Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

1 Samuelit 17: Davidi dhe Goliathi

“1 Samuelit 17: Davidi dhe Goliathi”, Manuali i Mësuesit të Seminarit për Dhiatën e Vjetër (2026)

“1 Samuelit 17: Davidi dhe Goliathi”, Manuali i Mësuesit të Seminarit për Dhiatën e Vjetër

1 Samuelit 17–18; 24–26; 2 Samuelit 5–7: Mësimi 74

1 Samuelit 17

Davidi dhe Goliathi

The boy David (from the Old Testament) is bent over with his slingshot in his left hand. Goliath, in full armor, is falling back as the stone hits him. The army can be seen in the background.

Kur Davidi shkoi të luftonte me Goliathin, ai ishte “akoma djalosh”, që po përballej me Goliathin, “një luftëtar qysh në të ritë e tij” (1 Samuelit 17:33). Megjithatë, Davidi e dinte se Zoti do të ishte me të, gjë që bënte të gjithë ndryshimin. Sot ne mund të gjejmë forcë gjatë sfidave tona ndërsa i përballojmë ato me Jezu Krishtin. Ky mësim mund t’i ndihmojë nxënësit të mbështeten te Zoti ndërsa përballen me sfidat e tyre.

Përgatitja e nxënësve: Ftojini nxënësit të mendojnë për situata kur një të riu mund t’i nevojitet të tregojë guxim. Nxënësit mund të pyesin një pjesëtar të familjes ose mik për përvojat që ka pasur, që kërkonin guxim.

Veprimtari të Mundshme të të Mësuarit

Goliathi im

Para orës mësimore, merreni parasysh të vendosni shirit ngjitës ose një lloj tjetër shënuesi në mur për të treguar në mënyrë pamore se sa i gjatë mund të ketë qenë Goliathi (rreth 3 metra).

Paraqitni figurën nga fillimi i mësimit.

Çfarë di ti rreth historisë së Davidit dhe Goliathit?

Ftojini disa nxënës të ngrihen në këmbë dhe të krahasojnë gjatësinë e tyre me gjatësinë e Goliathit në mur. Inkurajojini ata të imagjinojnë se si do të ishte të përballeshe me Goliathin në një luftim vetëm për vetëm.

Vizatoni një figurë të madhe njeriu në tabelë, që përfaqëson Goliathin. Emërtojeni Sfidat Tona. Ftojini nxënësit t’i renditin sfidat me të cilat përballen të rinjtë, afër figurës së madhe të njeriut në tabelë.
Cilat janë disa sfida, të mëdha ose të vogla, me të cilat përballen të rinjtë sot?

Pasi nxënësit të kenë renditur disa sfida në tabelë, ftojini ata të vizatojnë një figurë të madhe njeriu në ditarin e tyre të studimit dhe ta emërtojnë Sfida Ime. Nxënësit mund të shkruajnë një sfidë vetjake afër figurës së njeriut. Vërini nxënësit të reflektojnë në heshtje për sa vijon:

Përsiat çdo sfidë që mund të kesh në jetën tënde. Zgjidh njërën për t’u përqendruar sot. Mendo rreth asaj se sa i sigurt ndihesh që Zoti mund të të ndihmojë në këtë sfidë. Shënoji mendimet e tua në ditarin tënd.

Ndërsa studion te 1 Samuelit 17, ftoje Frymën e Shenjtë të të ndihmojë të dish se si mund ta ftosh ndihmën e Shpëtimtarit për t’u përballur me sfidën tënde.

Besim në vend të frikës

Për t’i ndihmuar nxënësit të kuptojnë kontekstin e kësaj historie, mund të tregoni çdo hollësi nga paragrafi vijues që nxënësit mund të mos e kenë dhënë në fillim të mësimit.

Izraeli ishte në luftë me filistejtë. Një luftëtar filiste, Goliathi, bëri një sfidë. Ai tha se nëse një nga izraelitët do ta mundte në një dyluftim, atëherë filistejtë do të dorëzoheshin dhe do të ishin shërbëtorë të Izraelit. Por nëse fitonte Goliathi, izraelitët do të ishin shërbëtorë të filistejve. Për 40 ditë Goliathi erdhi dhe i sfidoi izraelitët në betejë. Mbreti Saul dhe ushtria e Izraelit patën frikë. Davidi erdhi t’u jepte ushqim vëllezërve të tij që ishin ushtarë në ushtri. Ai e dëgjoi Goliathin t’u kundërvihej ushtrive të Izraelit (shih te 1 Samuelit 17:1–25).

