Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Tupu 6–9: Ua Fausia e Solomona le Maota o le Alii

“1 Tupu 6–9: Ua Fausia e Solomona le Maota o le Alii,” Tusi Lesona a le Faiaoga Seminare o le Feagaiga Tuai (2026)

“1 Tupu 6–9: Ua Fausia e Solomona le Maota o le Alii,” Tusi Lesona a le Faiaoga Seminare o le Feagaiga Tuai

2 Samuelu 11–12; 1 Tupu 3; 6–9; 11: Lesona 79

1 Tupu 6–9

Ua Fausia e Solomona le Maota o le Alii

Holiness To The Lord The House of The Lord Signs Languages

I o tatou aso, o le malumalu ua faasolo lava ina faigofie ona maua i le lalolagi atoa, ae sa le‘i faapena i taimi uma.O le fausiaina o le malumalu o Solomona, na iu ai lava ina maua e tagata Isaraelu se maota tumau o le Alii, o se nofoaga o le a “afio ai le Faaola lava Ia i totonu o le fanauga a Isaraelu” (1 Tupu 6:13).Ua faataunuuina foi le folafolaga a le Faaola i o tatou aso a o salalau ai malumalu i le lalolagi.O lenei lesona e mafai ona fesoasoani i tagata aoga e faalolotoina lo latou malamalama o le malumalu o le maota o le Alii.

Sauniuniga a le tagata aoga: Valaaulia tagata aoga e aumai se ata o se malumalu lata ane pe e sili ona fiafia i ai.E mafai ona latou saunia e faasoa mai pe aisea e anoa ai le malumalu ia i latou.

Gaoioiga e Ono Mafai Ona Aoao Ai

O le malumalu o le maota o le Alii.

Ina ia amata le vasega, valaaulia tagata aoga e tali atu i le tulaga faataitai lenei (po o se mea e talitutusa lelei e fetaui ma manaoga o lau vasega).

Faapea ua vaai lau uo o Angela i se ata o se malumalu fou o loo fausia i lou eria ma fesili atu:

Aisea e fauina ai e lau Ekalesia ia malumalu?
E faapefea ona ese se malumalu mai isi falelotu o le ekalesia?

Mafaufau e fai atu i tagata aoga e mafaufau po o a ni o latou lagona mautinoa e uiga i le taliina o fesili a Angela.E mafai ona e valaaulia ni tagata aoga se toalua e faasoa mai o la‘ua lagona.

Ina ua maea le faapaiaga o le Malumalu o Praia Cape Verde, sa aoao mai Elder Neil L. Andersen o le Korama a Aposetolo e Toasefululua:

O le malumalu o le maota moni lava o le Alii. Tuu atu na upu ia magoto lemu i totonu o lou agaga.O Lona maota lava lea.(“O Le Maota o le Alii—Savali Talu ai Nei mai Perofeta, Aposetolo, ma Isi Taitai o le Ekalesia”, , Aug. 13, 2023)

Valaaulia tagata aoga e tusi lenei upumoni i a latou api talaaga mo suesuega ma luga o le laupapa: O le malumalu o le maota o le Alii.

Faaalu sina taimi e mulimuli ai i le valaaulia a Elder Andersen e tuu atu lenei upumoni ia goto ifo lemu i lou agaga a o e tali atu i le fesili lenei i lau api talaaga mo suesuega.

O le a le uiga ia te oe e faapea o le malumalu o le maota o le Alii?

A o e suesue i le aso, valaaulia le Agaga Paia e fesoasoani e faaloloto lou malamalama i le malumalu o le maota o le Alii.I le lesona atoa, faaopoopo mea o loo e aoaoina i lau api talaaga mo suesuega.

Atonu e fesoasoani le toe faamautinoa atu i tagata aoga e ui lava atonu e le taliina a latou fesili patino e uiga i le malumalu i le aso, ae o le a faaauau pea ona musuia ma taitaia e le Agaga Paia a latou taumafaiga e aoao atili ai e uiga i le maota o le Alii.

Na poloaiina e le Aliii Ona tagata e fausia Lona fale

I le Mauga o Sinai, na poloaiina ai e le Alii le nuu e fausia se fale fetafai feaveai, mo se taimi le tumau e faamanuia ai le fanauga a Isaraelu (tagai Esoto 25:1–8).I le tele o augatupulaga mulimuli ane, i le taimi o le tupu o Solomona, e le’i fausia ai lava se malumalu tumau.

Ina ia fesoasoani i tagata aoga ia iloa mea e talitutusa ai le poloaiga a le Alii e fausia Lona fale i le taimi o 1 Tupu 6–9 ma i o tatou aso, e mafai ona e faaali atu ata o le malumalu o Solomona ma le malumalu faa-onaponei aupito lata ane.

