Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Tupu 21–23: Tupu o Iosia ma le Tusi o le Tulafono

“2 Tupu 21–23: Tupu o Iosia ma le Tusi o le Tulafono,” Tusi Lesona a le Faiaoga Seminare o le Feagaiga Tuai (2026)

“2 Tupu 21–23: Tupu o Iosia ma le Tusi o le Tulafono,” Tusi Lesona a le Faiaoga Seminare o le Feagaiga Tuai

2 Tupu 16–25: Lesona 87

2 Tupu 21–23

Tupu o Iosia ma le Tusi o le Tulafono

King Josiah Reads the Book of the Law to the people

Pe na e taumafaufau ea pe faapefea ona ese lou olaga pe afai e te lei mauaina tusitusiga paia?Ina ua pau ese le malo o Iuta mai le Atua, o le “tusi o le tulafono” (2 Tupu 22:8, 11) sa le amanaiaina ma iu ai ina leiloa i totonu o le malumalu.I le taimi o le toe faafouina ai e Iosia o le malumalu, na maua ai e le faitaulaga sili o Hilikia le tusi o le tulafono, lea na faitauina e Iosia i tagata.Na fesoasoani tusitusiga paia i le Tupu o Iosia ma lona nuu e toe foi atu ai i le Alii.E mafai ona fesoasoani lenei lesona i tagata aoga e liliu atu ai i le Alii e ala i suesuega a le tagata lava ia o tusitusiga paia.

Sauniuniga a le tagata aoga: Valaaulia tagata aoga e toe iloilo a latou sini patino mo le suesueina o tusitusiga paia ma a latou taumafaiga e faitau mataupu o le Feagaiga Tuai ua atofaina.Uunaia i latou e faaauau pea ona galulue i a latou sini pe faia ma le agaga tatalo ni fetuunaiga manaomia ina ia faamanuiaina ai.

Gaoioiga e Ono Mafai Ona Aoao Ai

Olaga e aunoa ma ni tusitusiga paia

A o lei amataina le vasega, mafaufau e tuu se faailogatusi i se Tusi Paia i le 2 Tupu 22:8.Nana le Tusi Paia i totonu o le potuaoga ina ia faaaoga i se taimi mulimuli ane o le lesona.

Tusi le fesili e lei mae‘a i luga o le laupapa:

E faape’ī lou olaga pe a aunoa ?

Mafaufau e tuu atu i tagata aoga taitasi se fasi pepa laitiiti.Valaaulia i latou e tusi i lalo se aitema taatele po o se gaoioiga masani e mafai ona faamae‘a ai le fesili.Mo se faataitaiga, e mafai ona latou tusia upu e pei o seevae, pulumu fulunifo, ‘oga, po o le taaloga.Faatulaga tagata aoga i ni vaega toalaiti.Valaaulia i latou e talanoaina pe faapefea ona latou taliina le fesili pe afai e faamaeaina i upu na latou tusia.A maea ona faasoa mai e tagata aoga, tuu atu ia i latou se taimi e mafaufau filemu ai i mea nei:

Toe manatunatu i ou aafiaga patino a o e mafaufau loloto i fesili nei:

O le a faapei lou olaga pe a aunoa ma tusitusiga paia?
Na faapefea e lau suesuega talu ai nei o tusitusiga paia ona tosinaina lau sootaga ma le Tama Faalelagi ma Iesu Keriso?

E mafai ona e fai atu i ni nai volenitia e faasoa mai a latou tali.Ina ia faaopoopo atu i le talanoaga, e mafai ona e faaali atu le faamatalaga lenei.

Na aoao mai e Elder D.Todd Christofferson o le Korama a Aposetolo e Toasefululua mea nei e uiga i lo tatou manaomia ai o tusitusiga paia.

