Ligji i Përtërirë 15

Presidenti Rasëll M. Nelson dha mësim:

“Një nga mënyrat më të thjeshta për ta dalluar një pasues të vërtetë të Jezu Krishtit, është ”. (“Kërkohen Paqebërës”, Liahona, maj 2023, f. 98–99)

• Cilat janë disa mënyra se si mund ta përfundojmë thënien e Presidentit Nelson?

“Një nga mënyrat më të thjeshta për ta dalluar një pasues të vërtetë të Jezu Krishtit, është se sa me dhembshuri ai person i trajton njerëzit e tjerë.” (“Kërkohen Paqebërës”, Liahona, maj 2023, f. 98–99)

• Pse është kjo një mënyrë e mirë për të dalluar pasuesit e vërtetë të Jezu Krishtit?

• Cilat janë disa mënyra se si dishepujt e Jezu Krishtit mund t’i trajtojnë njerëzit me dhembshuri?

  Për t’i ndihmuar nxënësit të vlerësojnë se sa mirë po i trajtojnë aktualisht të tjerët, mund të jepni disa ose të gjitha thëniet vijuese dhe t’i ftoni nxënësit të përsiatin se sa mirë gjen zbatim çdo thënie për ta.

• Mënyra se si i trajtoj të tjerët tregon se jam një pasues i Jezu Krishtit.

• Kam dhembshuri për të tjerët dhe dëshiroj të bëj atë që mundem për t’i ndihmuar ata.

• Ndihem i gatshëm për ta ndarë me të tjerët atë që më ka dhënë Zoti.

Ndërsa studion sot, kërko udhërrëfimin e Frymës së Shenjtë për të të ndihmuar të ndiesh rëndësinë e ndjekjes së urdhërimit të Shpëtimtarit për mënyrën se si i trajton njerëzit e tjerë.

Lexo te Ligji i Përtërirë 15:7–11, duke kërkuar mënyrën se si dëshiron Zoti që ne t’i trajtojmë njerëzit që na rrethojnë.

• Çfarë zbulove?

  Ndërsa nxënësit tregojnë, ndihmojini ata të dallojnë një të vërtetë të tillë si: Zoti na urdhëron t’i ndajmë bekimet që na ka dhënë Ai.

  Mund të jetë e dobishme të përdorni një mësim të thjeshtë me sende për t’i ndihmuar nxënësit të kuptojnë se çfarë do të thotë fraza “t’[ua] hapësh me zemërgjerësi dorën tënde” të tjerëve (vargjet 8 dhe 11). Për ta bërë këtë, mund të vendosni një tas me drithëra të thata, fasule ose karamele të vogla përpara klasës. Ftoni dy nxënës që ta demonstrojnë këtë frazë. Një nxënës mund të marrë një grusht nga artikulli dhe ta mbajë atë mbi dorën e nxënësit tjetër. Kërkojini nxënësit ta hapë dorën “pak”, pastaj “pak më shumë”, duke lejuar që një sasi e vogël e ushqimit të bjerë në dorën e nxënësit tjetër. Në fund, ftojini nxënësit të lexojnë vargun 8 sërish dhe vëreni nxënësin ta demonstrojë mësimin me sende “t[ë] hapësh me zemërgjerësi dorën tënde”.

• Çfarë mendon se do të thotë se ne duhet t’i hapim duart me zemërgjerësi për t’u kujdesur për të varfrit?

• Çfarë mund të mësojmë rreth Shpëtimtarit nga urdhërimi i Tij? Si e hap Ai dorën e Tij me zemërgjerësi për ne?

• Në cilat rrethana mund të tundohemi ta mbyllim dorën për të varfrit?

Lexo te Ligji i Përtërirë 15:12–15, duke kërkuar mënyrën se si Zoti u tha izraelitëve se duhej ta trajtonin një shërbëtor që dëshironte të çlirohej nga robëria.

• Nga ajo që keni mësuar rreth izraelitëve, si kishin qenë ata të robëruar fizikisht dhe shpirtërisht? Si mund të jetë dikush në robëri shpirtërore sot?

• Si mund të ndikojë të kujtuarit se si Shpëtimtari na ka çliruar nga robëria jonë shpirtërore dhe fizike, në mënyrën se si i trajtojmë të tjerët?

• Si mund ta hapim dorën tonë me zemërgjerësi për dikë në nevojë në secilën nga këto mënyra?

Përdori mjetet e studimit të shkrimit të shenjtë për të gjetur një fragment të shkrimit të shenjtë ose një thënie nga një udhëheqës i Kishës që mund ta ndihmojë dikë të ndjekë urdhërimin e Shpëtimtarit për t’u përkujdesur për të varfrit

• Si mund të gjejë zbatim ky shkrim i shenjtë ose thënie në mënyrën se si kujdesemi për dikë që është “i varfër” nga ana financiare, shpirtërore, fizike, emocionale ose sociale?

• Kur ke pasur një përvojë që je bekuar nga bujaria e të tjerëve?

Për t’i ndihmuar nxënësit ta rritin dëshirën e tyre për t’u dhënë me bujari të tjerëve, mund të shfaqni materialin filmik “The Coat” [“Palltoja”] (2:07) nga programi Gospel Library [Biblioteka e Ungjillit]. Ju mund t’u shpjegoni nxënësve se kjo histori paraqet një përvojë fëmijërie të Presidentit Hibër J. Grant. Merreni parasysh ta ndaloni materialin filmik pasi Hibëri në moshë të re sheh për herë të parë djalin e vogël pa pallto. Ftojini nxënësit të shqyrtojnë vargjet te Ligji i Përtërirë 15:7–8 dhe të tregojnë gjërat që mund të bënte Hibëri nëse “do të hapte me zemërgjerësi dorën e tij” dhe mënyrën se si Zoti mund ta bekonte atë për bujarinë e tij. Më pas shikoni pjesën e mbetur të materialit filmik.

2:8

Lexo te Mateu 25:31–40, duke kërkuar se si ndihet Shpëtimtari rreth përpjekjeve tona për t’u kujdesur për njerëzit në nevojë.

• Çfarë ke mësuar ose ndier sot që ka ndihmuar të rritet dëshira jote për të qenë një pasues i vërtetë i Jezu Krishtit duke u dhënë me bujari të tjerëve?

• Çfarë ke ndier mbresën të bësh?