Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Job 14; 19: “Buhi ang Manunubos Ko, Niini Nasayod Ako”

“Job 14; 19: ‘Buhi ang Manunubos Ko, Niini Nasayod Ako,’” Manwal sa Magtutudlo sa Seminary sa Daang Tugon (2026)

“Job 14; 19: ‘Buhi ang Manunubos Ko, Niini Nasayod Ako,’” Manwal sa Magtutudlo sa Seminary sa Daang Tugon

Job 1–3; 12–14; 19; 21–24; 38–40; 42: Leksiyon 98

Job 14; 19

“Buhi ang Manunubos Ko, Niini Nasayod Ako”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Lisod tingali makabaton og paglaom panahon sa mga hagit, apil ang kamatayon sa minahal sa kinabuhi. Gipadala sa Langitnong Amahan ang Iyang Anak aron ipahigayon ang Pag-ula, nga natapos sa Pagkabanhaw sa Manluluwas gikan sa lubnganan. Tungod sa Pagkabanhaw ni Jesukristo, makabaton kitag paglaom. Kini nga leksiyon makatabang sa mga estudyante nga masabtan ang paglaom nga naggikan sa Pagkabanhaw ni Jesukristo.

Pagpangandam sa estudyante: Dapita ang mga estudyante nga maminaw o basahon ang mga liriko sa himno nga “Buhi ang Manunubos Ko, Niini Nasayud Ako.” Pwede silang mopili og paboritong hugpong sa mga pulong gikan sa himno nga makahatag og paglaom sa usa ka tawo nga nagsagubang og mga kalisdanan.

Posibleng mga Kalihokan sa Pagkat-on

Ang labing importanteng panghitabo sa kasaysayan

Ipakita ang mosunod nga pangutana ug dapita ang mga estudyante nga hisgotan kini uban ang gamayng mga grupo.

Unsa ang pipila ka hitabo nga makasulti ang mga tawo nga labing importante sa kasaysayan sa tawo? Ngano man?

Si Presidente Ezra Taft Benson (1899–1994) mipakigbahin sa mosunod:

Ang labing dako nga panghitabo sa kasaysayan mao kadtong nakaapekto sa labing daghan nga bahin sa katawhan sulod sa labing taas nga mga panahon. Pinaagi niini nga sumbanan, walay hitabo nga mas importante ngadto sa mga indibidwal o mga nasod kaysa Pagkabanhaw sa Agalon. (Mga Pagtulun-an sa mga Presidente sa Simbahan: Ezra Taft Benson [2014], 113)

Paggahin og higayon sa pagpamalandong kon unsay imong nahibaloan bahin sa Pagkabanhaw sa Manluluwas ug kon nganong importante kini para nimo. Pwede usab nimong pamalandongan kon nganong ang Pagkabanhaw sa Manluluwas maisip ingon nga labing importanteng hitabo sa kasaysayan.

Dasiga ang mga estudyante nga dapiton ang Espiritu Santo aron tabangan sila nga mas masabtan ang Pagkabanhaw ni Jesukristo ug ang paglaom nga dala niini.

Mga pangutana ni Job

Kon gitudlo nimo ang Leksiyon 97: “Job 1–3; 12–13,” pwedeng ipakigbahin sa mga estudyante ang ilang nahinumdoman bahin sa mga pagsulay ni Job. O pwede nilang basahon ang mosunod nga parapo.

Si Job maoy usa ka matarong nga tawo nga nakasinatig grabeng pag-antos. Nawala ang tanan niyang kabtangan, namatay ang tanan niyang 10 ka anak dihang nahugnoan sila sa usa ka balay, ug giantos niya ang grabeng pisikal nga kasakit.

Kon ikaw pa si Job unsa kahay imong mga pangutana?

Basaha ang Job 14:7–14, nga markahan ang duha ka pangutana ni Job samtang nangita siyag paglaom taliwala sa iyang mga pag-antos.

Kon nagkinahanglan og tabang ang mga estudyante sa pagsabot sa pangutana ni Job sa bersikulo 10, pwede nimong ipasabot nga ang gipangutana ni Job mao ang, “Asa kita paingon kon mamatay ta?”