O i latou e le gata e le o maua pe e le o amanaia le afioga tusitusia a le Atua o le a iu lava ina le toe talitonu ia te Ia ma galo le faamoemoega o lo latou iai i le olaga.(“O Le Faamanuiaga o Tusitusiga Paia,” Liahona, Me 2010, 33)

I se taimi mulimuli ane o le lesona, o le a maua ai e tagata aoga se avanoa e faailoa ai ma faasoa mai fuaitau o mau ma toe manatunatu ai i a latou sini patino mo suesuega.E mafai ona e fetuunai ni vaega o lenei lesona ina ia lava ai se taimi mo vaega o le “Fefaasoaaiga a Tagata Aoga” ma “Sini mo le suesueina o tusitusiga paia”.

O le tosinaga o tusitusiga paia

I le aluga o taimi, na leiloloa tusitusiga paia, ma liliu ese le malo o Iuta mai le Alii.I lalo o nofoaiga a tupu o Manase ma Amone, sa faatino ai e tagata le ifo i tupua ma isi faiga amioleaga, e aofia ai le osia o taulaga i fanau laiti (tagai 2 Tupu 21).Ina ua mavae le maliu o Amone, na avea lona atalii o Iosia ma tupu i le valu o ona tausaga.Sa amiotonu Iosia.I le tausaga lona 18 o lana nofoaiga, na faatulaga ai e Iosia se tupe totogi mo tagata faigaluega e toe faaleleia le malumalu i Ierusalema (tagai 2 Tupu 22:1–7).

Afai na e nanaina se Tusi Paia a o lei amataina le vasega, faamatala atu o loo i ai ni tusitusiga paia ua leiloloa i se mea o totonu o le potuaoga.Valaaulia tagata aoga e sue i latou.Fai atu i le tagata e mauaina le Tusi Paia e sue le faailogatusi.Ona tuu atu lea ia i latou o faatonuga nei:

Faitau 2 Tupu 22:8–13, vaavaai mo le mea na tupu a o toe faaleleia le malumalu.

O le a le mea na maua e le faitaulaga sili o Hilikia?
Na faapefea ona tali atu le Tupu o Iosia ina ua uma ona faalogo i upu o le tusi, po o tusitusiga paia?

Na filifili Iosia e faitau le tusi i tagata uma o Ierusalema (tagai 2 Tupu 22:14–20; 23:1–2).

Faitau 2 Tupu 23:1–3, vaavaai mo le tosinaga na i ai ia Iosia ma lona nuu mai le faitauina ai o tusitusiga paia.Mafaufau e faailoga mea e te mauaina.

O le a se mea e mafai ona tatou aoao mai i nei fuaiupu e uiga i a tatou lava suesuega o tusitusiga paia?

Faatasi ai ma malamalamaaga na faasoa mai e tagata aoga, atonu latou te faailoa mai ai e faapea o le suesueina o tusitusiga paia e mafai ona fesoasoani ia i tatou e liliu atu ai i le Alii ma o tatou loto atoa.E mafai ona tusia lenei mea i luga o le laupapa ma faasino atu i ai i le taimi atoa o totoe o le lesona.

Ina ia malamalama lelei i lenei mataupu faavae, e mafai e tagata aoga ona faamaeaina mea nei faatasi ma se paga.E mafai e tagata aoga taitasi ona suesue se seti se tasi o fuaiupu.Ona mafai lea e paga ona faasoa atu i le tasi ma le isi mea na latou aoaoina ma talanoaina fesili o loo tuuina faatasi atu ai.

A o aoao Iosia ma lona nuu mai tusitusiga paia ma liliu atu i le Alii, sa musuia i latou e faia ni suiga i o latou olaga.Faitau fuaiupu ua atofaina atu ia te oe, ma vaavaai mo suiga na latou faia.

Tagata aoga 1

2 Tupu 23:4, 24.

Aisea e te manatu ai na manaomia e tagata ona faatamaia uma a latou tupua ia liliu atu ai i le Alii ma o latou loto atoa ?
E mafai faapefea e le suesueina o tusitusiga paia ona fesoasoani ia i tatou e liliuese ai mai faatosinaga leaga i o tatou olaga?

