Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Psalmeve 136: “Kremtoni Zotin”

“Psalmeve 136: ‘Kremtoni Zotin’”, Manuali i Mësuesit të Seminarit për Dhiatën e Vjetër (2026)

“Psalmeve 136: ‘Kremtoni Zotin’”, Manuali i Mësuesit të Seminarit për Dhiatën e Vjetër

Psalmeve 102–103; 110; 116–119; 127–128; 135–139; 146–150: Mësimi 108

Psalmeve 136

“Kremtoni Zotin”

Si shumë himne, psalmet na kujtojnë të japim falënderime në gjithçka. Shprehja e mirënjohjes së sinqertë ndaj Atit Qiellor dhe Jezu Krishtit mund të hapë sytë dhe zemrat tona ndaj dashurisë dhe mëshirës së Tyre dhe lejon që të rritet dashuria jonë për Ta. Ky mësim mund t’i ndihmojë nxënësit ta ndiejnë dashurinë e Atit Qiellor dhe Jezu Krishtit ndërsa shprehin mirënjohje për Ta.

Përgatitja e nxënësve: Ftojini nxënësit të ofrojnë një lutje duke falënderuar Atin Qiellor pa kërkuar ndonjë gjë në këmbim. Nxënësit mund të përgatiten t’i shprehin klasës mbresat e tyre nga përvoja.

Veprimtari të Mundshme të të Mësuarit

Si mund ta ndiej dashurinë e Perëndisë?

Fillojeni orën mësimore duke i ndihmuar nxënësit të përsiatin se si mund ta ndiejnë dashurinë e Perëndisë. Një mënyrë për ta bërë këtë është t’i ftoni nxënësit të imagjinojnë skenarin vijues.

Një ditë një shok apo shoqe të thotë: “Ndonjëherë në kishë dhe në seminar, njerëzit flasin rreth të ndjerit të dashurisë së Perëndisë. Unë nuk jam i/e sigurt nëse e ndiej. Çfarë mund të bëj për ta ndier dashurinë e Tij në jetën time?”

Si do t’i përgjigjeshe shokut apo shoqes sate?

Nxënësit mund të kenë përgjigje të ndryshme, ose mund të mos dinë se çfarë të thonë. Pasi nxënësit të përgjigjen, mund të jepni thënien vijuese.

Presidenti Tomas S. Monson (1927–2018) shpjegoi diçka që mund të bëjmë për ta ndier dashurinë e Perëndisë:

“Vëllezër e motra të mia, a kujtohemi të japim falënderime për bekimet që marrim? Dhënia e sinqertë e falënderimeve jo vetëm na ndihmon të njohim bekimet tona, por gjithashtu hap dyert e qiellit dhe na ndihmon të ndiejmë dashurinë e Perëndisë.” (“Dhurata Hyjnore e Mirënjohjes”, Liahona, nëntor 2010, f. 87)

Si do ta përmblidhje atë që dha mësim Presidenti Monson?

Ndërsa nxënësit japin përgjigjet e tyre, shkruani të vërtetën vijuese në tabelë: Shprehja e mirënjohjes për bekimet tona na ndihmon ta ndiejmë dashurinë e Perëndisë.

Lexo te Psalmeve 136:1–3, 26, duke kërkuar arsyen përse psalmisti shpreh mirënjohje për Perëndinë.

Çfarë vë re?

Nëse doni, mund t’i ftoni nxënësit ta shenjojnë frazën “mirësia e tij vazhdon përjetë”. Mund të vini në dukje se, sa herë që psalmisti shpreh mirënjohje, ai dallon dashurinë e Perëndisë. Nëse doni, mund të shpjegoni se në hebraisht fjala mirësi në këto vargje është hesed, që është “një lloj [i] veçantë dashurie e mëshire që Perëndia e ndien për ata që kanë bërë besëlidhje me Të” (Rasëll M. Nelson, “Besëlidhja e Përjetshme”, Liahona, tetor 2022, f. 6; Mesazhi i Përmuajshëm për Revistën Liahona, tetor 2022, f. 2).
Përse mendon se shprehja e mirënjohjes për bekimet tona na ndihmon ta ndiejmë dashurinë e Perëndisë?

