Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Eseta, Vaega 2: “Afai Ou Te Oti Ai, Oti Ai Pea Ia”

“Eseta, Vaega 2: ‘Afai Ou Te Oti Ai, Oti Ai Pea Ia,’” Tusi Lesona a le Faiaoga Seminare o le Feagaiga Tuai (2026)

“Eseta, Vaega 2: ‘Afai Ou Te Oti Ai, Oti Ai Pea Ia,’“ Tusi Lesona a le Faiaoga Seminare o le Feagaiga Tuai

Eseta: Lesona 95

Eseta, Vaega 2

“Afai Ou Te Oti Ai, Oti Ai Pea Ia”

Screenshot from the video Esthers Courage

I le avea ai ma soo o Iesu Keriso, e tofu i tatou uma ma taimi e manaʻomia ai ona faaalia le lototele, e ui atonu e eseese o tatou tulaga.Na faaalia e Eseta le lototele a o ia faalagolago i le Alii a o feagai ma le oti o fotua’i mai lea e ono mafai ona faasaoina ai ona tagata.E mafai ona fesoasoani lenei lesona i tagata aoga e galulue ma le lototele e faia le finagalo o le Alii.

Sauniuniga a le tagata a’oga: Vala’aulia tagata a’oga e sauni e fa’asoa mai se fa’ata’ita’iga o se tasi latou te iloa sa fa’aalia le lototele i le faia o le finagalo o le Alii

Gaoioiga e Ono Mafai Ona Aoaoina Ai

O se vala’au mo le lototele

Mafaufau e amatalia le vasega i le fa’asoaina atu ai o se aafiaga ao taumafai se isi a fa’aali le lototele, e pei ona iai i le tala lenei:

Na fa’asoa mai e Peresitene Thomas S. Monson le tala lenei:

16:18

A o o’u tautua ai i le Fuāva’a a le Iunaite Setete i le Taua Lona Lua o le Lalolagi, sa ou aoao ai e uiga i galuega lototoa, o faataitaiga o le toa, ma faataitaiga o le lototele.O se tasi o ia faataitaiga e le mafai ona galo ia te a’u o le lototele leleoa o se aliivaa e 18 tausaga le matua—e le o se tasi o lo tatou faatuatuaga—o lē sa le matamuli tele e tatalo.Mai le 250 o alii i le vaega o aliivaa, sa na o ia lava le tagata e tootuli i po uma i talaane o lona moega e tatalo, i nisi o taimi, i le lotolotoi o upu faifai a e faafiaulavavale ma ulaga a le au le talitonu.Sa punou pea o ia, ma tatalo atu i le Atua.Sa lei faalotolotolua lava o ia.Sa lei faavaivai lava o ia.Sa ia te ia le lototele.(“Ia Fa’amalosi ma Lototele,” Liahona, Mē 2014, 67)

O ai e te mafaufau iai pe’a e fa’alogo i le upu lototele?
O a ni tulaga e ono manaomia ai e talavou o le Au Paia o Aso e Gata Ai ona faaalia le lototele?

Mafaufau loloto i se tulaga patino, e pei o le aoga, i le fale, pe a faatasitasi ma uo, lea e te lagona ai atonu e finagalo le Tama Faalelagi e te faaalia ai le lototele sili atu.Tusi lenei tulaga i totonu o lau api tala’aga o suesuega.

A o e suesue i le vaega o totoe o le tala ia Eseta, valaaulia le Agaga Paia e fesoasoani ia te oe ia iloa le ala e mafai ai e le Tama Faalelagi ma Iesu Keriso ona fesoasoani ia te oe e feagai ma lena tulaga ma le lototele.

O le lototele o Eseta

Mormon Messages: Having Courage & Trusting the Lord: Stand Up for What You Believe In

Na avea Eseta ma masiofo a le tupu o Peresia o Asueru.O le tausitama a Eseta, o Moretekai, na musu e ifo atu iā Hamanu, le auauna sili a le tupu.Na matuā ita Hamanu ma na ia maua le fa’atagaga mai le tupu e fa’aumatia uma ai tagata Iutaia sa i totonu o le malo.Na fai atu Moretekai iā Eseta e saʻili se fesoasoani mai le tupu, ma taʻu atu iā te ia atonu na tuuina o ia e le Atua i lenei tulaga “mo se taimi faapenei” (Eseta 4:14).