Tagata aoga 2

2 Tupu 23:21–22.

O le a le faiga faalelotu na toe mulimuli i ai Iosia ma ona tagata ina ua uma ona faitau tusitusiga paia?
E mafai faapefea e le suesueina o tusitusiga paia ona fesoasoani ia i tatou e manatua ai le Faaola ma ola ai i Lana talalelei?

Faasoa a le tagata aoga

O le vaega lenei o le lesona ua fuafuaina mo le mafaufau loloto ma le faasoaina atu e le tagata lava ia.E mafai e tagata aoga ona faasoa mai pe na faapefea ona fesoasoani tusitusiga paia (pe ono mafai foi ona fesoasoani) ia i latou e liliu atu ai i le Alii.

Na aoao mai Peresitene Spencer W. Kimball (1895–1985) e uiga i le tosinaga o le suesueina o tusitusiga paia i lona olaga:

“Ua ou iloaina a ou manatu faatalale i a‘usootaga ma le paia, ma a oo ina foliga mai e le o faafofoga mai le Atua ma leai se siufofoga paia o fetalai mai, o lona uiga ua ou matua mamao, mamao ese lava.Afai ou te faatofuina au lava i tusitusiga paia, ona puupuu lea o le mamao ma toe foi mai le faaleagaga. (Aoaoga a Peresitene o le Ekalesia: Spencer W. Kimball [2006], 67)

Faailoa mai se mau na fesoasoani (pe ono mafai foi ona fesoasoani) ia te oe e liliu atu ai i le Tama Faalelagi ma Iesu Keriso.E mafai ona maua mai i lau suesuega patino po o le suesueina o tusitusiga paia faaleaiga po o se lesona seminare ua mavae, pe atonu foi o se fuaitau o le atamai i aoaoga faavae.Sauni e faasoa atu mea nei:

Na faapefea ona fesoasoani lenei fuaitau (pe faapefea ona ono fesoasoani) ia te oe e liliu atu ai i le Tama Faalelagi ma Iesu Keriso ma lou loto atoa?

A saunia loa tagata aoga e faasoa mai, valaaulia tagata uma e tusi a latou fuaitau i luga o le laupapa e faataamilo i le upumoni lea na latou faailoaina mai muamua.Fai atu mo ni volenitia se toatele e faitau a latou fuaitau ma faasoa mai o latou malamalamaaga po o aafiaga.Afai e manaomia, e mafai foi ona e faasoa atu ni fuaitau na fesoasoani ia te oe e liliu atu ai i le Alii.

Mafaufau e faasino atu i fuaitau i luga o le laupapa e lei faasoaina atu.Atonu e te fesili atu pe o le a naunau tagata aoga na tusia i latou e faasoa mai.Pe e mafai foi ona e valaaulia le vasega e faitau le fuaitau ma talanoaina pe faapefea ona fesoasoani ia i tatou e liliu atu ai i le Alii.

A o faasoa mai e tagata aoga, e mafai ona e fai atu ni fesili tulitatao e uunaia ai talanoaga a le vasega.Mo se faataitaiga, atonu e te fesili atu, “Pe na i ai se isi tagata na i ai se aafiaga i lena fuaitau?Pe e te naunau e faasoa mai?” po o le “O a ni mafaufauga ma lagona na e maua a o e faalogo atu i le tasi ma le isi?”

Sini mo le suesueina o tusitusiga paia

Mafaufau e faasoa atu lau molimau e mafai ona maua e au tagata aoga se aafiaga faapena e pei ona faia e Iosia a o ia suesueina tusitusiga paia (tagai 2 Tupu 23:25).Valaaulia tagata aoga e toe iloilo a latou sini mo le suesueina e le tagata lava ia o tusitusiga paia ma lo latou alualu i luma i le faitauina o mataupu atofaina o le Feagaiga Tuai.Tuu atu i tagata aoga se taimi e manatunatu ai i fesili nei.

