Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Deuteronomio 6:1–6: Higugmaon ang Dios sa Bug-os Mong Kasingkasing

“Deuteronomio 6:1–6: Higugmaon ang Dios sa Bug-os Mong Kasingkasing” Manwal sa Magtutudlo sa Seminary sa Daang Tugon (2026)

“Deuteronomio 6:1–6: Higugmaon ang Dios sa Bug-os Mong Kasingkasing” Manwal sa Magtutudlo sa Seminary sa Daang Tugon

Deuteronomio 6–8; 15; 18; 29–30; 34: Leksiyon 58

Deuteronomio 6:1–6

Higugmaon ang Dios sa Bug-os Mong Kasingkasing

Human sa paggiya sa mga Israelita sulod sa 40 ka tuig didto sa kamingawan, si Moises mipakigbahin sa iyang kataposang tambag ngadto kanila sa wala pa ang Ginoo misugo ni Josue sa pagpangulo kanila ngadto sa gisaad nga yuta. Ang usa ka importanteng bahin sa propetikanhong mensahe ni Moises mao ang “higugmaon ang Dios sa bug-os mong kasingkasing” (Deuteronomio 6:5). Kini nga leksiyon makatabang sa mga estudyante nga masabtan kon unsaon nila sa pagpakita sa ilang gugma sa Dios.

Pagpangandam sa estudyante: Dapita ang mga estudyante sa paghangyo sa usa ka ginikanan, tigbantay, o lider sa Simbahan sa pagpakigbahin sa pipila sa ilang paborito nga ipakita apan dili isulti nga mga paagi sa pagpakita nga sila nahigugma sa usa ka tawo. Mahimong makatabang ang pagsulti sa mga estudyante nga ang leksiyon magtutok sa mga paagi nga atong mapakita ang atong gugma alang sa Dios.

Posibleng mga Kalihokan sa Pagkat-on

Pagpakita og gugma

Ikonsiderar ang paggamit sa mosunod nga mga kalihokan aron sa pagtabang sa mga estudyante sa pagpagawas og hunahuna sa daghang paagi nga sila makapakita sa gugma.

Sa imong journal sa pagtuon, isulat ang ngalan sa sakop sa pamilya nga imong gimahal.
Sa 60 ka segondo, ilista ubos sa ilang ngalan ang daghang talagsaon nga paagi sa pagpakita sa imong gugma alang kanila kutob sa imong mahimo.

Hangyoa ang pipila ka boluntaryo sa pagpakigbahin sa ngalan nga ilang gisulat ug pipila sa mga ideya sa pagpakita sa ilang gugma.

Kon mahuman na ang mga estudyante sa pagpakigbahin, dapita sila sa pagbasa sa Deuteronomio 6:5 ug ipakigbahin unsa ang ilang nakat-onan. (Mahimong mopakigbahin ang mga estudyante sa ilang kaugalingong mga pulong sa usa ka kamatuoran sama sa: ang Ginoo nagsugo kanato sa paghigugma Kaniya uban sa tibuok natong kasingkasing, kalag, ug kusog.) Mahimo ninyong isugyot nga ang mga estudyante mo-link o mo cross-reference niini nga bersikulo ngadto sa tudling sa kahanas sa doktrina sa Mateo 22:36–39, diin gihatagan ni Jesukristo og gibug-aton ang kaimportante niini.

Ikonsiderar ang pagsulat sa Langitnong Amahan ug Jesukristo diha sa tunga sa pisara. Hatagi ang mga estudyante og duha ka minuto sa pagduol sa pisara ug paglista sa lainlain nga mga pamaagi sa atong pagpakita og gugma ngadto Kanila.

Dayon dasiga ang mga estudyante sa pagpakigbahin hain niining mga ideya sa ilang klasmeyt ang labing makahuloganon kanila ug ngano.

Pamalandongi ang mosunod nga mga pangutana.

Unsa ang inyong tinuod nga mga pagbati alang sa Langitnong Amahan ug ni Jesukristo? Nganong ingon man niana ang imong gibati?
Unsa ang pipila ka pamaagi nga inyong mapakita Kanila unsa ang imong gibati?

Samtang magtuon kamo sa basahon sa Deuteronomio karon nga semana, hatagi og pagtagad ang mga pag-aghat gikan sa Espiritu Santo. Ang Iyang impluwensiya makapalawon sa imong gugma alang sa Langitnong Amahan ug ni Jesukristo, ug sa pagtudlo kanimo sa mga pamaagi nga ikaw makapahayag sa maong gugma ngadto Kanila.

Ang Dios nahigugma kanato sa tibuok Niyang kasingkasing

Aron sa pagtabang sa mga estudyante nga makat-on gikan sa ehemplo sa Dios, sila gidapit sa pag-link o pag cross-reference sa Deuteronomio 6:5 ngadto sa 1 Juan 4:19. Human sa pagbasa sa bersikulo 19, mahimo nimong hangyoon ang mga estudyante sa pagpakigbahin sa mga paagi nga gipakita sa Dios ang Iyang gugma sa matag usa o alang kanila sa personal nga pamaagi.