Afai e manaomia e tagata aoga le fesoasoani e tali ai le fesili lenei, e mafai ona e valaaulia i latou e faitau le Eseta 4:10–11.

Aisea e mana’omia ai le lototele e alu atu ai i le tupu?

Faitau le Eseta 4:15–17, vaava’ai pe na fa’apefea ona faaalia e Eseta le lototele ao sauni e alu atu i le tupu.

O le ā se mea e tulaga ese ia te oe e uiga ia Eseta?
O ā ni mataupu fa’avae e mafai ona tatou aoaoina mai fuaiupu 15–17 e mafai ona fesoasoani ia i tatou pe’a tatou mana’omia le lototele?

Faafetai atu i tagata aoga mo mataupu faavae anoa na latou faasoaina mai.Afai e lei ta’uaina, e mafai ona e fesoasoani ia i latou ia iloa le mataupu fa’avae lenei: A o o’u fa’alagolago atu i le Tamā Fa’alelagi ma Iesu Keriso, o le a Laua foai mai le lototele.
O le ā se fa’amaoniga ua e iloa ai na fa’alagolago atu Eseta i le Ali’i?Na ono fa’apefea ona fesoasoani lena mea iā te ia?

Faatinoga o le lototele

O nei fuaitau o mau e mafai ona fesoasoani i tagata aoga ia iloa pe na fa’apefea ona faaauau pea ona faamanuia e le Ali’i ia Eseta i le lototele.

Mafaufau e faavasega tagata aoga i ni paga.Atofa atu i vaega taitasi po o paga se tasi o fuaitau o mau nei.Pe mafai foi e tagata aoga i totonu o le vaega lava e tasi ona aoao taitoatasi se tasi o fuaitau ma sauni e fa’asoa i le tasi ma le isi.

Suesue se tasi o fuaitau o mau nei, vaavaai pe na fa’apefea ona fa’aalia ai le lototele o Eseta.

Eseta 5:1–4.Na faalatalata atu Eseta i le tupu.
Eseta 7:1–4.Na faia e Eseta, le tupu, ma Hamanu se talisuaga tau lava o i latou.
Eseta 8:3–6.Na feutaga’i Eseta ma le tupu e tusa o lana malelega e fa’aumatia tagata Iutaia.

Ona talanoaina lea o fesili nei:

Na faapefea ona avea faatinoga a Eseta o se faaaliga o le lototele?
O le ā sou manatu i se mea e manaomia e se tagata ona iloa e uiga i le Atua ina ia mafai ai ona ia faia le filifiliga e pei ona sa faia e Eseta?

Vala’aulia tagata aoga naunau e fa’asoa mai i le vasega mea na latou talanoaina.

O le fesoasoani i tagata aoga e tuu Iesu Keriso i le totonugalemu o o latou aotauina e valaaulia ai le Agaga Paia e molimau atu e uiga ia te Ia.E mafai ona fesoasoani lenei mea i tagata aoga ia maua se aafiaga faaleaoaoaga e sili atu ona patino ma mamana.O se tasi o auala e mafai ai ona tatou faia lenei mea, o le faafeso’otai atu lea o le tala ia Eseta i le soifuaga ma le fa’ataitaiga a Iesu Keriso.

(Mo aoaoga fa’aopoopo i le fesoasoani ai i tagata aoga ia feso’otai mea o lo’o latou aoaoina i le soifuaga ma le fa’ataitaiga a Iesu Keriso, tagai “Fa’amamafa le fa’ataitaiga a Iesu Keriso” i le Tomai mo le Atinaega o Faiaoga [2022], 5.)

