« របាក្សត្រ ទី២ ១៤–២០; ២៦; ៣០ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« របាក្សត្រ ទី២ ១៤–២០; ២៦; ៣០ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
របាក្សត្រ ទី២ ១៤–២០; ២៦; ៣០
របាក្សត្រ ទី២ ១៤–២០; ២៦; ៣០
ទិដ្ឋភាពទូទៅ
ស្តេចអេសា ជាស្ដេចទីបីនៃសាសន៍យូដា បានស្វែងរកព្រះអម្ចាស់ ទាំងអំឡុងពេលមានសេចក្តីសុខសាន្ត និងការលំបាក ។ ទោះបីជាក្រោយមកសេចក្តីជំនឿរបស់អេសាបានរសាត់បាត់ទៅក្តី ប៉ុន្តែយ៉ូសាផាតជាបុត្ររបស់ទ្រង់ មិនត្រឹមតែព្យាយាមដើរតាមព្រះយេហូវ៉ាប៉ុណ្ណោះទេ ថែមទាំងបានជួយរាស្ដ្ររបស់ទ្រង់ឲ្យត្រឡប់មកឯព្រះយេហូវ៉ាវិញផងដែរ ។ ជាលទ្ធផល ពេលសាសន៍អាំម៉ូន និងអ្នកឯទៀតវាយលុកស្រុកយូដា ព្រះអម្ចាស់បានប្រយុទ្ធដើម្បីពួកគេ ។
លើកទឹកចិត្តសិស្សឲ្យស្គាល់ព្រះអង្គសង្គ្រោះតាមរយៈការសិក្សាដំណឹងល្អប្រចាំថ្ងៃ ។ ការសិក្សាព្រះបន្ទូលរបស់ព្រះអម្ចាស់រៀងរាល់ថ្ងៃនៅក្នុងព្រះគម្ពីរ គឺជាមូលដ្ឋានគ្រឹះឆ្ពោះទៅរកភាពឧស្សាហ៍ពេញមួយជីវិត និងការរៀនសូត្រដំណឹងល្អយ៉ាងឯករាជ្យ ។ របៀបមួយដើម្បីលើកទឹកចិត្តដល់ការសិក្សាប្រចាំថ្ងៃ គឺការសួរសំណួរដែលជួយសិស្សភ្ជាប់ការសិក្សាព្រះគម្ពីរផ្ទាល់ខ្លួន និងគ្រួសាររបស់ពួកគេទៅនឹងបទពិសោធន៍ក្នុងថ្នាក់ ។ ឧទាហរណ៍នៃការណ៍នេះមាននៅក្នុងមេរៀនទី ៩១ ៖ « របាក្សត្រ ទី២ ១៧–២០ » ។ ដើម្បីស្វែងយល់បន្ថែម សូមមើល « ព្រះអង្គសង្គ្រោះបានលើកទឹកចិត្តអ្នកដទៃឲ្យមកស្គាល់ទ្រង់តាមរយៈការសិក្សាព្រះបន្ទូលរបស់ទ្រង់ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័ ២៥ ) ។
រៀបចំខ្លួនដើម្បីបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចរៀបចំទុកជាមុនសម្រាប់មេរៀននីមួយៗ ។
របាក្សត្រ ទី២ ១៤–១៦
គោលបំណងមេរៀន ៖ ដើម្បីជួយសិស្សធ្វើផែនការស្វែងរកព្រះអម្ចាស់ ។
-
ការស្វែងរកព្រះអម្ចាស់ ៖ សូមអញ្ជើញសិស្សឲ្យធ្វើបញ្ជីពីរបៀបដែលពួកគេអាចស្វែងរកព្រះអម្ចាស់ក្នុងជីវិតរបស់ពួកគេ ។
-
សម្ភារដែលត្រូវបង្ហាញ ៖ របស់មួយចំនួនដែលមានតម្លៃខុសគ្នាដូចជា ខ្មៅដៃ កិច្ចការផ្ទះដ៏សំខាន់ ទូរសព្ទដៃ អំណោយពីមនុស្សជាទីស្រឡាញ់ ។ល។
-
សម្ភារសម្រាប់សិស្ស ៖ ច្បាប់ចម្លងនៃ ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ( ឆ្នាំ២០២២ )
-
វីដេអូ ៖ « មានពេលវេលាសម្រាប់ព្រះអម្ចាស់ » ( ៥:៤៩ ) ចាប់ពីនាទីទី ១:០០ ដល់ ៣:២៩
របាក្សត្រ ទី២ ១៧–២០
គោលបំណងមេរៀន ៖ ដើម្បីជួយសិស្សរៀនសម្គាល់គោលការណ៍នៃដំណឹងល្អពីបទគម្ពីរ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យជញ្ជឹងគិតអំពីអ្វីដែលពួកគេកំពុងរៀននៅក្នុងការសិក្សាព្រះគម្ពីរផ្ទាល់ខ្លួន និងជាលក្ខណៈគ្រួសាររបស់ពួកគេ ។ ពួកគេអាចមករៀនដោយត្រៀមខ្លួនដើម្បីចែកចាយគោលការណ៍មួយដែលពួកគេបានរកឃើញ និងរបៀបដែលវាជួយពួកគេ ។
-
រូបភាព ៖ នរណាម្នាក់ឡើងភ្នំ