Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Tupu 3: E Faamanuiaina i Tatou e le Alii e Faataunuu Lana Galuega

“1 Tupu 3: E Faamanuiaina i Tatou e le Alii e Faataunuu Lana Galuega,” Tusi Lesona a le Faiaoga Seminare o le Feagaiga Tuai (2026)

“1 Tupu 3: E Faamanuiaina i Tatou e le Alii e Faataunuu Lana Galuega,” Tusi Lesona a le Faiaoga Seminare o le Feagaiga Tuai

2 Samuelu 11–12; 1 Tupu 3; 6–9; 11: Lesona 78

1 Tupu 3

E Faamanuiaina i Tatou e le Alii e Faataunuu Lana Galuega

Norway: Youth Social Media 2020: Savannah Andrewsen

Pe na e mafaufau ea pe faapefea e faamanuiaga e te maua mai le Tama Faalelagi ona fesoasoani ia te oe e faataunuu ai Lana galuega?Ina ua mavae le maliu o Tavita, lona tama, sa tofia Solomona e le Alii e avea ma tupu fou o Isaraelu.I le manao ai e faamamaluina le Alii, sa sailia ai ma le lotomaualalo e Solomona faamanuiaga o le a faateleina ai lona tomai e auauna atu ai ma le amiotonu i le Alii ma tagata Isaraelu .E mafai ona fesoasoani lenei lesona i tagata aoga ia malamalama o le a faamanuiaina i tatou e le Alii i le tomai e faataunuu ai Lana galuega.

Sauniuniga a le tagata aoga: Valaaulia tagata aoga e tusi i lalo se mea o loo latou taumafai e fai e auai ai i le galuega a le Tama Faalelagi ma Iesu Keriso.Valaaulia tagata aoga e fesili atu ma le agaga tatalo i le Tama Faalelagi po o a faamanuiaga latou te manaomia e fesoasoani ai ia te Ia e faataunuu Lana galuega

Gaoioiga e Ono Mafai Ona Aoao Ai

Faailoa ma le lotomaualalo o tatou vaivaiga

Ina ia amata le vasega, tusi se ata e pei o lenei i luga o le laupapa.E mafai foi e tagata aoga ona kopi le ata i totonu o a latou api talaaga mo suesuega.Ona valaaulia lea o tagata aoga e talanoaina fesili nei:

O a nisi o auala ua valaauliaina ai tatou e le Faaola e auai i Lana galuega?
O a nisi o auala e ono lagona ai e se talavou le le agavaa e auauna atu ai i le Alii?

Mafaufau e valaaulia tagata aoga e lisi, i le va o ata, nisi o auala e ono lagona ai e se talavou le le agavaa.Atonu e faailoa mai e tamaiti aoga atugaluga, e pei o le popole, matamuli, lagonaina o le lofituina pe le agavaa.Ona valaaulia lea o tagata aoga e mafaufau loloto i fesili nei.

Mafaufau i ni nai valaaulia ua tuuina mai e le Alii ia te oe e auai i Lana galuega.

O a ni ou popolega e uiga i lou gafatia e faataunuu Ana valaaulia?
O le a sou lagona mautinoa i le gafatia e le Alii ona fesoasoani ia te oe e faatoilalo ai ou popolega?

A o e suesue i le aso, valaaulia le Agaga Paia e fesoasoani ia te oe ia malamalama pe faapefea ona fesoasoani le Alii ia te oe e faataunuu Lana galuega.

Ua manao le Tupu o Solomona e nofotupu ma le amiotonu

Faasoa atu i tagata aoga ina ua maliu le Tupu o Tavita, sa filifilia lona atalii o Solomona e le Alii e nofotupu o se tupu o Isaraelu (tagai 1 Tupu 1:11–13).Sa alofa Solomona i le Alii ma sa manao e avea ma tupu amiotonu (tagai 1 Tupu 3:3).E mafai ona e suia le igoa o le ata faafasilaau o loo i luga o le laupapa i le Solomona ma sui le isi itu i le Ia avea ma tupu amiotonu.

Faamata o a ni amioga na faamoemoe e fai e se tupu amiotonu?
Faamata o a ni lagona o Solomona a o ia suitulaga i lona tamā i le avea ai o se tupu?

Mafaufau e faaali atu fuaitau o mau ma fesili.Ona mafai lea ona e faatulagaina tagata aoga i ni paga.Tuu atu i se paga se toatasi e faitau 1 Tupu 3:5–9 ae o le isi e faitau 1 Tupu 3:10–14, ona faasoa atu lea o a latou tali i le tasi ma le isi.

Faitau 1 Tupu 3:5–9, ma vaavaai mo faamanuiaga na talosagaina e Solomona mai le Alii.

O le a se mea ua faagaeetia ai oe i le talosaga a Solomona?O ā uiga faaKeriso na faaalia e Solomona?