Fa’aali se ata o Iesu Keriso i luga o le laupapa.Mafaufau e fai atu se tasi pe o fesili uma e lua nei.
E faapefea ona avea Eseta o se tasi e faamanatu atu ai Iesu ia te oe?
O a ni faataitaiga mai le soifuaga o le Faaola lea na Ia faaalia ai le lototele?

Ina ia saunia tagata aoga e fa’asoa atu o latou lava aafiaga, mafaufau e fa’aali i tagata aoga se vitio e pei o le “Having Courage and Trusting the Lord” (3:18), e maua i le ChurchofJesusChrist.org.

3:18
O le a se taimi na e faalagolago ai, pe na faalagolago ai se tasi e te iloa, i le Alii ma sa faamanuiaina ai i le lototele?

O la’u lava faatinoga o le lototele

O fautuaga nei e mafai ona fesoasoani i tagata aoga e faaaoga ai mea na latou aoaoina mai le tala ia Eseta.

Ia toe tomanatu i le tulaga sa e mafaufau i ai i le amataga o le lesona.Saili le taitaiga mai le Agaga ao e mafaufau loloto i auala e te fa’aali ai le lototele ma fa’alagolago atu i le Ali’i i lenā tulaga.

Toe faitau le Eseta 4:16 ma fa’amamafa le faamatalaga lenei: “… e faapena foi ona ou alu atu ai i le tupu, o le mea e le tusa ai ma le tulafono; afai ou te oti ai, oti ai pea ia.”

Ina ia fesoasoani i tagata aoga e faamamafa le faamatalaga i le fuaiupu 16, e mafai ona latou makaina pe faailoga pe a mananao ai.Ona mafaufau lea e vala’aulia i latou e toe tusi lenei fa’amatalaga i a latou api tala’aga o suesuega e fa’aaoga ai uunaiga ua taua i lalo.

Toe fa’aupu lenei faamatalaga ina ia fa’aata mai ai lou naunautaiga e fa’aali le lototele ma fa’alagolago i le Alii e tusa ma lou tulaga.Ina ia fesoasoani ia te oe e fa’atino lenei mea, mafaufau e fa’amae’a uunaiga nei:

Ma o le ’a ou faia (le faatinoga e te mana’o e fai e fa’aalia ai le lototele).Ma pe afai (o se taunu’uga e ono i ai, ou te (o se mea e te faia e fa’alagolago atu ai i le Alii).

Atonu e fesoasoani le tuʻuina atu o se faʻataʻitaʻiga, e pei o lenei:

Vaai faalemafaufau e faapea e finagalo le Tamā Fa’alelagi ia e maua le lototele e taofia ai le fa’aaogaina o gagana masoā ma le fa’atausuai ma au uo.E mafai ona e toe fa’aupu le Eseta 4:16 ia fa’apea mai: “Ma o le a ou lē toe fa’aaogaina ni gagana leaga, e tusa pe na ona fa’atalamalie.Ma afai ae taufaalili pe ulagia a’u e a’u uo, ona ou tatalo lea mo le malosi e taumafai ai pea.”

Vala’aulia ni tagata aoga naunautai e fa’asoa mai mea sa latou tusia.Afai e lava le taimi, e mafai e tagata aoga ona fefaasoaai fautuaga i le tasi ma le isi e uiga i tulaga o loo latou fefaasoaaʻi.

Molimau atu i le fa’ataitaiga o le lototele a le Ali’i.Fa’aali atu lou talitonuga i le gafatia o au tagata aoga e feagai ai ma o latou luitau ma le lototele ao latou fa’alagolago atu i le Alii e faia Lona finagalo.

O Puna’oa Fa’aopoopo

E fa’apefea ona fa’amanuiaina a’u mai le fa’atinoina o le lototele Fa’a-Keriso?

