Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Eseta, Vaega 1: Mo se Taimi Fa’apenei

“Eseta, Vaega 1: Mo se Taimi Fa’apenei,” Tusi Lesona a le Faiaoga Seminare o le Feagaiga Tuai (2026)

“Eseta, Vaega 1: Mo se Taimi Fa’apenei,” Tusi Lesona a le Faiaoga Seminare o le Feagaiga Tuai

Eseta: Lesona 94

Eseta, Vaega 1

Mo se Taimi Fa’apenei

Mormon Messages: Having Courage & Trusting the Lord: Stand Up for What You Believe In

Pe na e taumafaufau ea pe aisea ua taitai atu ai oe e le Tama Faalelagi i lenei nofoaga, i lenei taimi, ma o le a le galuega o loo ia te Ia mo oe e te faia?Atonu na tu’ufesili fo’i fa’apenā le tama’ita’i Iutaia o Eseta o sē na matuaoti.O le faatagataotauaina o Eseta i Peresia, na tu’uina ai o ia i se tulaga e fesoasoani ai i le Ali’i i le fa’asaoina o ona tagata, le au Iutaia.O lenei lesona e mafai ona fesoasoani i tagata a’oga ia iloa pe fa’apefea ona tuu e le Tamā Fa’alelagi i tatou i ni tulaga e fesoasoania ai ia te Ia e fa’ataunu’u Lana galuega.

Sauniuniga a tagata aoga: Mafaufau ia fai atu i tagata a’oga ia mafaufau loloto ma le agaga tatalo pe fa’apefea ona faataunuu e le Tamā Fa’alelagi Lana galuega e fa’aaoga ai i latou i lenei vasega seminare po o a latou uarota po’o paranesi, aoga, nu’u, po’o le aiga

Gaoioiga e Ono Mafai Ona Aoaoina Ai

Fuafuaga paia

Mafaufau e amatalia le vasega i le fa’aali atu o se laupapa mū ma ma’a mū po o se ata o se laupapa mū.Valaaulia tagata aoga e faasoa mai mea latou te iloa e uiga i le taaloga o le mū.Afai e manaomia, ia faamatala atu e faatino le taaloga a o tuu e le au taaalo a latou ma’a i tulaga fuafuaina tatau e manumalo ai i le taaloga.E mafai ona e fesili atu i tagata a’oga po’o ā ni tomai e ono maua e se tagata ta’alo mataalia i le ta’aloga o le mū.Afai e le ta’ua e tagata aoga, mafaufau e faasoa atu o tagata taaalo tomai e muai faavasega a latou fuafuaga manumalo ao faagasolo le taaloga.Ona e fai atu lea i tagata a’oga, ia mafaufau pe fa’apefea ona faapei o tatou olaga o le ta’aloga o le mū, i le fa’asoaina atu o le saunoaga a Elder Rasband.

Na a’oa’o mai Elder Ronald A. Rasband o le Korama a le Au Aposetolo e To’asefululua:

O o tatou olaga e pei o se laupapa o le mu, ma e fesiitai i tatou e le Alii mai lea tulaga i le isi tulaga—pe afai tatou te gaua’i gofie atu i uunaiga faaleagaga.Pe a toe tagatagai i tua, e mafai ona tatou vaaia Lona aao i o tatou olaga.(“E Ala i Fuafuaga Paia,” Liahona, Nov. 2017, 55)

Aiseā e te manatu ai e faigofie atu ona tatou iloa se a’afiaga mai le Atua i o tatou olaga i taimi ua tuana’i, nai lo o le taimi nei?

O le tala ia Eseta ua faaalia ai le auala na tuuina atu ai e le aafiaga a le Atua i le olaga o Eseta o ia i se tulaga e faataunuu ai Lana galuega.I lenei lesona, o le a e suesueina ai le vaega muamua o lenei tala.Ao e suesue, saili ma le agaga tatalo i le Agaga Paia e fesoasoani ia te oe ia iloa ai pe o faapefea ona tuu oe e le Tama Faalelagi i ni tulaga e fesoasoani ai ia te Ia e fa’ataunu’u Lana galuega.

Mo se taimi fa’apenei

Ia ua mavae ona fa’atoilalo e Peresia ia Papelonia, e toatele tagata Iutaia sa nonofo ai pea i Peresia, e aofia ai Eseta ma lē na tausia o ia o Moretekai.O le tupu o Peresia, o Asueru, na le fiafia i lana ava o Vasati ma auina ese atu o ia (tagai Eseta 1:1–12).I le sailia ai o se masiofo fou, na valaau atu ai Asueru i tamaitai uma o Peresia e aumai i ona luma (tagai Eseta 2:1–4).

