Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Tupu 18: Filifili Ai e Mulimuli i le Alii

“1 Tupu 18: Filifili e Mulimuli Ai i le Alii,” Tusi Lesona a le Faiaoga Seminare o le Feagaiga Tuai (2026)

“1 Tupu 18: Filifili e Mulimuli Ai i le Alii,” Tusi Lesona a le Faiaoga Seminare o le Feagaiga Tuai

1 Tupu 12–13; 17–22: Lesona 82

1 Tupu 18

Filifili e Mulimuli Ai i le Alii

The Old Testament prophet Elijah standing next to an altar. Elijah has his arms extended as he commands fire from heaven to consume the altar.

O le ā le malosi o lou tuuto e mulimuli i le Atua?Ina ia faaalia e faapea o le Atua o Isaraelu e na o ia lava le Atua moni, na lu’iina ai e Elia ositaulaga a Paala i se tauvaga.Na tali le Alii i tatalo a Elia ma manumalo ai i le tauvaga.E mafai ona fesoasoani lenei lesona i tagata aoga e lagona ai se manao sili atu e mulimuli i le Alii.

Sauniuniga a le tagata aoga: Valaaulia tagata aoga e mafaufau i se taimi se tasi pe sili atu i o latou olaga na latou iloa ai e moni le Tama Faalelagi po o Iesu Keriso, pe na latou lagonaina ai foi Lo La‘ua mana i o latou olaga.Pe mafai foi ona latou mafaufau i mea e mafai ona latou faia e iloa ai pe moni le Tama Faalelagi ma Iesu Keriso ma pe tatau ona latou mulimuli atoatoa ia i La’ua.

Gaoioiga e Ono Mafai Ona Aoao Ai

Pe mafai ona tatou mulimuli i tosinaga se lua i le taimi e tasi?

I le faaaogaina o le mea faapipii po o se isi punaoa, fai ni laina se lua i luga o le fola i itu faatauagai e pei ona faaalia i lalo.Fai atu i se tagata aoga e tu i le ogatotonu lea e felataa‘i faatasi ai pito o laina ma tuu vae taitasi i luga o laina taitasi.

Simple drawing of a stick figure standing on two blue lines with arrow heads at the end

Fai atu i le tagata aoga e fai ni nai laa, ma taumafai e savali i laina uma e lua.Fesili atu ia i latou po o le a le umi latou te lagona e mafai ona latou faia ai lea tulaga.Afai e tatau ai, faailoa atu e ui lava e mafai e se tasi ona savali i laina uma e lua mo se mamao puupuu, ae o le a le mafai mo se taimi umi, pe o le a latou savavali lelei foi i laina uma e lua.

Fai iatu i le tagata aoga e toe foi i o latou nofoaga.

Mo lenei lesona, o le tasi laina e mafai ona faatusa i ala o le Alii, ae o le isi e mafai ona faatusa i isi tosinaga e le ogatasi ma ala o le Alii.

O a nisi o auala e ono mafai ona tatou taumafai ai e mulimuli i le Alii atoa ma isi tosinaga i le taimi e tasi?

Ua luiina e Elia faitaulaga a Paala i se tauvaga

I le 1 Tupu 18, sa manao Elia i le malo o Isaraelu ia tuuto atoatoa atu i le Alii.Ua tusa ma le tolu tausaga talu ona faaaoga e Elia lona mana faamau e aumai ai se lamala i luga o le laueleele (tagai 1 Tupu 17:1).Ae sa faaauau pea ona tapuai Isaraelu i atua pepelo, e aofia ai Paala (tagai 1 Tupu 18:18).Na luiina e Elia le faitau selau o perofeta pepelo a Paala ma perofeta o le togavao i se tauvaga i luga o le Mauga o Karamelu e faamaonia ai pe o Paala po o Ieova o le Atua moni (tagai 1 Tupu 18:19).A o le’i amataina le tauvaga, na talanoa atu Elia i tagata.