Na aoao mai Elder Gary E. Stevenson o le Korama a le Au Aposetolo e To’asefululua e fa’apea:

10:35

Ou te folafola atu e fa’amalosia outou e le Ali’i.“Aua ua le foaiina mai e le Atua ia te i tatou le agaga e mata’u ai, a o le agaga e faamalosi ai” [2 Timoteo 1:7].Na te tauia outou mo lo outou lototetele ma le amio amiotonu—faatasi ai ma le fiafia ma le olioli.O lena lototele o se taunuuga o lo outou fa’atuatua ia Iesu Keriso ma Lana Togiola, o a outou tatalo, ma lo outou usitaia o poloaiga.(“Ia Lototoa i le Lototele, Malosi, ma Gaoioiga,” Liahona, Nov. 2012, 52)

Na apoapoa’i mai Peresitene Thomas S. Monson:

16:18

O le’a tatou fetaia’i uma ma le fefe, lagona o le tauemuina, ma fetaia’i ma fa’ataute’ega.E tatau ia i tatou—ia i tatou uma—ona tatou maua le lototele e faaleaogaina ai manatu lautele, le lototele e tu atu ai mo mataupu fa’avae.O le lototele, ae le o le fetuutuuna’i, e aumai ai le fiafia o le fa’amaoniga a le Atua.E avea le lototele ma se amio mama e ola ma matagofie pe a faapea o se mea ua le na o se naunautaiga e oti ma le lototele ae o se naunautaiga foi ia ola tausaafia.A o tatou agai i luma, ma tatou taumafai e ola e pei ona tatau ai, o le a mautinoa lava tatou te mauaina le fesoasoani mai le Alii ma mafai ona maua ai le mafanafana i Ana afioga.(“Ia Fa’amalosi ma Loto Tele,” Liahona, Mē 2014, 69)

O a ni lesona faaopoopo e mafai ona ou aoaoina mai le tusi a Eseta?

Na fa’amalamalama mai e Peresitene Camille N. Johnson, Peresitene Aoao a le Aualofa:

10:8

O Eseta o se tasi lea o fa’ataitaiga matagofie o le tuuina atu ia manumalo le Atua.Nai lo le tautu pea i se mau faaeteete o le fa’asaoina ai o ia lava, sa fa’atino [e Eseta] le fa’atuatua, tuu atu atoatoa o ia i le Ali’i. …

Sa naunau Eseta e tuu atu i le Faaola e tusi lana tala e ui, e ala i se vaaiga faale-olaga faitino, atonu e ono malaia ai le iuga.O le mea na faamanuiaina ai, sa talia e le tupu ia Eseta, ma sa laveaiina tagata Iutaia i Peresia.

Ioe, o le maualuga o le lototele o Eseta e seāseā ona talosagaina mai ia i tatou.Ae o le tuuina atu ia manumalo le Atua, o le avea ai o Ia ma taitai ma lē e faaatoatoaina a tatou tala, e manaomia ai ona tatou tausia Ana poloaiga ma feagaiga ua tatou osia.O la tatou tausiga o poloaiga ma feagaiga o le a tatalaina ai le laina o fesootaiga mo i tatou e maua ai faaaliga e ala mai i le Agaga Paia.Ma e ala mai i fa’aaliga o le Agaga o le a tatou lagona ai le aao o le Matai, o lo’o tusia a tatou tala ma i tatou.(“Vala’aulia Keriso e Tusia Lau Tala,” Liahona, Nov. 2021, 81)

Gaoioiga Fa’aopoopo e Aoao Ai

O se isi auala e faitau ai le tala a Eseta

Mo se isi auala e aoao ai le tala ia Eseta i lalo o le ulutala “Gaoioiga lototele,” e mafai ona vala’aulia tagata aoga e faitau le tala i se auala e talitutusa ma le faitauina i le aso malolo fa’aIutaia i Purima.I le avea ai o se vaega o lenei aso faamanatu, o le tala ia Eseta e faitau leotele atu i tamaiti.Pe a oo ina faitauina le igoa Moretekai, e faaalia lo latou fiafia; pe a oo ina faitauina le igoa Hamanu, latou te fe’ei e faaalia ai lo latou lē taliaina.

