Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Nofoaiga a Tupu 17–20: Mauaina o Mataupu Faavae i Tusitusiga Paia

“2 Nofoaiga a Tupu 17–20: Mauaina o Mataupu Faavae i Tusitusiga Paia,” Tusi Lesona a le Faiaoga Seminare o le Feagaiga Tuai (2026)

“2 Nofoaiga a Tupu 17–20: Mauaina o Mataupu Faavae i Tusitusiga Paia,” Tusi Lesona a le Faiaoga Seminare o le Feagaiga Tuai

2 Nofoaiga a Tupu 14–20; 26; 30: Lesona 91

2 Nofoaiga Tupu 17-20

Mauaina o Mataupu Faavae i Tusitusiga Paia

Pe na e taumafaufau ea po o le a se mea e mafai ona e faia e faalatalata atili atu ai ia Iesu Keriso?O le tupu o le Feagaiga Tuai o Iosefatu o se faataitaiga sili lea o le faia o lena mea.Na pauu ese ona tagata mai le Atua ma faia o tapua’iga o le ifo i tupua.Na filifili Iosefatu e mulimuli iā Ieova ma fesoasoani i ona tagata ia faia faapea.E mafai ona fesoasoani lenei lesona i tagata aoga e aoao ai e faailoa mai mataupu faavae o le talalelei mai tusitusiga paia.

Sauniuniga a le tagata: Mafaufau e valaaulia tagata aoga e mafaufau i mea o loo latou aoaoina i a latou suesuega patino ma faaleaiga o tusitusiga paia.E mafai ona latou o mai i le vasega ua saunia e faasoa atu se mataupu faavae na latou maua ma le auala e fesoasoani ai lea mataupu ia i latou.

Gaoioiga e Ono Mafai Ona Aoao Ai

Taula o le Saogalemu

Faaali atu le ata lenei o se tasi o loo a‘e i papa.

Afai e te a’ea’e i se mauga papa tifato, o ā meafaigaluega e te mana’omia?
Aisea e manaomia ai lenei meafaigaluega?
Afai tatou te faatusatusaina o tatou olaga i le feaei ai i se mauga papa tifato, o le a se mea ua tuuina mai e le Alii ia te oe e fesoasoani ia te oe ia e manuia ma saogalemu?

E ono tuuina mai e tagata o le vasega ni tali eseese.A o latou faia, faafetai atu ia i latou mo a latou tali, ma fesili atu pe aisea o le a ono fesoasoani ai nei mea.O le tali lenei o le taulaiga lea o lenei lesona.

Na aoao mai Elder Richard G. Scott (1928–2015) o le Korama a Aposetolo e Toasefululua:

E mafai ona faamautinoaina oe ma au i le ausiaina o faamoemoega aoga i le olaga e ala i le malamalama ma mulimuli ai pea i mataupu faavae tonu ua mauaa i upumoni faaalia.

O mataupu faavae o taula ia o le saogalemu.E pei lava o taula uamea e faaaoga e se tagata a‘ea‘e mauga e manumalo ai i papa tifato semanu e le mafaia.O le a fesoasoani ia te oe e maua ai le mautinoa i tulaga fou ma le masani ai.O le a latou tuuina atu ia te oe le puipuiga i afā o faigata o le olaga.(“O Le Mana o Mataupu Faavae Sa’o,” Ensign, Me 1993, 32)

O se tasi o auala ua tuuina mai ai ma le alofa e le Tama Faalelagi ia i tatou mataupu faavae moni, e ala mai lea i tusitusiga paia.A o tatou suesue i tusitusiga paia, tatou te saili e faailoa mai nei mataupu faavae po o faamatalaga o upumoni e mafai ona fesoasoani ia i tatou i o tatou olaga.

Atonu e fesoasoani le tuu atu i tagata aoga e mafaufau i lo latou tomai i le taimi nei e faailoa ai mataupu faavae i tusitusiga paia.O se tasi lenei o auala e mafai ona fai ai:

Faaalu sina taimi e manatunatu ai i fesili nei:

O le a le tele o lo’u mautinoa i lo’u tomai e faailoa ai mataupu faavae?
O le a le lelei o lo’u malamalama i le auala e mafai ai e mataupu faavae ona fesoasoani ia te au i lo’u olaga?

