Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Ligji i Përtërirë 6:1–6: Ta Doni Perëndinë me Gjithë Zemër

“Ligji i Përtërirë 6:1–6: Ta Doni Perëndinë me Gjithë Zemër”, Manuali i Mësuesit të Seminarit për Dhiatën e Vjetër (2026)

“Ligji i Përtërirë 6:1–6: Ta Doni Perëndinë me Gjithë Zemër”, Manuali i Mësuesit të Seminarit për Dhiatën e Vjetër

Ligji i Përtërirë 6–8; 15; 18; 29–30; 34: Mësimi 58

Ligji i Përtërirë 6:1–6

Ta Doni Perëndinë me Gjithë Zemër

Pasi i udhërrëfeu izraelitët për 40 vjet në shkretëtirë, Moisiu u dha këshillën e tij të fundit para se Zoti ta urdhëronte Jozueun t’i udhëhiqte për në tokën e premtuar. Një pjesë e rëndësishme e mesazhit profetik të Moisiut ishte “ta duash, pra, Zotin, Perëndinë tënd, me gjithë zemër” (Ligji i Përtërirë 6:5). Ky mësim mund t’i ndihmojë nxënësit të kuptojnë se si mund ta tregojnë dashurinë e tyre për Perëndinë.

Përgatitja e nxënësve: Ftojini nxënësit t’i kërkojnë një prindi, kujdestari ose udhëheqësi të Kishës të tregojë disa nga mënyrat e parapëlqyera me gjeste për të treguar se e do dikë. Mund të jetë e dobishme t’u thoni nxënësve se mësimi do të përqendrohet te mënyrat se si mund ta tregojmë dashurinë tonë për Perëndinë.

Veprimtari të Mundshme të të Mësuarit

Të treguarit e dashurisë

Merreni parasysh ta përdorni veprimtarinë vijuese për t’i ndihmuar nxënësit të mbledhin ide për mënyra të ndryshme se si mund të tregojnë dashuri.

Në ditarin tënd të studimit, shkruaj emrin e një pjesëtari të familjes që ti e do.
Për 60 sekonda, rendit nën emrin e tij ose të saj sa më shumë mënyra unike që mundesh për të treguar dashurinë për të.

Kërkojuni disa vullnetarëve ta thonë emrin që shkruan dhe disa ide që patën për të treguarit e dashurisë.

Kur nxënësit të mbarojnë së treguari, ftojini të lexojnë te Ligji i Përtërirë 6:5 dhe ta tregojnë atë që mësojnë. (Nxënësit mund të thonë me fjalët e tyre një të vërtetë të tillë si: Perëndia na urdhëron ta duam Atë me gjithë zemrën, shpirtin dhe forcën tonë.) Mund të sugjeroni që nxënësit ta lidhin ose të bëjnë referencë-kryq të këtij vargu me fragmentin e zotërimit doktrinor te Mateu 22:36–39, ku Jezu Krishti theksoi rëndësinë e kësaj.

Merreni parasysh të shkruani Ati Qiellor dhe Jezu Krishti në mes të tabelës. Jepuni nxënësve dy minuta për të dalë në tabelë dhe për të renditur mënyra të ndryshme se si mund ta shprehim dashurinë tonë për Ta.

Më pas inkurajojini nxënësit të tregojnë se cila nga idetë e shokëve të klasës u bëri përshtypje dhe përse.

Përsiati pyetjet që vijojnë.

Cilat janë ndjenjat e tua të vërteta për Atin Qiellor dhe Jezus Krishtin? Përse ndihesh në atë mënyrë?
Cilat janë disa nga mënyrat që u tregon Atyre se si ndihesh?

Ndërsa e studion librin Ligji i Përtërirë këtë javë, kushtoju vëmendje mbresave nga Fryma e Shenjtë. Ndikimi i Tij mund ta thellojë dashurinë tënde për Atin Qiellor dhe Jezu Krishtin dhe mund të të mësojë mënyrat se si mund t’ua shprehësh Atyre atë dashuri.

Perëndia na do me gjithë zemër

Për t’i ndihmuar nxënësit të mësojnë nga shembulli i Perëndisë, ata mund të ftohen ta lidhin ose të bëjnë referencë-kryq të vargut te Ligji i Përtërirë 6:5 me vargun te 1 Gjon 4:19. Pasi ta lexojnë vargun 19, mund t’u kërkoni nxënësve të tregojnë mënyrat se si Perëndia e ka treguar dashurinë e Tij për të gjithë ose për ta personalisht.