Faitau 1 Tupu 3:10–14, vaavaai mo faamanuiaga na folafola atu e le Alii ia Solomona.

E mafai faapefea e se “loto poto ma le malamalama” (fuaiupu 12) ma “oa ma le mamalu” (fuaiupu 13) ona faateleina le tomai o Solomona e auauna atu ai i le Alii ma le amiotonu?
O le a le mea na manaomia e le Alii mai ia Solomona ina ia agavaa ai mo nei faamanuiaga? (fuaiupu 14).

Otooto le aafiaga o Solomona ma le Alii o se faamatalaga o le upumoni.

E mafai ona faailoa mai e tagata aoga se upumoni e pei o le: A o tatou iloa ma le lotomaualalo o tatou vaivaiga ma saili le fesoasoani a le Alii e faamanuia ai isi, o le a Ia faateleina lo tatou gafatia e faataunuu ai Lana galuega.Atonu e aoga le tusia o lenei upumoni i luga o le laupapa ma valaaulia tagata aoga e faailoga fasifuaitau o loo aoao mai ai lenei upumoni.

Faitau le saunoaga lenei mai ia Peresitene Thomas S. Monson (1927–2018), ma vaavaai mo le folafolaga ua tuuina mai i tagata uma o e naunau e auai i le galuega a le Alii.

Atonu e i ai nisi o outou e matamumuli i o outou natura, pe manatu ane ia te outou lava faapea e le gafatia ona tali atu ma le loto i ai i [le Alii]. Ia outou manatua o lenei galuega ua le na o oe ma au.O le galuega lava a le Alii, ma pe a tatou i ai i le galuega a le Alii, ua agavaa i tatou mo le fesoasoani a le Alii.Manatua o le a faamalosi e le Alii le tua e tauave ai le avega ua tuu i ona luga.(“Ia Aoao, Ia Fai, ia Avea,” Liahona, Nov. 2008, 62)

E mafai faapefea e aoaoga a Peresitene Monson ona fesoasoani i se tasi sa popole i lo latou gafatia e auauna atu ai i le Alii?

E mafai ona e tusia se sootaga i le va o itu taitasi o le ata i luga o le laupapa ma faaigoa O le fesoasoani a le Alii.Valaaulia tagata aoga e tusi se ata o se mea talitutusa i a latou api talaaga mo suesuega.

E faateleina e le Alii lo tatou gafatia e auauna atu ai ia te Ia

A uma le gaoioiga suesue, valaaulia tagata aoga e tali atu i le valaaulia lenei.

Faasino atu i le atatusi i lau api talaaga mo suesuega mai le amataga o le vasega.Tusi i lalo ma le agaga tatalo se vaivaiga se tasi pe lua e te lagona e mafai ona taofia ai oe mai le auauna atu lelei sili atu i le Tama Faalelagi ma Iesu Keriso.Valaaulia le Agaga Paia e fesoasoani ia te oe e iloa faamanuiaga e mafai ona e sailia mai le Alii e mafai ona fesoasoani ia te oe e faatoilalo ai nei vaivaiga.

Faataitai le malamalama ai

Tuuina atu se avanoa mo tagata aoga e faasoa mai mea sa latou aoaoina.E mafai ona valaaulia ai le Agaga Paia e molimau atu e moni mea o loo latou faasoa mai.O le gaoioiga lenei o se tasi lea o auala e fesoasoani ia i latou e fai ai lenei mea.

Vaai faalemafaufau i se uo o faasoa mai lona atuatuvale e uiga i le mauaina o se valaauga fou i lau uarota po o le paranesi.Mai mea na e suesueina i le asō, o le a se mea e te faasoa atu e mafai ona fesoasoani i lau uo?

E mafai ona e valaaulia ni volenitia e faasoa atu i le vasega.Mafaufau e uunaia tagata aoga e ave a latou pepa e tufa atu i le fale ma faasoa atu mea na latou aoaoina i se tagata o le aiga po o se uo.E mafai ona e molimau atu i le mana ma le naunautaiga o le Alii e faamanuia i tatou i mea tatou te manaomia e galulue faatasi ma le faamaoni faatasi ma Ia i lenei galuega tele.

O Punaoa Faaopoopo

O a faamanuiaga e mafai ona ou sailia mai le Alii e fesoasoani ia te au e auai i Lana galuega?

Na faamatala mai e Elder Gary E. Stevenson o le Korama a Aposetolo e Toasefululua e faapea:

14:11

O meaalofa e tuuina mai e le Atua e fofoa mai ai tagata talenia.