A o e suesueina lenei lesona e uiga i le soifuaga o Iosefatu, saili le fesoasoani a le Agaga Paia e faailoa mai ai mataupu faavae moni e mafai ona fesoasoani ia te oe.

Mataupu faavae mai le soifuaga o Iosefatu

Ina ua maliu lona tamā, na avea Iosefatu ma tupu o Iuta.Ua pauu ese uma Isaraelu ma Iuta mai le Alii o Iesu Keriso.Sa latou tapua’i i atua sesē.

Faitau 2 Nofoaiga a Tupu 17:3–4; 19:4, ma vaai po o le a se mea e te aoaoina e uiga ia Iosefatu.(Manatua: O Paala e faatatau i atua pepelo.)

O le a se mea e faagaeetia ai oe e uiga ia Iosefatu?

Ina ua see ane i le pule Iosefatu, sa liliuese ona tagata.Sa faia e Iosefatu le tele o taumafaiga i lona malo atoa e fesoasoani i ona tagata e mulimuli iā Ieova (Iesu Keriso).I le taimi lea, na ō a’e ai fili o Iosefatu e tau faasaga i ona tagata.O mea na tutupu i nei tulaga ua faapupula ai mataupu faavae eseese.

Mafaufau e faamatala le tomai mo suesuega lenei e faailoa ai mataupu faavae.

O se tasi o auala e faailoa ai se mataupu faavae o le vaavaai lea pe faapefea ona fesootai ni mea se lua.Mo se faataitaiga: ona o le A, ua tupu ai le E.Pe ona o se tagata e faia le A, ua folafola mai pe tuuina mai e le Alii ia le E.

Faitau faatasi o se vasega fuaiupu nei e tuu atu ai i tagata aoga se avanoa e faataitai ai le faaaogaina o le tomai.

Faitau 2 Nofoaiga a Tupu 17:6 ma 19:3, vaavaai mo mataupu faavae i le soifuaga o Iosefatu.(Manatua: o nofoaga maualuluga ma togavao o ni nofoaga e tapuai ai i atua pepelo.)

O nisi o mataupu faavae e ono faailoa mai e tagata aoga o:

A o taulai atu o tatou olaga i le Atua, e faigofie atu ona tatou aveesea le leaga mai o tatou olaga (tagai 2 Nofoaiga a Tupu 17:6).
A o tatou aveesea le leaga mai o tatou olaga, ua sili atu ona tatou saunia e saili le Atua (tagai 2 Nofoaiga a Tupu 19:3).

Aisea e aoga ai nei mataupu faavae?

A uma ona faailoa mai o se vasega ia mataupu faavae mai fuaiupu ua mavae, valaaulia tagata aoga e faataitai le faailoaina o mataupu faavae i ni vaega toalaiti pe na o i latoulava.Tuu atu ia i latou e faaaoga fuaiupu nei.

Faitau 2 Nofoaiga a Tupu 20:1–9, 14–17, 20–22, vaavaai mo ni faaopoopoga o mataupu faavae moni.

O nisi o mataupu faavae e ono faailoa mai e tagata aoga o:

A o tatou anapogi ma tatalo mo le laveaiga, o le a faatasi le Alii ma i tatou i o tatou luitau (tagai 2 Nofoaiga a Tupu 20:1–4, 14–17).
A o tatou sailia le Alii i Lona malumalu, o le a Ia faafofoga ma fesoasoani ia i tatou (tagai 2 Nofoaiga a Tupu 20:9).
A tatou talitonu i le Alii ma ana perofeta, o le a tatou manuia (tagai 2 Nofoaiga a Tupu 20:20).
A o tatou tapuai atu i le Alii e ala i musika, o le a Ia faamanuiaina i tatou (tagai i le 2 Nofoaiga a Tupu 20:21–22).

Afai e faafaigata i tagata aoga ona faailoa mai mataupu faavae, mafaufau e tusi nisi po o mataupu faavae uma o loo i luga i le laupapa.Valaaulia tagata aoga e faailoa mai po o fea o fuaiupu na suesueina o loo aoao mai ai mataupu faavae taitasi.