Kanus-a ka nakadungog o nakapangutana og sama niini?

Si Arthur Patton, usa sa mga higala sukad sa pagkabata ni Presidente Thomas S. Monson (1927–2018), ang namatay sa Ikaduhang Gubat sa Kalibotan. Gipakigbahin ni Presidente Monson ang iyang kasinatian sa pagbisita sa balay ni Arthur human niya madawat ang balita:

Uban sa pag-ampo sa akong kasingkasing, naglakaw ako sa sinati nga agianan padulong sa balay sa mga Patton, naghunahuna kon unsa nga pulong sa kahupayan ang mogawas gikan sa mga ngabil sa usa lang ka batan-on.

Miabli ang pultahan, ug si Mrs. Patton migakos kanako sama sa iyang kaugalingong anak. …

[Human mi dungan mag-ampo], si Mrs. Patton mitan-aw sa akong mga mata ug miingon: “Tommy, wala akoy simbahan, apan ikaw aduna. Sultihi ko, mabuhi ba pag-usab si Arthur?” (“Mrs. Patton—ang Istorya Nagpadayon,” Liahona, Nob 2007, 22)

Handurawa nga naa ka sa sitwasyon ni Presidente Monson. Sa imong journal sa pagtuon, pagsulat og mubong parapo sa pagtubag sa pangutana ni Mrs. Patton.

Dasiga ang mga estudyante nga pun-an ang ilang nasulat samtang padayon silang makakat-on bahin sa Pagkabanhaw ni Jesukristo.

“Buhi ang Manunubos Ko, Niini Nasayod Ako”

Basaha ang Job 19:23–27, nga pangitaon ang tubag ni Job sa iyang mga pangutana.

Unsay nahibaloan ni Job nga tinuod?

Pwedeng ipakigbahin sa mga estudyante ang sama sa tungod kang Jesukristo, mabanhaw kita ug makita ang Dios pag-usab.
Unsay itudlo kanato sa mga bersikulo 23–24 mahitungod sa gibati ni Job bahin niini nga kamatuoran?
Sa unsang paagi kini nga kahibalo bahin kang Jesukristo nakaimpluwensiya tingali kang Job samtang iyang gisagubang ang iyang mga pagsulay?
Sa unsang paagi makatabang nato kini nga kahibalo?

Pwedeng basahon sa mga estudyante ang mosunod nga pamahayag nga silasila ra ug dayon ipakigbahin kon unsay mipatigbabaw kanila gikan niini.

Si Presidente Dallin H. Oaks sa Unang Kapangulohan mipakigbahin sa pipila ka paagi nga ang atong kahibalo makahatag natog paglaom ang Pagkabanhaw ni Jesukristo:

Ang Pagkabanhaw gikan sa mga patay mao ang makapaneguro pag-usab nga personal nga haligi sa atong pagtuo. Kini makadugang og kahulogan sa atong doktrina, kadasig sa atong kinaiya, ug paglaom sa atong umaabot. …

Ang Pagkabanhaw naghatag kanato sa panglantaw ug sa kalig-on nga molahutay sa mortal nga mga hagit nga giatubang sa matag usa kanato ug niadtong atong gihigugma. Kini naghatag kanato og usa ka bag-ong paagi sa pagtan-aw sa pisikal, mental, o emosyonal nga mga kakulangan nga anaa kanato sa atong pagkahimugso o naangkon sa panahon sa mortal nga kinabuhi. Kini naghatag kanato og kalig-on sa paglahutay sa mga kasub-anan, mga kapakyasan, ug mga kasagmuyo. Tungod kay ang matag usa kanato adunay kaseguroan sa pagkabanhaw, kita nasayod nga kining mortal nga mga kakulangan ug mga oposisyon temporaryo lang. (“Unsa ang Nabuhat sa [Atong] Manluluwas alang Kanato?,” Liahona, Mayo 2021, 75-76)

Kanus-a nimo nakita ang usa ka tawo nga nakabaton og paglaom pinaagi sa ilang hugot nga pagtuo kang Jesukristo ug sa Iyang Pagkabanhaw?