O se tasi o auala e fesoasoani ai i tagata aoga ia iloa nei mea e talitutusa ai malumalu anamua ma o tatou aso o le faaali atu lea o le siata lenei.

E tolu gaoioiga fautuaina o le siata o loo i le lesona.Atonu e te mafaufau i ni eseesega o le a suesue ai e tagata aoga ia siata taitasi.Mo le gaoioiga muamua lenei o le siata, mafaufau e valaaulia le afa o le vasega e suesue fuaiupu o loo i le koluma “Aso o Solomona“ ae o le isi afa e suesue fuaiupu o loo i le koluma “O o Tatou Aso”.A uma ona suesue fuaiupu, e mafai e tagata aoga ona faasoa atu mea na latou maua i se paga sa suesueina fuaiupu mai le koluma faafeagai.

O le isi auala e faatulaga ai le gaoioiga o le vaevaeina lea o tagata aoga i ni vaega se tolu ma tuu atu i vaega taitasi se siata.E mafai ona suesue faatasi tagata aoga ma filifili so latou sui e faasoa maia le vaega a le latou vaega i le vasega.I le faaiuga o le aoaoga, e mafai e vaega taitasi ona faasoa mai pe faapefea e autu sa latou suesueina ona fesoasoani e tali ai fesili a Angela.

A o e suesueina fuaiupu nei, vaavaai mo aoaoga e mafai ona fesoasoani ia te oe e faamatala ai folafolaga a le Alii mo malumalu anamua ma aso nei.Faaopoopo atu mea ua e maua i lau tusiga i lau api talaaga mo suesuega.

Aso o Solomona	O o tatou aso
Aso o Solomona 2 Samuelu 7:4–6 1 Nofoaiga a Tupu 22:5–11 1 Tupu 5:5; 6:1	O o tatou aso Mataupu Faavae ma Feagaiga 88:119–120 Mataupu Faavae ma Feagaiga 97:10–16

Aso o Solomona

O o tatou aso

Aso o Solomona

2 Samuelu 7:4–6

1 Nofoaiga a Tupu 22:5–11

1 Tupu 5:5; 6:1

O o tatou aso

Mataupu Faavae ma Feagaiga 88:119–120

Mataupu Faavae ma Feagaiga 97:10–16

O le a se mea na e aoaoina e uiga i le taua o malumalu i aso nei?

Ina ia fesoasoani i tagata aoga e toe mafaufau i le auala tatou te faaauau ai pea ona mulimuli i le faatonuga a le Faaola e fausia malumalu i aso nei, mafaufau e faaali atu se vitio o le perofeta o loo i ai nei o loo faasilasila mai malumalu fou i le taimi o le konafesi aoao.A leai, e mafai ona e faasoa atu nisi o fuainumera faamaumau talu ai nei tau i malumalu, o loo maua i le Lisi o Malumalu i le ChurchofJesusChrist.org.

Ua faapaiaina malumalu i le Alii e avea ma Ona fale

Ina ua mavae le fitu tausaga o o le fauga, na faamaeaina ma faapaiaina le malumalu o Solomona.

Ina ia fesoasoani i tagata aoga ia malamalama o tatalo o le faapaiaga o le malumalu e maua e ala i faaaliga ma faasaoina i faamaumauga a le Ekalesia, mafaufau e faasoa atu se faataitaiga o se tatalo o le faapaiaga i le vasega.O le tatalo o le faapaiaga mo malumalu taitasi o loo faaaogaina e mafai ona maua e ala i le filifilia o le malumalu mai le Lisi o Malumalu i le ChurchofJesusChrist.org.

Mo le gaoioiga o le siata lenei, e mafai ona e faaali atu fuaiupu ma valaaulia tagata aoga e suesue le afa faafeagai o le siata sa latou suesueina muamua ma faasoa atu i se paga sa suesueina le isi afa.Ua saunia se fesili mo talanoaga e fesoasoani ai i tagata aoga e faasoa mai mea ua latou mauaina.

Faitau fuaitau nei mai tatalo o le faapaiaga o le Malumalu o Solomona ma le Malumalu o Katelani ma vaavaai mo faamanuiaga na sailia e Solomona ma le Perofeta o Iosefa Samita mai le Alii.

Aso o Solomona	O o tatou aso
Aso o Solomona 1 Tupu 8:29–30, 35–40	O o tatou aso Mataupu Faavae ma Feagaiga 109:10–18

E faape‘ī ona foliga mai ni faamanuiaga talitutusa i aso nei a o tatou sauniuni atu i ai ma tapuai ai i le maota o le Alii?

E mafai ona e faamalamalama atu faapea, i le maea ai o le faapaiaga o le maota o le Alii, sa mauaina e tagata faaaliga ofoofogia o Lona mana.O lenei siata e mafai ona avea o se taimi faaaloalo mo tagata aoga e suesue taitoatasi ai, pe a talafeagai ai.

