Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faatomuaga i le Salamo, Vaega 2: Tapua’i i le Alii ma Viia Lona Suafa Paia

“Faatomuaga i le Salamo, Vaega 2: Tapua’i i le Alii ma Viia Lona Suafa Paia,” Tusi Lesona a le Faiaoga Seminare o le Feagaiga Tuai (2026)

“Faatomuaga i le Salamo, Vaega 2: Tapua’i i le Alii ma Viia Lona Suafa Paia,” Tusi Lesona a le Faiaoga Seminare o le Feagaiga Tuai

Salamo 1–2; 8; 19–33; 40; 46: Lesona 101

Faatomuaga i le Salamo, Vaega 2

Tapua’i i le Alii ma Viia Lona Suafa Paia

Photos taken of David A. Bednar during his visit to Africa South East area in October & November 2013.Youth Devotional held in Durban, South Africa. Some youth singing in the congregation. Similar outtakes, also some exterior shots of the chapel.

O se tasi o auala e tapua’i atu ai i le Tamā Fa’alelagi ma Iesu Keriso, o le fa’aali atu lea o le alofa ma le tu’uto iā i Laua.O le tele o Salamo o ni faataitaiga faafatusolo o le tapuai atu i le Tama ma le Alo i viiga, olega, ma tatalo.O lenei lesona e fesoasoani i tagata a’oga e fa’aali ai o latou lagona o le tapua’i mo le Tamā Fa’alelagi ma Iesu Keriso.

Sauniuniga a le tagata aoga: Faailoa atu i tagata aoga o le a latou maua se avanoa e tomanatu ai i o latou manatu ma lagona e uiga i le Tama Faalelagi, Iesu Keriso, ma mea paia e saunia ai e faasoa atu na lagona i lenei lesona.Uunaia tagata a’oga ia fa’alogologo i musika fa’aaloalo, ma toe iloilo mau e sili ona fiafia iai, upu si’i, o ata paia, ma vaava’ai mo vaega patino latou te fia fa’asoa mai.O le faia o lenei mea e mafai ona saunia ai o latou loto ma mafaufau mo le gaoioiga o loo i lenei lesona.

Gaoioiga e Ono Mafai Ona Aoaoina Ai

Tapua’i atu i le Atua

Manatua: O le gaoioiga i le faaiuga o lenei lesona o le a avea ma se vaega o le toe manatunatu ai i le Lesona 112: “Suesue Lou Aoaoina 7.”Ia mautinoa ia lava se taimi mo tagata aoga e amata galulue ai i le gaoioiga i le taimi o le vasega.

Ina ia amataina le vasega, tuu atu i tagata aoga se minute e mafaufau loloto ai i le fesili lenei:

O le ā le uiga ia te oe o le “tapuai atu i le Atua”?

Na fa’asoa mai e Elder Dean M. Davies, ao tautua i le au Epikopo Pulefa’amalumalu, ni auala e mafai ai ona tatou tapua’i atu i le Atua:

A tatou tapuai atu i le Atua, tatou te faalatalata atu ia te Ia ma le alofa migao, lotomaualalo, ma le faaaloalogia.Tatou te faailoa atu ma talia o Ia o lo tatou Tupu silisili, o le Foafoa o le atulaulau, o lo tatou Tama pele ma e le mavae lona alofa .

Tatou te faaaloalo ma faamamalu ia te Ia.

Tatou te tuuina atu i tatou lava ia te Ia.

Tatou te sii a’e o tatou loto i le tatalo fa’atauanau, fa’apelepele i Ana afioga, olioli i Lona alofa tunoa, ma ta’utino atu e mulimuli iā te Ia ma le tu’uto fa’amaoni.(“O Fa’amanuiaga o le Tapua’i,” Liahona, Nov. 2016, 94)

E faapefea ona e faamatalaina le eseesega i le va o le na ona auai i le lotu, malumalu, po o le seminare pe a faatusatusa i le tapuai atu i le Atua a o e auai?

Faasoa faapuupuu atu i tagata aoga se tasi pe lua o auala e sili ona e fiafia i ai na faaalia ai e tagata o latou lagona tapuai mo le Tama Faalelagi ma Iesu Keriso.O faataitaiga e aofia ai se solo, vitio, galuega faatufugaga, fasi tusitusiga, po o sina musika paia.E mafai ona e faaaofia ai mea na e tusia pe na e faia e oe lava.Faamalamalama atu i tagata aoga e tele auala e mafai ai e se tasi ona faaalia lagona o le tapuai mo le Tama Faalelagi ma Iesu Keriso.