Lexo te 1 Samuelit 17:26, duke kërkuar mënyrën se si u përgjigj Davidi kur e dëgjoi Goliathin t’u kundërvihej ushtrive të Izraelit.

Çfarë të bën përshtypje rreth përgjigjes së Davidit?

Për t’i ndihmuar nxënësit t’i studiojnë vargjet vijuese, mund të ftoni tre nxënës të gatshëm të lexojnë rolet e mbretit Saul, Davidit dhe tregimtarit.

Lexo te 1 Samuelit 17:31–37, duke kërkuar arsyen përse Davidi ishte kaq i sigurt në “Perëndi[n]ë [e] gjallë” (vargu 36).

Çfarë kishte mësuar Davidi rreth Zotit që i dha atij besimin në vetvete për të dalë kundër Goliathit?

Ndihmesa ndaj nxënësve që t’i shprehin parimet që kthejnë në besim me fjalët e tyre, mund ta thellojë kuptueshmërinë e tyre për shkrimet e shenjta dhe fjalët e profetëve. Një mënyrë për ta bërë këtë është duke bërë pyetje për ndjekjen e ecurisë pasi një nxënës të ketë dhënë një shpjegim. Pyetja vijuese është një shembull.

(Për trajnim shtesë mbi mënyrën se si t’i ndihmoni nxënësit t’i shprehin parimet që kthejnë në besim, shihni pjesën “Përqendrohuni tek të vërtetat që çojnë drejt kthimit në besim dhe ndërtojnë besimin te Jezu Krishti” te Zotësitë për Përmirësimin e Mësuesve.)
Si mund të na ndihmojë ajo që mësoi Davidi rreth Zotit, ndërsa përballemi me sfidat tona?

Një parim që nxënësit mund ta shprehin me fjalët e tyre, është që, ndërsa mbështetemi te Zoti, Ai do të na ndihmojë të përballemi me sfidat tona.

Mbështetja te Zoti

Lexo te 1 Samuelit 17:38–51, duke kërkuar mënyrat se si u mbështet Davidi te Zoti ndërsa u përball me Goliathin. Merre parasysh ta shenjosh atë që gjen.

Si e tregoi Davidi se mbështetej te Zoti?

Nxënësit mund të japin një larmi përgjigjesh, të tilla si kur Davidi hoqi armaturën e mbretit dhe zgjodhi gurët dhe një hobé si armë (vargjet 39–40) ose kur dëshmoi për Jezu Krishtin (vargjet 45–47). Kërkojuni nxënësve të shpjegojnë se si çdo veprim tregoi se si u mbështet Davidi te Zoti.

Përballja me sfidat tona

Merreni parasysh të paraqitni pesë gurë ose të vizatoni pesë gurë në tabelë (shihni te 1 Samuelit 17:40). Këta gurë mund të përfaqësojnë mënyrën se si mund të mbështetemi te Zoti ndërsa përballemi me sfidat tona. Merreni parasysh t’i organizoni nxënësit në dyshe ose në grupe të vogla për të ndjekur udhëzimet më poshtë. Ata mund t’i renditin përgjigjet e tyre në tabelë afër gurëve.

Zgjidh një nga sfidat e renditura në tabelë nën titullin Sfidat Tona.

Përcakto pesë mënyra, specifike për sfidën që zgjodhe, që një individ mund të mbështetet tek Ati Qiellor dhe Jezu Krishti ndërsa përballet me këtë sfidë. Diskuto përse e zgjodhe secilin veprim.

Ftojini nxënësit e gatshëm ta tregojnë atë që diskutuan.

Si të kanë ndihmuar Ati Qiellor dhe Jezu Krishti ty, ose dikë tjetër që ti njeh, të përballesh me një sfidë?
Çfarë veprimesh ndërmore ti ose ai person për të marrë ndihmën e Tyre?

Plaku Diter F. Uhtdorf, i Kuorumit të Dymbëdhjetë Apostujve, dëshmoi për mënyrën se si mund të na ndihmojë Jezu Krishti ndërsa përballemi me sfida:

14:11

“Nëse Shpëtimtari do të qëndronte këtu sot, Ai do të shprehte dashurinë e Tij të pafundme për ju, mirëbesimin e Tij të plotë te ju. Ai do t’ju thoshte se mund ta bëni këtë gjë. Ju mund të ndërtoni një jetë të gëzuar e të lumtur, sepse Jezu Krishti është forca juaj.” (“Jezu Krishti Është Forca e Rinisë”, Liahona, nëntor 2022, f. 12)

Çfarë di ti rreth Jezu Krishtit që mund të të ndihmojë të përballesh me sfidat e tua me mirëbesim më të madh tek Ai?