Pagsabot sa Pagkabanhaw

Sa dili pa ipakita ang mosunod nga mga instruksiyon, pwede nimong hisgotan kon unsaon nato pagpalig-on sa mga pulong nga atong isulti o isulat pinaagi sa pagkonektar niini sa mga pulong sa Manluluwas ug sa Iyang mga propeta. Ang usa ka paagi sa pagbuhat niini mao ang pagkutlo sa mga hugpong sa mga pulong gikan sa mga kasulatan.

Buhata ang mosunod sa parapo nga imong isulat ingon nga tubag sa pangutana ni Mrs. Patton:

Pagdugang og usa o duha ka kapahayag sa imong nakat-onan o gibati karon bahin ni Jesukristo ug sa nabatonan natong paglaom tungod sa Iyang Pagkabanhaw. Iapil ang hugpong sa mga pulong gikan sa Job 19:25–27.
Pagdugang og usa o duha pa ka kapahayag gamit ang mga pulong o hugpong sa mga pulong sa uban pang mga kasulatan o pamahayag gikan sa mga lider sa Simbahan. Aron mahimo kini, pwede nimong pangitaon ang “Pagkabanhaw” diha sa Librarya sa Ebanghelyo, Giya ngadto sa Kasulatan, o Hilisgotan ug mga Pangutana. Pwede pod nimong rebyohon ang mga pahina 48, 55–56, ug 58 sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo (2023).

Dugang nga mga Kapanguhaan

Unsay gitudlo kanato sa Pagkabanhaw ni Jesukristo?

Si Elder D. Todd Christofferson sa Korum sa Napulog Duha ka Apostoles mitudlo:

13:20

Ang Pagkabanhaw ni Jesukristo nagsaksi sa Iyang pagkabalaan ug nga Siya mibuntog sa tanang butang. Ang Iyang Pagkabanhaw nagsaksi nga, nabugkos ngadto Kaniya pinaagi sa pakigsaad, kita usab mahimong mobuntog sa tanang butang ug magkahiusa. Ang Iyang Pagkabanhaw nagsaksi nga pinaagi Kaniya, ang pagkaimortal ug kinabuhing dayon mga reyalidad. (“Nahiusa kang Kristo,” Liahona, Mayo 2023, 79–80)

Sa unsang paagi ang mga templo ebidensiya sa atong pagtuo sa Pagkabanhaw?

Si Presidente Dallin H. Oaks sa Unang Kapangulohan mipasabot:

18:29

Ang atong mga templo maoy buhi, naglihok nga pamatuod sa atong pagtuo nga tinuod ang pagkabanhaw. Naghatag kini og balaang mga dapit diin mahimo sa buhing mga proxy ang tanang gikinahanglang ordinansa sa mortal nga kinabuhi alang niadtong nagpuyo sa kalibotan sa mga espiritu. Mawala ang kahulogan niini kon wala tay kasegurohan nga makabanhaw sa tanan ug sa kahigayonan para sa kinabuhing dayon tungod sa Pagkabanhaw sa atong Ginoo ug Manluluwas, si Jesukristo. (“Resurrection,” Ensign, Mayo 2000, 16)

Sa unsang paagi ang Pagkabanhaw mohatag og paglaom niadtong naay mga sakit ug mga may kakulangan?

Si Presidente Jeffrey R. Holland sa Korum sa Napulog Duha ka Apostoles mipamatuod:

14:11

Ako mopamatuod sa balaang Pagkabanhaw, nianang dili matukib nga gasa sa bato sa pamag-ang sa Pag-ula ni Ginoong Jesukristo! … Ako mopamatuod niana nga adlaw nga ang atong mga minahal nga may kakulangan dinhi sa mortalidad mobarug sa atong atubangan nga mahimayaon ug halangdon, sa makapatingala nga hingpit nga lawas ug hunahuna. Pagkamahinamon nga paaboton nianang higayona! Wala ko masayud kon kita ba mas malipayon para sa atong kaugalingon nga nakasaksi niining milagro o mas malipayon para sa uban nga sila nahingpit ug sa katapusan “maluwas.” (“Sama sa Usa ka Sudlanan nga Nabuak,” Liahona, Nob. 2013, 42)

Dugang nga mga Kalihokan sa Pagkat-on

Job 14:10. “Asa siya?”

