Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

2 Kronikave 14–16: “Në Rast se e Kërkoni, Ai do të Vijë tek Ju”

“2 Kronikave 14–16: ‘Në Rast se e Kërkoni, Ai do të Vijë tek Ju’”, Manuali i Mësuesit të Seminarit për Dhiatën e Vjetër (2026)

“2 Kronikave 14–16: ‘Në Rast se e Kërkoni, Ai do të Vijë tek Ju’”, Manuali i Mësuesit të Seminarit për Dhiatën e Vjetër

2 Kronikave 14–20; 26; 30: Mësimi 90

2 Kronikave 14–16

“Në Rast se e Kërkoni, Ai do të Vijë tek Ju”

Disa njerëz mund ta kërkojnë Atin Qiellor dhe Jezu Krishtin vetëm kur gjërat po shkojnë mirë. Të tjerë mund ta kërkojnë ndihmën e Tyre vetëm në kohë shqetësimesh. Ashtu si Asa, mbreti i Judës, ne mund ta kërkojmë Zotin gjatë kohëve me paqe, si edhe të vështira. Ky mësim mund t’i ndihmojë nxënësit të bëjnë një plan për ta kërkuar Zotin.

Përgatitja e nxënësve: Ftojini nxënësit të bëjnë një listë të mënyrave se si mund ta kërkojnë Zotin në jetën e tyre.

Veprimtari të Mundshme të të Mësuarit

Përpjekje për të gjetur

Merreni parasysh ta filloni mësimin duke i ftuar nxënësit të mendojnë rreth mënyrës se si ne i kërkojmë gjërat që kanë humbur. Mund të renditni ose paraqitni disa gjëra që ndryshojnë në vlerë, si një laps, një detyrë shtëpie e rëndësishme, një telefon celular, një dhuratë nga një i afërm e me radhë. Pyetini nxënësit se çfarë përpjekjesh do të bënin për ta gjetur secilin send nëse do të humbte.

Përse ndryshojnë përpjekjet e tua për të gjetur diçka në varësi të asaj që po kërkon?

Merreni parasysh të shkruani Kërkoni Zotin në krye të tabelës.
Çfarë mendon se do të thotë ta kërkosh Zotin?

Nëse nxënësit e kanë të vështirë të përgjigjen, mund të pyesni se si ata arrijnë ta njohin dikë dhe të zhvillojnë një marrëdhënie të mirë. Më pas pyesni se si ata mund të kërkojnë të njohin dhe të zhvillojnë një marrëdhënie me Zotin. Mund të shpjegoni se fjala në hebraisht e përkthyer kërko në vargjet që do të studiojnë sot (2 Kronikave 14:4; 15:2, 12; 6:12), është darash dhe do të thotë të kërkosh, pyesësh, vizitosh, ndjekësh, konsultohesh ose të përkushtohesh.

Në ditarin tënd të studimit, përgjigju për pyetjet vijuese:

Cilat janë disa gjëra që ti ose të tjerët që ti i njeh, keni bërë për të kërkuar Zotin?
Sa përpjekje bën për të kërkuar Zotin?

Ndërsa studion sot, kërko mënyra se si mund ta kërkosh Zotin. Shkruaje çdo mendim ose ndjenjë që të vjen nga Fryma e Shenjtë.

Një shembull i të kërkuarit të Zotit

Merreni parasysh të tregoni ose përmblidhni paragrafin vijues.

Librat e Kronikave dhe Mbretërve mbulojnë përafërsisht të njëjtën periudhë kohore. Te 2 Kronikave 14–16 dhe 1 Mbretërve 15, lexojmë një tregim për mbretin Asa, mbretin e tretë të Judës.

Mund të krijoni tabelën vijuese në dërrasë për t’i ndihmuar nxënësit për veprimtarinë e radhës. Nxënësit mund ta krijojnë tabelën edhe në ditarët e tyre të studimit.