A o e faitauina fuaitau nei, valaaulia le Agaga Paia e fesoasoani ia te oe e vaai faalemafaufau pe faapei se lagona o le molimauina o nei mea na tutupu.

Aso o Solomona	O o tatou aso
Aso o Solomona 1 Tupu 9:1–3 2 Nofoaiga a Tupu 7:1–3	O o tatou aso Mataupu Faavae ma Feagaiga 110:2–10

Aso o Solomona

O o tatou aso

Aso o Solomona

1 Tupu 9:1–3

2 Nofoaiga a Tupu 7:1–3

O o tatou aso

Mataupu Faavae ma Feagaiga 110:2–10

O a ni aafiaga na e maua po o se tasi foi e te iloa na auai i se faapaiaga o se malumalu?
Na faapefea ona e lagonaina le mana o le Faaola mai le i ai o Lona maota i le lalolagi i aso nei?

Faataitai le malamalama ai

Ina ia fesoasoani i tagata aoga e faaalia le malamalama, e mafai ona e faaali atu fesili a Angela mai le amataga o le lesona.

Mafaufau pe faapefea e lesona na e aoaoina i le aso ona fesoasoani i se tasi e pei o Angela ia malamalama lelei ai i le faamoemoega o malumalu.Tali fesili faatasi ma se paga po o i lau api talaaga mo suesuega.

Aisea e fauina ai e le Ekalesia ia malumalu?
E faapefea ona ese se malumalu mai isi o a outou falelotu?

Valaaulia tagata aoga e faataitai le aoaoina o se paga i mea ua latou aoaoina mai la latou suesuega o le malumalu o Solomona ma malumalu o aso nei.O sauniuniga a le tagata aoga mo lenei lesona na fautuaina mai ai e mafai e tagata aoga ona aumai se ata o se malumalu lata ane pe sili ona fiafia i ai i le vasega.Afai e aumai e tagata aoga se ata, e mafai ona e valaaulia i latou e faaali atu i le vasega ma faasoa mai pe aisea e taua ai lena malumalu ia i latou.E mafai ona e faasoa atu ou lagona e uiga i le Faaola ma Lona maota i le faaiuga o le vasega.

O Punaoa Faaopoopo

O a faamanuiaga ua folafola mai pe a tatou saunia ma tapuai ai i le malumalu?

Na faamalamalama mai e Peresitene Russell M. Nelson:

7:19

E taua tele le filifili ai o le Faaola e faaali atu i tagata i le malumalu.O Lona maota lea.E faatumulia i Lona mana.Ia ‘aua lava ne’i see ese la tatou vaai mai mea o loo faia e le Alii mo tatou i le taimi nei.O loo Ia faia Ona malumalu ia mauagofie atili.O loo Ia faatelevaveina le saoasaoa o loo tatou fausiaina ai malumalu.O loo Ia faateleina lo tatou gafatia e fesoasoani ai e faapotopoto Isaraelu.O loo Ia faafaigofieina foi mo i tatou taitoatasi ona faamamāina faaleagaga.Ou te folafola atu o le faateleina o taimi e i ai i totonu o le malumalu o le a manuia ai lou olaga i auala e le mafai e se isi lava mea ona faia.(“Taulai Atu i le Malumalu,” Liahona, Nov. 2022, 121.)

Na aoao mai Peresitene Gordon B. Hinckley (1910–2008):

[O le malumalu o] se nofoaga o musumusuga ma faaaliga patino. E matua anoanoa‘i i latou o e, i taimi o faigata, pe a tatau ona faia ni filifiliga faigata ma i ai ia i latou nai faafitauli lavelave e tatau ona taulimaina, ua o mai i le malumalu i se agaga o le anapogi ma le tatalo mo le sailia o taitaiga paia.E toatele ua latou tautino mai e moni sa lei faalogoina ni leo o faaaliga, peitai sa oo ia i latou ni lagona e uiga i se mea e tatau ona mulimulitaia i lena taimi po o se taimi muimuli ane foi, lea na avea ai ma tali ia latou tatalo.(“O Le Malumalu o Sate Leki,” Ensign, Mar. 1993, 6)

O le a se mea e tatau ona ou faia pe afai ou te le o nofo latalata lava i se malumalu?

Na aoao mai Elder Ronald A. Rasband o le Korama a Aposetolo e Toasefululua:

Ou te manatua le faalogo atu ai ia Peresitene Howard W. Hunter i lana uluai saunoaga i le konafesi aoao o se Peresitene lona 14 o le Ekalesia.Na ia saunoa: “O le moomooga sili lava o lo’u loto, ia agavaa tagata uma o le Ekalesia e ulu atu i le malumalu.O le a faafiafiaina le Alii pe afai e agavaa tagata matutua uma o le ekalesia—ma tauaveina—se pepa faataga o le malumalu o loo aoga i le taimi nei” (Aoaoga a Peresitene o le Ekalesia: Howard W. Hunter [2015], 180).Ou te fia faaopoopo atu i ai e faapea, o se pepa faataga e tapulaa lona faaaogaina o le a faasino ai se ala manino mo o tatou talavou pele. …

Se’i ou faamamafaina atu, pe o mafai ona e maua se malumalu pe leai, e manaomia lava ona i ai sau pepa faataga o le malumalu o loo aoga i le taimi nei e te tumau mausali ai i luga o le ala o feagaiga.