Uunaia tagata aoga e tomanatu pe faapefea ona latou faailoa atu o latou lagona o le tapuai mo le Tama Faalelagi ma Iesu Keriso.I le aluga atoa o le lesona, ia mafaufau ma magafagafa i tagata aoga atonu e le o lagonaina se sootaga i le Tama Faalelagi ma Iesu Keriso i le taimi nei.

I lau api tala’aga o su’esu’ega, filifili se tasi pe sili atu o nei fesili e tali.E mafai ona e fa’aaoga le savali a Elder Davies po’o ni au lava upu, e aotele ai ou lagona.

O a ni ou lagona e uiga i le Tama Faalelagi, Iesu Keriso, ma mea paia?
E faapefea ona sili atu ona e faailoa atu le alofa, faaaloalo, po o le migao mo le Tama Faalelagi, Iesu Keriso, po o faamanuiaga faaleagaga?

I le faaiuga o le lesona i le asō, o le a amata ai ona e fatuina se faailoaga o ou lagona.Ia manatua lena tulaga a’o e su’esu’e.Mafaufau pe faapefea ona e manao e faailoa atu mea ua e aoaoina ma lagona.Valaaulia le Agaga Paia e fesoasoani ia te oe i au taumafaiga.

Tapua’i atu i le Ali’i i salamo

O le tele o salamo o ni solo, o ni tatalo o fa’ailoaga o manatu paia, lagona, faamoemoega, ma naunautaiga o le au tusitala.E ui o le tele o tusitusiga paia o loo faamaumauina ai afioga a le Alii ia i tatou, o salamo e masani ona atagia mai ai upu a le au tusitala ia te Ia.Faitau le Salamo 18:1–6, vaava’ai mo upu ma fasifuaitau na faaaoga e Tavita, e fa’ailoa ai ona lagona e uiga i le Alii.

Vala’aulia tagata a’oga e tusi i le laupapa upu po’o ni fasifuaitau na latou maua.Atonu e faailoa e tagata a’oga le tele o fasifuaitau e pei o le:

O le Alii o lo’u malosi ia (fuaiupu 1).
O le Ali’i o lo’u papa lea, olo, lavea’i, Atua, malosi, talitā, nifo o lo’u fa’aolataga, po o le olo maualuga (fuaiupu 2).
E tatau ona viia le Alii (fuaiupu 3).
E faafofogaina e le Alii a tatou tagi atu ia te Ia (fuaiupu 6).

O tagata aoga na tusia fasifuaitau e mafai ona faasoa mai pe aisea atonu na manao ai Tavita i lana au faalogologo ia iloa lenei mea e uiga i le Alii.Mafaufau e fesili atu i tagata aoga pe na faapefea ona faataunuuina e le Alii nei matafaioi i o latou olaga.

Valaa’ulia tagata a’oga e filifili se tasi o fuaitau nei e su’esu’e iai ma sana paga.Uunaia i latou e taofi soo ma faasoa atu i le tasi ma le isi o latou manatu ma lagona.

O salamo ua faaali mai ai auala e tele e mafai ona fa’asoa ai o tatou lagona mo le Alii.Suesue lemu se tasi o fuaitau nei, faailoga upu ma fasifuaitau e atagia ai ou lagona e uiga i le Alii.

Salamo 8:1–9

Salamo 27:1–9

Salamo 30:1–12

Salamo 46:1–11

Faailoa atu ou lagona tapuai

Tuu atu i tagata aoga le taimi o totoe o le vasega e amata ai ona fatu se mea e atagia ai o latou lagona e uiga i le Tama Faalelagi ma Iesu Keriso.Iloilo mana’oga o au tagata a’oga, ma fa’aali atu se vaega po’o filifiliga uma nei.

E mafai ona e saunia sapalai faatufugaga e pei o pepa, penitala lanu, penimaka, ma isi mea mo tagata aoga o e mananao e fatu se ata vaaia o o latou lagona.

Ona o lenei mea o se galuega faatino a le tagata lava ia, e mafai ona e savali faataamilo i le potu ma ofo atu le fesoasoani, taitaiga, ma le faamalosiau pe a manaomia.Afai e talafeagai, mafaufau e taina musika malu, paia i le taimi o le gaoioiga.

Atonu e fesoasoani le fa’aali atu o lou alofa ma le mautinoa i soo se tagata a’oga atonu o lo’o faafaigatā ona maua ni o latou manatu po o lagona e uiga i le Alii.O le gaoioiga 6 e mafai ona avea ma se filifiliga lelei mo tagata aoga o e le o mautonu e uiga i lo latou faatuatua.

