Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Nofoaiga a Tupu 14–16: “Afai Tou te Sailiili ia te Ia, Tou te Maua o Ia”

“2 Nofoaiga a Tupu 14–16: ’Afai Tou te Sailiili ia te Ia, Tou te Maua o Ia,’” Tusi Lesona a le Faiaoga Seminare o le Feagaiga Tuai (2026)

“2 Nofoaiga a Tupu 14–16: ’Afai Tou te Sailiili ia te Ia, Tou te Maua o Ia,’” Tusi Lesona a le Faiaoga Seminare o le Feagaiga Tuai

2 Nofoaiga a Tupu 14–20; 26; 30: Lesona 90

2 Nofoaiga Tupu 14-16

“Afai Tou te Sailiili ia te Ia, Tou te Maua o Ia”

O nisi tagata atonu e na o le pau le taimi e saili ai le Tama Faalelagi ma Iesu Keriso pe a sologa lelei mea.O isi atonu e tagi atu mo La La‘ua fesoasoani i na o taimi o faafitauli.E faapei o Asa, le tupu o Iuta, e mafai ona tatou sailia le Alii i taimi filemu ma taimi faigata.E mafai ona fesoasoani lenei lesona i tagata aoga e fai se fuafuaga e saili atu ai i le Alii.

Sauniuniga a le tagata aoga: Valaaulia tagata aoga e fai se lisi o auala e mafai ona latou sailia ai le Alii i o latou olaga.

Gaoioiga e Ono Mafai Ona Aoao Ai

Saili ina ia maua

Mafaufau e amata le lesona i le valaauliaina o tagata aoga e mafaufau pe faapefea ona tatou su‘eina ni mea ua leiloloa.E mafai ona e lisi pe faaali atu ni nai mea e eseese o latou taua, e pei o se penitala, se meaaoga taua, se telefoni feaveai, se meaalofa mai se tasi e pele, ma isi mea faapena.Fesili atu i tagata aoga po o a taumafaiga latou te faia e saili ai aitema taitasi pe afai e leiloa.

Aisea e ese ai au taumafaiga e saili se mea e faalagolago i le mea o loo e sailia?

Mafaufau e tusi le Saili le Alii i le pito i luga o le laupapa.
O le a sou manatu i le uiga o le saili o le Alii?

Afai e faafaigata i tagata aoga ona tali mai, e mafai ona e fesili pe faapefea ona latou iloa se tasi ma atiina ae se mafutaga lelei.Ona fesili atu lea pe faapefea ona latou saili ia iloa ma atiina ae se sootaga ma le Alii.E mafai ona e faamatala atu o le upu Eperu mo le saili i fuaiupu o le a latou suesueina i le asō (2 Nofoaiga a Tupu 14:4; 15:2, 12; 6:12) o le darash ma o lona uiga o le saili ai, fesili, asiasi, tulitulimatagauina, feutagai, pe tuuina atu oe lava e faia se mea.

I lau api faamaumau mo suesuega, tali i fesili nei:

O a nisi o mea na e faia pe na faia foi e nisi e te iloa e saili ai le Alii?
O le a se tele o se taumafaiga e te tuuina atu e saili ai le Alii?

A o e suesue i le aso, vaavaai mo auala e mafai ona e sailia ai le Alii.Tusi soo se manatu po o ni lagona e oo mai ia te oe mai le Agaga Paia.

O se faataitaiga o le sailiina o le Alii

Mafaufau e faasoa atu pe aotele le parakalafa lenei.

O tusi o Nofoaiga a Tupu ma Tupu e aofia ai le vaitaimi lava lea e tasi.I le 2 Nofoaiga a Tupu 14–16 ma 1 Tupu 15, tatou te faitau i se tala i le Tupu o Asa, le tupu lona tolu o Iuta.

E mafai ona e fatuina le siata lenei i luga o le laupapa e fesoasoani ai i tagata aoga i le isi gaoioiga o sosoo ai.E mafai foi e tagata aoga ona fatu le siata i a latou apitalaaga mo suesuega.

O le auala na saili ai e Asa ma lona nuu le Alii	Auala na faamanuiaina ai i latou e le Alii:
O le auala na saili ai e Asa ma lona nuu le Alii	Auala na faamanuiaina ai i latou e le Alii:

Mafaufau e tuueseese tagata aoga i ni vaega eseese se fa.Fai atu i vaega taitasi e faitau se seti eseese o fuaiupu nei.E mafai e se tagata aoga mai vaega taitasi ona tusi mea na latou aoaoina i luga o le laupapa.

