Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Nōmipa 11–14: Ko Hono Fili ʻo e Tuí Kae ʻIkai ko e Manavaheé

“Nōmipa 11–14: Ko Hono Fili ʻo e Tuí Kae ʻIkai ko e Manavaheé,” Fuakava Motuʻá – Tohi Lēsoni ʻa e Faiako Seminelí (2026)

“Nōmipa 11–14: Ko Hono Fili ʻo e Tuí Kae ʻIkai ko e Manavaheé,” Fuakava Motuʻá – Tohi Lēsoni ʻa e Faiako Seminelí

Nōmipa 11–14; 20–24; 27: Lēsoni 56

Nōmipa 11–14

Ko Hono Fili ʻo e Tuí Kae ʻIkai ko e Manavaheé

The spies have returned from exploring Canaan and are giving their report to Moses. They showed him beautiful fruit. The land is rich with milk and honey. The people are strong and their cities are large and walled. Three spies are standing next to Moses and one is kneeling on the ground next to a lot of fruit. Most of the spies discouraged the people from going into Canaan except for Joshua and Caleb who had faith that they could conquer the Canaanites.

ʻE lava ke faingataʻa he taimi ʻe niʻihi ke laka ki muʻa ʻi he tui kae ʻikai ko e manavahē. Naʻe fehangahangai e fānau ʻIsilelí mo e faingataʻa ko iá. Hili ʻenau fononga ʻi he toafá, naʻe tataki ʻe he ʻEikí ʻa e kakai ʻIsilelí ki he kauʻāfonua ʻo e fonua ʻo e talaʻofá. Naʻe fakahinohinoʻi ʻe he ʻEikí ʻa Mōsese ke fekauʻi atu ha kau tangata ʻe toko 12 ki he fonuá pea tuku ke nau foki mai mo ha lipooti ʻo e fonuá mo hono kakaí. Naʻe manavasiʻi ʻa e tokolahi taha ʻo e toko 12 fekauʻaki mo e fakakaukau ke ikunaʻi ʻa e fonua ʻo e talaʻofá, ka naʻe tui ʻa Kēlepi mo Sōsiua ʻe tokoniʻi kinaua ʻe he ʻEikí. ʻE lava ke tokoni ʻa e lēsoni ko ʻení ke vakai e kau akó ki honau ngaahi faingataʻaʻiá ʻaki ha tui lahi ange kia Sīsū Kalaisi.

Teuteu ʻa e tokotaha akó: Fakaafeʻi e kau akó ke fakakaukau ki ha ngaahi fakafeʻātungia pe ngaahi faingataʻa ʻoku nau lolotonga fehangahangai mo ia. Te nau lava ʻo fakalaulauloto ki he founga ʻoku nau fehangahangai ai mo e ngaahi faingataʻá ʻi he manavahē pe ʻi he tui ki he ʻEikí.

Ngaahi ʻEkitivitī Ako ʻOku Ala Fakahokó

Ko e vakai ki he ngaahi faingataʻá ʻi he tui

Fakakaukau ke hiki ha ʻuluʻi tohi ʻe ua ʻi he ongo tafaʻaki fehangahangai ʻo e palakipoé: Tui mo e Manavahē. Fakaʻaliʻali taha taha ʻa e ngaahi aʻusia ko ʻení, pe ko ha ngaahi sīpinga mahuʻinga kehe. Fakaafeʻi e kau akó ke nau fakalaulauloto pe ʻoku nau vakai ki he sīpinga takitaha ʻaki e tui kia Sīsū Kalaisi pe ʻaki e manavahē.

Ko ha sivi pe polōseki lahi fakaako

Fakatomalá

Ko e kahaʻú

Vahevahe ʻo e ongoongoleleí

Te tau lava fēfē ʻo tala pe ʻoku tau mamata ki ha tūkunga ʻaki e tui kia Sīsū Kalaisí pe ʻaki e manavaheé?
Ko e hā ha faikehekehe ʻoku hoko kapau te tau vakai ki ha tūkunga ʻaki e tui pe manavahē?
Ko e hā ʻe lava ke faingataʻa ai he taimi ʻe niʻihi ke vakai ki he ngaahi tūkunga hangē ko ʻení ʻaki e tui kia Sīsū Kalaisí?

Hokohoko atu hoʻo fakalaulauloto ki he ngaahi fehuʻi ko ʻení ʻi hoʻo ako he ʻaho ní. Fakaafeʻi e Laumālie Māʻoniʻoní ki hoʻo akó lolotonga hoʻo fakakaukau ki he founga ke vakai ai ki ho ngaahi faingataʻaʻiá ʻaki ha tui lahi ange kia Sīsū Kalaisi.