O le agavaa ai e umia se pepa faataga o aoga o le malumalu e le gata o se puipuiga mai le fili, aua ua uma ona e faia se tautinoga mausali i le Alii e uiga i lou olaga, ae o se folafolaga o le a mafuta le Agaga ma oe.(“Fautuaina atu i le Alii,” Liahona, Nov. 2020, 25)

Gaoioiga Faaopoopo e Aoao Ai

Tuuina atu o mea sili tatou te mafaia e fausia ai le maota o le Alii

Fesoasoani i tagata aoga ia malamalama o taumafaiga ma osigataulaga taua sa manaomia pea i taimi uma e fausia ai le maota o le Alii.Ina ia suesue i le fausiaina o le malumalu o Solomona, faaali atu fuaitau ma fesili nei.Valaaulia vaega e faitau nei fuaiupu ma talanoaina fesili.

Faitau 1 Tupu 6:21–22, 29–32 ma 2 Nephi 5:15–16.

O le a se mea e tumatila mai ia te oe e uiga i le fausiaina o nei malumalu?
O le a se taumafaiga ma se tupe faaalu e ono manaomia e fausia ai ma faagaoioia ai le maota o le Alii i aso nei?O le a se mea ua aoao mai e lena mea ia i tatou e uiga i le maota o le Alii?

I le fale tatala mo le Malumalu o Richmond Virginia, na saunoa ai Elder Kevin R. Duncan o le Fitugafulu:

O le Maota lenei o le Alii.E le’i faasaoina e Ia se tupe faaalu i le tuuina mai ai ia i tatou o le lalolagi aupito sili ona matagofie lea e ao ona tatou ola ai.Ma ona o loo tatou fausia Lona maota, tatou te taumafai e tuuina atu le mea sili —o a tatou galuega taulima sili ona lelei, o mea faufale sili tatou te mafaia.(“Ua Tatala Faitotoa o le Maota Muamua o le Alii o Virginia,” Mar. 20, 2023, newsroom.ChurchofJesusChrist.org)

O a nisi o auala e mafai ona tatou tuuina atu ai le mea sili tatou te mafaia ina ia i ai i totonu o le maota o le Alii?
O a taumafaiga ma osigataulaga e mafai ona tatou faia e faamamalu ai le Alii ma Lona maota?

Atonu e ta’ua e tagata aoga e mafai ona tatou tuuina atu o tatou taimi, ofuina o tatou lavalava sili ona lelei, ma ositaulagaina manaoga faalelalolagi ina ia agavaa ai mo se pepa faataga o le malumalu ma tapuai ai i le maota o le Alii.

O le mana o malumalu anamua ma aso nei

Ina ia fesoasoani i tagata aoga ia iloa le matagofie o le malumalu, e mafai ona e faaali atu ata o totonu ma fafo o se malumalu faaonapo nei, e pei o ata o loo maua i le “I Totonu o Malumalu.”Pe e mafai foi ona e faaali atu se vitio o se maimoaga faaeletonika, e pei o le “Susu maia i le Malumalu o Uosigitone D.C.” (2:10) po o se tasi o malumalu e latalata ane ia te oe, mai le temples.ChurchofJesusChrist.org (filifili se malumalu ma le “Maimoaga Faaeletonika”).

11:45

Ina ia fesoasoani i tagata aoga e vaai faalemafaufau i lea taimi, e mafai ona e faaali atu le vitio “O Malumalu i le Gasologa o Taimimai le faailo taimi 0:00 i le 2:00.Valaaulia tagata aoga e faasoa mai mea e fesoasoani le malumalu o Solomona ia i latou ia malamalama ai e uiga i le Alii ma Lona maota.

6:1

Ina ia fesoasoani i tagata aoga ia malamalama i nisi o taumafaiga e faia i le fausiaina o le maota o le Alii, e mafai ona e faaali atu le vitio “Tulaga Faatonuina o le Malumalu” mai le numera faailo taimi 0:00 i le 5:24.I le vitio lenei, o loo faasoa mai ai e Elder Scott Whiting o le Fitugafulu se aafiaga na ia maua ina ua uma ona ia matauina le asiasiga o le Malumalu o Laie Hawaii i le taimi ua latalata ona mae‘a lona toe faafouina.

9:13