Vala’aulia ni tagata aoga se to’alua e faitau mau nei, a’o faitau e le isi tagata aoga le vaega a le tagata fa’amatala.

Tagata faamatala: Ina ua uma ona fesili atu le tupu ia Eseta po o le a le mea na te manao ai mai ia te ia, ona ia faii atu lea pe la te o mai ma Hamanu i se taumafataga na te saunia mo i laua.Na talia e le tupu ma Hamanu le valaaulia.

Tagata aoga 1:Eseta 5:9, 12–14

Tagata Faamatala: Sa le’i mafai ona moe le tupu i le po a’o lumanai le taumafataga.Sa faitauina atu iā te ia ni ripoti aloaia ma ia iloa ai sa fa’asaoina e Moretekai lona ola ina ua ia taofia se faufauga e tagatavaleina o ia.O le iʻuga, na ia faatonuina Hamanu e faaee atu se mamalu sili iā Moretekai, ma atili ai ona ʻinoʻino Hamanu iā Moretekai ma tagata Iutaia.

Tagata aoga 2:Eseta 7:1–6, 9–10

Tagata Fa’amatala: Ina ua oti Hamanu, na tu’uina atu e le Tupu o Asueru se poloaiga lona lua ia fa’asaoina tagata Iutaia ma avatu ia i latou le fa’atagaga e fa’aumatia ai o latou fili i totonu o le malo.Na faavaeina le Tausamiga o Purima e fesoasoani ai i tagata Iutaia e manatua lo latou laveaʻiga mai iā Hamanu.Sa si’itia le tulaga o Moretekai e avea ma sui ta’ita’i au i le malō.

O le taua o le anapogi

Afai e te lei aoao atu e fa’atatau i le anapogi i le Lesona 92: Esera, e mafai ona e fa’amamafaina i lenei lesona.A maea suesuega a tagata aoga o le Eseta 4:15–17, e mafai ona e fesii atu ia i latou pe aiseā latou te manatu ai na filifili Eseta ma tagata Iutaia e anapopogi, ao feagai ai ma tulaga matuiā faapea.Ona e fa’aali atu lea o le fa’amatalaga lenei:

Sa a’oa’o mai Elder Jorge F. Zeballos o le Fitugafulu:

O le anapogi e aumaia ai ia i tatou le malosi faaleagaga ma saunia ai i tatou e tetee atu i tofotofoga o lenei olaga.(“Fausiaina o se Olaga e Tete’e atu i le Fili,” Liahona, Nov. 2022, 51)

Fesoasoani i tagata aoga ia iloa le upumoni, e pei o le: E mafai e le Ali’i ona fa’amanuia i tatou i le malosi fa’aleagaga pe a tatou anapopogi ma le fa’amaoni.E mafai e tagata aoga ona fa’asoa mai ni fa’ataitaiga o lo’o latou iloa mai i tusitusiga paia, pe o ni mea foi na tutupu i o latou olaga, na fa’amanuia ai e le Ali’i se isi i le malosi fa’aleagaga, o se taunuuga o le anapogi ma le fa’amaoni.

O le fa’amaualuga ma le ita e mafai ona i’u ai i le toilalo

Afai e aoga i tagata aoga le talanoaina o a’afiaga matautia o le fa’amaualuga ma le ita, mafaufau e vala’aulia i latou e faitau le Eseta 3:1–6, 8–11 ma le 5:9–14.E mafai ona fa’atepa tagata aoga i fa’alogona, upu, ma faatinoga a Hamanu.Fesili atu i tagata aoga po o le a se mea ua latou aoaoina e uiga ia Hamanu ma ana uunaiga.Ona mafaufau lea e faitau pe aotele le Eseta 7 ia iloa ai po’o le ā le mea na tupu ia Hamanu.

E mafai e tagata aoga ona iloilo po o a mea e faaosofia ai o latou fa’alogona ma faatinoga.Valaaulia i latou e liliu atu i le Tama Faalelagi mo se fesoasoani pe a latou maitauina se tasi o nei lagona po o faatinoga i o latou olaga.