Deuteronomio 15

Si Presidente Russell M. Nelson mitudlo:

Usa sa labing sayon nga mga paagi sa pag-ila sa usa ka tinuod nga sumusunod ni Jesukristo mao ang . (Gikinahanglan ang mga Tigpasiugda og Kalinaw,” Liahona, Mayo 2023, 98)

• Unsa ang pipila ka paagi nga mahimo natong makompleto ang pamahayag ni Presidente Nelson?

Usa sa labing sayon nga paagi sa pag-ila sa usa ka tinuod nga sumusunod ni Jesukristo mao ang maluluy-on nga pagtagad niana nga tawo ngadto sa ubang tawo. (Gikinahanglan ang mga Tigpasiugda og Kalinaw,” Liahona, Mayo 2023, 98)

• Nganong mao man kini ang maayo nga paagi sa pag-ila sa tinuod nga mga sumusunod ni Jesukristo?

• Unsa ang pipila ka paagi nga ang mga disipulo ni Jesukristo mahimong motratar sa mga tawo sa manggiluy-on nga paagi?

  Aron matabangan ang mga estudyante sa pagsukod kon unsa kamaayo ang ilang pagtratar karon sa uban, mahimo nimong ipakigbahin ang pipila o ang tanan sa mosunod nga mga pamahayag ug dapita ang mga estudyante sa pagpamalandong kon unsa ka maayo ang matag pamahayag nga magamit ngadto kanila.

• Ang paagi nga akong itratar ang uban nagpakita nga ako usa ka sumusunod ni Jesukristo.

• Aduna koy kaluoy sa uban ug gustong buhaton ang akong makaya aron tabangan sila.

• Mibati ko nga andam nga ipakigbahin sa uban ang unsay gihatag sa Ginoo kanako.

Samtang magtuon ka karon, tinguhaa ang giya sa Espiritu Santo aron tabangan ka nga mabati ang kaimportante sa pagsunod sa sugo sa Manluluwas sa paagi nga imong itratar ang ubang tawo.

Basaha ang Deuteronomio 15:7–11, nga mangita kon sa unsang paagi gusto sa Ginoo nga atong trataron ang mga tawo sa atong palibot.

• Unsay imong nadiskobrehan?

  Samtang nagpakigbahin ang mga estudyante, tabangi sila nga mahibaloan ang kamatuoran nga sama sa ang Ginoo nagsugo kanato nga ipakigbahin ang mga panalangin nga Iyang gihatag kanato.

  Mahimong makatabang ang paggamit og usa ka yano nga leksiyon gamit ang usa ka butang aron tabangan nga makasabot ang mga estudyante kon unsay ipasabot sa “pagabuklaron mo kaniya ang imong kamot” ngadto sa uban (mga bersikulo 8 ug 11). Sa pagbuhat niini mahimo nga aduna kay usa ka panaksan nga dunay uga nga cereal, mga liso, o gagmayng kendi diha sa atubangan sa klasehanan. Pagdapit og duha ka estudyante sa pagpakita niini nga hugpong sa mga pulong. Usa ka estudyante mahimong mokuha og usa ka kumkom sa aytem ug idunol kini sa mga kamot sa laing estudyante. Hangyoa ang estudyante sa pagbukhad sa iyang kamot “og gamay,” dayon “mas gamay pa,” aron makalusot ang gagmayng piraso sa pagkaon nga mahulog sa mga kamot sa laing estudyante. Sa kataposan, dapita ang mga estudyante sa pagbasa pag-usab sa bersikulo 8 ug ipapakita sa estudyante ang leksiyon gamit ang usa ka butang nga “pagabuklaron mo kaniya ang imong kamot.”

• Unsa sa imong hunahuna ang gipasabot nga atong bukharon pag-ayo ang atong mga kamot sa pag-atiman sa mga kabos?

• Unsa ang atong makat-onan mahitungod sa Manluluwas gikan sa Iyang sugo? Sa unsang paagi gibukhad Niya pag-ayo ang Iyang kamot ngari kanato?

• Sa unsa nga kahimtang tingali kita matental nga kumkomon ang atong mga kamot ngadto sa mga kabos?

Basaha ang Deuteronomio 15:12–15, nga mangita kon giunsa pagsulti sa Ginoo ang mga Israelita nga kinahanglan nilang trataron ang sulugoon nga gustong makalingkawas gikan sa pagkaulipon.

• Gikan sa unsay imong nakat-onan bahin sa mga Israelita, sa unsang paagi nahimo silang ulipon sa pisikal ug espirituhanong paagi? Sa unsang paagi kaha ang usa ka tawo anaa sa espirituhanon nga pagkaulipon karon?

• Sa unsang paagi ang paghinumdom kon giunsa kita pagluwas sa Manluluwas gikan sa espirituhanon ug pisikal nga pagkaulipon nakaapekto kon giunsa nato pagtratar ang uban?

• Unsaon nato pagbukhad og maayo sa atong mga kamot ngadto sa usa ka tawo nga nanginahanglan sa matag usa niini nga mga paagi?

Gamita ang mga himan sa pagtuon sa kasulatan sa pagpangita og usa ka tudling sa kasulatan o pamahayag gikan sa usa ka lider sa Simbahan nga makatabang sa usa ka tawo aron mosunod sa sugo sa Manluluwas sa pag-atiman sa mga kabos

• Sa unsang paagi kini nga kasulatan o pamahayag magamit kon giunsa nato pag-atiman ang usa ka tawo nga “kabos” sa pinansyal, espirituwal, pisikal, emosyonal, o sosyal nga paagi?

• Kanus-a ka adunay kasinatian nga napanalanginan tungod sa pagkamanggihatagon sa uban?

Aron matabangan ang mga estudyante nga madugangan ang ilang tinguha sa paghatag sa madagayaon nga paagi ngadto sa uban, mahimong ipasalida nimo ang bidyo nga “The Coat [Ang Kupo]” (2:07) gikan sa Gospel Library. Mahimo nimong ipasabot ngadto sa mga estudyante nga kini nga istorya nagpakita og kasinatian sa pagkabata ni Presidente Heber J. Grant. Ikonsiderar ang paghunong kadiyot sa bidyo human ang batang si Heber unang nakakita sa gamayng batang lalaki nga walay kupo. Dapita ang mga estudyante sa pagrebyo sa Deuteronomio 15:7–8 ug sa pagpakigbahin og mga butang nga mahimong buhaton ni Heber kon siya “mobukhad pag-ayo sa iyang kamot” ug sa unsang paagi ang Ginoo makapanalangin kaniya tungod sa iyang pagkamanggihatagon. Dayon tan-awa ang nahibilin sa bidyo.

2:8

Basaha ang Matthew 25:31–40, nga mangita kon unsay gibati sa Manluluwas mahitungod sa atong mga paningkamot sa pag-atiman sa mga tawo nga nanginahanglan.

• Unsay imong nakat-onan ug gibati karon nga nakatabang nga madugangan ang imong tinguha nga mahimong usa ka tinuod nga sumusunod ni Jesukristo pinaagi sa paghatag og madagayaon ngadto sa uban?

• Unsay imong gibati nga nadasig nga buhaton?