Aduna tingali pangutana ang mga estudyante bahin sa kon unsay mahitabo tali sa kamatayon ug pagkabanhaw. Aron tabangan sila nga makakat-on, pwede nimong isulat ang mosunod nga mga pangutana ug ang mga pakisayran sa kasulatan diha sa pisara. Pwede nimong igrupo ang mga estudyante, nga i-assign sa kada grupo ang usa ka pangutana nga tun-an. Dayon pwedeng ipakigbahin sa mga grupo ang ilang nakat-onan ngadto sa klase.

Unsa ang mahitabo kanato human kita mamatay? (Lucas 23:43; Alma 40:11)
Unsay hitsura sa atong mga espiritu? (Alma 34:34; Ether 3:16)
Unsay kahimtang sa kalibotan sa espiritu? (1 Pedro 3:18–20; Alma 40:12; Doktrina ug mga Pakigsaad 138:50)

Kon aduna pay mga pangutana ang mga estudyante bahin sa kalibotan sa espiritu, pwede nilang tan-awon ang mga bahin sa pakigpulong nga “Salig sa Ginoo” ni Presidente Dallin H. Oaks.

Ingon nga alternatibo, pwede nimong ipasalida ang bidyo nga “Unsay Mahitabo human Kita Mamatay?” (1:40). Dapita ang mga estudyante sa pagpakigbahin sa ilang nakat-onan nga motubag sa pangutana ni Job.

1:41

Buhi nga Tubig

Aron makita ang sentro nga tahas ni Jesukristo sa atong pagkabanhaw, pwedeng basahon sa mga estudyante ang Job 14:1–2, 7–10, nga pangitaon kon giunsa pagtandi ni Job ang mga tawo ngadto sa mga tanom.

Gitudlo ni Job nga buhion pag-usab sa tubig ang mga tanom (bersikulo 9). Ipasabot nga usa sa mga ngalan ni Jesukristo mao ang Buhi nga Tubig (tan-awa sa Juan 4). Dayon pwedeng basahon sa mga estudyante ang Juan 11:25 ug i-link o i-cross reference kini sa pangutana ni Job sa Job 14:14.

“Ang Lubnganan Walay Kadaogan”

Aron tabangan ang mga estudyante nga tubagon ang mga pangutana ni Job sa Job 14:10, 14, pwede nimong ipasalida ang “Ang Lubnganan Walay Kadaogan” gikan sa time code 4:21 hangtod 4:49. Pwedeng hisgotan sa mga estudyante kon unsaon nila pagtubag ang mga pangutana ni Sister Aburto.

9:18

Dayon pwede nimong tan-awon kon sa unsang paagi ang doktrina sa Pagkabanhaw nagdala og paglaom kang Sister Aburto ug mitubag sa iyang mga pangutana. Tan-awa ang samang bidyo gikan sa time code 4:49 hangtod 6:51.

9:18

Ingon nga alternatibo, pwede nimong ipasalida ang “Reyna Aburto’s Story—Part 1: Heartbreak and Hope” (9:12). Pwede nimong ihunong ang bidyo sa 5:38 aron hisgotan ang iyang mga pangutana. Dayon, pwede ninyong tan-awon ang nahibiling bahin sa bidyo aron makita kon sa unsang paagi nakahatag og paglaom kang Sister Aburto ang Pagkabanhaw.

9:12

Tungod kay si Jesukristo nabanhaw, kitang tanan mabuhi pag-usab

Ikonsiderar ang pagtan-aw sa “He Lives Again and So Will You” (2:28) aron sa pagtapos sa klase. Samtang magtan-aw ang mga estudyante, pwede nilang pamalandongan unsa ang ilang nakat-onan bahin sa Pagkabanhaw ni Jesukristo. Dayon pwede silang mopakigbahin og dugang mga panabot nga ilang makat-onan gikan sa bidyo.

2:27