Uunaia tagata aoao ia iloa le Faaola e ala i le suesue i le talalelei i aso taitasi—fesootaiga patino.

O le fesootai o le aumaia po o le tuufaatasia o ni mea se lua. A o fesoasoani faiaoga i tagata aoao e faafesootai a latou suesuega o tusitusiga paia i le fale i le potuaoga, ua latou aumaia pe tuufaatasia nei aafiaga e lua. E anoanoai auala e faia ai lenei mea. O se tasi o auala o le fai atu o fesili e tatala ai lea e (1) aofia ai aafiaga faaletagata lava ia pe faaleaiga o tagata aoga i a latou suesuega o tusitusiga paia i le fale, (2) suesue pe faapefea ona fesootai na aafiaga i mea o loo latou aoaoina i le vasega, ma le (3) tuu atu ia i latou se taimi e manatunatu ai ma manatua mea sa latou suesueina i le fale.

E mafai foi ona e saunia ni fesili mo talanoaga mo le vasega o le a fesoasoani i tamaiti aoga e ave mea o loo latou aoaoina i totonu o le potuaoga ma faaaoga i le fale. O nei fesili e talitutusa lava. E te valaaulia tamaiti aoga e mafaufau po o a aafiaga e aoao ai na latou maua i le vasega i lena aso ma pe mafai faapefea ona aoga i le aiga. O nei fesili e mafai ona fesoasoani ia i tatou ia faatotonugalemu-i-le-aiga ma lagolagoina-e-le-Ekalesia i le potuaoga ma saunia ai tagata aoga ia maua nisi aafiaga e aoao ai i fafo atu o le potuaoga.

O fesili e fesootai ai le aoaoina i le fale ma aafiaga i le potuaoga:

• O le a se mea ua e aoaoina i le vasega i le asō e fesootai ma mea o loo e aoaoina i le fale?

• O le a se mea na e aoaoina ma lou aiga e uiga ia Iesu Keriso i lenei vaiaso?

• O a ni fesili ua oo mai ia te oe a o e talanoaina nei mau?

• O le a se mea e sili ona e fiafia i ai e aoao a o e suesueina pe suesueina e lou aiga nei fuaitau o mau?

O fesili e fesootai ai le aoaoina i totonu o le potuaoga i aafiaga i le fale:

• O le a se mea na e aoaoina i lenei aso o le a avea ma se faamanuiaga ia te oe ma lou aiga?

• Afai e te saunia se lesona e lima minute e uiga i nei upumoni, o le a se mea o le a e taulai i ai, ma pe aisea?

• O a ni ou aafiaga i le asō o le a aoga mo lou aiga? O le a se mea o le a e suia pe o le a ese ona e faia e fetaui ma manaoga o lou aiga?

Kiliki ii e matamata ai se vitio o lenei faataitaiga.

3:6

Faataitai #1: I le faaaogaina o faataitaiga i le faataitaiga (po o sa oe lava faataitaiga), fuafua pe faapefea ona e faafesootaia mea o loo aafia ai tagata aoga i a latou suesuega i le fale i mea o loo latou aafia ai i le vasega e faavae i lesona faataitai nei.

• O lesona o lenei vaiaso o loo i le Mataupu Faavae ma Feagaiga 94–97.

• O lesona o lenei vaiaso o loo i le Mataupu Faavae ma Feagaiga 121–23.

Faataitai #2: Atiina ae se fesili e fesootai ai mea o loo faia e tagata aoga i le potuaoga i o latou aafiaga i le fale, e faavae i lesona faataitai nei.

• O lesona o lenei vaiaso o loo i le Mataupu Faavae ma Feagaiga 129–32.

• O lesona o lenei vaiaso o loo i le Mataupu Faavae ma Feagaiga 135–36.

• O le a se mea ua e aoaoina e uiga i le valaauliaina o le aoaoina ma le filiga e ala i lenei aafiaga?

• O a isi auala ua mafai ai ona e faafesootaia mea o loo aafia ai tagata aoga i a latou suesuega i le fale ma aafiaga latou te oo i ai i le vasega?

Faaalu le tolu minute a o lei amataina le vasega i aso taitasi mo le isi lua vaiaso e sosoo ai e tilotilo ai i le igoa o se tagata aoga i lau tauvalaauga. A o e vaai i o latou igoa, mafaufau loloto i mea atonu o loo ia aoaoina i suesuega faaletagata lava ia ma faaleaiga i le fale. I le taimi o le vasega, fai atu i le vasega po o lena tagata aoga se tasi o fesili na e faataitaia. E mafai foi ona e tusia i lalo mea ua e aoaoina mai a o e fesili ma faalogo.

• Russell M. Nelson, “Saunoaga Amata,” konafesi aoao, Oke. 2018

• Sau Mulimuli Mai ia te A’u, ChurchofJesusChrist.org

• Vitio Faafaiaoga. ChurchofJesusChrist.org