Ina ia fesoasoani i tagata aoga ia malamalama i le tala ia Eseta, e mafai ona e faavasega tagata aoga i ni vaega toalaiti, e latou te suesueina se tasi o poloka mau nei.Vala’aulia vaega e aotele la latou vaega o le tala mo le vasega.Atonu e te manao e mafaufau i se auala manaia e mafai ai e tagata aoga ona aoteleina a latou tala.E mafai ona latou tusi ni fa’ailoga i luga o se fasi pepa e fa’aata mai ai le tala (mo se fa’ata’ita’iga, o se palealii po’o se veli fa’aipoipo, o se mama mamalu, o se pelu, po’o se ata faatusa o ni foliga o loo tagi).E mafai e tagata aoga ona faatino le tala ae faamatala e isi.

Faitau lau fuaitau atofaina ma vaava’ai mo tulaga faigatā na feagai ma Eseta ma Moretekai.

Eseta 2:5–11, 15–17

Eseta 3:1–13

Eseta 4:1–9

A o faasoa mai tagata aoga, ia mataala i le taimi ina ia aua nei umi se taimi e faaalu e tagata aoga i le aoteleina o nei tala.

O le a sou manatu o le a se lagona o le Tama Faalelagi ma Iesu Keriso e uiga i mea na tutupu i nei fuaiupu?E fa’atatau ia Moretakai?E fa’atatau ia Eseta?

Faitau le Eseta 4:10–14, vaava’ai pe sa fa’apefea ona fesoasoani Moretekai ia Eseta ia iloa a’afiaga a le Tamā Fa’alelagi na ono iai i tulaga o lona olaga.

Atonu e te manao e tuu atu i tagata aoga e maka le fesili “o ai na te iloa pe ua e sau i le malo mo se taimi faapenei?” (fuaiupu 14).

Na molimau Elder Rasband e faapea, e faatosina e le Atua tulaga o o tatou olaga ia fa’ataunu’u ai Lana galuega.

Ou te iloa o le a fesiita’i i tatou e le Alii i luga o lena laupapa mū faafoliga e faia Lana galuega.O se mea e ono foliga mai e le’i fuafuaina, e mautinoa, le limataitaia e le Tamā Fa’alelagi alofa o sē e mafai ona faitaulia lauulu i ulu ta’itasi uma.E oo lava i se manulele itiiti e pa’u ifo i le ele’ele e le faapea e le silafia e le Tamā.O lo’o iai le Ali’i i vaega auiliili o o tatou olaga, o nā fa’afitauli uma ma avanoa, o lo’o saunia ai i tatou e si’ia’e o tatou aiga ma isi ao tatou atia’e le malo o le Atua i le lalolagi. …

E mafai e le Tamā Fa’alelagi ona tu’u i tatou i tulaga e i ai ni fa’amoemoega patino i le mafaufau.Sa Ia faia faapea i lo’u olaga, ma o loo Ia faia foi i lou olaga.(“E Ala mai Fuafuaga Paia,” Liahona, Nov. 2017, 55–56)

O a upumoni e mafai ona tatou aoaoina e uiga i le Tama Faalelagi mai le tala ia Eseta ma Elder Rasband?

A’o fa’asoa mai tagata aoga a latou tali, tusi i luga o le laupapa se upumoni e fa’aaoga ai upu a tagata aoga e pei o le E tuuina i tatou e le Tamā Fa’alelagi ini tulaga e mafai ai ona tatou fesoasoani e fa’ataunu’u Lana galuega.

Manatua: O le lototele o Eseta e alu atu i luma o le tupu e fa’asaoina lona nu’u o le a suesueina i le Lesona 95: “Eseta, Vaega 2.”

O le iloaina o le taitaiga a le Tama Faalelagi

Na faapefea ona tuuina atu e le Alii ia te oe po o se tasi e te iloa se avanoa e avea ai ma se meafaigaluega i Ona aao?

Mafaufau e faasoa atu se aafiaga i se taimi na e iloaina ai avanoa sa tuuina atu e le Tama Faalelagi ia te oe e fesoasoani ai e faataunuu Lana galuega.

Ina ia fesoasoani i tagata aoga e mafaufau i le ala na tuu ai e le Tama Faalelagi i latou i ni tulaga e faataunuu ai Lana galuega, e mafai ona e tuu atu ia i latou se taimi e mafaufau loloto le leoa ai i a latou tali i le fesili lenei.E mafai ona latou tusifa’amau o latou manatu ia latou api tala’aga o suesuega.
E te manatu faamata e mafai faapefea e le faamatalaga a Moretekai i le fuaiupu 14 ona fa’amatala ai oe?