Faitau 1 Tupu 18:21, e vaavaai mo upu a Elia i tagata.O le upu taofi i le tulaga lenei o lona uiga o le faatuai pe faavaivai.

O le a le mea na ta’u atu e Elia i tagata e fai?

Na toe faaupuina e Elder D. Todd Christofferson o le Korama a Aposetolo e Toasefululua le faamatalaga a Elia faapenei:

O le asō atonu e faapea mai Elia:

Pe o loo i ai le Atua, lo tatou Tama Faalelagi, pe leai, ae afai o loo i ai o Ia, tapuai atu ia te Ia.

Pe o Iesu Keriso o le Alo o le Atua, le Togiola toetu o tagata uma, pe leai, ae afai o lena, mulimuli atu ia te Ia.(“Tumau ma Mausali i le Faatuatua o Keriso,” Liahona, Nov. 2018, 30)

O le a se mea sa tulaga ese ia te oe mai saunoaga a Elia ma Elder Christofferson?

Valaaulia tagata aoga e faasoa mai o latou manatu.O nisi o upumoni e mafai ona tatou aoaoina o:

Ua faatagaina i tatou e le Alii e filifili pe o le a tatou mulimuli ia te Ia po o atua pepelo ma ala amioletonu o le lalolagi.

A tatou iloa o loo soifua le Tama Faalelagi ma o Iesu o le Keriso, e tatau ona tatou tuuto atu e mulimuli ia i La‘ua.

Tali fesili nei i totonu o lau api talaaga mo suesuega:

O le a le malosi ou te talitonu ai o loo i ai so’u Tama oi le Lagi ma se Faaola?
O le a le malosi o la’u tautinoga e mulimuli ia i La‘ua?
O le a se mea e ono taofia ai a‘u mai le tuuto atu e mulimuli atoatoa ia i La‘ua?

A o faaauau lau suesuega, saili le taitaiga a le Agaga Paia e fesoasoani ia te oe e iloa ai pe faapefea ona e faatoilaloina soo se faafitauli e ono taofia ai oe mai le mulimuli atu atoatoa i le Tama Faalelagi ma Iesu Keriso.

O le tauvaga i le va o Paala ma Ieova

Faitau 1 Tupu 18:23–24, vaavaai mo tulaga o le tauvaga i le va o Elia ma perofeta pepelo a Paala.

Sa taumafai muamua faitaulaga a Paala, ma valaau atu i lo latou atua pepelo mo le tele o itula.Faitau 1 Tupu 18:26–29, e vaavaai mo le mea na tupu.

O le a se mea na e mauaina?

Ina ia iloa le mea na tupu ina ua valaau atu Elia i le Atua, faitau 1 Tupu 18:30–39.Ona avane lea o se fasipepa ma gaulua tutusa.I le tasi afa o le pepa, tusi se ata o le mea na tupu ina ua saunia e Elia lana taulaga ma valaau atu i le Atua.

O le a sou manatu ma lagona pe ana faapea e te i ai iina?
E mafai faapefea ona aafia ai lau molimau i le Alii ma lou naunautaiga e mulimuli ia te Ia?

I le isi afa o lau pepa, tusi upu pe tusi se ata o se taimi se tasi pe sili atu i lou olaga na e iloa ai e moni le Tama Faalelagi po o Iesu Keriso, po o se taimi na e lagonaina ai foi Lo La mana i lou olaga.Pe mafai foi ona e tusia pe tusi se ata o mea e mafai ona e faia e iloa ai pe moni i La‘ua ma pe tatau ona e mulimuli atoatoa ia i La‘ua.

Pe a mae’a le galuega a tagata aoga, mafaufau e tuuina atu i ni nai volenitia se taimi e faasoa mai ai mea na latou tusia ata pe tusiupuina pe afai e le maaleale patino tele.O le uunaia o le toatele o tagata aoga e faasoa mai e mafai ona tuuina atu ai ni vaaiga eseese ma fesoasoani ai i isi tagata aoga ia iloa pe faapefea e upumoni o loo latou aoaoina ona aafia ai i latou.Atonu fo’i e aogā le faia o fesili e pei o fesili o loo tuuina atu i lalo.