Thënia vijuese mund t’i ndihmojë nxënësit të reflektojnë mbi shembullin e përsosur të Perëndisë që na do me gjithë zemër. Merreni parasysh ta paraqitni atë dhe të ftoni një nxënës që ta lexojë me zë të lartë. Më pas, vazhdoni ta paraqitni atë ndërkohë që nxënësit diskutojnë përgjigjet e tyre për pyetjet e mëposhtme.

Presidenti Xhefri R. Holland, i Kuorumit të Dymbëdhjetë Apostujve, na ndihmoi ta kuptojmë më mirë karakterin e vërtetë të Perëndisë.

19:25

“Urdhërimi i parë i madh i gjithë përjetësisë është që ta duam Perëndinë me të gjithë zemrën, fuqinë, mendjen dhe forcën tonë – ai është urdhërimi i parë i madh. Por e vërteta e parë e madhe e gjithë përjetësisë është që Perëndia na do me gjithë zemrën, fuqinë, mendjen dhe forcën e Tij. Ajo dashuri është guri themeltar i përjetësisë dhe duhet të jetë guri themeltar i jetës sonë të përditshme. Në të vërtetë është vetëm nëpërmjet asaj sigurie që digjet brenda shpirtit tonë, që ne mund të kemi vetëbesim që të vazhdojmë të përpiqemi për t’u përmirësuar, që të vazhdojmë të kërkojmë falje për mëkatet tona dhe të vazhdojmë ta shtrijmë atë hir drejt njerëzve përreth nesh.” (“Nesër Zoti Ka për të Bërë Mrekulli midis Jush”, Liahona, maj 2016, f. 126–127)

Çfarë mëson nga thënia e Presidentit Holland që mund të na shtyjë ta tregojmë dashurinë tonë për Perëndinë?
Cilat janë disa hapa që mund të ndërmarrë dikush për ta dashur Perëndinë “me gjithë forcën [e tij]” nëse nuk ndihet ende i fortë sa duhet për ta bërë këtë gjë?

Bindja është një shprehje e dashurisë

Për t’u dhënë nxënësve një kontekst të shkurtër të librit Ligji i Përtërirë, merreni parasysh të paraqitni figurën e Moisiut në fillim të mësimit ndërsa bëni përmbledhjen ose ftoni një nxënës që ta lexojë me zë të lartë paragrafin vijues.

Pasi shërbeu si profet i Perëndisë për 40 vjet, Moisiu i udhëzoi izraelitët ta ndërtonin kampin në kufi me tokën e premtuar. Së shpejti, Jozueu do t’i udhëhiqte ata përtej kufirit (shih te Ligji i Përtërirë 31:23). Moisiu mundi ta shihte tokën e premtuar nga një majë mali para se Zoti ta ngrinte në qiell, ose ta merrte Moisiun pranë Vetes pa parë vdekje (shih te Ligji i Përtërirë 34:1–6; Alma 45:18–19). Libri Ligji i Përtërirë përmban këshillën e fundit të Moisiut për njerëzit, duke përfshirë këshillën e frymëzuar rreth dashurisë për Perëndinë dhe bindjes ndaj urdhërimeve të Tij.

Lexoji fragmentet vijuese, duke kërkuar ngjashmëritë ndërmjet asaj që i dha mësim Moisiu popullit të tij, dhe asaj që Jezusi u dha mësim dishepujve të Tij rreth mënyrës se si ta tregojmë dashurinë tonë për Perëndinë.

Ligji i Përtërirë 6:1–6; 30:16

Gjoni 14:15, 21–24

Çfarë mësove rreth të treguarit të dashurisë sonë për Perëndinë?

Nëse një nxënës e renditi më parë në tabelë frazën “zbatimi i urdhërimeve” si një mënyrë për të treguar dashurinë tonë për Perëndinë, merreni parasysh ta vini në dukje atë. Nëse nuk e kanë bërë, merreni parasysh ta shtoni atë në tabelë.
Pse mendon se zbatimi i urdhërimeve është një mënyrë kuptimplotë për t’i treguar Atit Qiellor dhe Jezu Krishtit që i duam Ata?