Pe e te lagona o loo fesoasoani lau sini o le suesueina o tusitusiga paia i le taimi nei ia te oe e liliu atoatoa atu ai i le Tama Faalelagi ma Iesu Keriso?Afai o lea, na faapefea ona e vaai i lenei mea o tupu?Afai e leai, o a ni fetuunaiga o le a e faia?
O a ni aafiaga anoa na e maua i le faitauina o mataupu o le Feagaiga Tuai ua atofaina?O le a se mea o le a e faia ina ia mautinoa ai ua e faamaeaina faitauga ua atofaina?

Uunaia tagata aoga e faaauau a latou taumafaiga e suesue i tusitusiga paia i aso taitasi.

O Punaoa Faaopoopo

Aisea e taua ai le suesueina i aso uma o tusitusiga paia?

Na aoao mai Peresitene Russell M. Nelson:

24:24

A o tatou saili e avea ma soo o Iesu Keriso, o a tatou taumafaiga ia faalogo ia te Ia e manaomia ona matuā faia ma le faamoemoe sili i ai. E manaomia ai le lotofuatiaifo ma taumafaiga tumau e faatumu o tatou olaga i aso taitasi i Ana afioga, Ana aoaoga, Ana upumoni.

E le mafai ona tau na ona tatou faalagolago i faamatalaga tatou te tau atu iai i luga o ala o faasalalauga faaagafesootai.I le faitau piliona o upu i luga o le initoneti i se lalolagi ua faatumulia i faasalalauga faatosina faifai pea a taumafaiga malomaloā ma leaga tele a le tiapolo, o fea e mafai ona tatou ō i ai e faalogo ai ia te Ia?

E mafai ona tatou ō i tusitusiga paia.Latou te a’oa’o mai i tatou e uiga ia Iesu Keriso ma Lana talalelei, le silisili ese o Lana Togiola, ma le fuafuaga sili o le fiafia ma le togiolaina a lo tatou Tama.O le faatofuina i aso taitasi i le afioga a le Atua e taua tele mo le ola faaleagaga, aemaise lava i nei aso o le faatupulaia o fevesiaiga.A o tatou taumamafa ai i afioga a Keriso i aso taitasi, o le a ta’u mai e afioga o Keriso ia i tatou le auala e tali atu ai i faigata tatou te le’i mafaufauina o le a tatou fetaia’i.(“Faalogo ia te Ia,” Liahona, Me 2020, 89)

E mafai faapefea ona tatou faaaogaina le tala ia Iosia i o tatou lava olaga?

Na saunoa mai Peresitene Spencer W. Kimball:

“Ou te talitonu e i ai lava se taimi i o tatou olaga e tatau ai ia i tatou taitoatasi ona iloa tusitusiga paia mo i tatou lava—a e le na o le iloa i se taimi e tasi, a ia toe saga saili pea ia iloa ma saga iloa. …

O le tala i le Tupu o Iosia i le Feagaiga Tuai o se tala e sili ona aoga e “faatatau ai … ia te i tatou lava.”(1 Ni. 19:24) Ia te au lava ia, o se tasi lea o tala e sili ona matagofie i tusitusiga paia uma. …

“E malosi lava lou lagona e tatau ia i tatou uma lava ona toe foi i tusitusiga paia e pei ona faia e le Tupu o Iosia ma tuu atu ia galue malosi i totonu o i tatou, ma uunaia ai i tatou i se naunautaiga mautu e auauna atu i le Alii. …(Aoaoga a Peresitene o le Ekalesia: Spencer W. Kimball [2006], 62, 63)

2 Tupu 22:14.O ai Hulata le perofeta fafine?

O Hulata o se perofeta fafine i le uiga e faapea, sa ia te ia le meaalofa o valoaga, lea e avanoa mo tagata uma o le Ekalesia (tagai foi “Perofeta Fafine” i le Taiala i Tusitusiga Paia).Sa ia ta’u atu i tagata le valoaga o le faamasinoga e faasaga i e amioleaga, lea sa i ai i tusitusiga paia.Sa ia valoia foi o le a faamanuiaina Iosia ona o lona faamaoni i le Alii (tagai 2 Tupu 22:15–20).