Faaalu sina taimi e faailoa atu ai ou manatu ma lagona e uiga i le Tama Faalelagi, Iesu Keriso, ma mea paia.Fa’aaoga se tasi o filifiliga nei, pe mamanu se tasi o au lava filifiliga.Atonu e lē lava le taimi mo oe e fa’amae’a ai le galuega i totonu o le vasega i le asō, ae e mafai ona e amata fatu se pese po o se solo, po o se ata tusi fuafua faalemafaufau po o se vitiō.E mafai ona fa’aauau ona e galue i lau gaoioiga i fafo atu o le vasega.E te ono filifili e fa’aaofia se mau mai le Salamo e te iloa e ’anoa.

Fatu se solo po o se pese e faailoa atu ai ou lagona e uiga i le Tama Faalelagi ma Iesu Keriso.
Fai se vitio po o se lipine pueleo ia e faasoa atu ai ou lagona e uiga i le Tama Faalelagi ma Iesu Keriso.Mo se vitiō, e mafai ona e fa’aaofia ai ni ata paia e sili ona e fiafia iai mai le Potutusi o le Talalelei.
E masani ona fa’atusa e le au fai Salamo le Fa’aola i se isi mea ina ia mafai ona fa’aali mai ai po o le a Lona uiga ia i latou.O fa’ata’ita’iga e aofia ai “O le Atua o lo’u papa ma lo’u olo” (Salamo 18:2) ma le “O le Atua o lo’u malamalama” (Salamo 27:1).Fai se lisi o mea i lou olaga e mafai ona suitulaga i ou lagona e uiga i le Alii.
Fatu se ata tusi, atavali, mime, ata faapupula, po o isi galuega faatufugaga e atagia ai ou lagona e uiga i le Tama Faalelagi ma Iesu Keriso.
Su’e ni ata paia e tele ma fai se tuufaatasiga.Filifili ata e suitulaga i mea e uiga i le Tama Faalelagi, Iesu Keriso, ma le talalelei e taua ia te oe.Fai se faamatalaga mo ata taitasi e aotele ai ou manatu ma lagona.
Tusi i lalo ou manatu e uiga i le Tamā Fa’alelagi ma Iesu Keriso.Atonu e te mana’o e fa’asoa atu se mea na tupu e iai sona a’afiaga i ou lagona e uiga iā i Laua.

Atonu e te faatagaina tagata aoga e faasoa mai mea na latou fatuina i le asō.E mafai ona e fa’aavanoa se taimi mo tagata a’oga e fa’asoa mai ai a latou galuega i nisi lesona i le lumana’i pe a mae’a ona fai a latou fatufatuga.Mafaufau e vala’aulia tagata a’oga e fa’aopoopo atu i mea ua latou faiaa a o fa’aauau ona latou a’oa’o e uiga ia Iesu Keriso i nai isi lesona o lo’o soso’o mai.Fa’ailoa atu i tagata a’oga o le a latou toe manatunatu i lenei aafiaga fatufatu i le Lesona 112: “Toe Ilolilo Lou Aoaoina 7.”

O Puna’oa Fa’aopoopo

O le ā le uiga o le tapua’i atu i le Atua?

O le tapuai atu i le Atua, o le avatu lea ia te Ia o lo tatou alofa, faaaloalo, auaunaga, ma le tuuto.Na poloaiina e le Alii ia Mose, “[Tapuai] atu i le Atua, aua na o ia lava e te auauna atu i ai” (Mose 1:15).Ua Ia poloai mai foi, “Ia e alofa atu i le Alii lou Atua ma lou loto atoa, ma lou manatu atoa, mafaufau, ma le malosi; ma ia e auauna atu ia te ia i le suafa o Iesu Keriso” (Mataupu Faavae ma Feagaiga 59:5).O le tapuai e le gata ina faaali atu ai lo tatou alolofa mo le Atua ma le tautinoga ia te Ia, e aumaia ai ia i tatou le malosi e tausi ai Ana poloaiga.E ala i le tapuai tatou te tuputupu ae ai i le poto ma le faatuatua.(Autu o le Talalelei, “Tapua’i,” Potutusi o le Talalelei)

E mafai faapefea e musika paia ona fesoasoani ia i tatou e tapuai ai i le Alii?

