o auala e tatou te sē ese ai i nisi taimi mai le Ali’i ma mai a tatou feagaiga ma Ia.

E mafai fa’apefea e mea ua e a’oa’oina e uiga i le Ali’i ona fesoasoani i talavou o e latou te lagona le faavaivai po o le matamuli ona ua latou sē ese mai le Ali’i?

A’o le’i fai atu le fesili o soso’o mai, atonu e lelei ona fautua atu i tagata a’oga e aua le fa’asoaina mai soo se mea maaleale patino, e pei o agasala ua tuanai.E mafai foi ona e fa’asoa atu se a’afiaga mai i lou lava olaga.
O ā ni auala na e va’aia le fa’atinoina ai e le Ali’i o Lona alofa ma le alofa mutimutivale i lou olaga po o le olaga o se tasi e te iloa?

Fa’ataitai le malamalamaaga

Pe a maua se avanoa o tagata a’oga e fa’amatala mai ai po o le manatunatu ai i mea sa latou a’oa’oina, e mafai ona vala’aulia ai le Agaga Paia e a’oa’oina atili i latou.O se tasi o auala e faia ai lenei mea [o le faia lea] o le gaoioiga tusitusi pu’upu’u lenei.

Filifili se tasi o mea nei:

Tusi se sāvali. Mafaufau e uiga i se tasi (po o oe lava) o e ono lagona ua sē mamao ese mai le Ali’i ma lē ono fa’amagaloina.Tusi se feau fa’amalosiau i lenei tagata ma fa’asoa mea ua e a’oa’oina e uiga i le Tamā Fa’alelagi ma Iesu Keriso e te manatu e ono fesoasoani iā i latou.
Tusi se fa’amatalaga. E fa’apefea ona e ono fa’amatalaina le uiga o le Tamā Fa’alelagi ma Iesu Keriso e fa’avae mai mea ua e a’oa’oina pe lagonaina i le asō?

E te ono fa’asoa atu i tagata a’oga o tatou, e faapei o Komeri, e mafai ona filifili e talia le vala’aulia alofa a le Ali’i ia salamō ma toe foi atu iā te Ia pe a tatou sē ese.Mafaufau e fa’auma i lau molimau i le Ali’i.

O Puna’oa Fa’aopoopo

Hosea 1:2–3; 2:5.Pe na poloa’iina moni e le Atua se perofeta e fa’aipoipo i se talitane?

Na ta’ua e Kerry Muhlestein, PhD ma le polofesa o tusitusiga paia anamua i le Brigham Young University:

O nisi e tuufesili pe fa’amata o le fa’aipoipo atu o Hosea i se talitane pe sa o se mea moni pe na o se fa’ataoto.E tele fa’amatalaga auiliili i le tusi e fa’asino atu i le fa’aipoipoga e moni, e ui e tatou te lē o mautinoa.(“Hosea 1,” The Essential Old Testament Companion: Key Insights to Your Gospel Study [2013], 476)

E fa’apefea ona ese se feagaiga mai se konekarate?

Na a’oa’o mai e Peresitene Henry B. Eyring o le Au Peresitene Sili le mea lenei, e uiga i lona a’afiaga i le a’oa’oina o se vasega seminare i le vaveao e uiga i le tusi a Hosea:

Sa iai so’u lagona fou e fa’atatau i le osia o se feagaiga ma le Ali’i.I lo’u olaga atoa sa ou fa’alogo ai i fa’amatalaga o feagaiga e pei o se konekarate, o se maliega lea e malie ai le tasi tagata e faia se mea ae malie le isi e faia se isi mea e fai ma taui.

Mo le tele atu o mafua’aga nai lo lo’u gafatia ona fa’amatalaina, i na aso o le a’oa’oina atu o Hosea, sa ou lagonaina se mea fou, se mea e sili atu ona mamana.E le’o se tala lea e uiga i se maliega fa’apisinisi i le va o ni pa’aga. …O se tala lenei o le alofa.O se tala lenei o se feagaiga [faale]fa’aipoipoga e fusia i le alofa, o le alofa mausalī.O o’u lagona i lena taimi, ua fa’ateleina i le aluga o tausaga, e faapea o le Ali’i, o lē na fa’amanuiaina a’u i le osia ai o feagaiga ma Ia, e alofa iā te a’u, ma oe … fa’atasi ai ma le mausalī lea ou te maofa ai pea, ma ou te manao ma lo’u loto atoa e fa’ataitai iai.(“Covenants and Sacrifice” [address given at the Church Educational System Symposium on the Old Testament, Aug. 15, 1995])

Pe o le a fa’amagalo moni a’u e le Atua pe a ou sē ese mai iā te Ia?

Na a’oa’o mai Elder Dale G. Renlund o le Korama a Aposetolo e To’asefululua:

13:49

E tusa lava pe o le ā le umi na tatou o ese ai mai le ala pe o le ā foi le mamao na tatou o’o iai, o le taimi lava tatou te filifili ai ia suia, e fesoasoani mai le Atua iā i tatou e toe foi mai.Mai le silafaga a le Atua, o le salamō fa’amaoni ma le fetaomi atu i luma ma le mausalī iā Keriso, o le taimi lava tatou te toe foi mai ai i luga o le ala, o le a pei lava tatou te le’i o ese.(“Inā Filifili Ia o Outou i le Aso Nei,” Liahona, Nov. 2018, 106)

Sa a’oa’o mai e Peresitene Emily Belle Freeman, Peresitene Aoao o Tamaita’i Talavou:

10:24

Ona ou te mana’o e ola i le so’otaga tu’utō faale-feagaiga ma le [Atua].