Mënyra se si Asa dhe populli i tij e kërkuan Zotin	Mënyra se si Zoti i bekoi ata
Mënyra se si Asa dhe populli i tij e kërkuan Zotin	Mënyra se si Zoti i bekoi ata

Merreni parasysh t’i ndani nxënësit në katër grupe të ndryshme. Kërkojini secilit grup që të lexojë një grup të ndryshëm të vargjeve vijuese. Një nxënës nga secili grup mund të shkruajë në tabelë atë që mësuan.

Nëse nxënësve u nevojitet ndihmë për të kuptuar termin “Asherimët” te 2 Kronikave 14:3, shpjegoni se ato ishin vende ku njerëzit adhuronin perënditë e rreme.

Lexoje njërin nga grupet vijuese të vargjeve, duke kërkuar atë që bënë Asa dhe populli i tij dhe mënyrën se si Perëndia i bekoi ata:

2 Kronikave 14:3–7. Gjatë një kohë paqeje
2 Kronikave 14:9–13. Kur etiopasët i sulmuan
2 Kronikave 15:1–9. Gjatë një kohë paqeje
2 Kronikave 15:10–12, 15. Gjatë një kohë paqeje

Bëni pyetjen vijuese për t’i ndihmuar nxënësit të përcaktojnë një të vërtetë nga ajo që kanë studiuar. Ndërsa nxënësit flasin, shtojini përgjigjet e tyre në tabelën në dërrasë.
Çfarë mësove nga përvojat e Asas dhe popullit të tij?

Duke përdorur fjalët e nxënësve, ndihmojini ata të përcaktojnë të vërteta të tilla si vijueset:

Ndërsa e kërkoj Zotin me gjithë zemrën time, Ai do të më japë prehje (2 Kronikave 14:7; 15:15)
Nëse e kërkoj Zotin, unë do ta gjej Atë (2 Kronikave 15:2)

Ndërsa nxënësit flasin, merreni parasysh të bëni pyetje për ndjekjen e ecurisë për t’i ndihmuar ata të mendojnë rreth kuptimit të disa prej fjalëve ose frazave. Për shembull, mund të pyetni: “Çfarë mendoni se do të thotë të gjeni Zotin?” ose “Si mund të duket prehja që na jep Zoti?”

Për mësimet që mund të ndihmojnë për këto pyetje ose të tjera, shihni pjesën Burime Shtesë.

Kërkimi dhe gjetja e Zotit

Ndihmojini nxënësit të bëjnë lidhjet ndërmjet jetës së Asas dhe jetës së tyre. Mund ta riemërtoni tabelën ekzistuese në dërrasë me titullin Mënyra se si mund ta kërkoj Zotin në kolonën e majtë dhe Mënyra se si mund të më bekojë Zoti në kolonën e djathtë. Më pas, ftojini nxënësit të bëjnë sa vijon në grupe ose më vete.

Krahas asaj që bënë Asa dhe populli i tij, shto në kolonën në anën e majtë të listës sate mënyrat se si ti mund ta kërkosh Zotin. Këto mënyra mund të vijnë nga përvoja jote, shembujt në shkrimet e shenjta ose historia e Kishës, apo bisedat nga udhëheqësit e Kishës.

Çfarë mund të na shpërqendrojë nga kërkimi i Zotit?
Çfarë të ndihmon ta kërkosh Zotin pavarësisht nga shpërqendrimet?

Merreni parasysh t’i ftoni ata të shenjojnë frazën “ai do të vijë tek ju” te 2 Kronikave 15:2. Për t’i ndihmuar nxënësit të mendojnë për mënyra se si mund ta gjejmë Zotin, bëni pyetjen vijuese.
Si të ka bekuar Zoti ty ose dikë që ti njeh ndërsa e ke kërkuar Atë?

Pasi nxënësit të flasin, inkurajojini ata t’i shkruajnë mendimet e tyre në kolonën në anën e djathtë të tabelës. Nëse doni, mund të dëshmoni se bekimet që treguan nxënësit, mund të jenë provë që ata e kanë gjetur Atë.

