Job 21–24; 38–40; 42

1. “Sayop tingali ang akong binuhatan. Unsa pa man diay laing rason kon nganong lisod kaayo ang akong kinabuhi?”

2. “Nagsunod man ko sa ebanghelyo, nganong wala man ko makalikay sa mga pagsulay ug pag-antos?”

3. “Abi nakog gimahal ko sa Dios. Nganong gilisod-lisod man Niya akong kinabuhi?”

4. “Kon tinuod ang Dios, nganong wala man Niya taposa ang pag-antos sa mga tawo?”

• Unsa ang pipila ka pangagpas sa mga tawo dihang mangutana sila og sama niini?

  Human sa panaghisgot pwede nimong dapiton ang mga estudyante nga pamalandongan ang mosunod nga pangutana. Pwede nilang isulat ang ilang mga tubag diha sa ilang journal sa pagtuon.

• Sa imong hunahuna matabangan ba nimo ang usa ka tawo nga modangop sa Ginoo ug pangitaon ang mga tubag niini nga mga matang sa pangutana? Ngano o nganong dili?

Ang pagtuon og balaanong mga kapanguhaan makadapit sa Espiritu Santo sa atong pagkat-on. Hatagig gibug-aton ang mga pag-aghat nga itudlo tingali Niya nimo samtang imong basahon ang mga kasulatan ug mga pamahayag niini nga leksiyon. Ikonsiderar kon sa unsang paagi kini nga mga pag-aghat makatabang sa uban nga tubagon ang mga pangutana bahin sa ilang mga pagsulay. Ang paghimo niana makahatag nimo og mas dakong pagsabot bahin sa kaugalingon nimong mga pagsulay.

Panahon sa pagsulay ni Job gibisita siya sa iyang tulo ka higala. Si Job ug sa iyang mga higala misulay sa pag-ila sa mga rason kon nganong nag-antos siya. Ang ilang limitadong mga panglantaw midala nila sa sayop nga mga pangagpas.

1. Basaha ang Job 19:6–11, nga pangitaon kon unsa ang pangagpas ni Job bahin sa Dios.

2. Basaha ang Job 22:5-10, nga pangitaon kon unsay pangagpas ni Elifas bahin ni Job.

• Unsang sayop nga mga pangagpas ang anaa sa matag tawo?

Samtang padayong nag-antos si Job sa iyang mga pagsulay, nakigsulti niya ang Dios. Gisukna sa Dios si Job og daghang pangutana bahin sa paglalang sa kalibotan, nga dili matubag ni Job (tan-awa sa Job 38–41).

Basaha sa Job 38:4–7, nga pangitaon ang mga ehemplo sa mga pangutana nga gisukna sa Dios kang Job.

Si Elder Dale G. Renlund sa Korum sa Napulog Duha ka Apostoles mipasabot sa tubag sa Dios ngadto sa pagkawala makatubag ni Job Kaniya:

Kini ingon og ang Dios mapailobon ug mabination nga miingon kang Job, “Kon dili ka makatubag og bisan usa sa akong mga pangutana mahitungod sa kalibotan nga akong gilalang, posible kaha nga adunay mahangtoron nga mga balaod nga wala nimo masabti? Aduna bay mga pangagpas nga imong gihimo nga dili balido? Nakasabot ba ka sa akong mga motibo ug sa unsang paagi mahinabo ang akong plano sa kaluwasan ug kahimayaan? Ug makita ba nimo daan ang imong umaabot nga kapalaran?”

Ang Dios sa Iyang kaalam nahibalo nga usa ka importante kaayo nga bahin sa atong mortal nga kasinatian mao ang dili pagkahibalo sa tanan. Adunay usa ka butang mahitungod sa pagsalig Kaniya nga magtugot kanato nga molambo aron mahimong sama Kaniya. (“Salig sa Dios ug Ipatigbabaw Siya Labaw sa Tanan,” Liahona, Ago. 2022, 5)

• Unsay matabang kanimo niini nga pamahayag aron masabtan ang bahin sa Dios ug mga pagsulay?

Basaha sa Job 42:1–6, nga pangitaon ang tubag ni Job ngadto sa Ginoo.

• Unsay mipatigbabaw nimo sa tubag ni Job?

• Unsay imong nakat-onan bahin sa istorya ni Job nga makatabang nato nga mas masabtan ang atong mga pagsulay?

Giila ni Job ang iyang limitadong pagsabot kon itandi sa kahibalo sa Dios ug giusab ni Job ang iyang panglantaw sa iyang mga pagsulay. Iyang nasabtan nga ang iyang pag-antos dili resulta sa sala o balaanong silot. Gipanalanginan pag-ayo sa Ginoo si Job sa kataposang bahin sa iyang kinabuhi (tan-awa sa Job 42:12–13).

Dili nato kanunayng masabtan ang mga rason sa atong mga hagit. Pero, naghatag ang Ginoo og balaanong mga kapanguhaan nga makatabang nato sa paglantaw sa atong mga pagsulay uban ang mahangtorong panglantaw.

Ablihan ang PDF

• Unsay inyong nakat-onan nga makatabang tingali sa usa ka tawo nga tan-awon ang ilang mga pagsulay uban ang mahangtorong panglantaw gamit niini nga mga pangutana?

• Para nimo sa unsang paagi tinuod ang mga pagtulun-an nga imong nakit-an sa kaugalingon nimong sitwasyon?

• Unsay imong nakat-onan bahin sa Langitnong Amahan ug ni Jesukristo samtang naminaw ka niadtong gipakigbahin sa uban?

Pwede sab nimong tan-awon ang “Why Do Bad Things Happen to Good People?” (4:39), nga anaa sa ChurchofJesusChrist.org. Dapita ang mga estudyante kon unsay nakat-onan ni Brock gikan sa iyang mga pagsulay.

4:39

Tan-awa ang unom ka pangutana bahin sa mga pagsulay nga nasulat sa pisara samtang ikaw ug ang imong kapares mokompleto sa mosunod nga kalihokan:

1. Pagpilig usa ka tawo nga maoy mopaligid sa dice.

2. Kon ikaw ang mopaligidsa dice, pangutan-a ang imong kauban sa pangutana sa pisara base sa numero nga migawas sa pagpaligid. (Pananglitan, kon usa ang mogawas sa imong pagpaligid, imong ipangutana ang, “Sayop man tingali ang akong binuhatan. Unsa pa man diay laing rason kon nganong lisod kaayo ang akong kinabuhi?”)

3. Kon dili ikaw ang nagpaligid sa dice, tubaga ang pangutana sa imong kauban. Paggamit og mga panabot nga imong nakuha gikan sa klase aron tabangan ang imong kauban nga tan-awon ang ilang mga pagsulay uban ang mahangtorong panglantaw. Iapil ang imong mga hunahuna o pagbati bahin sa Langitnong Amahan o ni Jesukristo.

4. Pagpulipuli mo ug usba ang kalihokan sa makausa pa. Kon mao ra nga numero ang ma-roll, i-roll pag-usab.