Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Tupu 17: “Sa Alu Atu o Ia ma Faia e Tusa ma le Fetalaiga a Elia”

“1 Tupu 17: ’Sa Alu Atu o Ia ma Faia e Tusa ma le Fetalaiga a Elia,’” Tusi Lesona a le Faiaoga Seminare o le Feagaiga Tuai (2026)

“1 Tupu 17: ’Sa Alu Atu o Ia ma Faia e Tusa ma le Fetalaiga a Elia,’” Tusi Lesona a le Faiaoga Seminare o le Feagaiga Tuai

1 Tupu 12-13; 17-22: Lesona 81

1 Tupu 17

“Sa Alu Atu o Ia ma Faia e Tusa ma le Fetalaiga a Elia”

A painting by James Johnson showing a woman with long brown hair and a simple tunic, pouring oil into a small plate.

O lo tatou Tama i le Lagi alofa ma Lona Alo, o Iesu Keriso, e masani ona tuuina mai ia i tatou avanoa e faatino ai le faatuatua ia i La’ua i le lotolotoi o faigata o le olaga.I le ogatotonu o se lamala, na talosaga atu ai le perofeta o Elia i se fafine ua oti lana tane i Sarefata e avatu iā te ia le toega o lana mea’ai.A o faatino e le fafine ua oti lana tane i le faatuatua, sa folafola atu e le Alii ia te ia faamanuiaga silisili.E pei o le fafine ua oti lana tane, e mafai ona tatou faaalia lo tatou faatuatua i le Atua e ala i le mulimuli i Ana perofeta.E mafai ona fesoasoani lenei lesona i tagata aoga e galulue ai ma le faatuatua sili atu i le Tama Faalelagi ma Iesu Keriso e ala i le mulimuli i upu a perofeta.

Sauniuniga a le tagata aoga: Valaaulia tagata aoga e faailoa mai se mea ua valaaulia i tatou e le Alii e fai e ala mai i Lana perofeta ma se folafolaga ua Ia tuuina mai pe afai tatou te faia.Valaaulia tagata aoga e o mai i le vasega ua saunia e faasoa mai.

Gaoioiga e Ono Mafai Ona Aoao Ai

O valaaulia faaperofeta

Ina ia fesoasoani i tagata aoga ia iloa le auala e tuuina mai ai e le Tama Faalelagi ma Iesu Keriso le taitaiga ia i tatou e ala mai i a La perofeta, e mafai ona e faaali atu le gaoioiga lenei.Mafaufau e faaaofia ai le perofeta o loo i ai nei ma se valaaulia na ia tuuina mai talu ai nei.A leai, e mafai e tagata aoga ona ta’ua suafa o ni nai perofeta (e aofia ai le perofeta o i ai nei) ma lisi ia le itiiti ifo ma le tasi se valaaulia ua tuuina mai e le Alii ia i tatou e ala mai i [na] perofeta taitasi.

Faafetaui perofeta i se valaaulia na tuuina mai e le Alii i o latou tagata:

Uso o Iareto
Mose
Liae
Polika Iaga (Brigham Young)

Tuua Ierusalema ae alu atu i le vao.
Malaga i Mauga Papa.
Sa fausia ni vaa e sopoia ai le vasa e oo atu ai i le laueleele na folafolaina.
Sopoia le Sami Ulaula i luga o le eleele matutu.

Tali: 1–I (tagai Eteru 2:16; 6:4, 12); 2–O (tagai Esoto 14:21–22); 3–A (see 1 Nephi 2:1–2); 4–E (tagai Mataupu Faavae ma Feagaiga 136:1).E mafai ona e valaaulia tagata aoga e mafaufau loloto pe semanu latou te mulimuli i lenei taitaiga faaperofeta pe ana faapea na latou ola ai i aso o na perofeta.

Valaaulia tagata aoga e toe mafaufau i a latou tali i valaaulia a le perofeta soifua e ala i le faia o mea nei.

I se fua o le 1–10, pe faapefea ona e faatulagaina oe lava i faamatalaga taitasi nei:

Ou te talitonu e fetalai mai le Alii e ala mai i perofeta.
Ua ou masani i mea o loo aoao mai e le Alii e ala mai i Ana perofeta i aso nei.
O loo o‘u mulimuli i aoaoga a le Alii ua tuuina mai e ala mai i Ana perofeta.