E faapefea e le toe mafaufau i ou lava aafiaga o le vaaia o le mana o le Tama Faalelagi ma Iesu Keriso i lou olaga ona fesoasoani ia te oe i lau tautinoga e tapuai ma mulimuli ia i La’ua?
Aisea e te manatu ai e aoga le mulimuli atoatoa i le Tama Faalelagi ma le Faaola o Iesu Keriso?

Ina ia faaiuina lenei lesona, tusi i lau api talaaga mo suesuega ou lagona e uiga i le mulimuli atoatoa ai i le Tama Faalelagi ma Iesu Keriso.Saili le taitaiga a le Agaga Paia e fesoasoani ia te oe e manatua mafaaleo ou lagona.E mafai ona e faaaofia ai mea e te manao e fai pe manatua ona o lenei lesona.

Faasoa atu lau molimau i le Tama Faalelagi ma Iesu Keriso ma faamanuiaga o le mulimuli atoatoa ia i La’ua.

O Punaoa Faaopoopo

O a nisi o auala tatou te “to‘alia ai i le va o manatu e lua” i aso nei?

Na aoao mai e Elder David P. Homer o le Fitugafulu le tele o auala e mafai ona tatou le mautonu ai po o ai e mulimuli i ai:

O loo tatou ola i se lalolagi e tele leo o loo sailia lo tatou gaua‘i atu.Faatasi ai ma talafou uma i mea o loo tutupu i le taimi nei, tweetw, blogs, podcasts, ma fautuaga faatauanau mai ia Alexa, Siri, ma isi, ua faigata ai ona tatou iloa po o fea leo e faatuatuaina.O nisi taimi tatou te fesili atu i ni vaega ‘au‘aufaatasi mo ni manatu taiala i o tatou olaga, ma le manatu o le a aumaia e le toatele ni punavai sili ona lelei o mea moni.O nisi taimi tatou te “faaletonu … i manatu e lua,”(1 Tupu 18:21), filifili ai “ia le malulu pe vevela.” (Faaaliga 3:15–16).O nisi lava taimi tatou te mulimuli i mea e faigofie, taulai atu i se leo e tasi po o se mataupu e taitaia i tatou, po o le faalagolago atoa atu i lou lava tomai e mafaufau ai. …

E le faapea o mea e tautaua o mea sili ia i taimi uma.O le faaletonu i ni manatu se lua e le aumaia se taitaiga.O le faigofie e seāseā ona taitai atu ai i ni mea e taua.O le taulai atu i se leo po o se mataupu e tasi e mafai ona faaletonu ai lo tatou tomai e iloa tonu ai.Ma o le faalagolago atoatoa atu i o tatou lava manatu e mafai ona taitai atu ai i tatou i manatu faaleiloga ma soona faafiapoto.Afai tatou te le faaeteete, e mafai e leo sese ona tosoesea i tatou mai le totonugalemu o le talalelei i nofoaga e faigata ai ona faatumauina le faatuatua, ma tatou maua ai sina mea e sili teisi lava ma le tuugaogaoina, lototiga, ma le le faamalieina.

Ma o lea, e manaomia ona tatou filifili po o fea o leo eseese uma ia o le a tatou usiusitai i ai.Pe o le a tatou mulimuli ea i leo e le faatuatuaina o loo fautua mai e le lalolagi, pe o le a tatou faia le galuega manaomia e faataga ai le siufofoga a lo tatou Tama e taialaina i tatou i a tatou faaiuga ma puipuia i tatou mai tulaga lamatia?(“Faalogo i Lona Siufofoga,” Liahona, Me 2019, 41–43)

E faape‘ī foliga o le Mauga o Karamelu?