Dallimi i bekimeve të Perëndisë

Për t’i ndihmuar nxënësit të vlerësojnë se si po ia dalin për të shprehur mirënjohje ndaj Zotit, mund të bëni veprimtarinë vijuese. Kujtojuni nxënësve se Fryma e Shenjtë mund të na ndihmojë të kujtojmë në mënyrë që të mësojmë dhe të përmirësohemi. Ftojini nxënësit të mbajnë vesh për mbresa nga Fryma e Shenjtë ndërsa i marrin parasysh përgjigjet e tyre.

Mendo rreth përvojave të tua gjatë javës së kaluar. Në ditarin tënd të studimit, përgjigju për pyetjet vijuese me frazat kurrë, një herë ose dy herë, disa herë ose shumë herë.

Sa shpesh e dallove një bekim të veçantë nga Zoti në jetën tënde?
Sa shpesh e shprehe mirënjohjen tënde ndaj Zotit për bekimet e tua?
Sa shpesh e ndjeve dashurinë e Tij?

Shprehja e mirënjohjes ndaj Perëndisë

Për t’i ndihmuar nxënësit të ushtrojnë shprehjen e mirënjohjes ndaj Perëndisë, mund t’i ftoni të bëjnë një nga veprimtaritë vijuese.

Zgjidh një nga mundësitë vijuese për të shprehur mirënjohjen tënde për Atin Qiellor dhe Jezu Krishtin. Kushtoji vëmendje dashurisë që mund të ndiesh prej Tyre ndërsa e bën këtë.

Shprehe mirënjohjen tënde për Atin Qiellor dhe Jezu Krishtin në një publikim në rrjetet sociale ose duke shkruar në ditarin tënd.
Bëj një listë të gjërave për të cilat je mirënjohës/e. Mbaj mend t’i përfshish ato gjëra në lutjen tënde të radhës.

Për ta përfunduar, mund të tregosh mënyrën se si shprehja e mirënjohjes ndaj Atit Qiellor dhe Jezu Krishtit na ndihmon ta ndiejmë dashurinë e Tyre për ne dhe lejon të rritet dashuria jonë për Ta.

Burime Shtesë

Cilat janë disa bekime që vijnë nga shprehja e mirënjohjes?

Presidenti Henri B. Ajring, i Presidencës së Parë, tregoi:

“Përpiqem të kujtoj flijimin e Shpëtimtarit dhe dashurinë e Tij për mua. Pastaj, kur i lutem Atit Qiellor për t’i dhënë falënderime, ndiej dashurinë dhe sigurinë që lutjet e mia dëgjohen dhe se do të marr atë që është më e mira për mua dhe ata që dua. Kjo e forcon dëshminë time.” (“Shoqëruesi Ynë i Vazhdueshëm”, Liahona, nëntor 2023, f. 94)

Pse duhet të jap falënderime për sprovat?

Presidenti Dallin H. Ouks, i Presidencës së Parë, dha mësim:

17:27

“Zbulesat për të cilat ne jemi mirënjohës, tregojnë që ne madje duhet të japim falënderime për mundimet tona sepse ato i kthejnë zemrat tona te Perëndia dhe na japin mundësi për t’u përgatitur për atë çfarë Perëndia do që ne të bëhemi. … Në mes të përndjekjeve që po vuanin shenjtorët e ditëve të mëvonshme në Misuri, Zoti dha një mësim dhe premtim të ngjashëm: ‘Në të vërtetë unë ju them juve, miqve të mi, mos kini frikë, zemrat tuaja duhet të ngushëllohen; po, gëzohuni më shumë se kurrë dhe në gjithçka jepni falënderime; … dhe të gjitha gjërat me të cilat jeni munduar, do të veprojnë së bashku për të mirën tuaj’ (DeB 98:1, 3). Dhe Jozef Smithit, gjatë mundimeve në Burgun e Libertisë, Zoti i tha: ‘Dije, biri im, se gjithë këto gjëra do të të japin përvojë dhe do të jenë për të mirën tënde’ (DeB 122:7). Brigam Jangu e kuptoi. Ai tha: ‘Nuk ka qoftë edhe një rrethanë të vetme të jetës [apo] një orë përvoje, që nuk është e dobishme për të gjithë ata që e bëjnë atë studimin e tyre dhe synojnë të rriten nga përvoja që fitojnë’ (Teachings of Presidents of the Church: Brigham Young [1997], f. 179).” (“Give Thanks in All Things”, Liahona, maj 2003, f. 96)

Veprimtari Plotësuese të të Mësuarit

Fillim ndryshe

Mund ta filloni orën mësimore duke treguar sa vijon.