A o e suesue le 1 Tupu 17, gauai atu i manatu ma malamalamaaga mai le Agaga Paia.Mafaufau pe faapefea e lau suesuega i le asō ona aafia ai ou lagona e uiga i nei faamatalaga.

Elia ma le Fafine Sarefata ua Oti Lana Tane

O parakalafa nei e lua e mafai ona faitau pe aoteleina.

Ona o le amioleaga, na vaeluaina ai le malo o Isaraelu: o Isaraelu ma Iuta (tagai 1 Tupu 11–12).I le taimi o le nofoaiga a le Tupu amioleaga o Aapo, na auina atu ai e le Alii Lana perofeta o Elia i le nuu o Isaraelu.

I le faaaogāina ai o le mana o le Atua, na taofia ai e Elia timuga mai le oo mai i luga o le laueleele, lea na i’u ai i tausaga o le lamala.Na saunia e le Alii mea na manaomia e Elia, ma faatonuina o ia e lafi i tafatafa o se vaitafe lea na fafagaina ai o ia e oreva (tagai 1 Tupu 17:1–6).

Tagai i le 1 Tupu 17:8–16.

Na faapefea ona faaalia e Elia po o le fafine ua oti lana tane le faatuatua ia Iesu Keriso?
Na faapefea ona faataunuu le folafolaga a le Alii?
E mafai faapefea e Elia ma le fafine ua oti lana tane ona avea ma faatusa o Iesu Keriso?

Valaaulia tagata aoga e faasoa mai a latou tali.O se tasi o auala e mafai ona faamanatu atu ai e Elia i tagata aoga ia Iesu Keriso o le valaaulia lea o le fafine ua oti lana tane e mulimuli i le mea na ia fai mai ai ina ia faaolaina.Sa ia folafola atu foi ia te ia o le a faateleina meaai (1 Tupu 17:14–16), e pei ona folafolaina atu e le Faaola mo isi (tagai Mataio 14:15–21).O se tasi o auala e mafai ona faamanatu atu ai e le fafine ua oti lana tane i tagata aoga ia Iesu Keriso, o le ala lea sa naunau ai o ia e ositaulagaina mea uma sa ia te ia, e pei ona sa faia e le Faaola.

Fesili atu po o a lesona na aoaoina e tagata aoga mai lenei tala.Atonu e mafai ona faasoa mai e tagata aoga mataupu faavae eseese.Afai latou te le o ta’ua le upumoni lenei, ia mautinoa e faaopoopo i ai: O le faatino ai i le faatuatua o afioga a le Faaola e aumaia ai Ana faamanuiaga folafolaina.E aofia ai afioga a le Faaola e ala mai i Ana perofeta.
O le a se mea e mafai ona faafaigata ai ona faatino i le faatuatua aoaoga a le Faaola?
O le a se mea ua e iloa e uiga i le Tama Faalelagi ma Iesu Keriso e mafai ona fesoasoani ia te oe e faatino ai i le faatuatua?

O fetalaiga a le Faaola e ala mai i Ana perofeta

Valaaulia tagata aoga e faasoa mai le mea e mafai ona maua ai afioga a le Alii na tuuina mai e ala mai i Ana perofeta.E faaopoopo atu i tusitusiga paia ma konafesi aoao, e mafai e tagata aoga ona faasoa mai ni punaoa e pei o Liahona maMo Le Malosi o le Autalavou o mekasini, Mo Le Malosi o le Autalavou: O Se Taiala mo le Faia o Filifiliga, ma ala o faasalalauga faaagafesootai.

Valaaulia tagata aoga e faaaoga soo se tasi o nei punaoa e faamaea ai le gaoioiga lenei.Mafaufau e faaali atu faatonuga ma tuu atu i tagata aoga se aofaiga patino o se taimi e suesue ai.

Ia fai ni koluma se lua i lau api talaaga mo suesuega.Tusi se ata o se pāpā falaoa i le koluma agavale e sui ai le areto a le fafine ua oti lana tane ma se fagu suauu ma se kate (ipu) meaai (tagai 1 Tupu 17:12, 16) i le koluma taumatau.
Faaigoa le koluma agavale O Mea ua Poloai Mai ai le Tama Faalelagi ma Iesu Keriso.Faaigoa le koluma taumatau O O Latou Faamanuiaga Folafolaina.
I le koluma agavale, fai se lisi o mea o loo poloaiina ai i tatou e le Tama Faalelagi ma Iesu Keriso e fai e ala mai i a La perofeta.I le koluma taumatau, lisi faamanuiaga folafolaina o le usiusitai ai i a La‘ua upu/fetalaiga.