Na fa’amalamalama mai e Elder David A. Bednar o le Korama o le Au Aposetolo e To’asefululua:

Oute fiafia e usuina le vi’iga, “Le Faavae Malosi.”E leai se isi i luga o le fogāele’ele e sili ona leaga le [leo] tai pei o a’u.Ae o le tu’ufa’atasiga o musika fa’aosofia ma upu o le vi’iga, ua fesoasoani iā te a’u e a’oa’o ai i le alofa tunoa ma le malosi o le mana o le Togiola a le Fa’aola i se tulaga sili ona mamana.O vi’iga oute matua fiafia iai e taula’i atu lea i le toefuata’iga ma e a’oa’o mai ni lesona mamana o a’oa’oga fa’avae.Ma i na savali, i musika ma upu, e mafai ai ona e “Faalogo ia te Ia.”Ia te au, o musika e masani lava o se auala faasalalau mo le siufofoga o le Alii.(“‘Hear Him’ in Your Heart and in Your Mind,” Inspiration [blog], Ape. 21, 2020 ChurchofJesusChrist.org)

Na saunoa mai Peresitene Dallin H. Oaks o le Au Peresitene Sili:

O musika paia e iai lona gafatia uiga ese e feso’ota’i ai i o tatou lagona o le alofa mo le Alii.O lea ituaiga o feso’ota’iga o se fesoasoani matagofie lea mo a tatou tapua’iga.O le to’atele e faigatā ona fa’aali lagona tapua’i i upu, ae mafai uma e i tatou ona feso’ota’i na lagona e ala i upu musuia o a tatou vi’iga.(“Tapuai e ala i Musika,” Ensign, Nov. 1994, 10)

A o tautua ai o se tasi o Fitugafulu, na fa’asoa mai Elder Merrill J. Bateman:

O vi’iga a le ekalesia o se tasi na o faatinoga o le tapua’i, latou te avea o se tatalo fa’afetai ma fa’ailoaga o ta’utinoga.O le tele o vi’iga e fausia ai le autasi i le vā o le Au Paia, ma fausia ai se nu’u o le Au Paia.Latou te valaaulia le Agaga i sauniga ma i o tatou olaga.Latou te a’oa’o mai aoaoga fa’avae.O vi’iga e masani ona fa’ailoa mai ai molimau ma fai ma puipuiga po o se puna’oa o fa’amafanafanaga ma fa’amalologa.(“O Le Mana o Vi’iga,” Ensign, Iulai 2001, 15–16)

Gaoioiga Fa’aopoopo e A’oa’o Ai

Salamo 8

E mafai e le vasega ona toe faamanatu le Salamo 8 e fai ma faataitaiga o le tapuai ia Ieova e ala i le olioli i le matagofie o Ana foafoaga.Vala’aulia tagata a’oga e faitau le Salamo 8:1–9.Ona faitau lea pe usu le viiga “Ua Sili Oe.”

Mai le salamo ma le vi’iga, vala’aulia tagata a’oga e fa’amae’a le upumoni lenei: O le Alii o le …

E mafai e tagata a’oga ona fa’asoa mea ua latou a’oa’oina ma lagonaina a’o latou su’esu’eina nei upu.E mafai ona latou fa’asoa mai ni a’afiaga iā oo ia i latou ma lagona ai le latalata atu i le Alii e ala i le natura.

Fa’ailoaga o le loto

A o e talanoaina auala e faailoa atu ai e tagata le tapuai, e mafai ona e faaali atu filifiliga mai le vitio “The Remarkable Power of Music.”Na fa’asoa mai e Craig Jessop, o se tasi na tautua o se fa’atonu i le Au Faipese a le Tapeneko i le Lotoa o le Malumalu, ni tala e uiga i vi’iga nei.Ua aofia ai fo’i ma faatinoga eseese [o pese].

“It Is Well with My Soul” (faailo taimi 2:20 i le 08:25)

41:17
“Amazing Grace” (faailo taimi 08:52 i le 14:33)

41:17
“O Come, O Come, Emmanuel” (faailo taimi 14:34 i le 20:38)

41:17
“Savior, Redeemer of My Sou” (faailo taimi 35:31 i le 41:00)

41:17

Salamo i isi tusi o tusitusiga paia

Atonu e manuia tagata aoga mai le suesueina o salamo na tusia e tamaitai ma alii faamaoni i isi tusi o tusitusiga paia.E mafai ona e fa’asoa atu nei fuaitau fa’aletusi pa’ia.Valaaulia tagata aoga e filifili se tasi e suesue iai.

Hana: 1 Samuelu 2:1–10
Maria: Luka 1:46–55
Nifae: 2 Nifae 4:16–25
Nifae: 2 Nifae 4:26–35
Amona: Alema 26:8–20

E mafai e tagata aoga ona vaavaai mo manaoga, lagona, ma manatu na faasoa mai e le tusitala.A uma ona faitau, e mafai e tagata aoga ona faasoa atu mea na latou mauaina i se paga na suesueina se isi salamo.