Malamalama ai i mataupu faavae

Mo le gaoioiga lenei, e mafai e tagata aoga ona faaaoga soo se mataupu faavae o i luga, pe mafai foi ona latou faaaogaina se mataupu faavae na latou aoaoina talu ai nei i a latou suesuega patino po o suesuega faaleaiga.

Filifili se mataupu faavae e te fia aoao atili i ai.Saunia se lauga e lua minute e uiga i lenei upumoni lea e aofia ai mea nei:

O se fuaiupu po o ni fuaiupu na e faitauina i le 2 Nofoaiga a Tupu e uiga i lenei mataupu faavae, ma le mafuaaga na e filifilia ai
O isi mau po o upu a perofeta e fesoasoani ia te oe e malamalama ai i lenei mataupu faavae
O se taimi na faataitaia ai e le Faaola po o se isi tagata i tusitusiga paia po o le talafaasolopito o le Ekalesia lenei mataupu faavae
O auala e te lagona ai e mafai ona fesoasoani lenei mataupu faavae mai le Alii ia i tatou pe tausia ai i tatou ia saogalemu
O se aafiaga na e faatinoina ai po o se tasi e te iloa e tusa ai ma lenei mataupu faavae, ma soo se faamanuiaga mai le Alii na oo mai o se taunuuga

E mafai foi e tagata aoga ona faasoa atu a latou lauga i se paga po o i ni vaega toalaiti.Pe e mafai foi ona e valaaulia ni nai tagata aoga naunautai o e na suesueina mataupu faavae eseese e faasoa atu a latou lauga i le vasega.I le va o lauga a tagata aoga taitasi, e mafai ona e valaaulia le vasega e faasoa mai soo se faamatalaga po o ni fesili o i ai e uiga i le mataupu faavae na faasoa mai e le tagata aoga.

Ia mautinoa ia lava se taimi e saunia ai tagata aoga atoa ma le faasoaina atu o a latou lauga e ta‘i lua minute.
Mai mea ua e aoaoina i le aso, aisea e aoga ai le taumafai e saili mataupu faavae ua tuuina mai e le Alii ia i tatou i tusitusiga paia?
E mafai faapefea ona e faaaogaina mea ua e aoaoina i le asō i lou aiga faatasi ma a oe lava suesuega patino?

O Punaoa Faaopoopo

O le a se mataupu faavae?

Na aoao mai Elder David A. Bednar o le Korama a Aposetolo e Toasefululua e faapea:

I le faaupuina manino ai, o se mataupu faavae o le talalelei o se taiala e faavae i faaleaoaoga faavae mo le faaaogaina ma le amiotonu o le faitalia mama.O mataupu faavae e afua mai upumoni lautele o le talalelei ma o loo aumaia ai le taitaiga ma tulaga faatonuina a o tatou fetuleni atu i luma i luga o le ala o feagaiga.(“O Mataupu Faavae o La’u Talalelei,” Liahona, Me 2021, 123)

Na faamatala mai e Elder Richard G. Scott (1928–2015) o le Korama a Aposetolo e Toasefululua:

“O mataupu faavae o upumoni autu, ua fuafuaina mo le faaaogaina i ni tulaga eseese e tele.O se mataupu faavae moni, e faamanino ai faaiuga ua faia, e tusa lava pe o a tulaga e sili atu ona le mautonu ma faatauanauina faamalosi.“E aoga se taumafaiga tele e faatulaga ai upumoni tatou te aoina mai i ni faamatalaga faigofie o mataupu faavae.(“Mauaina o le Malamalama Faaleagaga,” Ensign, Nov. 1993, 86)

Aisea e faailoa ai ma ola ai i mataupu faavae?