Afai e manaomia e tagata aoga le fesoasoani e malamalama ai i “togavao” i le 2 Nofoaiga a Tupu 14:3, faamatala atu o nofoaga ia sa tapuai ai tagata i atua pepelo.

Faitau se tasi o seti o fuaiupu nei, ma vaavaai mo mea na faia e Asa ma lona nuu ma le auala na faamanuiaina ai i latou e le Atua:

2 Nofoaiga Tupu 14:3–7.I se taimi o le filemu
2 Nofoaiga Tupu 14:9–13.Ina ua osofaia e tagata Aitiope
2 Nofoaiga Tupu 15:1–9.I se taimi o le filemu
2 Nofoaiga Tupu 15:10–12, 15.I se taimi o le filemu

Fai atu le fesili lenei e fesoasoani ai i tagata aoga e faailoa mai se upumoni mai mea na latou suesueina.Ao faasoa mai tagata aoga, faaopoopo atu a latou tali i le siata o loo i luga o le laupapa.
O le a se mea na e aoaoina mai aafiaga o Asa ma lona nuu?

I le faaaogaina ai o upu a tagata aoga, fesoasoani ia i latou e faailoa mai upumoni e pei o nei:

A o ou saili atu i le Alii ma lo’u loto atoa, o le a Ia tuuina mai ia te a‘u le malologa (2 Nofoaiga a Tupu 14:7; 15:15)
Afai ou te sailia le Alii, o le a ou maua o Ia (2 Nofoaiga a Tupu 15:2)

A o faasoa mai e tagata aoga, mafaufau e fai atu ni fesili tulitatao e fesoasoani ia i latou e mafaufau ai po o le a le uiga o nisi o upu po o fasifuaitau.Mo se faataitaiga, atonu e te fesili atu, “O le a sou manatu i le uiga o le sailia o le Alii?” po o le “Mata o a foliga pe a tuuina mai e le Alii ia i tatou le malologa?”

Mo aoaoga e ono fesoasoani i nei fesili po o isi fesili, tagai i le vaega o Punaoa Faaopoopo.

Sailiina ma le mauaina o le Alii

Fesoasoani i tagata aoga e faia ni fesootaiga i le va o le olaga o Asa ma o latou lava olaga.E mafai ona e toe faaigoaina le siata o loo i ai nei i luga o le laupapa i le O le auala e mafai ona ou sailia ai le Alii i le koluma agavale ma O le auala e ono mafai ai ona faamanuiaina a‘u e le Alii i le koluma taumatau.Ona valaaulia lea o tagata aoga e fai mea nei i ni vaega pe faia e i latou lava.

I le faaopoopo atu ai i mea na faia e Asa ma lona nuu, faaopoopo i le koluma agavale o lau lisi ia auala e mafai ona e sailia ai le Alii.O nei auala e ono maua mai i ou lava aafiaga, faataitaiga i tusitusiga paia po o le talafaasolopito o le Ekalesia, po o lauga mai taitai o le Ekalesia.

O a ni mea e mafai ona faalavelaveina i tatou mai le sailia o le Alii?
O le a se mea e fesoasoani ia te oe e saili ai le Alii e ui lava i mea faalavefau?

Mafaufau e valaaulia i latou e faailoga le fasifuaitau “tou te maua o ia” i le 2 Nofoaiga a Tupu 15:2.Ina ia fesoasoani i tagata aoga e mafaufau i auala e mafai ona tatou maua ai le Alii, fesili atu i mea nei.
Na faapefea ona faamanuiaina oe po o se tasi e te iloa a o e saili atu ia te Ia?

A uma ona faasoa mai o tagata aoga, uunaia i latou e tusi o latou manatu i le koluma taumatau o le siata.Atonu e te manao e molimau atu o faamanuiaga na faasoa mai e tagata aoga e ono mafai ona avea ma faamaoniga ua latou mauaina o Ia.