Ko e lipooti ʻa e kau matakí fekauʻaki mo Kēnaní

Hili e fononga e fānau ʻIsilelí ʻi he toafá, naʻe ʻomi kinautolu ʻe he ʻEikí ki he kauʻāfonua ʻo e fonua ʻo e talaʻofá. Ko e fonua ia ʻo Kēnaní. Naʻe fakahā ange ʻe he ʻEikí ʻe fie maʻu ke nau ikunaʻi ʻa e fonuá. Naʻe fakahinohinoʻi ʻe he ʻEikí ʻa Mōsese ke ne fili ha mēmipa ʻe taha mei he faʻahinga takitaha ʻe hongofulu mā uá. Naʻe fekauʻi ʻa e kau tangata ko ʻení ke nau vakavakaiʻi ʻa e fonuá pea foki mo ha lipooti ʻo e meʻa ne nau maʻú. Hili ha ʻaho ʻe 40 ʻo ʻenau vakavakaiʻi e fonuá, naʻe foki ʻa e kau tangata ʻe toko 12 mo ʻenau ngaahi lipōtí, fakataha mo ha fuaʻiʻakau mei he fonuá (vakai, Nōmipa 13:1–25).

Fakakaukau ke vahe tolu ʻa e kau akó. Fakaafeʻi e kulupu takitaha ke nau lau ha taha ʻo e ngaahi fakamatala ko ʻení. Kole ki he kau akó ke nau fakakaukauloto ʻoku nau fakafofongaʻi ʻa e kakai ʻoku nau laukonga fekauʻaki mo iá. Te nau lava ʻo teuteu ha ngaahi tali ki he ngaahi fehuʻi ʻoku hoko maí. Hili iá, ʻe lava ke vahevahe ʻe he kulupu takitaha ʻenau ngaahi talí, pe ko hono ʻai ha tokotaha ako ʻe taha pe ua ke omi ki muʻa ʻo fakaʻaongaʻi e ngaahi fehuʻí ke ʻinitaviu ʻa e kulupu takitaha.

1. Nōmipa 13:26–29, 31–33: Ko e lipooti ʻa e kau mataki ʻe toko 10 fekauʻaki mo e fonuá mo e kakaí

Te ke fakamatalaʻi fēfē ʻa e fonua ko Kēnaní mo e kakai naʻá ke mamata ki aí?
Ko e hā ha ngaahi ongo naʻá ke maʻu ʻi hoʻo sio ki he kakaí? Ko e hā hono ʻuhingá?

2. Nōmipa 14:1–4: Ko e tali ʻa e kau ʻIsilelí ki he lipooti ʻa e kau mataki ʻe toko 10

Ko e hā ha ngaahi ongo naʻá ke maʻu ʻi hoʻo fakafanongo ki he lipooti ʻa e kau mataki ʻe toko 10? Ko e hā hono ʻuhingá?
Ko e hā naʻá ke fokotuʻu ke fai ʻe he kakaí kae ʻoua ʻe muimui ʻia Mōsese ki he fonua ʻo e talaʻofá? Ko e hā hono ʻuhingá?

3. Nōmipa 13:30; 14:6–9: Ko e lipooti ʻa Sōsiua mo Kēlepi kau ki he fonuá mo e kakaí

Te ke fakamatalaʻi fēfē ʻa e fonua ko Kēnaní mo e kakai naʻá ke mamata ki aí?
ʻOku tui e kau mataki kehé he ʻikai lava ʻe ʻIsileli ke nau ikunaʻi ʻa e kakai ʻi Kēnaní. Ko e hā ʻokú ke fakapapauʻi ai ʻe lavaʻi pē ia ʻe ʻIsilelí?

Hili hono tali ʻe he kulupu takitaha ʻenau ngaahi fehuʻí, fakamālō ange ʻi heʻenau kau maí.

Toe vakaiʻi ʻa e Nōmipa 13:30; 14:8–9, ʻo kumi e ngaahi foʻi lea mo e kupuʻi lea ʻoku nau fakahaaʻi e tui ʻa Kēlepi mo Sōsiua ki he ʻEikí.

Ko e hā ha ngaahi lēsoni ʻokú ke ako meia Kēlepi mo Sōsiuá?

ʻI he ngaahi tali kehekehe ʻe ala ʻomi ʻe he kau akó, tokoni ke nau ʻiloʻi ʻa e foʻi moʻoni ʻe lava ke tokoniʻi kitautolu ʻe he fakafalala ki he ʻEikí ke tau vakai ki hotau ngaahi faingataʻá ʻi he tui kae ʻikai manavahē.
ʻOkú ke pehē ʻoku ʻuhinga ki he hā ke ngāue ʻi he tui ki he Tamai Hēvaní mo Sīsū Kalaisi ʻi he taimi ʻoku tau fehangahangai ai mo e ngaahi faingataʻá?