Sa faapotopoto le perofeta o Elia ma perofeta pepelo a Paala i le Mauga o Karamelu.O le ata lenei o le Mauga o Karamelu i Isaraelu e mafai ona fesoasoani i tagata aoga e vaai faalemafaufau ai i le nofoaga na valaauina ai e Elia le afi mai le lagi ma perofeta pepelo a Paala.

Gaoioiga Faaopoopo e Aoao Ai

O se isi amataga

Valaaulia tagata aoga e taumafai e fai ni gaoioiga se lua i le taimi e tasi, e pei o le faia o ni tulei i luga (push ups) ma ni puna osooso (jumping jack), po o le faitauina o se tusi ma faia se talanoaga ma se uo.Talanoaina pe aisea e le aoga ai le taumafai e faia ni mea se lua i le taimi e tasi.Valaaulia i latou e faitau le fesili a Elia i le 1 Tupu 18:21.

“Faaola e, ia Ou Alofa”

Mafaufau e amata le lesona i le pese “Le Alii e, Ou Te Mulimuli Atu ia te Oe” (Viiga, Nu. 220).

I se isi faiga, a uma ona fai atu le fesili i le tau faaiuiuga o le lesona, “Aisea e te manatu ai e aoga le mulimuli atoatoa i le Tama Faalelagi ma le Faaola o Iesu Keriso?”, mafaufau e usu le pese“Le Alii e, Ou Te Mulimuli Atu ia te Oe.”Valaaulia tagata aoga e faasoa mai po o a upu po o fasifuaitau i lenei viiga e musuia ai i latou ia mulimuli i le Alii.

1 Tupu 19:1–12.Ua fetalai mai le Alii ia Elia e ala i le leo filemu ma le itiiti

O nei fuaiupu i le 1 Tupu 19 o le a avea ma mataupu i le Lesona 162: “Sailiina o Faaaliga Patino mo A‘u Fesili,” ae afai e te manao foi e aoao atu e uiga i ai iinei, mafaufau i le manatu lenei:

Ta ni leo eseese mo tagata aoga ma valaaulia i latou e faamatala mai ia leo.O nisi o faataitaiga atonu o se alaga, o se matagi malosi, o se mafuie, ma se musumusu.Valaaulia tagata aoga e faasoa mai mea e manaomia e faalogo ai ma iloa ai leo taitasi.

Ina ua mavae le tauvaga a Elia ma faitaulaga a Paala, sa fasiotia faitaulaga amioleaga ma sa faaaoga e Elia le mana o le Atua e tatala mai ai timuga, ma faamutaina ai tausaga o le lamala (tagai1 Tupu 18:40–45).E ui lava ina ua mavae le afi faavavega mai le lagi ma timuga, ae na tauto Iesepela o le a ia aveesea le ola o Elia e tauimasui ai, ma mafua ai ona sola Elia ma lafi i se ana (tagai 1 Tupu 19:1–8).

Faitau le 1 Tupu 19:9–13, ma vaavaai pe na faapefea ona talanoa le Alii ma Elia.

O le a se mea e mafai ona tatou aoao mai i lenei tala e faatatau i le auala e masani ai ona fesoʻotaʻi le Alii ma i tatou?

Afai e aoga, valaaulia tagata aoga e filemu ma ‘aua le pisa mo le 30 sekone ma faalogologo mo soo se leo e te lei matauina muamua.Fesili atu pe faapefea ona faaalia i lenei gaoioiga mea e tatau ona tatou faia ina ia maua ai savali e ono tuuina mai e le Alii ia i tatou e ala i le leo filemu ma le itiiti o le Agaga.

O le a se mea e fesoasoani ia te oe e iloa ai ma faalogo ai i le leo filemu ma le itiiti o tautala atu ia te oe?
O a faamanuiaga ua e iloaina ona o le uunaiga a le Agaga i lou olaga?

A uma ona faasoa mai tagata aoga, mafaufau e faasoa atu foi aafiaga patino ma molimau.