Faia ai o se Fuafuaga

Fesoasoani i tagata aoga e faatino se mea na latou lagonaina pe aoaoina i le taimi o le lesona.Ina ia faia lena mea, uunaia i latou e mafaufau i uunaiga atonu na latou maua mai le Agaga i le faagasologa o le vasega atoa.Ma le isi, i le lesona 87, na toe asia e tagata aoga a latou sini mo le suesueina o tusitusiga paia o se auala e latalata atili atu ai i le Alii.Afai e aoga, e mafai ona latou iloiloina pe o faapefea le gasologa o a latou sini ma filifili pe latou te mananao e faaaoga foi a latou sini i lenei fuafuaga.

Filifili se mea se tasi e mafai ona e faia e saili ai le Alii.Tali fesili nei i totonu o lau api talaaga mo suesuega.Fuafua pe faapefea ona e faaaofia ai lenei faatinoga i lou olaga.

Aisea e te manatu ai e ono fesoasoani lenei faatinoga ia te oe e te mauaina atili ai le Alii i lou olaga?
O a ni luitau e ono feagai ma oe a o e taumafai e fai lenei mea?
O a ni laasaga patino e mafai ona e faia e faatino ai lenei mea e ui lava i nei luitau?

Mafaufau e faaiu le vasega i lau lava molimau i faamanuiaga o le sailia ai o le Alii.

O Punaoa Faaopoopo

2 Nofoaiga Tupu 14:6–7.O le a le uiga o le maua o le malologa i le Alii?

Na aoao mai Peresitene Russell M. Nelson:

18:43

E ui i mea faalavefau ma mea taufaasese ua siomia ai i tatou, e mafai lava ona e mauaina le malologa moni—o lona uiga, o le mapusaga ma le filemu—e oo lava i le lotolotoi o ou faafitauli sili ona faigata.(“Manumalo i le Lalolagi ma Maua le Malologa,” Liahona, Nov. 2022, 96)

O le a se mea e manaomia i le sailiina o le Alii?

Na faailoa mai e Elder Ulisses Soares o le Korama a Aposetolo e Toasefululua:

14:47

O le nofouta ai i mea uma e tatau ai mo i tatou i lenei olaga, ua valaaulia ai e le Faaola i tatou e saili atu ia te Ia i mafaufauga uma ma mulimuli ia te Ia ma o tatou loto uma.Ua aumaia ai e lenei mea ia i tatou le folafolaga e faapea e mafai ona tatou savavali i Lona malamalama ma o Lana taitaiga e puipuia ai mai le tosinaga a le pouliuli i o tatou olaga.

O le sailiina o Keriso i mafaufauga uma, ma mulimuli ia te Ia ma o tatou loto atoa e manaomia ai lo tatou faaogatasia o lo tatou mafaufau ma manaoga faatasi ma Ia.Ua ta‘ua i tusitusiga paia lenei faaogatusa o le “tumau [ai] i le Alii” [Filipi 4:1].O lenei alafua ua faailo mai ai e faapea ia tatou faatautaia pea lava o tatou olaga ia ogatasi ma le talalelei a Keriso ma taulai atu i aso taitasi i mea uma e lelei.Ua na ona pau ai lea o se ala e mafai ai ona tatou maua ai “le filemu o le Atua, o loo silisili lava i mea uma e manatu i ai” ma o le a “leoleoina ai [o tatou] loto ma mafaufau e ala ia Keriso Iesu” [Filipi 4:7].(“Saili Atu ia Keriso i Mafaufauga Uma,” Liahona, Nov. 2020, 82–83)

O a faamanuiaga e maua mai le sailia ai o le Alii?

O se tasi o faataitaiga o le molimau a Moronae i le Eteru 12:41.Na aoao mai foi e Elder Craig C. Christensen o le Fitugafulu le mea lenei:

7:9

Gaoioiga Faaopoopo e Aoao Ai

Se isi amataga

Mafaufau e tusi le upu Sailiga i luga o le laupapa.Fai atu i tagata aoga le fesili lenei:

O le a se mea e oo mai i lou mafaufau pe a e manatu i le upu lenei?

A uma ona tuu atu i tagata aoga se avanoa e tali mai ai, faaali atu le saunoaga lenei mai ia Elder José A. Teixeira o le Fitugafulu.