Të duam Perëndinë në jetën tonë të përditshme

Zgjidh një nga këto mjedise të zakonshme: në punë, në shkollë, në seminar, në kishë, në shtëpi, në stërvitje, me shokët, në rrjetet sociale. Si do t’u përgjigjeshe pyetjeve vijuese nga përvoja jote me këtë mjedis në mendje?

Në këtë mjedis, si e ke parë dikë të tregojë dashurinë e tij për Perëndinë?
Cilat janë disa mënyra të përshtatshme për ta shprehur dashurinë tënde për Perëndinë në këtë mjedis?
A ka ndonjë gjë që mund ta bëjë shprehjen e dashurisë për Perëndinë të vështirë në këtë mjedis? Nëse po, si mund ta kapërcejmë atë?

Përfundimi

Për ta përfunduar, nëse dëshironi, mund të shprehni dashurinë tuaj për Atin Qiellor dhe Jezu Krishtin.

Përveç dëshmisë suaj, nëse dëshironi, mund të jepni edhe thënien vijuese dhe t’i ftoni nxënësit të shprehin ndjenjat e tyre për Atin Qiellor dhe Jezu Krishtin në ditarin e tyre të studimit. Inkurajojini ata të veprojnë sipas çdo mbrese që mund të kenë marrë nga Shpirti gjatë mësimit.

Plaku K. Bret Natres, i Të Shtatëdhjetëve, bëri disa pyetje të rëndësishme për ne për t’i përsiatur personalisht.

“Unë dëshmoj se Ati ynë Qiellor na kujton përherë dhe se Ai na do përsosurisht. Pyetja ime është kjo: A e kujtojmë ne Atë? Dhe a e duam ne Atë?” (“A Jam Falur Vërtet?”, Liahona, maj 2023, f. 67)

Burime Shtesë

Si e ndihmoi Shpëtimtarin, dashuria e Tij për Perëndinë, që të duronte flijimin e Tij shlyes?

Plaku D. Tod Kristoferson, i Kuorumit të Dymbëdhjetë Apostujve, dha mësim:

“Nëse e duam Perëndinë me masën e plotë të zemrës, shpirtit, mendjes dhe forcës sonë, përqendrimi ynë në jetë do të jetë të përmbushim dëshirat e Tij. Sigurisht, asnjë qenie nuk e ka bërë këtë më plotësisht dhe më përsosurisht sesa Ai që marrim si shembull, Jezu Krishti, që një herë vërejti: ‘Ati s’më ka lënë vetëm, sepse bëj vazhdimisht gjërat i pëlqejnë’. Përparësia e Tij më e lartë ishte dhe është të përlëvdojë Atin.

Ajo përparësi më e lartë, ajo besnikëri më e lartë, i mundësoi Jezusit ta çonte deri në fund Shlyerjen e Tij, ta pinte atë kupë të hidhur deri në pikën e fundit. …

Ndërsa Krishti u var në kryq, fati ynë, pavdekshmëria jonë dhe jeta jonë e përjetshme ishin në rrezik dhe gjëja që e anoi peshoren në favorin tonë për të përcaktuar nëse vetë ekzistenca jonë do të kishte kuptim, ishte se Jezu Krishti e deshi Atin me gjithë zemrën, shpirtin, mendjen dhe forcën e Tij.” (“The First Commandment First” [takim shpirtëror në Universitetin “Brigam Jang”, 22 mars 2022])

“Cili është urdhërimi i madh?” (Mateu 22:36)

Presidenti Dallin H. Ouks, i Presidencës së Parë, shpjegoi:

“Kur Jezusin e pyetën se cili ishte urdhërimi i madh, Ai dha dy. I pari ishte të duam Perëndinë, gjë që e tregojmë duke zbatuar urdhërimet e Tij. I dyti ishte të duam të afërmin tonë. Duhet t’i bëjmë që të dyja dhe kjo nuk është e lehtë. Shumë prej nesh kanë prirje t’i kushtojnë më pak vëmendje dashurisë për të afërmin dhe të mbitheksojnë zbatimin e ligjit (urdhërimet). Kjo është sigurisht prirja ime për shkak të shkollimit tim ligjor. Në fund të fundit, të duam Perëndinë dhe ta tregojmë dashurinë tonë për Perëndinë duke i zbatuar urdhërimet e Tij, është urdhërimi i parë i madh. Sigurisht, është më e lehtë të gjykojmë veten dhe të tjerët nëse po i bindemi apo jo ligjit. Megjithatë, është gjithashtu jetike për secilin prej nesh që ta zbatojë urdhërimin e dytë, që është ‘i ngjashëm me këtë’, t’i duam të afërmit tanë ashtu siç na do Jezusi.” (“Mbrojeni të Vërtetën” [takim shpirtëror mbarëbotëror për të rinjtë dhe të rejat në moshë madhore, 21 maj 2023], Gospel Library [Biblioteka e Ungjillit])

Çfarë mund të bëjmë për ta thelluar dashurinë tonë për Perëndinë?