Afai e te lagona e manaomia e tagata aoga nisi fesoasoani e iloa ai nei avanoa i o latou olaga, e mafai la ona e tuu atu i tagata aoga e faamaea le gaoioiga lenei.

I lau api talaaga o suesuega, tusi i lalo le igoa o se tasi i lou olaga (aiga, aoga, lotu, po o isi nofoaga).Ona tali lea o se tasi pe sili atu o mea nei i totonu o lau api tala’aga.

O le ā se fa’amaoniga ua e va’aia ai le tuuina e le Tamā Fa’alelagi o lena tagata i lou olaga “mo se taimi fa’apenei?”(Eseta 4:14)?
O anafea na e va’aia ai le aao o le Tama Faalelagi ua tu’uina oe e siomia e ni tagata po o ni tulaga patino “mo se taimi fa’apenei?”(Eseta 4:14)?

Pe a talafeagai, e te ono vala’aulia tagata aoga o lo’o naunau e fa’asoa mai i le vasega mea na latou tusia.Mafaufau e u’una’ia tagata aoga e fa’atino ni uunaiga fa’aleagaga sa latou maua ao faia le lesona.

O Puna’oa Fa’aopoopo

E fa’apefea e le aafiaga paia a le Ali’i ona tosina ai ma le mataupu faavae o le faitalia?

Na fa’amanatu mai e Sister Wendy W. Nelson ia i tatou:

A’u uo pele, i le mua’i olaga na tuuina mai ai taitoatasi ia te oe ma a’u ni misiona matagofie e fa’ataunu’u a o tatou i ai i’inei i le lalolagi.

Ua ia te i tatou avanoa e fa’ataunu’u ai a tatou misiona o le olaga nei, ae le faapea e matua tatau lava ona fai.E leai a se isi na te fa’amalosia i tatou e fai.Ua i ai lo tatou faitalia e filifili ai pe faapefea ona faaalu lo tatou taimi ma le malosi, a tatou taleni ma punaoa.O le mea moni, o le mea tatou te filifili e fai o se vaega lena o le suesueina o i tatou.

O le filifiliga e a oe ma a’u.Pē o le ’a tatou filifili e fai so’o se mea e mafai ai ona fa’ataunu’u misiona matagofie na aumai ai i tatou i le lalolagi? …

O’u tuagane ma uso pelē, e moni lava o aso nei e gata ai!E le’i i ai lava se taimi faapenei i le talafaasolopito o lenei lalolagi. E le’i i ai lava!I le muai olaga, sa tautino atu ai e oe ma a’u e faia se galuega tele a o tatou iai iinei i le lalolagi.Ma faatasi ai ma le fesoasoaniga a le Alii, o le a tatou faia!(“Fa’amoemoe o Isaraelu” [sauniga lotu mo le autalavou i le lalolagi atoa, Iuni 3, 2018], Potutusi o le Talalelei)

E mafai faapefea ona avea a’u ma se meafaigaluega i aao o le Alii?

Na fa’apea mai Elder Carlos A. Godoy o le Au Peresitene o le Au Fitugafulu:

Uso e ma tuafafine, pe ete naunau ea e avea ma se meafaigaluega i a’ao o le Ali’i?Pe e te naunau ea e avea o se tasi o nei agelu?Ina ia avea o se avefeau, ua auina mai e le Atua, mai lenei itu o le veli, mo se tasi o loo Ia popole i ai?Na te manaomia oe.Latou te mana’omia oe. …

Uso e ma tuafafine, ou te talitonu i agelu.Ua tatou i ai uma iinei i le aso, o se autau tele naua o agelu ua vaetofia mo nei aso e gata ai, e auauna atu i isi e fai ma faaopoopoga o aao o se Mataisau alofa.Ou te folafola atu afai tatou te naunau e auauna atu, o le a tuu mai e le Alii ia i tatou ia avanoa e avea ai o ni agelu o auaunaga.Na te silafia i latou e manaomia le fesoasoani faaagelu, ma o le a Ia tuuina i latou i o tatou ala. E tuuina e le Alii i latou o e manaomia le fesoasoani faaagelu i o tatou ala i aso taitasi.(“Ou Te Talitonu i Agelu,” Liahona, Nov. 2020, 87, 88)

Na fa’amanino mai e Elder Ciro Schmeil o le Fitugafulu le auala e faigofie ai ona tatou iloa avanoa e fa’ataunu’u ai fa’amoemoega o le Alii:

E pei lava ona sa Ia faia ia Eseta, e tuu i tatou e le Alii i le mea e mafai ona tatou fesoasoani ai e faataunuu Ona faamoemoega.Mo lenei mafuaaga, e tatau ai ona tatou saunia ma agavaa pe a tatou feagai ma avanoa ua Ia tuuina mai.