Atonu e aoga le tuuina atu o se faataitaiga mo tagata aoga.E mafai ona e ofoina atu le “ola ai i le Upu o le Poto” mo le koluma agavale.Ona mafai lea e tagata aoga ona faitau le Mataupu Faavae ma Feagaiga 89:18–21mo faamanuiaga ua folafolaina mai e le Alii.I se isi faiga, e mafai ona e faasoa atu se faataitaiga talu ai nei mai upu a le perofeta i le konafesi aoao.

Valaaulia tagata aoga e faasoa mai mea na latou tusiina i a latou koluma i totonu o ni vaega toalaiti.Ia mautinoa ua maua e tagata aoga taitasi se avanoa e faasoa atu ai se mea e tasi pe sili atu mai koluma taitasi.Ona mafai lea e vaega ona talanoaina le fesili lenei.

Na faapefea ona e vaaia faamanuiaga o le faatinoina o le faatuatua i afioga a le Alii na tuuina mai e ala mai i Ana perofeta?

Fuafua e mulimuli i perofeta a le Atua

Uunaia tagata aoga e saili le fesoasoani a le Agaga Paia a o latou faia le gaoioiga lenei.

I le koluma agavale, tusi i lalo pe li’o se mea o loo finagalo le Alii e te faia e ala mai i Ana perofeta e te lagona e finagalo o Ia e te taulai atu i ai.
I le koluma taumatau, tusi i lalo pe li’o pe na faapefea ona folafola mai e le Alii e faamanuia oe pe afai e te mulimuli i Lana apoapoaiga.
Mafaufau i mea na e tusia pe li’oina, ona tusi lea o lau fuafuaga ia usiusitai i mea ua fetalai mai le Alii ia te oe e fai e ala mai i Lana perofeta.

Valaaulia tagata aoga e saili se auala e manatua ai mea ua latou fuafua e fai.Mo se faataitaiga, e mafai e tagata aoga ona pue se ata o a latou tali ma faaaoga e fai ma ata ‘autu i luga o a latou telefoni.O le a maua e tagata aoga se avanoa e tulitatao ai ma lipoti mai la latou fuafuaga i le Lesona 96: “Iloilo Lau Aoaoga 6.”

Mafaufau e faaiu le vasega i le molimau atu o le a latalata atili atu tagata aoga ia Iesu Keriso e ala i a latou taumafaiga e mulimuli i Lana perofeta.

O Punaoa Faaopoopo

O ai Elia?

Taiala i Tusitusiga Paia ua tuuina mai ai nisi faamatalaga e uiga ia Elia ma le taua o le mana o faamauga sa ia umia i aso anamua ma o loo faaauau pea ona umia i ona po nei.

Ae faapefea pe afai oute lagona e le lava mea e tatau ona ou tuuina atu?

Na faamalamalama mai e Sister Michelle D. Craig o lē sa i le au Peresitene Aoao o Tamaitai Talavou:

E mafai e oe ma a’u ona tuuina atu atatou meaua i ai ia Keriso, ma o le a Ia faateleina a tatou taumafaiga.O au mea e tatau ona e ofoina atu ua sili atu ona lava—e tusa po o a ou faaletonu ma vaivaiga faaletagata—pe afai e te faalagolago i le alofa tunoa o le Atua.(“Lē Faamalieina Faaleagaga,” Liahona, Nov. 2018, 54)

E faapefea ona faamanuiaina au e le Alii a o ou mulimuli ma le faamaoni i Lana perofeta?

Na aoao mai Elder Randall K. Bennett o le Fitugafulu:

Ou te folafola atu afai o le a outou faatino ma le faatuatua i lo outou Tama Faalelagi ma Lana fuafuaga—o Lana fuafuaga sili o le fiafia—ma afai o le a outou faatino ma le faatuatua ia Iesu Keriso ma Lana Togiola ma mulimuli i perofeta a le Atua, o le a tuuina atu ia te outou le mana e faia ai soo se mea e finagalo le Alii e te faia ma avea ai ma soo se mea e finagalo o Ia e avea ai oe, e ui lava i ni ou tulaga o iai.(“Valaaulia Faaperofeta ma Faamanuiaga Folafolaina,” [Faigalotu a le Iunivesite o Polika Iaga, Mat. 19, 2019], 1, speeches.byu.edu)

Pe e faaauau pea ona talosagaina e le Atua mea faigata mai Ona tagata?