Atonu o lo o fa’apena foi oe.Amata i le mea lena e te iai.Aua ne’i fa’atagaina le tulaga o e iai e fa’alavelaveina ai oe.Manatua, o le saoasaoa po o le tulaga i luga o le ala e lē tutusa le taua ma le agaigai i luma.Fesili i se tasi e te talitonuina, o sē o loo i luga o le ala o feagaiga e faailoa atu ia te oe le Faaola ua oo ina latou iloa.Aoao atili e uiga ia te Ia.Teu faaagaga i le sootaga e ala i le ulu atu ai i se feagaiga ma Ia.E le afaina lou matua [i tausaga] po o lou tulaga.E mafai ona e savali faatasi ma Ia.(“Savali i Sootaga o Feagaiga ma Keriso,” Liahona, Nov. 2023, 79)

Gaoioiga Fa’aopoopo e A’oa’o Ai

O se fa’ataitaiga o le alofa faale-feagaiga

A mae’a ona fa’atumu le pepa na tufa atu, e mafai ona e vala’aulia tagata a’oga e matamata i le “O le Alofa Tumau” (4:16), va’ava’ai mo ni fa’ataitaiga o le alofa faale-feagaiga.Ona e fai atu lea o le fesili lenei:

4:12

E mafai fa’apefea e fa’ataitaiga a lenei tane ma Hosea ona a’oa’o mai iā i tatou e uiga i foliga o le alofa faale-feagaiga o le Ali’i mo i tatou?

Hesed: o se itūaiga alofa fa’apitoa

Ina ia fesoasoani i tagata a’oga ia malamalama atili i le alofa faale-feagaiga o le Ali’i, e mafai ona e fa’asoa atu le fa’amatalaga lenei a Peresitene Russell M. Nelson:

O leHesed o se fa’aupuga tulaga ese e fa’amatalaina ai se so’otaga fa’alefeagaiga lea e fusia ai vaega uma e lua ina ia tu’utō ma fa’amaoni le tasi i le isi. …

O lehesed o se ituaiga faapitoa o le alofa ma le alofa mutimutivale lea e lagonaina e le Atua mo, ma tuuina atu ia, i latou o e ua osia se feagaiga ma Ia.Ma tatou te toe taui atu i le hesed mo Ia.

Ona ua iai i le Atua le hesed mo i latou o e ua osifeagaiga ma Ia, o le a Ia alofa iā i latou.O le a faaauau pea ona ia galue fa’atasi ma i latou ma ofo atu iā i latou avanoa e sui ai.O le a Ia fa’amagaloina i latou pe a latou salamō.Ma pe a latou sē ese, o le a Ia fesoasoani iā i latou ia maua lo latou ala e toe foi atu ai iā te Ia.(“O Le Feagaiga e Fa’avavau,” Liahona, Oke. 2022, 6)

Afai e lagona e se tasi ua tele na’uā mea sese ua ia faia ua lē mafai ai ona fa’amagaloina, o le ā se mea e te iloa mai lenei fa’amatalaga e mafai ona toe avatu ai ia i latou le fa’amoemoe?

Na fa’aaoga e Hosea le upu hesed i le Hosea 2:19; 4:1; 6:4, 6; 10:12; 12:6.O le au fa’aliliutusi o le Lomiga a King James, na fa’aaogaina upu fa’aPeretania eseese e fa’aliliu ai le hesed.

Agaalofa (Hosea 2:19)
Alofa mutimutivale (Hosea 4:1; 6:6; 10:12; 12:6)
Agalelei (6:4)

E te ono vala’aulia tagata a’oga e faitau na fuaiupu ma fa’asoa atili atu malamalama’aga e uiga i le alofa faalefeagaiga o le Ali’i.E te ono fesili atu foi i tagata a’oga e mafaufau i auala e mafai ai ona tatou fa’aali le hesed mo le Ali’i.

Hosea 2:5–8.Va’ava’ai mo le fiafia i nofoaga sese

Ina ia fesoasoani i tagata a’oga e mafaufau po o fea o lo o latou vaavaai ma sailia ai le fiafia, e mafai ona e va’ai i le aafiaga o Komeri.

Faitau le Hosea 2:5–8 ma fesoasoani i tagata a’oga ia iloa, ua uma ona saunia e Hosea mo Komeri i le (fuaiupu 8) mea na ia tu’ua ai ana feagaiga e sailia i le (fuaiupu 5).

Fa’asoa atu le fa’amatalaga lenei a Peresitene Russell M. Nelson:

18:43

O le upumoni silisili lenei: e ui e manatu pea le lalolagi e faapea o le malosi, o meatotino, lauiloa, ma fiafiaga o le tino e aumaia ai le fiafia, ae e leai!E latou te lē mafai!E leai se mea latou te foaina ae ua na’o se suitulaga gaogao mo “tulaga manuia ma le fiafia o i [latou] o e e tausi i poloaiga a le Atua” [Mosaea 2:41].

O le mea moni lava, e matua sili atu le faaaugagase o le sailia o le fiafia i nofoaga e lē mafai ona e mauaina ai!Peita’i, pe a e fusia mo oe lava ia iā Iesu Keriso ma faia le galuega fa’aleagaga e mana’omia e manumalō ai i le lalolagi, o Ia, ma e na’o Ia lava, o lo o iai le mana e si’itia ai oe i luga a’e o le tosopala a lenei lalolagi.(“Manumalō i le Lalolagi ma Maua le Malōlōga,” Liahona, Nov. 2022, 97)

Aiseā e faigata ai le maua o le fiafia i mea ua fa’apea mai le lalolagi e tu’uina mai ai le fiafia?
Na fa’apefea ona e maua le fiafia a’o e saili ia Iesu Keriso ma taumafai malosi e ola i Lana talalelei?