Përballja me Goliathin tonë vetjak

Paraqitini udhëzimet e mëposhtme.

Reflekto mbi sfidën vetjake që shkrove më herët në ditarin tënd. Kërko mbresa nga Fryma e Shenjtë për të të ndihmuar të zgjedhësh të paktën një mënyrë se si mund të mbështetesh te Zoti për ta përballur atë sfidë.

Vizato një ose më shumë gurë në ditarin tënd të studimit. Shkruaje atë që do të bësh dhe mënyrën se si do ta bësh, afër ose brenda gurëve.

Ftojini të flasin nxënësit që janë të gatshëm.

Dëshmoni për aftësinë dhe dëshirën e Shpëtimtarit për t’i ndihmuar nxënësit në sfidat e tyre. Shprehni mirëbesimin tuaj në aftësinë e nxënësve tuaj për t’i përballur sfidat e tyre me Jezu Krishtin.

Burime Shtesë

Si mund të na ndihmojë Shpëtimtari në sfidat tona ndërsa mbështetemi tek Ai?

Plaku Karl B. Kuk, i Të Shtatëdhjetëve, tha:

11:4

“Pavarësisht nga përmasa, shtrirja dhe serioziteti i sfidave që hasim në jetë, të gjithë ne kemi periudha kur ndihemi që të ndalim, të largohemi, t’ia mbathim, ose ndoshta të heqim dorë. Por të ushtruarit e besimit te Shpëtimtari ynë, Jezu Krishti, na ndihmon ta kapërcejmë shkurajimin pavarësisht se çfarë pengesash hasim.” (“Thjesht Vazhdoni Përpara – me Besim”, Liahona, maj 2023, f. 15)

Motra Tamara W. Runia, e Presidencës së Përgjithshme të Të Rejave, tregoi:

11:30

“Është dëshmia ime se Shpëtimtari e ka aftësinë, për shkak të Shlyerjes së Tij, që ta shndërrojë çdo makth që po kaloni, në një bekim. Ai na ka dhënë një premtim ‘me një besëlidhje të patundshme’ se teksa përpiqemi fort ta duam dhe ta ndjekim Atë, ‘të gjitha gjërat me të cilat je[m]i munduar, do të veprojnë së bashku për të mirën t[onë]’ [Doktrina e Besëlidhje 98:3; theksimi i shtuar]. Të gjitha gjërat.” (“Të Shikuarit e Familjes së Perëndisë përmes Thjerrëzës Panoramike”, Liahona, nëntor 2023, f. 69)

Çfarë mund të mësoj tjetër nga historia e Davidit dhe Goliathit?

Presidentja Kamill N. Xhonson, Presidente e Përgjithshme e Shoqatës së Ndihmës, shpjegoi:

10:8

“Në mënyrë që Davidi të mposhtte Goliathin, djaloshi duhej ta pranonte duelin me gjigantin. Tregimi i rehatshëm për Davidin do të kishte qenë një kthim te përkujdesja ndaj dhenve. Por në vend të kësaj, ai reflektoi rreth përvojës së tij kur shpëtoi qengjat nga një luan dhe një ari. Dhe duke ndërtuar mbi këto akte heroike, ai mblodhi besimin dhe guximin për ta lënë Perëndinë t’ia shkruante historinë. … Me një dëshirë për ta lënë Perëndinë të triumfonte, me një vesh te Fryma e Shenjtë dhe me gatishmërinë për ta lënë Shpëtimtarin të ishte autori dhe plotësuesi i historisë së tij, djaloshi David e mundi Goliathin dhe e shpëtoi popullin e vet.

Parimi madhështor i lirisë së zgjedhjes na lejon, sigurisht, t’i shkruajmë vetë historitë tona – Davidi mund të kishte shkuar në shtëpi, duke u kujdesur sërish për dhentë. Por Jezu Krishti që rri gati për të na përdorur si mjete hyjnore, i mprehu lapsat në dorën e Tij për të shkruar një kryevepër! Ai është i gatshëm plot mëshirë të më përdorë mua, një laps të hollë, si një mjet në duart e Tij, nëse kam besimin për ta lejuar Atë, nëse do ta lë Atë të jetë autori i historisë sime.” (“Ftojeni Krishtin të Jetë Autori i Historisë Suaj”, Liahona, nëntor 2021, f. 81)

Po sikur sfidat të vazhdojnë të jenë të vështira edhe ndërsa ushtroj besim te Jezu Krishti?