Ang mosunod nga pamahayag makatabang sa mga estudyante sa pagpamalandong sa hingpit nga ehemplo sa Dios sa paghigugma kanato sa bug-os Niyang kasingkasing. Ikonsiderar ang pagpakita niini ug pagdapit og usa ka estudyante sa pagbasa niini og kusog. Dayon ipadayon ang pagpakita niini samtang ang mga estudyante naghisgot sa ilang mga tubag sa mga pangutana sa ubos.

Si Presidente Jeffrey R. Holland sa Kurom sa Napulog Duha ka Apostoles mitabang nato nga mas makasabot sa tinuod nga karakter sa Dios.

19:25

Ang unang dako nga sugo sa tanang kahangtoran mao ang paghigugma sa Dios sa tibuok natong kasingkasing, gahom, hunahuna, ug kusog—mao kana ang una ug dakong sugo. Apan ang unang dako nga kamatuoran sa tanang kahangtoran mao nga ang Dios nahigugma kanato sa tibuok Niyang kasingkasing, gahom, hunahuna, ug kusog. Kana nga gugma mao ang pundasyon nga bato sa kahangtoran, ug kini maanaa sa tukoranan nga bato sa atong inadlaw-adlaw nga kinabuhi. Sa pagkatinuod kini lamang inubanan nianang kasigurohan nga nagdilaab sa atong kalag, nga kita makaangkon sa pagsalig aron magpadayon sa pagpaningkamot nga molambo, padayon sa pagpangita og kapasayloan sa atong mga sala, ug pagpadayon sa pagtugyan niana nga grasya sa atong silingan. (“Ugma ang Ginoo Mobuhat og Katingalahan diha Kaninyo,” Liahona, Mayo 2016, 127)

Unsay imong nakat-onan gikan sa pamahayag ni Presidente Holland nga makadasig kanato aron mapakita nato ang atong gugma sa Dios?
Unsa ang pipila ka lakang nga mabuhat sa usa ka tawo ngadto sa paghigugma sa Dios “uban sa tanan [nilang] kusog” kon wala sila mobati nga lig-on sa pagbuhat unta niini?

Ang pagkamasulundon usa ka pagpakita sa gugma

Aron sa paghatag sa mga estudyante og mubong konteksto sa basahon sa Deuteronomio, ikonsiderar ang pagpakita sa imahe ni Moises gikan sa sinugdanan sa leksiyon samtang imong i-summarize o dapiton ang mga estudyante sa pagbasa og kusog sa mosunod nga parapo.

Human sa pag-alagad isip usa ka propeta sa Dios sulod sa 40 ka tuig, si Moises misugo sa mga Israelita sa paghimo og kampo sa utlanan sa gisaad nga yuta. Si Josue sa dili madugay magdala kanila tabok sa utlanan (tan-awa sa Deuteronomio 31:23). Si Moises igo ra nga nakakita sa gisaad nga yuta didto sa tumoy sa bukid sa wala pa siya nabalhin sa pagkahimaya, o midala ni Moises sa Iyang Kaugalingon nga si Moises dili makasinati og kamatayon (tan-awa sa Deuteronomio 34:1–6; Alma 45:18–19). Ang basahon sa Deuteronomio naglangkob sa kataposang tambag ni Moises ngadto sa mga tawo, lakip ang dinasig nga tambag mahitungod sa paghigugma sa Dios ug pagsunod sa Iyang mga sugo.

Basaha ang mosunod nga mga tudling sa kasulatan, nga mangita sa pagkasusama tali sa unsa ang gitudlo ni Moises sa iyang katawhan ug unsa ang gitudlo ni Jesus sa Iyang mga disipulo mahitungod sa unsang paagi mapakita nato ang gugma alang sa Dios.

Deuteronomio 6:1–6; 30:16

Juan 14:15, 21–24

Unsay imong nakat-onan mahitungod sa pagpakita sa atong gugma alang sa Dios?

Kon ang mga estudyante milista na sa “pagtuman sa mga sugo” diha sa pisara sa sayo pa isip usa ka paagi sa pagpakita sa atong gugma alang sa Dios, ikonsiderar ang pagpasabot. Kon wala pa, ikonsiderar ang pagdugang niini sa pisara.
Ngano sa inyong hunahuna ang pagsunod sa kasugoan usa ka makahuloganon nga paagi sa pagpakita ngadto sa Langitnong Amahan ug ni Jesukristo nga kita nahigugma Kanila?