O le vaai ai e ala i tioata o le talalelei, ua faaee ai e le Atua i Ana fanau ia le tele o meaalofa faaleagaga, ua avea ai i latou o ni tagata talenia faaleagaga. O tagata tausi feagaiga o le Ekalesia ua faaeeina i ai meaalofa o le Agaga, lea e aofia ai le meaalofa o se molimau ia Iesu Keriso o lo tatou Faaola, le meaalofa o le Agaga Paia, le meaalofa o le faatuatua e faamalolo ma ia faamaloloina ai, le meaalofa o le iloatino, le meaalofa o le mauaina o vavega, ma meaalofa o le poto ma le malamalama.Ua valaaulia i tatou e le Alii ia saili ma le faamaoni i meaalofa e sili ona lelei, o meaalofa lava faaleagaga.Ua Ia tuuina mai meaalofa faaleagaga e faamanuia ai i tatou ma ia faaaoga e faamanuiaina ai isi.(“Uunaiga a le Agaga,” Liahona, Nov. 2023, 42)

Ae faapefea pe afai ou te lagona le faavaivai i o’u tomai?

Sa faamanatu mai Peresitene Dieter F. Uchtdorf, a o i ai i le Au Peresitene Sili:

17:56

O nisi taimi tatou te lagonaina le faalotovaivaia ona tatou te le o “maoae” i se mea—maoae le faaleagaga, faaaloalogia, atamai, soifua maloloina, mauoa, faauo, pe gafatia.O le mea masani, e leai ma se mea e leaga ai le manao ia faaleleia.Na foafoaina i tatou e le Atua ia tuputupu ae ma alualu i luma.Ae ia manatua, e mafai ona fesoasoani o tatou vaivaiga ia i tatou ia lotomaualalo ai ma liliu atu i tatou ia Keriso, o lē o le a “faia o mea vaivai ia avea ma mea malolosi.”O Satani i le tasi itu, na te faaaogaina o tatou vaivaiga seia oo lava i le tulaga e faalotovaivaia ai i tatou mai le taumafai.

Sa ou aoaoina i lo’u olaga: e le tau manaomia ona tatou “maoae” i se mea ina ia amata ona avea ai ma tagata ua faamoemoe le Atua tatou te avea ai.

O le a ave oe e le Atua i le tulaga o e i ai i lenei lava taimi ma amata ona galueaiina oe.Pau lava le mea e te manaomiaina o se loto naunau, o se manao ia talitonu, ma le faalagolago i le Alii.(“E Aoga,” Liahona, Oct. 2015, 22)

Gaoioiga Faaopoopo e Aoao Ai

Talosagaina le Alii mo se fesoasoani e manumalo i luitau

Atonu e aoga i tagata aoga le suesueina o isi tala o tagata o e na talosaga atu ma le lotomaualalo i le Alii ma maua Lana fesoasoani e faataunuu Lana galuega.

E mafai e tagata aoga ona maua e i latou lava ia tala, pe mafai foi ona e tuuina mai ni faataitaiga mo i latou e filifili mai ai, e pei o nei:

Enoka: Mose 6:27–39

Mose: Esoto 3:4–7, 10–14; 4:10–16

Kitiona: Faamasino 6:11–16

Ema Samita: Au Paia, vol. 1, 96–97

Peresitene Russell M. Nelson: “O Le Mana Toafilemu o le Tatalo,” Liahona, Me 2003, 8.

A o latou suesue, e mafai e tagata aoga ona talanoaina nisi o fesili nei:

O le a le mea na fetalai le Alii i le tagata lenei e faia?
O a vaivaiga atonu na vaaia e lenei tagata ia i latou lava?
Na faapefea ona latou talosaga atu i le Alii mo se fesoasoani?
Na faapefea ona faamanuiaina i latou e le Alii?Na faapefea ona latou galulue i le faatuatua ina ia agavaa ai mo faamanuiaga a le Alii?

E mafai e tagata aoga ona saunia se lipoti puupuu e uiga i le tagata na latou filifilia, e faasoa atu ai le tala ma mea na latou aoaoina i se vaega toalaiti po o le vasega.E mafai ona e valaaulia tagata aoga e tusi se ata o le tagata po o le tala e faaali atu a o latou faasoa mai.

1 Tupu 3:16–28.Ua faaalia e Solomona lona loto malamalama

I le avea ai ma se faataitaiga o le auala na faaaoga ai e Solomona faamanuiaga na saunia e le Alii, e mafai ona e valaaulia tagata aoga e faitau le 1 Tupu 3:16–28.A o latou suesueina le tala ia Solomona ma tamaitai e toalua, e mafai ona e fai atu ni fesili e talanoaina e pei o nei:

Na faapefea ona faaalia e Solomona le meaalofa a le Alii o le poto ma se loto malamalama?
E mafai faapefea e meaalofa o le malamalama ma le faautauta ona fesoasoani ia te oe e auai ai i le galuega a le Alii?

Ona mafai lea e tagata aoga ona vaai i 1 Tupu 4:29–34 e vaai pe na faapefea e meaalofa a le Alii ia Solomona ona faamanuiaina ai lona nuu.