2 Kronikave 17–20

• Nëse do të ngjiteshe në një shkrep, çfarë pajisjesh do të të nevojiteshin?

• Përse janë të nevojshme këto pajisje?

• Nëse e krahasojmë jetën tonë me ngjitjen në një shkrep, çfarë të ka dhënë Zoti për të të ndihmuar t’ia dalësh mbanë me siguri?

Plaku Riçard G. Skot (1928–2015), i Kuorumit të Dymbëdhjetë Apostujve, dha mësim:

“Ju dhe unë mund të jemi të sigurt për arritjen e objektivave të denja në jetë nëpërmjet kuptueshmërisë dhe ndjekjes së vazhdueshme të parimeve të sakta të rrënjosura në të vërtetën e zbuluar.

Parimet janë kanxha të sigurisë. Ato janë si kanxhat prej çeliku që përdor një alpinist për të mposhtur shkrepat që përndryshe nuk munden dot. Ato do t’ju ndihmojnë të keni mirëbesim në rrethanat e reja dhe të panjohura. Ato do t’ju ofrojnë mbrojtje në stuhitë e vështirësive të jetës.” (“The Power of Correct Principles”, Ensign, maj 1993, f. 32)

Një nga mënyrat se si Ati Qiellor na ka siguruar me dashuri parime të vërteta, është nëpërmjet shkrimeve të shenjta. Ndërsa i studiojmë shkrimet e shenjta, ne kërkojmë t’i përcaktojmë këto parime ose pohime të vërtetash që mund të na ndihmojnë në jetën tonë.

Ndalu një çast për të përsiatur për pyetjet vijuese:

• Sa i/e sigurt jam unë në aftësinë time për t’i përcaktuar parimet?

• Sa mirë e kuptoj mënyrën se si parimet mund të më ndihmojnë në jetën time?

Ndërsa e studion këtë mësim në jetën e Jozafatit, kërko ndihmën e Frymës së Shenjtë për të përcaktuar parimet e vërteta që mund të të ndihmojnë.

Pas vdekjes së babait të tij, Jozafati u bë mbreti i Judës. Izraeli dhe Juda ishin larguar që të dy nga Zoti Jezu Krisht. Ata adhuronin perëndi të rreme.

Lexo te 2 Kronikave 17:3–4; 19:4 dhe shih atë që mëson rreth Jozafatit. (Shënim: Bali u referohet perëndive të rreme.)

• Çfarë të bën përshtypje rreth Jozafatit?

Kur Jozafati erdhi në pushtet, njerëzit e tij ishin në braktisje [shpirtërore]. Jozafati bëri shumë përpjekje anembanë mbretërisë së tij për ta ndihmuar popullin e vet ta ndiqte Jehovën (Jezu Krishtin). Gjatë kësaj kohe, armiqtë e Jozafatit dolën për të luftuar kundër popullit të tij. Ajo që ndodhi në këto rrethana, ilustron një larmi parimesh.

Një mënyrë për të përcaktuar një parim, është të kërkosh mënyrën se si lidhen dy gjëra. Për shembull: B‑ja ndodh për shkak të A‑së. Ose për shkak se një person bën A‑në, Zoti premton ose jep B‑në.

Lexo te 2 Kronikave 17:6 dhe 19:3, duke kërkuar parimet në jetën e Jozafatit. (Shënim: vendet e larta dhe Asherimët ishin vende për të adhuruar perënditë e rreme.)

• Përse janë të dobishme këto parime?

Lexo te 2 Kronikave 20:1–9, 14–17, 20–22, duke kërkuar parime të vërteta shtesë.

Zgjidh një parim rreth të cilit do të doje të mësoje më shumë. Përgatit një bisedë dyminutëshe mbi këtë të vërtetë ku përfshihet sa vijon:

• Një varg ose vargjet që lexove te 2 Kronikave rreth këtij parimi dhe arsyeja përse i përzgjodhe ato

• Shkrime të tjera të shenjta ose fjalë të profetëve që të ndihmojnë ta kuptosh këtë parim

• Një kohë kur Shpëtimtari ose dikush tjetër në shkrimet e shenjta ose në historinë e Kishës e mishëroi këtë parim

• Mënyrat se si ti e ndien se si ky parim nga Zoti mund të na ndihmojë ose të na mbajë të sigurt

• Një përvojë kur ti ose dikush që ti njeh, veproi sipas këtij parimi dhe çdo bekim nga Zoti që erdhi si rrjedhojë e tij

  Nxënësit mund t’ia tregojnë bisedat e tyre një partneri ose grupi të vogël. Ose mund të ftoni disa nxënës të gatshëm që studiuan parime të ndryshme, t’ia tregojnë bisedat e tyre klasës. Ndërmjet bisedave të çdo nxënësi mund të ftoni klasën të bëjë ndonjë koment ose pyetje që ka rreth parimit që tregoi nxënësi.

  Sigurohuni që t’u jepni nxënësve kohë të mjaftueshme për të përgatitur dhe mbajtur bisedat e tyre dyminutëshe.

• Nga ajo që mësove sot, përse është e dobishme të përpiqesh t’i gjesh parimet që Zoti na ka dhënë në shkrimet e shenjta?

• Si mund ta përdorësh atë që mësove sot në studimin tënd familjar dhe vetjak?