Gjatë pandemisë nga COVID‑19 në nëntor 2020, Presidenti Rasëll M. Nelson tregoi përvojën vijuese:

“Disa javë më parë u zgjova në mes të natës me mendimin se duhej t’i ofroja një lutje mirënjohjeje Perëndisë për të gjithë fëmijët e Tij anembanë globit. Mendimet ma pushtuan mendjen lidhur me të gjitha gjërat për të cilat ne duhet të jemi mirënjohës dhe se si shprehja e asaj mirënjohjeje mund të bëhet një shpirt shërimi në jetën tonë. Teksa më erdhi frymëzimi, hollësi të veçanta, përfshirë kohën dhe mënyrën si duhej ta jepja këtë mesazh, më erdhën në mendje dhe zemër.” (“Historia që Lidhet me Lutjen Time Globale për Mirënjohjen”, Frymëzimi [ditar në internet], Gospel Library [Biblioteka e Ungjillit], 20 nëntor 2020)

Presidenti Nelson i nxiti më pas njerëzit anembanë botës të shprehin mirënjohje ndaj Zotit dhe të tjerëve.

Çfarë bekimesh mund të vijnë nga shprehja e mirënjohjes ndaj Atit Qiellor dhe Jezu Krishtit?

Mundësi shtesë me materiale filmike

Pasi nxënësit ta plotësojnë fletushkën, mund të merrni parasysh të shfaqni një nga materialet filmike vijuese në vend të atij të sugjeruar:

“Presidenti Rasëll M. Nelson: Një Lutje Mirënjohjeje, Shprese dhe Shërimi e Profetit për Botën” (nga kodi kohor 2:45 deri në 4:27)

11:38
“In the Spirit of Thanksgiving” [“Me një Frymë Falënderimi”] (4:48)

4:49

Mënyra për të shprehur mirënjohje

Përveç se na mëson që duhet të shprehim mirënjohje ndaj Zotit, libri i Psalmeve tregon gjithashtu mënyrat për ta bërë këtë. Mund t’i ftoni nxënësit të lexojnë te Psalmeve 149:1–6 dhe Psalmeve 150, duke kërkuar mënyrat se si mund të shprehim mirënjohje ndaj Zotit. Nxënësit mund të shtojnë mënyra të tjera për të shprehur mirënjohje, duke përfshirë mësime të tjera në shkrimet e shenjta. Mund t’i ftoni më pas nxënësit të tregojnë një himn të parapëlqyer falënderimesh që klasa mund ta këndojë ose dëgjojë së bashku.

Libri i Psalmeve jep mësim rreth familjes

Një pikë tjetër theksimi te libri i Psalmeve është familja. Merreni parasysh t’i ftoni nxënësit të lexojnë te Psalmeve 127:3–5, duke kërkuar atë që ai na mëson rreth familjes. Mund t’i ftoni nxënësit të tregojnë atë që u bën përshtypje. Mund të pyesni se çfarë shqetësimesh mund të ketë dikush rreth këtyre mësimeve. Pyesni se si mund t’u përgjigjen nxënësit atyre shqetësimeve. Dokumenti Familja: Një Proklamatë drejtuar Botës mund të jetë një burim i dobishëm.

Libri i Psalmeve jep mësim rreth lutjes

Mund të mos keni diskutuar ende për lutjen në mësimet e mëparshme te libri i Psalmeve. Nëse jo, mund t’i ftoni nxënësit të lexojnë te Psalmeve 145:18–20, duke kërkuar atë që na mësojnë këto vargje rreth lutjes. Mund të shpjegoni se “pranë” do të thotë afër dhe “kanë frikë prej tij” do të thotë ta nderosh ose respektosh Perëndinë. Mund t’u kërkoni nxënësve të tregojnë përvoja ku ata kanë dëshmuar të vërtetat e dhëna mësim në këtë psalm.