Veprimtari Plotësuese të të Mësuarit

Fillim i ndryshëm për t’i ndihmuar nxënësit të kuptojnë kontekstin e librit Ligji i Përtërirë

Mund ta filloni mësimin duke i ndihmuar nxënësit të ndihen të lidhur me Moisiun që dha këshillën e tij të fundit për njerëzit që i donte. Kjo do t’i ndihmojë gjithashtu nxënësit që të reflektojnë mbi atë që ka më shumë rëndësi për ta.

Mund ta bëni këtë duke paraqitur udhëzimet vijuese dhe duke u dhënë nxënësve dy deri në tri minuta për të përsiatur ose shkruar mendimet e tyre. Më pas, ftoni disa nxënës që të japin mendime që nuk janë tepër vetjake.

Imagjinoni sikur do të largoheni nga njerëzit tuaj të dashur për një periudhë të gjatë kohe ose mbase përgjithmonë. Ju mund të lini një shënim të shkurtër si këshillë për ta para se të largoheni.

Çfarë këshille do t’u jepnit atyre? (Nëse dëshironi, mund të përfshini atë që shpresoni se ata do ta bëjnë ose nuk do ta bëjnë në të ardhmen, atë që shpresoni se ata do t’i japin përparësi në jetën e tyre ose mënyrën se si ndiheni rreth Jezu Krishtit dhe ungjillit të Tij.)

Më pas ndihmojini nxënësit të kuptojnë kontekstin e librit Ligji i Përtërirë duke dhënë paragrafin kontekstual nga mësimi që gjendet pikërisht nën titullin “Bindja është një shprehje e dashurisë”.

Shembuj të vënies të Perëndisë të parin në jetën tonë

Plaku D. Tod Kristoferson, i Kuorumit të Dymbëdhjetë Apostujve, dha disa shembuj se çfarë mund të thotë ta vësh dashurinë e Perëndisë të parën në jetën tonë në bisedën e tij “The First Commandment First” (takim shpirtëror në Universitetin “Brigam Jang”, 22 mars 2022).

Merreni parasysh të shtypni në letër kopje të pjesëve të bisedës së tij nën katër titujt vijues. Ftoni grupe të vogla të studiojnë secili një pjesë dhe të përgatiten të tregojnë ide të mënyrës se si mund ta vëmë dashurinë tonë për Perëndinë të parën në jetën tonë.

Vënia të Parin e Urdhërimit të Parë: “Zbatojini Urdhërimet e Mia”

Vënia të Parin e Urdhërimit të Parë: “Kullotini Delet e Mia”

Vënia të Parin e Urdhërimit të Parë: Thërriteni Atë; Ushqehuni me Fjalët e Tij

Vënia të Parin e Urdhërimit të Parë: Përgjegjshmëria ndaj Perëndisë

Mateu 22:36–39: “Urdhërimi i madh”

Për t’u paraqitur nxënësve vargun te Ligji i Përtërirë 6:5 në një mënyrë që i ndihmon ata të kuptojnë rëndësinë e tij, kërkojuni atyre t’i tregojnë menjëherë një partneri atë që do të konsideronin se është më e madhja nga kategoritë vijuese (ose kategoritë e tjera që mund të zgjidhni).

Film

Vend pushimesh

Ëmbëlsirë

Himn

Pastaj ftojini nxënësit të lexojnë te Mateu 22:36–39, duke kërkuar mënyrën se si Jezu Krishti iu përgjigj një pyetjeje të ngjashme.

Pyetini nxënësit nëse e dinë se ku mund ta gjejnë urdhërimin e parë të madh të cilit iu referua Jezusi. Ftojini të shenjojnë te Ligji i Përtërirë 6:5 dhe të bëjnë referencë-kryq ose ta lidhin atë me vargjet te Mateu 22:36–39.