Na aoao mai Elder David A. Bednar o le Korama a Aposetolo e Toasefululua e faapea:

O le aoaoina, malamalama ai, ma le ola ai i mataupu faavae o le talalelei e faamalolosia ai lo tatou faatuatua i le Faaola, e faaloloto ai lo tatou tuuto atu ia te Ia, ma valaaulia ai le tele o faamanuiaga ma meaalofa faaleagaga i o tatou olaga.E fesoasoani foi mataupu faavae o le amiotonu ia i tatou e vaavaai ai i talaatu o mea e faatauaina e le tagata lava ia ma naunauga faapito o le tagata lava ia e ala i le tuuina mai o le vaaiga taua i upumoni e faavavau a o tatou folau i tulaga eseese, luitau, faaiuga, ma aafiaga o le olaga nei.(“O Mataupu Faavae o La’u Talalelei,” Liahona, Me 2021, 123–24)

Gaoioiga Faaopoopo e Aoao Ai

Se isi amataga

Fai atu i tagata aoga e faasoa mai pe faapefea ona latou taupulepule ma faia se folauga manuia i le isi itu o le moana.O le a se mea e tatau ona latou iloa?

Faasoa atu le saunoaga lenei a Elder Richard G. Scott (1928–2015) o le Korama a Aposetolo e Toasefululua:

Sa tumau pea le faamanuiaina o le tagata i taimi uma mai le usiusitai ai i mataupu faavae moni.Na sopo’ia e tagata Polenisia totoa i va‘a anagofie se moana tele mo taunuuga i le faitau afe o maila le mamao.O lena luitau sa le’i faafuasei ona ausia ae ona o le mulimulita‘i ai i mataupu faavae lelei o folauga e faaaoga ai le poto faalevanimonimo.Sa latou saunia ma le faaeteete ma sa le’i faamatuu atu i faaosoosoga e o ese mai lo latou ala pe faatuai foi ona malaga.I lea lava faiga e tasi , e mafai ona faamautinoaina oe ma a‘u i le ausiaina o faamoemoega agavaa i le olaga e ala i le malamalama ma mulimuli pea i mataupu faavae tonu ua mauaa i upumoni faaalia.(“O Le Mana o Mataupu Faavae Sa’o,” Ensign, Me 1993, 32)

O le vaega na totoe o le tala

Afai e te lagona e aoga i tagata aoga le aoao atili e uiga i le tala ia Iosefatu ma lona nuu, mafaufau e aoteleina pe faitauina le parakalafa lenei:

O Iosefatu ma lona nuu o Iuta sa vatau ma tagata o Amoni, Moapi, ma le Mauga o Seira, sa ta’ua foi o le laueleele o Etoma (Taga’i i le Faafanua o le Tusi Paia 10).Sa latou latalata atu i le taua ma usuina viiga i le Atua.Ona faamanuiaina lea e le Atua i latou e ala i le faatupuina o le fememea‘i i o latou fili, o ē na liliu atu ma fasiotia e le tasi le isi.Ona aoina mai lea e tagata o Iosefatu oa tau tetele mai i o latou fili ua maliliu.

Ona mafai lea ona e valaaulia tagata aoga e faitau 2 Nofoaiga a Tupu 20:26–30, vaavaai pe na faapefea ona faamanuiaina Iuta mo lo latou faamaoni.

Faamaoni i le aluga o taimi

Atonu e te faailoa atu, o Iosefatu ma ona tagata o ni faaa’oa’oga fo’i o le faia ai o le tele o faatinoga amiotonu i le aluga o taimi.

Na aoao mai e Peresitene Dallin H. Oaks mea nei, ma faamamafa mai le taua o a tatou taumafaiga faifai pea i le aluga o taimi:

Ua aoaoina i tatou i mea laiti ma faigofie e tele i le talalelei a Iesu Keriso.E manaomia ona faamanatu mai ia i tatou i se tuufaatasiga ma i se taimi umi iloga, o nei mea faafoliga laiti naua o le a faataunuu ai mea tetele.

E leai se mea o nei mea laiti ma faigofie e na te siitia atu tatou i mea tetele sei vagana ua faatinoina pea lava pea e le aunoa na mea.(“O Mea Laiti ma Faigofie,” Liahona, Me 2018, 89, 91)

Na faapefea ona e vaaia lenei mataupu faavae i lona faaaoaoina e Iosefatu?
Aisea e te manatu ai o le faamaoni i le aluga o taimi e taua mo i tatou ina ia avea atili ai e faapei o Iesu Keriso?