Ruth

Si Elder D. Todd Christofferson sa Korum sa Napulog Duha ka Apostoles mipasabot:

Uban sa labing importanteng titulo ni Jesukristo mao ang Manunubos. … Ang pulong tubos nagpasabot sa pagbayad og obligasyon o utang. Ang pagtubos nagpasabot usab sa pagluwas o paghatag og kagawasan. (“Katubsanan,” Liahona, Mayo 2013, 109)

• Sa unsang mga paagi nga ikaw ug ang uban kinahanglang tubson ni Jesukristo?

• Unsa ka dako ang imong gusto nga mosalig sa gahom sa pagtubos ni Jesukristo ang gusto nimo nga naa ka diha sa imong kinabuhi? Ngano man?

Ang katubsanan mao ang usa sa inilang mga tema sa asoy ni Ruth. Samtang imong tun-an ang istorya ni Ruth, ikonsiderar kon sa unsang paagi ang pagpahisama niini nga asoy diha sa atong kaugalingon makatabang nato sa pagkat-on nga kon modangop kita kang Jesukristo, Siya motubos kanato. Tinguhaa ang tabang sa Espiritu Santo aron mahibalo sa mga paagi nga kita mahisama ni Ruth ug nanginahanglan og katubsanan ug kon sa unsang paagi si Boas sama sa Manluluwas nga si Jesukristo ug motubos kanato.

Sa panahon sa gutom, usa ka Israelinhong babaye nga ginganlan og Noemi, iyang bana, ug iyang duha ka anak nga lalaki mibalhin gikan sa Betlehem paingon sa Moab, silingang nasod nga lahi og kultura ug relihiyosong pagtuo. Samtang naa didto, ang mga anak nga lalaki naminyo og mga babaye nga Moabihanon, si Ruth ug Orpah.

Makapasubo, ang bana ug duha ka anak nga lalaki ni Noemi namatay, nga nagbilin sa tulo ka babaye nga balo. Gipili ni Noemi nga mobalik sa Bethlehem. Kay dili na man niya maatiman ang iyang mga umagad, giingnan sila ni Naomi nga mobalik sa ilang mga pamilya sa Moab. Si Orpah mipauli sa iyang pamilya.

Basaha ang Ruth 1:8–9, 14–17, nga pangitaon ang tubag ni Ruth kang Noemi.

• Unsa ang pipila ka kawalay kasegurohan ug mga kalisdanan ang posibleng maatubang ni Ruth sa iyang pag-uban kang Noemi sa Betlehem?

  Human madungog ang ipakigbahin sa mga estudyante, pwede nimong ipatin-aw ang pipila sa mosunod:

  • Sa iyang pag-uban kang Noemi, biyaan ni Ruth ang iyang pamilya sa Moab.

  • Si Ruth mahimong langyaw sa usa ka dili pamilyar nga yuta nga lahi og kultura.

  • Kay wala nay mga bana, si Ruth ug Noemi mag-atubang sa grabeng kakabos.

  • Ang pagpili ni Ruth nagpakita nga andam siyang mosimba ug mosalig kang Jehova (Jesukristo), dili sa mini nga dios-dios sa mga Moabihanon. (Pwede nimong dapiton ang mga estudyante nga markahan ang hugpon sa mga pulong nga “ang imong Dios mahimong akong Dios” sa bersikulo 16.)

• Kay nahibalo sa kahimtang ni Ruth, unsay talagsaon kaayo para nimo sa iyang tubag?

Ablihan ang PDF

• Sa unsang mga paagi nga sama kita kang Ruth?

  Kon maglisod og tubag ang mga estudyante, ikonsiderar ang paghangyo nila nga hunahunaon kon naa pa bay kulang nila o igo na ang ilang nabatonan. (Pwedeng lakip niini ang kakulang sa pagkamatarong o pagkamasulundon, dili igo nga kusog aron mabuntog ang sala o kahuyangan, dili igo nga suporta aron padayong mohimo kon unsay husto, ug uban pa.) Pwede usab nimong ipangutana kon unsay gihimo ni Ruth aron tinguhaon ang katubsanan ug kon sa unsang paagi nga mahimong sama kita niana.

• Sa unsang mga paagi nga si Boas sama ni Jesukristo?

  Kon maglisod og tubag ang mga estudyante, ikonsiderar ang pagdapit nila nga rebyohon ang Ruth 2:12, 15–16. Pwede usab nimong ipasabot nga si Boas misulod og usa ka pakigsaad sa kaminyoon o relasyon kang Ruth nga kanunay siyang higugmaon ug atimanon.

  Kon kinahanglan, ipasabot nga gitubos kita sa Manluluwas sa tanang paagi nga atong gikinahanglan. Ikonsiderar ang pagdapit sa mga estudyante nga basahon ang Mosiah 15:7–9 o Helaman 5:9–11 aron mahibaloan kon giunsa pagtubos sa Manluluwas. Pwede usab nimong idugang nga ang matubsanon nga buhat sa Manluluwas naglakip sa pagtabang nato sa atong mga problema dinhi sa yuta (tan-awa sa D. Todd Christofferson, “Katubsanan,” Liahona, Mayo 2013, 109–110).

• Unsaon nimo paghulagway ang kalainan sa kahimtang ni Ruth sa wala pa ug human gitabangan ug gipangasawa ni Boas?

• Unsang mga leksiyon ang atong makat-onan bahin sa atong relasyon kang Jesukristo pinaagi sa istorya ni Ruth ug Boas?

Paghatag og mga kahigayonan sa mga estudyante nga tubagon ang sunod nga tulo ka pangutana nga magdapit tingali sa Espiritu Santo. Samtang makigbahin ug maminaw ang mga estudyante sa ipakigbahin sa uban, makatabang ang Espiritu Santo sa mga estudyante nga mabati ang mas dakong tinguha sa pagsalig kang Jesukristo ug sa Iyang gahom sa pagtubos. Aron tabangan ang mga estudyante nga mangandam sa pagtubag sa unang pangutana, pwede nimong ipasalida ang “Pagpangita sa Imong Katuyoan sa Kinabuhi: Importante Ba ang Hugot nga Pagtuo?” (5:08) o “Biyai ang Kanhing mga Kasaypanan” (3:43), nga parehas nga anaa sa ChurchofJesusChrist.org.

5:9

3:43

• Kanus-a gibati nimo o sa imong kaila ang gahom sa pagtubos ni Jesukristo?

• Ngano kaha nga ikaw, sama kang Ruth, gustong mosalig kang Jesukristo ug sa Iyang gahom sa pagtubos sa umaabot?

• Sa imong hunahuna, unsay mahimo sa usa ka tawo aron molambo ang iyang tinguha sa pagsalig sa gahom sa pagtubos sa Manluluwas?