Fehangahangai ʻo e tuí mo e manavaheé

Naʻe fakamatalaʻi ʻe ʻEletā Kēvini R. Tanikeni ʻo e Kau Fitungofulú ha meʻa te tau lava ʻo ako mei he aʻusia ʻa e fānau ʻIsilelí ʻi he Nōmipa 13–14:

Hangē ko e fānau ʻa ʻIsilelí, ʻoku tau fehangahangai mo ha ngaahi faingataʻa fakamafasia. … ʻOku ʻikai hala ke tau ʻiloʻi e ngaahi faingataʻa ko iá. Ka ʻoku mahuʻinga ke tau fehangahangai mo kinautolu ʻi he tui. …

… Ko e pole mo e faingataʻa kotoa pē ʻoku tau fehangahangai mo iá, ko ha faingamālie ia ke tau fili ai, hangē ko Sōsiua mo Kēlepí, ke fakafalala ki he ʻEikí. Naʻe hoko ʻa e “ʻOua pē naʻa mou angatuʻu … , pea ʻoua naʻa mou manavahē” (Nōmipa 14:9) ko ha faleʻi lelei ki he fānau ʻo ʻIsilelí, pea ʻoku kei hoko pē ia ko ha faleʻi kiate kitautolu kotoa he ʻahó ni. (“ʻOua Pē Naʻa Mou Angatuʻu, Pea ʻOua Naʻa Mou Manavahē,” Liahona, ʻEpeleli 2022, 47)

Ko e hā ha ngaahi aʻusia ne maʻu ʻe he fānau ʻIsilelí kimuʻa mo e ʻEikí? Naʻe lava fēfē ʻe he manatu ki he ngaahi aʻusia ko ʻení ʻo fakatupulaki ʻenau tui kiate Iá?
ʻOkú ke pehē ko e hā ʻoku ngalo ai ʻi ha kakai ʻe niʻihi ʻa e meʻa ʻoku nau ʻilo fekauʻaki mo e ʻEikí ʻi heʻenau fehangahangai mo ha faingataʻá?

Neongo e ngaahi mana lahi kuo ʻomi ʻe he ʻEikí mo e fakamoʻoni ʻa Kēlepi mo Sōsiuá, ka naʻe kei lāunga pē ʻa e kakai ʻIsilelí. Ko hono olá, naʻe fakahā ai ʻe he ʻEikí koeʻuhí ko ʻenau lāungá mo e veiveiuá, he ʻikai ngofua ke hū ʻa e tokolahi taha ʻo e kakai lalahi ʻIsilelí ki he fonua ʻo e talaʻofá (vakai, Nōmipa 14:26–39).

Lau ʻa e Nōmipa 14:24, 30, ʻo kumi e founga naʻe tāpuakiʻi ai ʻe he ʻEikí ʻa Kēlepi mo Sōsiua koeʻuhí naʻá na tui kiate Ia.

Ke tokoni ke fehangahangai e kau akó mo honau ngaahi faingataʻaʻiá ʻi he tui, fakakaukau ke fakaʻaliʻali ʻa e saati ko ʻení ʻi he palakipoé. Fakaafeʻi ke nau hiki ʻa e sātí ki heʻenau tohinoa akó.

Tukupā:

Fakamatala ʻoku Fakatefito ʻi he Manavaheé	Fakamatala ʻoku Fakatefito ʻi he Tuí
Fakamatala ʻoku Fakatefito ʻi he Manavaheé	Fakamatala ʻoku Fakatefito ʻi he Tuí

Fakaafeʻi e kau akó ke vahevahe ha niʻihi ʻo e ngaahi faingataʻa ʻo e kuongá ni te nau ala fehangahangai mo iá mo e ngaahi founga te nau lava ai ʻo tali ʻi he manavahē pe tuí.

Te ke lava ʻo ʻoange ha sīpinga hangē ko e:

Tukupaá: Lea ʻi he feituʻu kakaí

Fakamatala ʻoku fakatefito ʻi he manavaheé: “ʻOku ʻikai ke u lava ʻo lea ʻi he haʻohaʻonga ʻo e niʻihi kehé koeʻuhí he ʻoku ou hē maʻu pē ʻi heʻeku leá.”

Fakamatala ʻoku fakatefito ʻi he tuí: “ʻOku faingataʻa kiate au ʻa e lea ʻi he kakaí, ka ʻoku ou tui ʻe lava ke ʻomi ʻe he ʻEikí ha loto-toʻa mo ha mālohi ke u fai ia.”