Paghigugma sa Dios sa atong matag adlaw nga mga kinabuhi

Pagpili og usa sa komon nga mga sitwasyon: sa trabaho, sa eskwelahan, sa seminary, sa simbahan, sa panimalay, sa pagpraktis, uban sa mga higala, sa social media. Unsaon nimo sa pagtubag sa mosunod nga mga pangutana gikan sa imong kasinatian niini nga sitwasyon diha sa inyong hunahuna?

Niini nga sitwasyon, unsa ang inyong nakita sa usa ka tawo sa pagpakita sa ilang gugma alang sa Dios?
Unsa ang pipila ka sakto nga paagi sa pagpakita sa inyong gugma sa Dios niini nga sitwasyon?
Aduna bay bisan unsa nga sitwasyon nga tingali lisod ang pagpakita sa gugma sa Dios? Kon mao, unsaon nato kini pagbuntog?

Panapos

Sa pagtapos, pwede nimong ipakita ang imong gugma sa Langitnong Amamahan ug ni Jesukristo.

Agi og dugang sa imong pagpamatuod, pwede usab nimong ipakigbahin ang mosunod nga pamahayag ug dapiton ang mga estudyante sa pagpakita sa ilang mga pagbati alang sa Langitnong Amahan ug ni Jesukristo sa ilang journal sa pagtuon. Awhaga sila sa paglihok diha sa bisan unsa nga mga pag-aghat nga tingali ilang nadawat gikan sa Espiritu atol niini nga leksiyon.

Si Elder K. Brett Nattress sa Seventy nangutana sa pipila ka importante nga mga pangutana alang kanato sa pagpamalandong sa personal nga pamaagi.

Mopamatuod ko nga ang atong Langitnong Amahan kanunay nga nahinumdom kanato ug nga Siya nahigugma kanato sa hingpit. Ang akong pangutana mao kini: Kita ba nahinumdom Kaniya? Ug kita ba nahigugma Kaniya? (“Napasaylo Na Ba Gayod Ako?,” Liahona, Mayo 2023, 68–69)

Dugang nga mga Kapanguhaan

Sa unsang paagi ang Iyang gugma alang sa Dios makatabang sa Manluluwas sa paglahutay sa Iyang maulaong sakripisyo?

Si Elder D. Todd Christofferson sa Korum sa Napulog Duha ka Apostoles mitudlo:

Kon kita naghigugma sa Dios uban sa atong tibuok nga kasingkasing, kalag, hunahuna, ug kusog, ang atong gitutokan sa kinabuhi mao ang pagtuman sa Iyang mga tinguha. Walay tawo, dayag lamang, ang nakahimo niana nga mas labaw pa ug hingpit kay sa atong ehemplo, si Jesukristo, kinsa sa makausa miobserbar, “Wala ako pasagdi sa Amahan nga mag-inusara; kay sa kanunay gibuhat ko man ang makapahimuot kaniya.” Ang Iyang labing taas nga prayoridad mao kaniadto ug karon ang paghimaya sa Amahan.

Kanang labing taas nga prayoridad, kanang labing taas nga kamaunongon, nakahimo ni Jesus sa pagkakita sa Iyang Pag-ula hangtod sa pagkahuman niini, sa pag-inom nianang labing mapait nga mga kopa hangtod sa kataposan gayod nga tulo. …

Samtang si Kristo nagbitay diha sa krus, ang atong kapalaran, atong pagka-imortal, ug ang atong kinabuhing dayon walay nahibalo kon unsa ang dangatan, ug ang butang nga nakapalihok sa timbangan nga pabor kanato sa pagtino kon ang atong pagpakabuhi ba gayod adunay kahulogan mao nga si Jesukristo nahigugma sa Amahan uban sa Iyang tibuok nga kasingkasing, kalag, hunahuna, ug kusog. (“Unahon ang Unang Sugo” [Brigham Young University devotional, Mar. 22, 2022]), speeches.byu.edu

“Unsa man ang dakong sugo sa kasugoan?” (Mateo 22:36)

Si Presidente Dallin H. Oaks sa Unang Kapangulohan mipasabot:

Dihang gipangutana si Jesus unsa ang labing dakong sugo sa balaod, mihatag Siya og duha. Una mao ang paghigugma sa Dios, nga ipakita nato pinaagi sa pagtuman sa Iyang mga sugo. Ikaduha mao ang paghigugma sa atong isigkatawo. Buhaton gayod nato ang duha, ug kana dili sayon. Daghan kanato may kalagmitang dili kaayo magtagad sa paghigugma sa atong silingan ug mapasobrahan ang pagtuman sa balaod (mga sugo). Siguradong malagmit kana kanako tungod sa akong legal nga pagbansay. Apan niining tanan, ang paghigugma sa Dios ug pagpakita sa atong gugma sa Dios pinaagi sa pagtuman sa mga sugo maoy unang dako nga sugo. Ug siyempre, mas sayon kanato ang paghukom sa atong kaugalingon ug sa uban kon nagsunod ba kita sa balaod o wala. Apan, importante usab nga tanan kita motuman sa ikaduhang sugo, nga “sama niini,” sa paghigugma sa atong mga silingan sama sa paghigugma ni Jesus kanato. (“Barogan ang Kamatuoran” [tibuok kalibotan nga debosyonal alang sa mga young adult, Mayo 21, 2023], Librarya sa Ebanghelyo)

Unsa ang atong mahimo aron mapalawman ang atong gugma alang sa Dios?