Presidenti Xhefri R. Holland, i Kuorumit të Dymbëdhjetë Apostujve, dha mësim:

“Shpresa nuk humbet kurrë. Nëse ato mrekulli nuk vijnë shpejt ose plotësisht, apo duket se nuk vijnë aspak, kujtoni shembullin e pikëlluar të vetë Shpëtimtarit: nëse kupa e hidhur nuk hiqet, pijeni atë dhe jini të fortë, duke pasur besim për ditë më të mira përpara. …

Gjithashtu le te kujtojmë se, përmes çdo sëmundjeje apo sfide të vështirë, ka ende shumë në jetë për të cilën të jemi plot shpresë dhe mirënjohje.” (“Si një Vazo e Thyer”, Liahona, nëntor 2013, f. 41)

Veprimtari Plotësuese të të Mësuarit

Thënie shoqëruese

Merreni parasysh të tregoni thënien vijuese në fillim të mësimit si pjesë e diskutimit rreth sfidave tona.

Presidenti Tomas S. Monson (1927–2018) dha mësim:

“A ka një Goliath në jetën tuaj? A ka një në jetën time? A qëndron ai i pozicionuar ndërmjet jush dhe lumturisë që dëshironi? Goliathi juaj … mund të mos jetë tre metra i gjatë, por ka gjasa që ai të duket po aq i frikshëm. …

… Ndihma e Perëndisë së Plotfuqishëm [nuk është shumë] larg. Cili do të jetë veprimi ynë? … Gjiganti ynë, Goliathi ynë, duhet të mposhtet.” (“Meeting Your Goliath”, New Era, qershor 2008, f. 5)

Davidi si një simbol i Jezu Krishtit

Për t’i ndihmuar nxënësit të shohin Davidin e ri në moshë si një simbol i Jezu Krishtit, merreni parasysh të paraqitni tabelën vijuese vetëm me referencat e shkrimeve të shenjta. Ftojini nxënësit t’i lexojnë fragmentet me një partner dhe të përcaktojnë mënyrën se si lidhet çdo fragment me Jezu Krishtin. Pas një kohe të mjaftueshme, nxënësit mund t’ia tregojnë atë që gjetën klasës.

Davidi	Jezu Krishti
Davidi 1 Samuelit 17:12 (Davidi lindi në Bethlehem.)	Jezu Krishti Lluka 2:4–7
Davidi 1 Samuelit 16:11; 17:15 (Davidi ishte një bari.)	Jezu Krishti Gjoni 10:14
Davidi 1 Samuelit 16:13 (Davidi u vajos për të qenë mbret i Izraelit.)	Jezu Krishti Lluka 4:18; Gjoni 1:49
Davidi 1 Samuelit 17:50–51 (Davidi e çliroi Izraelin duke mposhtur një gjigant.)	Jezu Krishti 2 Nefi 9:10–12 (Jezusi na çliron duke mposhtur mëkatin dhe vdekjen.)

Interpretimi me role i historisë

Për një mënyrë tjetër për ta paraqitur historinë, merreni parasysh të ftoni tre nxënës të gatshëm të interpretojnë rolet e Saulit, Davidit dhe Goliathit, me një nxënës të katërt për të bërë tregimtarin. Mund t’u siguroni nxënësve etiketa emrash dhe objekte skenike, të tilla si një kurorë për Saulin ose një hobé për Davidin. Sigurohuni që kjo veprimtari të mos marrë shumë kohë nga pjesa tjetër e mësimit.

Një histori bashkëkohore e Davidit dhe Goliathit

Për t’i ndihmuar nxënësit të shohin një shembull bashkëkohor të dikujt që mbështetet te Zoti përgjatë një sfide, merreni parasysh të shfaqni “Working through Emotional Trauma” [“Përballimi i Traumës Emocionale”] (3:58). Ky material filmik paraqet një të re që për vite me radhë luftoi me traumën emocionale. Mund t’i ftoni nxënësit të shohin se si ajo u mbështet te Zoti për ndihmë.

3:58