Bërja e një plani

Ndihmojini nxënësit të veprojnë sipas diçkaje që e kanë ndier ose mësuar gjatë mësimit. Për ta bërë këtë, inkurajojini ata të marrin parasysh mbresat që mund të kenë marrë nga Shpirti gjatë gjithë orës mësimore. Gjithashtu, te mësimi 87, nxënësit iu rikthyen synimeve të tyre për studimin e shkrimeve të shenjta si një mënyrë për të ardhur më pranë Zotit. Nëse është e dobishme, ata mund të vlerësojnë ecurinë e synimeve të tyre dhe të vendosin nëse do të duan t’i përdorin synimet e tyre edhe në këtë plan.

Zgjidh një gjë që mund të bësh për të kërkuar Zotin. Jepu përgjigje pyetjeve vijuese në ditarin e studimit. Planifiko se si mund ta përfshish këtë veprim në jetën tënde.

Si mendon, përse mund të të ndihmojë ky veprim ta gjesh Zotin më shumë në jetën tënde?
Çfarë sfidash mund të hasësh ndërsa përpiqesh fort ta bësh këtë?
Çfarë hapash specifikë mund të ndërmarrësh për ta bërë atë pavarësisht këtyre sfidave?

Merreni parasysh ta përfundoni orën mësimore me dëshminë tuaj për bekimet e kërkimit të Zotit.

Burime Shtesë

2 Kronikave 14:6–7. Çfarë do të thotë të gjesh prehje te Zoti?

Presidenti Rasëll M. Nelson dha mësim:

18:44

“Pavarësisht nga shpërqendrimet dhe shtrembërimet që shtillen përreth nesh, ju mund të gjeni prehje të vërtetë, që do të thotë lehtësim dhe paqe, edhe në mes të problemeve tuaja më pezmatuese”. (“Mundeni Botën dhe Gjeni Prehje”, Liahona, nëntor 2022, f. 96)

Çfarë duhet për të kërkuar Zotin?

Plaku Ulises Soares, i Kuorumit të Dymbëdhjetë Apostujve, tha:

14:47

“Duke qenë i vetëdijshëm për gjithçka që është e nevojshme për ne në këtë jetë, Shpëtimtari na fton ta kërkojmë Atë në çdo mendim dhe ta ndjekim Atë me gjithë zemër. Kjo na jep premtimin se mund të ecim në dritën e Tij dhe se udhërrëfimi i Tij e parandalon ndikimin e errësirës në jetën tonë.

Kërkimi i Krishtit në çdo mendim dhe ndjekja e Tij me gjithë zemër kërkon që ne t’i përputhim mendjen dhe dëshirat tona me të Tijat. Shkrimet e shenjta e përmendin këtë përputhje si ‘qëndr[im të patundur] në Zotin’ [Filipianëve 4:1]. Kjo mënyrë veprimi nënkupton që ne të jetojmë vazhdimisht në harmoni me ungjillin e Krishtit e të përqendrohemi çdo ditë në gjithçka që është e mirë. Vetëm atëherë mund të fitojmë ‘paq[en] e Perëndisë, që ia tejkalon çdo zgjuarsie’ dhe e cila do t’i ‘ruajë zemrat … dhe mendjet [tona] në[përmjet] Krishti[t] Jezus’ [Filipianëve 4:7].” (“Kërkojeni Krishtin në Çdo Mendim”, Liahona, nëntor 2020, f. 82–83)

Çfarë bekimesh vijnë nga kërkimi i Zotit?

Një shembull është dëshmia e Moronit tek Ethëri 12:41. Gjithashtu, Plaku Krejg C. Kristensen, i Të Shtatëdhjetëve, dha mësim sa vijon:

7:9

Veprimtari Plotësuese të të Mësuarit

Fillim i ndryshëm

Merreni parasysh ta shkruani fjalën Kërkim në tabelë. Bëjuni nxënësve pyetjen në vijim:

Çfarë ju vjen në mendje kur mendoni për këtë fjalë?

Pasi t’u jepni nxënësve një mundësi për t’u përgjigjur, paraqitni thënien vijuese nga Plaku Zhozé A. Teisheira, i Të Shtatëdhjetëve.