ʻE lava ke fakaʻaongaʻi ʻe he kau akó e ngaahi tūkunga mei he kamataʻanga ʻo e lēsoní.

ʻI he ʻekitivitī ko ʻení, fakakaukau ke ʻoange ha ʻū laʻipepa ki he kau akó.

Fakalaulauloto ki ha faingataʻa ʻokú ke fehangahangai, pe te ke ala fehangahangai mo ia, ʻi hoʻo moʻuí. Hiki ʻa e tukupaá ʻi hoʻo sātí fakataha mo ha fakamatala ʻoku fakatefito ʻi he manavaheé te ke ala fakakaukau pe tui ki ai fekauʻaki mo e faingataʻa ko iá.

Fakakaukau ki he meʻa kuo akoʻi atu ʻe he Laumālie Māʻoniʻoní fekauʻaki mo e Tamai Hēvaní mo Sīsū Kalaisi mei he folofolá, ko e ngaahi lea ʻa e kau palōfitá, mo hoʻo ngaahi aʻusia fakalaumālie pē ʻaʻaú. Fakakaukau ki he founga ʻe lava ke tokoniʻi ai koe ʻe he ʻilo ko ʻení ke ke fehangahangai mo e ngaahi faingataʻá ʻi he tui ki he ʻEikí. Hiki leva ha fakamatala ʻoku fakatefito ʻi he tuí ʻi hoʻo tohinoá. Mahalo te ke fie hiki foki ʻa e fakamatala ʻoku fakatefito ʻi he tuí ʻi ha laʻipepa te ke lava ʻo ʻave ki ʻapi pea fokotuʻu ia ʻi ha feituʻu te ke sio maʻu pē ki ai. Pe faitaaʻi ʻa e fakamatalá ʻi hoʻo telefoní. Te ke lava foki ʻo fokotuʻu ʻa e fakatātaá ko hoʻo wallpaper ʻi hoʻo telefoní.

Fakakaukau ke fakaafeʻi ha kau ako ʻe niʻihi ʻoku nau loto-fiemālie ke vahevahe ʻenau ngaahi fakakaukau mo e ongo fekauʻaki mo e Tamai Hēvaní mo Sīsū Kalaisí. Te nau lava ʻo vahevahe e founga ʻoku tokoniʻi ai kinautolu ʻe he ʻEikí ke nau fehangahangai mo e ngaahi faingataʻá ʻi he tuí. Fakamoʻoni ange ʻe faitāpuekina kitautolu ʻe he ʻEikí ʻi heʻetau fehangahangai faivelenga mo hotau ngaahi faingataʻá.

Ngaahi Maʻuʻanga Tokoni Kehé

Te tau lava fēfē ʻo fili ʻa e tuí kae ʻikai ko e manavaheé?

Naʻe fakamatala ʻa Palesiteni Tieta F. ʻUkitofa, naʻe hoko kimuʻa ko ha mēmipa ʻo e Kau Palesitenisī ʻUluakí, ʻo pehē:

19:11

ʻIkai nai ʻe lelei ange ke nofotaha ʻi he lelei taʻe-fakangatangatá, angalelei, mo e mālohi lahi ʻo hotau ʻOtuá, fakafalala kiate Ia, mo teuteu ʻaki ha loto-fiefia ki he toe hāʻele mai ʻa Sīsū Kalaisí, pea ʻoua ʻe fakatefito ʻetau tokangá ʻi he fuʻu lahi ʻo e faingataʻá?

ʻI heʻetau hoko ko Hono kakai ʻo e fuakavá, ʻoku fie maʻu ke ʻoua naʻa lōmekina kitautolu ʻe he ilifiá tokua ʻe hoko ha kovi. Ka ke tau laka atu kimuʻa ʻi he tui, loto-toʻa, loto-ʻaki, mo fakafalala ki he ʻOtuá ʻi heʻetau fehangahangai mo e ngaahi faingataʻa mo e faingamālie ʻoku hanganaki mei muʻá. (“ʻOku Tekeʻi ʻa e Manavaheé ʻe he ʻOfa Haohaoá,” Liahona, Mē 2017, 106)

Ko e hā naʻe fai ai ʻe he kau mataki ʻe toko 10 ʻa e meʻa ne nau faí?

Naʻe vahevahe ʻe ʻEletā Kēvini R. Tanikeni ʻo e Kau Fitungofulú, ʻo pehē:

Ne fakamoʻoniʻi ʻe he kau mataki kotoa ʻe toko hongofulu mā uá ʻa e ngaahi lelei mo e ngaahi fakafeʻātungia tatau ki hono fakahoko e fekau ʻa e ʻEikí ke nofo ