Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Saame 136: “Mou ʻAtu ʻa e Fakafetaʻi [ki he ʻEikí]”

“Saame 136: ‘Mou ʻAtu ʻa e Fakafetaʻi [ki he ʻEikí],’” Fuakava Motuʻá – Tohi Lēsoni ʻa e Faiako Seminelí (2026)

“Saame 136: ‘Mou ʻAtu ʻa e Fakafetaʻi [ki he ʻEikí],’” Fuakava Motuʻá – Tohi Lēsoni ʻa e Faiako Seminelí

Saame 102–3; 110; 116–19; 127–28; 135–39; 146–50: Lēsoni 108

Saame 136

“Mou ʻAtu ʻa e Fakafetaʻi [ki he ʻEikí]”

Hangē ko e ngaahi himi lahi, ʻoku fakamanatu mai ʻe he Sāmé ke tau fakafetaʻi ʻi he meʻa kotoa pē. ʻE lava ʻe hono fakahaaʻi ʻetau houngaʻia moʻoni ki he Tamai Hēvaní mo Sīsū Kalaisí,ʻo fakaava hotau matá mo e lotó ki Heʻena ʻofá mo e ʻaloʻofá pea fakaʻatā ke tupulaki ʻetau ʻofa kiate Kinauá. ʻE lava ke tokoni e lēsoni ko ʻení ke ongoʻi ʻe he kau akó e ʻofa ʻa e Tamai Hēvaní mo Sīsū Kalaisí ʻi heʻenau fakahaaʻi ʻenau loto-houngaʻia kiate Kinauá.

Teuteu ʻa e tokotaha akó: Fakaafeʻi e kau akó ke nau fai ha lotu ʻo fakamālō ki he Tamai Hēvaní ʻo ʻikai toe kole ha meʻa mei ai. ʻE lava ke teuteu ʻa e kau akó ke vahevahe ʻenau ngaahi ongo mei he aʻusiá mo e kalasí.

Ngaahi ʻEkitivitī Ako ʻOku Ala Fakahokó

Te u lava fēfē nai ʻo ongoʻi e ʻofa ʻa e ʻOtuá?

Kamata e kalasí ʻaki hono tokoniʻi e kau akó ke nau fakalaulauloto ki he founga te nau lava ʻo ongoʻi ai e ʻofa ʻa e ʻOtuá. Ko e founga ʻe taha ʻe lava ke fakahoko ai ʻení ko hono fakaafeʻi e kau akó ke fakakaukauloto ki he tūkunga ko ʻení.

ʻOku pehē atu ʻe haʻo kaungāmeʻa ʻi ha ʻaho ʻe taha: “Taimi ʻe niʻihi ʻi he lotú mo e seminelí, ʻoku talanoa ʻa e kakaí fekauʻaki mo e ongoʻi e ʻofa ʻa e ʻOtuá. ʻOku ʻikai keu fakapapauʻi ʻoku ou ongoʻi ia. Ko e hā te u lava ʻo fai ke ongoʻi ʻEne ʻofá ʻi heʻeku moʻuí?”

Te ke tali fēfē nai ki hoʻo kaungāmeʻá?

Mahalo ʻe kehekehe e ngaahi tali ʻa e kau akó, pe mahalo he ʻikai ke nau ʻilo e meʻa ke lea ʻakí. Hili e tali ʻa e kau akó, te ke lava ʻo vahevahe ʻa e fakamatala ko ʻení.

Naʻe fakamatalaʻi ʻe Palesiteni Tōmasi S. Monisoni (1927–2018) ha meʻa te tau lava ʻo fai ke ongoʻi ai e ʻofa ʻa e ʻOtuá:

ʻE kāinga, ʻoku tau manatuʻi nai ke fakamālōʻia e ngaahi tāpuaki ʻoku tau maʻú? ʻOku ʻikai ngata pē ʻi he tokoni ʻetau fakamāloó ke tau ʻiloʻi hotau ngaahi tāpuakí, ka ʻokú ne fakaava foki e ngaahi matapā ʻo e langí ʻo tau ongoʻi e ʻofa ʻa e ʻOtuá. (“Ko e Meʻafoaki Fakalangi ʻo e Loto-Houngaʻiá,” Liahona, Nōvema 2010, 87)

Te ke fakamatalaʻi fakanounou fēfē nai e meʻa naʻe akoʻi ʻe Palesiteni Monisoní?

ʻI hono vahevahe ʻe he kau akó ʻenau ngaahi talí, hiki e moʻoni ko ʻení ʻi he palakipoé: ʻOku tokoni hono fakahaaʻi ʻetau houngaʻia ʻi hotau ngaahi tāpuakí ke tau ongoʻi e ʻofa ʻa e ʻOtuá.

Lau ʻa e Saame 136:1–3, 26, ʻo kumi e ʻuhinga ʻoku fakahaaʻi ai ʻe he tangata faʻu sāmé ʻene houngaʻia ʻi he ʻOtuá.

Ko e hā e meʻa ‘okú ke fakatokangaʻí?

Mahalo te ke fie fakaafeʻi e kau akó ke fakaʻilongaʻi ʻa e kupuʻi lea “he ʻoku tuʻuloa ʻo taʻengata ʻa ʻene ʻaloʻofá.” Te ke lava ʻo fakamahinoʻi ange ko e taimi kotoa pē ʻoku fakahaaʻi ai ʻe he tangata faʻu sāmé ʻa e loto-houngaʻiá, ʻokú ne lave ki he ʻofa ʻa e ʻOtuá. Te ke lava ʻo fakamatalaʻi ange ko e lea faka-Hepelū ki he ʻaloʻofá ʻi he ngaahi veesi ko ʻení ko e hesed, ʻa ia “ko ha faʻahinga ʻofa mo e ʻaloʻofa makehe ia ʻoku ongoʻi ʻe he ʻOtuá pea ʻoku fakaaʻu atu ia kiate kinautolu kuo nau fakahoko ha fuakava mo Iá” (Russell M. Nelson, “Ko e Fuakava Taʻengatá,” Liahona, ʻOkatopa 2022, 6).
ʻOkú ke pehē ko e hā ʻoku tokoni ai hono fakahaaʻi ʻetau houngaʻia ʻi hotau ngaahi tāpuakí ke tau ongoʻi e ʻofa ʻa e ʻOtuá?

Ko hono ʻiloʻi e ngaahi tāpuaki ʻa e ʻOtuá

Ke tokoni ke vakaiʻi ʻe he kau akó e tuʻunga ʻoku nau ʻi aí ʻi hono fakahaaʻi ʻenau houngaʻia ki he ʻEikí, te ke lava ʻo fai ʻa e ʻekitivitī ko ʻení. Fakamanatu ki he kau akó ʻe lava ke tokoniʻi kitautolu ʻe he Laumālie Māʻoniʻoní ke tau manatuʻi koeʻuhí ke tau lava ʻo ako mo fakalakalaka. Fakaafeʻi e kau akó ke nau fakafanongo ki he ngaahi ueʻi mei he Laumālie Māʻoniʻoní ʻi heʻenau fakakaukau ki heʻenau ngaahi talí.

Fakakaukau ki hoʻo ngaahi aʻusia ʻi he uike kuo ʻosí. ʻI hoʻo tohinoa akó, tali e ngaahi fehuʻi ko ʻení ʻaki e ngaahi kupuʻi lea ʻikai ʻaupito, tuʻo taha pe ua, ngaahi taimi siʻi, pe tuʻo lahi.

Ko e hā hono tuʻo lahi hoʻo fakatokangaʻi ha tāpuaki pau mei he ʻEikí ʻi hoʻo moʻuí?
Ko e hā hono tuʻo lahi hoʻo fakahaaʻi hoʻo houngaʻia ki he ʻEikí koeʻuhí ko ho ngaahi tāpuakí?
Ko e hā hono tuʻo lahi hoʻo ongoʻi ʻEne ʻofá?

Fakahaaʻi ʻo e houngaʻia ki he ʻOtuá

Ke tokoni ki he kau akó ke nau akoako fakahaaʻi ʻenau houngaʻia ki he ʻOtuá, te ke lava ʻo fakaafeʻi kinautolu ke fai ha taha ʻo e ngaahi ʻekitivitī ko ʻení.

Fili ha taha ʻo e ngaahi meʻa ko ʻení ke fakahaaʻi ʻaki hoʻo houngaʻia ʻi he Tamai Hēvaní mo Sīsū Kalaisí. Tokanga ki he ʻofa te ke ala ongoʻi meiate Kinaua ʻi hoʻo fai ʻení.

Fakahaaʻi hoʻo houngaʻia ʻi he Tamai Hēvaní mo Sīsū Kalaisí ʻi ha tohi he mītia fakasōsialé pe hiki ʻi hoʻo tohinoá.
Hiki ha lisi ‘o e ngaahi meʻa ʻokú ke hounga‘ia aí. Manatuʻi ke fakakau ʻa e ngaahi meʻa ko iá ʻi hoʻo lotu hokó.

Ke fakaʻosí, te ke lava ʻo vahevahe ʻa e founga ʻoku tokoniʻi ai kitautolu ʻe hono fakahaaʻi ʻetau houngaʻia ki he Tamai Hēvaní mo Sīsū Kalaisí ke tau ongoʻi ʻEna ʻofá pea fakaʻatā ke tupulaki ʻetau ʻofa kiate Kinauá.

Ngaahi Maʻuʻanga Tokoni Kehé

Ko e hā ha ngaahi tāpuaki ʻoku maʻu mei hono fakahaaʻi ʻo e loto-houngaʻiá?

Naʻe vahevahe ʻe Palesiteni Henelī B. ʻAealingi ʻo e Kau Palesitenisī ʻUluakí ʻo pehē:

ʻOku ou feinga ke manatuʻi ʻa e feilaulau ʻa e Fakamoʻuí mo ʻEne ʻofa kiate aú. Pea ʻi heʻeku lotu ke fakamālō ki he Tamai Hēvaní, ʻoku ou ongoʻi ʻa e ʻofa mo e fakapapau ʻoku ongona ʻeku ngaahi lotú pea te u maʻu ʻa e meʻa ʻoku lelei taha maʻaku mo kinautolu ʻoku ou ʻofa aí. ʻOku fakamālohia ai ʻeku fakamoʻoní. (“Ko Hotau Takaua Maʻu Pē,” Liahona, Nōvema 2023, 94)

Ko e hā ʻoku totonu ai ke u fakamālō koeʻuhí ko e ngaahi faingataʻá?

Naʻe akoʻi ʻe Palesiteni Tāleni H. ʻOakesi ʻo e Kau Palesitenisī ʻUluakí:

17:27

ʻOku fakahaaʻi ʻe he ngaahi fakahā, ʻa ia ʻoku tau houngaʻia aí, ʻoku totonu ke tau fakamālō he ngaahi faingataʻa ʻoku tau maʻú koeʻuhí ʻoku nau liliu hotau lotó ki he ʻOtuá mo ʻomi ha ngaahi faingamālie ke tau teuteu ai ki he meʻa ʻoku finangalo e ʻOtuá ke tau aʻusiá. … ʻI he lotolotonga ʻo e ngaahi fakatangá naʻe faingataʻaʻia ʻa e Kāingalotu ʻo e Siasí ʻi Mīsulí, naʻe fai ʻe he ʻEikí ha akonaki mo ha talaʻofa tatau: “Ko e moʻoni ʻoku ou pehē kiate kimoutolu ʻe hoku ngaahi kaumeʻa, ʻoua ʻe manavahē, tuku ke fiemālie ʻa homou lotó; ʻio, fiefia maʻu ai pē, pea ʻoatu ʻa e fakafetaʻi ʻi he ngaahi meʻa kotoa pē; … pea ʻe fengāueʻaki fakataha ʻa e ngaahi meʻa kotoa pē ʻa ia kuo fakamamahiʻi ʻaki ʻa kimoutolú koeʻuhi ko hoʻomou leleí” (T&F 98:1, 3). Pea kia Siosefa Sāmita ʻi he ngaahi faingataʻa ʻo e Fale Fakapōpula Lipetií, naʻe folofola ʻa e ʻEikí, “Ke ke ʻiloʻi, ʻe hoku foha, ʻe foaki ʻe he ngaahi meʻá ni kotoa pē ʻa e poto kiate koe, pea ʻe hoko ia ʻo ʻaonga kiate koe” (T&F 122:7). Naʻe mahino kia Pilikihami ʻIongi. Naʻá ne pehē, “ʻOku ʻikai ha tuʻunga ia ʻe taha ʻo e moʻuí [pe] ko ha meʻa ʻe hoko ʻi ha foʻi houa, ʻe taʻeʻaonga kiate kinautolu kotoa pē ʻoku nau fokotuʻu ko haʻanau ngāue, mo fakataumuʻa ke langa ʻi he faʻahinga meʻa ʻoku hoko kiate kinautolú” (Ngaahi Akonaki ʻa e Kau Palesiteni ʻo e Siasí: Pilikihami ʻIongi [1997], 211–12). (“Give Thanks in All Things,” Liahona, Mē 2003, 96)

Ngaahi ʻEkitivitī Fakalahi ki he Akó

Founga ʻe taha ke kamata ʻaki ʻa e lēsoní

Te ke lava ʻo kamata e kalasí ʻaki hono vahevahe ʻeni.

Lolotonga e mahaki fakaʻauha COVID-19 ʻi Nōvema 2020, naʻe vahevahe ʻe Palesiteni Lāsolo M. Nalesoni ʻa e aʻusia ko ʻení:

ʻI he ngaahi uike siʻi kuohilí, naʻá ku ʻā hake ʻi he valenga poó mo ha fakakauaku ʻoku totonu ke u fakahoko ha lotu fakafetaʻi ki he ʻOtuá maʻa ʻEne fānau kotoa ʻi he māmaní. Ne fakafonu ʻa hoku ʻatamaí ʻe he ngaahi meʻa kotoa ʻoku totonu ke tau houngaʻia ai pea mo e lava ʻe hono fakahaaʻi ʻo e houngaʻia ko iá ʻo hoko ko ha laumālie ʻo e fakamoʻui ʻi heʻetau moʻuí. ʻI he hoko mai ʻa e ueʻi fakalaumālié, naʻá ku maʻu ha ngaahi fakaikiiki pau, ʻo kau ai ʻa e taimi mo e founga ʻoku totonu ke u vahevahe ʻa e pōpoaki ko ʻení. (“The Story behind My Global Prayer of Gratitude,” Inspiration [blog], Gospel Library, Nov. 20 2020)

Naʻe tapou leva ʻa Palesiteni Nalesoni ki he kakai ʻi he funga ʻo e māmaní ke fakahaaʻi ʻenau houngaʻia ki he ʻEikí mo e niʻihi kehé.

Ko e hā ha ngaahi tāpuaki ʻe lava ke maʻu mei hono fakahaaʻi ʻo e houngaʻia ki he Tamai Hēvaní mo Sīsū Kalaisí?

Ngaahi vitiō lahi ange ke fili mei ai

Hili hono fakakakato ʻe he kau akó ʻa e laʻipepa tufá, ʻe lava ke ke fakakaukau ke huluʻi ha taha ʻo e ngaahi vitiō ko ʻení ʻo fetongi ʻaki ʻa e foʻi vitiō naʻe fokotuʻu atú:

“Palesiteni Lāsolo M. Nalesoni: Ko ha Lotu Fakaepalōfita ʻo e Fakafetaʻí, Fakatuʻamelié, mo e Fakamoʻui ki Māmani” (mei he taimi 2:45 to 4:27)

11:39
“In the Spirit of Thanksgiving” (4:48)

4:49

Ngaahi founga ke fakahaaʻi ai ʻa e loto-houngaʻiá

Makehe mei hono akoʻi kitautolu ʻoku totonu ke tau fakahaaʻi ʻetau houngaʻia ki he ʻEikí, ʻoku toe vahevahe foki ʻe he ngaahi Sāmé ha ngaahi founga ke fakahoko ai iá. Te ke lava ʻo fakaafeʻi e kau akó ke nau lau ʻa e Saame 149:1–6 mo e Saame 150, ʻo kumi ha ngaahi founga te tau lava ai ʻo fakahaaʻi ʻetau houngaʻia ki he ʻEikí. ʻE lava ke tānaki mai ʻe he kau akó ha ngaahi founga kehe ke fakahaaʻi ai ʻa e loto-houngaʻiá, kau ai mo e ngaahi akonaki kehe ʻi he folofolá. Te ke lava leva ʻo fakaafeʻi e kau akó ke vahevahe ha himi ʻo e fakafetaʻí ʻoku nau manako ai ʻa ia ʻe lava ke hivaʻi pe fanongo fakataha ki ai e kalasí.

ʻOku akoʻi ʻi he ngaahi Sāmé fekauʻaki mo e fāmilí

Ko e meʻa ʻe taha ʻoku fakamamafaʻi ʻi he Sāmé ko e fāmilí. Fakakaukau ke fakaafeʻi e kau akó ke nau lau ʻa e Saame 127:3–5, ʻo kumi e meʻa ʻokú ne akoʻi fekauʻaki mo e fāmilí. Te ke lava ʻo fakaafeʻi ʻa e kau akó ke vahevahe ʻa e ngaahi meʻa ʻoku makehe kiate kinautolú. Te ke lava ʻo fehuʻi ange pe ko e hā ha ngaahi hohaʻa ʻe ala maʻu ʻe ha taha fekauʻaki mo e ngaahi akonaki ko ʻení. Fehuʻi ange pe ʻe anga fēfē ha tali ʻa e kau akó ki he ngaahi hohaʻa ko iá. ʻE lava ke hoko ʻa e Ko e Fāmilí: Ko ha Fanongonongo ki Māmani ko ha maʻuʻanga tokoni ʻaonga.

ʻOku akoʻi ʻi he ngaahi Sāmé fekauʻaki mo e lotú

Mahalo naʻe teʻeki ke mou aleaʻi ʻa e lotú ʻi he ngaahi lēsoni kimuʻa ʻi he Sāmé. Kapau ʻoku ʻikai, te ke lava ʻo fakaafeʻi e kau akó ke nau lau ʻa e Saame 145:18–20, ʻo kumi e meʻa ʻoku akoʻi mai ʻe he ngaahi veesi ko ʻení fekauʻaki mo e lotú. Te ke lava ʻo fakamatalaʻi ange ʻoku ʻuhinga ʻa e “ofí” ki he ofi ki he ʻOtuá mo e “manavahē kiate iá” ke fakalāngilangiʻi pe fakaʻapaʻapaʻi ʻa e ʻOtuá. Te ke lava ʻo kole ki he kau akó ke vahevahe ha ngaahi aʻusia kuo nau mamata ai ʻi he ngaahi moʻoni naʻe akoʻi ʻi he saame ko ʻení.