9:42

“Zoti ka thënë: ‘[Më] kërkoni në çdo mendim; mos dyshoni, mos kini frikë’ [Doktrina e Besëlidhje 6:36]. Kërkimi i Zotit dhe të ndierit e pranisë së Tij është një hulumtim i përditshëm, një përpjekje e vlefshme.” (“Në Kërkim të Zotit”, Liahona, maj 2015, f. 96)

Si mund të jetë kërkimi i Zotit dhe të ndierit e pranisë së Tij “një hulumtim i përditshëm”?

Pasi nxënësit të kenë pasur kohë për të diskutuar, mund t’i ftoni ata t’u përgjigjen pyetjeve për reflektim në fillim të mësimit.

Mbështetja te Realizuesi ynë

Për t’i ndihmuar nxënësit të marrin parasysh se çfarë do të thotë të mbështetesh te Zoti, mund të studioni tregimin te 2 Kronikave 13 për Abijahun, të atin e Asas. Shpjegoni se izraelitët u ndanë në dy mbretëri: Mbretëria Veriore e Izraelit dhe Mbretëria Jugore e Judës. Shpërtheu një luftë ndërmjet Izraelit, i drejtuar nga mbreti Jeroboam, dhe Judës, e drejtuar nga mbreti Abijah.

Ftojini nxënësit të lexojnë te 2 Kronikave 13:4, 10–12, duke shenjuar fjalët ose frazat që tregojnë se ku u drejtuan Abijahu dhe populli i tij. Nëse është e dobishme, mund të shpjegoni se ofrimi i olokausteve dhe temjanit, vendosja e bukës së paraqitjes mbi tryezë dhe ndezja e shandanëve (vargu 11) ishin të gjitha pjesë e detyrave të priftërinjve për adhurimin në tempull.

Ndihmojini nxënësit të përcaktojnë një të vërtetë si: Perëndia është Realizuesi ynë. Mund t’i ftoni nxënësit të bëjnë referencë‑kryq të vargut 12 me Hebrenjve 2:10: “realizuesin e shpëtimit të tyre”.

Çfarë mendoni se do të thotë ta kemi Perëndinë si Realizuesin tonë?
Çfarë dini rreth Perëndisë që e bën Atë një Realizues të mirë?

Më pas ftojini nxënësit të lexojnë te 2 Kronikave 13:13–20, duke kërkuar atë që ndodhi për shkak se Abijahu dhe populli i tij u mbështetën te Perëndia si Realizuesi i tyre. Pasi të lexojnë, nëse doni, mund t’i ftoni nxënësit ta shenjojnë frazën “sepse ishin mbështetur tek Zoti, Perëndia” te vargu 18.

Si ju ka ndihmuar Perëndia ndërsa jeni mbështetur tek Ai?

Zgjedhja për të mos u mbështetur te Perëndia

Për t’i ndihmuar nxënësit ta shmangin gabimin e mosmbështetjes te Perëndia, mund të përfundoni historinë e Asës te 2 Kronikave 16. Shpjegoni se Asa u largua prej Tij më vonë në jetë.

Ftojini nxënësit të lexojnë te 2 Kronikave 16:1–12, duke kërkuar dy shembuj të mënyrës se si Asa zgjodhi të mos mbështetej te Perëndia. Ndihmojini nxënësit të kuptojnë se Asa mori argjend dhe ar nga tempulli për ta blerë ndihmën nga Siria për të mposhtur Izraelin (shihni te 2 Kronikave 16:1–6). Gjithashtu, Asa nuk e kërkoi ndihmën e Perëndisë për sëmundjen e tij (shihni te 2 Kronikave 16:12). Nëse është e nevojshme, mund të shpjegoni se Asa nuk u gabua që kërkoi ndihmën e mjekëve, por ai nuk kërkoi edhe ndihmën e Perëndisë. (Për më shumë mbi këtë koncept, shihni te Dallin H. Ouks, “Shërimi i të Sëmurëve”, Liahona, maj 2010, f. 47.)

Nga se mund të ketë pasur frikë Asa që e shtyu atë të mos mbështetej te Perëndia?
Cilat janë situatat ku adoleshentët mund të përjetojnë ndjesi të ngjashme frike?
Çfarë dini rreth Perëndisë që mund ta ndihmojë dikë të mbështetet tek Ai në një situatë të vështirë?