Gaoioiga Faaopoopo e Aoao Ai

Malamalama ai i le tala ia Iosia

Ina ia fesoasoani i tagata aoga ia malamalama i le talafaasolo ia Iosia, mafaufau e tufatufa atu le itulau o gaoioiga “O tusitusiga paia o se faamanuiaga (2 Tupu 22:8–11; 23:2).”

E mafai foi ona e matamata “Tupu o Iosia” (1:36).

1:36

O Se Liua Tele o le Loto

Valaaulia tagata aoga e fesootai pe fefaasinoa‘i 2 Tupu 23:1–3 ma Mosaea 5:1–5.E mafai ona e faamatala atu o le Tupu o Peniamina o se isi tupu na faapotopotoina ona tagata e aoao i latou i le afioga a le Atua.Valaaulia tamaiti aoga e faitau Mosaea 5:1–5, ma faatusatusaina le tala i le nuu o le Tupu o Peniamina ma le nuu o le Tupu o Iosia.

O a ni mea e talitutusa ai na e mauaina?
O a fesootaiga na e vaaia i le va o loto o tagata ma lo latou naunautaiga e osia ma tausia feagaiga ma le Alii?E faapefea ona faatatau ia i tatou i le taimi nei?

2 Tupu 23:24.Tuueseina ai o mea inosia uma

E mafai ona e aoteleina 2 Tupu 23:4–24 e ala i le faamatala atu na faamautinoa e Iosia e faapea na faatamaia mea uma tau i tapuaiga sese.Sa ia tu’ilili‘i i latou i le lefulefu ma susunuina (tagai 2 Tupu 23:4, 6, 14, 15, 24).Ina ia faaali atu i tamaiti aoga se isi faataitaiga o lenei ituaiga o tautinoga i le Atua, mafaufau e matamata “Tautinoga Le Maluelue ia Iesu Keriso” mai le faailo taimi 0:18 i le 1:39.

13:52

Valaaulia tagata aoga e faitau le leoa le faamatalaga lenei ma mafaufau loloto i fesili o loo tuuina faatasi atu ai.

Na aoao mai Elder Dale G. Renlund o le Korama a Aposetolo e Toasefululua:

Ua valaaulia i tatou e le Atua ia lafoaiese atoa o tatou ala tuai ia le toe oo i ai ma amata se olaga fou ia Keriso.(“Tautinoga Mausali ia Iesu Keriso,” Liahona, Nov. 2019, 23)

O a nisi o mea e te lagona e ono finagalo le Faaola e te lafoai mai lou olaga ina ia mafai ona e mulimuli atili ai ia te Ia?
E mafai faapefea e le lafoaiina o nei mea ona fesoasoani ia te oe e liliu atu ai i le Alii ma lou loto atoa?

Valaaulia tamaiti aoga e fai lenei mea ma taulaiga o a latou suesuega patino o tusitusiga paia.Uunaia i latou e saili le fesoasoani a le Alii e maua ai le lototele po o le fatufatuai e manaomia e aveese ai faatosinaga leaga mai o latou olaga.

Tesiina o le Upumoni

A uma ona faasoa mai e tagata aoga fuaitau o mau na fesoasoani ia i latou e liliu atu ai i le Alii, e mafai ona e matamata “Upu Moni o le Feau Fetusiai” (2:22).Valaaulia tagata aoga e filifili se tasi o fuaitau na faasoa mai i le vasega ma tesi atu i se uo po o se tagata o le aiga.

“Fai le mea e sili ona taua”

A o lei toe manatunatu tagata aoga ma fetuunai a latou sini patino mo le suesueina o tusitusiga paia, e mafai ona e matamata “Fai le Mea e Sili Ona Taua” mai le faailo taimi 1:57 i le 2:44.Sa faasoa mai e Sister Rebecca L. Craven se talanoaga sa ia faia lea sa ia faamatala ai le taua o le suesueina o tusitusiga paia ma le tatalo.

10:45