9:42

Sa fetalai le Alii, “[Saili] mai ia te a’u i mafaufauga uma; aua le masalosalo, aua le fefe” [Mataupu Faavae ma Feagaiga 6:36].O le sailia o le Alii ma lagonaina Lona faatasi mai o se sailiga o aso uma, o se taumafaiga aoga.(“Saili le Alii,” Liahona, Me 2015, 96)

E mafai faapefea e le sailia o le Alii ma le lagonaina o Lona faatasi mai ona avea ma “se sailiga i aso taitasi”?

A uma ona maua se taimi e talanoaina ai e tagata aoga, e mafai ona e valaaulia i latou e tali fesili o tomanatunatuga i le amataga o le lesona.

Faalagolago ai i lo tatou Ta‘imua

Ina ia fesoasoani i tamaiti aoga e mafaufau po o le a le uiga o le faalagolago i le Alii, e mafai ona e suesue i le tala i le 2 Nofoaiga a Tupu 13 o Avia, le tama o Asa.Faamalamalama atu na vaeluaina le fanauga a Isaraelu i ni malo se lua: o le Malo i Matu o Isaraelu ma le Malo i Saute o Iuta.Na amata se taua i le va o Isaraelu, lea na taitaia e le tupu o Ierepoamo, ma Iuta, lea na taitaia e le tupu o Avia.

Valaaulia tagata aoga e faitau 2 Nofoaiga a Tupu 13:4, 10–12, ma faailogaina upu po o fasifuaitau e faaalia ai le mea na liliu atu i ai Avia ma lona nuu.Afai e aogā, e mafai ona e faamatala atu o le susunuina o taulaga ma mea manogi, tuuina o areto i luga o le laulau, ma le tutuina o lamepa (fuaiupu 11) sa avea uma ma se vaega o tiute o ositaulaga mo le tapuai i le malumalu.

Fesoasoani i tagata aoga e faailoa mai se upumoni e pei o le O le Atua o lo tatou Alii Sili.E mafai ona e valaaulia tamaiti aoga e fesootai fuaiupu 12 i le Eperu 2:10: “o le Alii o lo latou olataga.”

O le a sou manatu i le uiga o le avea ai o le Atua ma o tatou Alii Sili?
O le a se mea ua e iloa e uiga i le Atua ua avea ai o Ia ma se Alii Sili lelei?

Ona valaaulia lea o tagata aoga e faitau 2 Nofoaiga a Tupu 13:13–20, vaavaai mo le mea na tupu ona sa faalagolago Avia ma lona nuu i le Atua e avea ma o latou Alii Sili.A uma ona latou faitau, atonu e te manao e valaaulia tagata aoga e faailoga le fasifuaitau “auā na latou faalagolago ia Ieova le Atua” i le fuaiupu 18.

Na faapefea ona fesoasoani le Atua ia te oe a o e faalagolago ia te Ia?

O le filifili ai ia lē faalagolago i le Atua.

Ina ia fesoasoani i tagata aoga e aloese mai le mea sese o le le faalagolago i le Atua, e mafai ona e faaumaina le tala ia Asa i le 2 Nofoaiga a Tupu 16.Faamalamalama atu na liliu ese Asa mai [le Atua] i se taimi mulimuli ane o lona olaga.

Valaaulia tagata aoga e faitau 2 Nofoaiga a Tupu 16:1–12, vaavaai mo ni faataitaiga se lua o le auala na filifili ai Asa e le faalagolago i le Atua.Fesoasoani i tagata aoga ia malamalama na ave e Asa ia ario ma auro mai le malumalu e faatau ai le fesoasoani a Suria i le faatoilaloina o Isaraelu (tagai 2 Nofoaiga a Tupu 16:1–6).E lei sailia foi e Asa le fesoasoani a le Atua i lona ma’i (tagai 2 Nofoaiga a Tupu 16:12).Afai e manaomia, e mafai ona e faamatala atu e le o se mea sese le sailia e Asa o le fesoasoani a fomai, ae na te lei sailia foi le fesoasoani a le Atua.(Mo nisi faamatalaga e uiga i lenei manatu faavae, tagai Dallin H. Oaks, “Faamaloloina o e Mama’i,” Liahona, Me 2010, 47.)

O ā popolega atonu na i ai ia Asa na taitai atu ai o ia e lē faalagolago i le Atua?
O a ni tulaga e ono oo i ai tagata talavou e latou te maua ai i ni popolega faapea?
O le a se mea ua e iloa e uiga i le Atua e mafai ona fesoasoani i se tasi e faalagolago ia te Ia i se tulaga faigata?