Na aoao mai Peresitene Russell M. Nelson:

Sa talosaga e le Atua i taimi uma Ana fanau o le feagaiga e fai mea faigata.Ona o outou o atalii ma afafine tausi-feagaiga a le Atua soifua o loo ola i le vaega mulimuli o nei aso e gata ai, o le a talosagaina e le Alii outou e fai mea faigata.E le taumateina lena mea. …

O le a talosagaina oe ia taliaina ni tofiga faigata ma avea ma se meafaigaluega i aao o le Alii. Ma o le a Ia faia oe ia mafai ona e ausia mea e ono le mafai ona faia.(“Avea ma Tagata Moni Faale-Meleniuma” [faigalotu i le lalolagi atoa mo talavou matutua, Ian. 10, 2016], Gospel Library)

Gaoioiga Faaopoopo e Aoao Ai

1 Tupu 17:17–24.Ua faatuina mai le oti e Elia le tama a le fafine ua oti lana tane.

Atonu e aoga i tagata aoga le vaaia o se isi faataitaiga o le faatuatua o le fafine Sarefata ua oti lana tane i le 1 Tupu 17.E mafai ona e valaaulia tagata aoga e faitau le1 Tupu 17:17 e vaai po o le a le mea na tupu i le tama a le fafine ua oti lana tane.E ono mafai ona e talanoaina mea nei:

Aiseā e foliga mai ai ua faate’ia le fafine ua oti lana tane i lenei mea?
O le a se mea e te fautuaina le fafine ua oti lana tane e fai?

Ona mafai lea e tagata aoga ona faitau le 1 Tupu 17:19–23 e vaai pe na faapefea ona tali atu le fafine ua oti lana tane i lea tulaga.

O le a se mea e mafai ona tatou aoaoina mai lenei tala?

E mafai ona e fesoasoani i tagata aoga ia iloa le iai pea o luitau i o tatou olaga e tusa lava pe tatou te tali atu ma le faamaoni i upu a le perofeta.

Faitau 1 Tupu 17:24, saili mo le molimau na tuuina mai e le fafine ua oti lana tane ina ua mavae lenei aafiaga.

Na faapefea ona faamalosia lou faatuatua ia Iesu Keriso e ala i luitau?

Malo e lua

O mea na tutupu i le 1 Tupu 17 o le a avea ma uluai mea tutupu faatusipaia o le a suesueina e tagata aoga i le seminare lea na tupu ina ua uma ona vaeluaina le malo o Isaraelu i le 1 Tupu 11–12.O le vaaiga aoao lenei e ono fesoasoani i tagata aoga ia malamalama ai i le talaaga o malo o Isaraelu ma Iuta.

Ina ia amata lenei talanoaga, e mafai ona e faaali atu le laina faasolosolo o taimi lenei ma fai atu i tagata aoga e faailoa mai po o gafea o i ai le Tupu o Solomona

Ona mafai lea e se tagata aoga ona faitau pe aotele le parakalafa lenei.

E ui lava na amata Solomona o se soo amiotonu o le Alii, ae na iu lava ina filifili o ia e le usiusitai i poloaiga a le Alii.O se taunuuga o lona le usiusitai, na ta’u atu ai e le Alii ia Solomona o le a aveesea le malo o Isaraelu mai ia te ia ma tuu atu i lana auauna o Ierepoamo.O le malo o Ierepoamo o le a lauiloa o le malo o Isaraelu, Efaraima, po o le malo i matu.O le atalii o Solomona o Reopoamo o le a avea ma tupu o ituaiga e lua o loo totoe.O le malo o Reopoamo o le a lauiloa o le malo o Iuta, po o le malo i saute (tagai i le1 Tupu 11:10–13, 26–40; 12:16–20).

O le faaaogaina o le laina faasolosolo o taimi, e mafai ai e tagata aoga ona faailoa mai malo e lua ma perofeta o e na talai atu i na malo ma faamatala mai le mea o le a iu ina tupu i malo taitasi.

Mo nisi faamatalaga e uiga i le malo o Iuta tagai i le parakalafa lenei o loo maua i le “Iuta” i le Taiala i Tusitusiga Paia.

Mo nisi faamatalaga e uiga i le malo o Isaraelu tagai i le“Isaraelu, Malo o” i le Lomifefiloi o le Tusi Paia.