Ang artikulo “3 ka Paagi sa Pagpalambo sa Tiunay nga Gugma sa Dios” adunay mga ideya kon unsaon nato nga mapalambo ang atong gugma alang sa Dios paglabay sa panahon.

Dugang nga mga Kalihokan sa Pagkat-on

Alternatibong pagsugod aron sa pagtabang sa mga estudyante sa pagsabot sa konteksto sa Deuteronomio

Mahimo kang mosugod sa leksiyon pinaagi sa pagtabang sa mga estudyante nga makasabot sa gihatag nga kataposang tambag ni Moises sa mga tawo nga iyang gihigugma. Kini usab makatabang sa mga estudyante sa pagpamalandong kon unsa ang importante kaayo kanila.

Imo kining mabuhat pinaagi sa pagpakita sa mosunod nga mga instruksiyon ug sa paghatag sa mga estudyante og duha o tulo ka minuto sa pagpamalandong o pagsulat sa ilang mga gihunahuna. Dayon dapita ang pipila ka estudyante sa pagpakigbahin sa gihunahuna nga dili kaayo personal.

Handurawa nga mobiya kamo gikan sa minahal sa usa ka panahon o posibleng hangtod sa hangtod. Mahimong mobilin kamo og usa ka mubo nga sulat sa tambag alang kanila sa dili pa kamo mobiya.

Unsa nga tambag ang mahimo ninyong ipakigbahin kanila? (Tingali mahimo ninyong ilakip unsa ang inyong gilaoman nga ilang buhaton o dili buhaton sa umaabot, unsa ang imong gilaoman nga ilang iprayoridad sa ilang mga kinabuhi, o unsa ang inyong gibati mahitungod ni Kristo ug sa Iyang ebanghelyo.)

Aron sa pagtabang sa mga estudyante nga makasabot sa konteksto sa basahon sa Deuteronomio pinaagi sa pagpakigbahin sa konteksto sa parapo gikan sa leksiyon nga makita lang ubos sa ulohan nga “Ang pagkamasulundon usa ka pagpakita sa gugma.”

Mga ehemplo sa pag-una sa Dios sa atong mga kinabuhi

Si Elder D. Todd Christofferson sa Kurom sa Napulog duha ka Apostoles mihatag og pipila ka ehemplo kon unsa ang gipasabot sa pag-una sa Dios sa atong kinabuhi sa iyang pakigpulong “Unahon ang Unang Sugo” (Brigham Young University devotional, Mar. 22, 2022).

Ikonsiderar ang pagprinta og mga kopya sa mga seksiyon sa iyang pakigpulong ubos sa mosunod nga upat ka ulohan. Dapita ang gagmay nga mga grupo sa pagtuon sa matag usa nga seksiyon ug pag-andam sa pagpakigbahin sa mga ideya kon unsaon nato pag-una sa atong mga kinabuhi ang gugma alang sa Dios.

Ang Pagbutang sa Unang Sugo og Una: “Sunda Ninyo ang Akong mga Sugo”

Ang Pagbutang sa Unang Sugo og Una: “Pakan-a ang Akong mga Karnero”

Ang Pag-una sa Unang Sugo: Motawag Kaniya, Magbusog sa Iyang mga Pulong

Ang Pagbutang sa Unang Sugo og Una: Tulubagon ngadto sa Dios

Mateo 22:36–39: “Ang dakong sugo”

Aron sa pagpaila sa mga estudyante ngadto sa Deuteronomio 6:5 sa paagi nga makatabang nila nga makasabot sa kaimportante, hangyoa sila sa pagpakigbahin og daklit sa ilang pares kon unsa ang ilang ikonsiderar nga labing gamhanan sa mosunod nga mga kategoriya (o lain nga mga kategoriya nga imong napili).

Salida

Dapit bakasyonan

Panghimagas

Himno

Dayon dapita ang mga estudyante sa pagbasa sa Mateo 22:36–39, nga mangita unsa ang tubag ni Jesukristo sa samang pangutana.

Pangutan-a ang mga estudyante kon nasayod ba sila asa kita makakita sa unang dakong sugo nga gipasabot ni Jesus. Dapita sila sa pagmarka sa Deuteronomio 6:5 ug i-cross-reference o i-link ngadto sa Mateo 22:36–39.