O avanoa e avea ai ma meafaigaluega i aao o le Alii o loo siomia ai i tatou uma.O lo tatou tiutetauave o le saunia lea e faatino.E tele taimi tatou te le iloa ai po o afea po o le a foi le auala o le a tuuina mai ai na avanoa.E manaomia ona tatou ola agavaa mo le mafutaga a le Agaga Paia ma ia i ai se loto naunautai.Ona ta’ta’ia lea o i tatou e le Alii e faia le mea e finagalo o Ia tatou te faia. (“O se meafaigaluega i Aao o le Ali’i,” Liahona, Iulai 2022, 43)

Gaoioiga Fa’aopoopo e Aoao Ai

O vaega ta’itasi uma o le paso e taua i le Atua

E fesoasoani i tagata aoga ia iloa vaega taua e mafai ona latou fa’atino i le fuafuaga a le Tamā Fa’alelagi, e mafai ona e otioti se ata e fai ma vaega o le paso, ia tofu le tagata aoga ma lana vaega.Vala’aulia tagata aoga e tusi o latou igoa i luga o le vaega o a latou le paso.Ona mafai lea e tagata aoga ona faauma le paso.E te ono amatalia se talanoaga i se tasi o fesili e pei o lenei:

O le ā se mea ua tatou aoao mai i lenei gaoioiga e uiga i le taua o sui taitasi o lenei vasega seminare?

Faaopoopoga i le vitio o le tala ia Eseta

A o suesue e tagata aoga le tala ia Eseta, e ono fesoasoani le fa’aopoopo o le poloka mau i le vitio o le tala.A maea ona fa’asoa mai e vaega o latou manatu e uiga i le tala ia Eseta, e ono mafai ona e fa’aali atu vaega nei o le “For Such a Time as This”:

Vaega 1: Taimi fa’ailoga 00:00 i le 01:50.

Vaega 2: Taimi fa’ailoga 01:51 i le 05:08.

Vaega 3: Taimi fa’ailoga 05:09 i le 11:10.

13:55

O le faaiuga o le tala ia Eseta (taimi fa’ailoga 11:10 i le 13:44 o le a talanoaina i le Lesona 95: “Eseta, Vaega 2”).

O isi na auina atu e fesoasoani i le Alii e faataunuu Lana galuega

E ono aoga i tagata aoga le fa’avaai i nisi fa’ata’ita’iga faaletusitusiga paia o le aao o le Ali’i i olaga o tagata e fa’ataunu’u ai Lana galuega. O se tasi o auala e faia ai lenei mea o le valaaulia lea o tagata aoga e filifili se tasi mai tusitusiga paia po o le talafaasolopito o le Ekalesia o sē o sana tala latou te lagonaina o loo faaalia ai le tosinaga paia a le Alii.A mana’omia e tagata aoga se ta’iala, e te ono fa’aaoga nisi o vaega nei e fa’asoa ai ma tagata aoga:

Ruta ma Naomi: Ruta 1:14–19
Tinā i Sarefata ma Elia: 1 Tupu 17:8–16
O le auauna teineitiiti ma Na’amanu: 2 Tupu 5:1–3
Apiso ma le au Sā Lamanā: Alema 19:16–17
Oliva Kaotui ma Iosefa Samita: Iosefa Samita—Talafaasolopito 1:66–67

E mafai e tagata aoga ona saunia se aoaoga puupuu e uiga i le tagata na latou filifilia ma pe faapefea ona latou vaai i le Tama Faalelagi ua tuuina lenei tagata i ni tulaga e faataunuu ai Lana galuega.

Ua vala’aulia i tatou e le Ali’i e fai ma auauna i isi i Lona suafa

Ina ia fesoasoani i tagata aoga ia iloa pe mafai fa’apefea ona tatou fesoasoani i le Ali’i e faataunuu Lana galuega ao avea tatou ma auauna i isi, e mafai ona e fa’aali le vitio “One-on-One (Ministering with Love)” mai le faailo taimi 1:21 i le 5:55.

13:2

Na fa’asoa mai e Peresitene Nelson fa’ata’ita’iga o le fa’atulagaga paia a le Tamā Fa’alelagi i lona olaga i le “O le Mana Suamalie o le Talalo” (Liahona, Mē 2003, 8) mai le faailo taimi 4:21 i le 8:21 ma le “O se Talosaga atu i O’u Tuafafine” (Liahona, Nov. 2019, 96) mai le faailo taimi 8:28 i le 10:52.

16:47

15:33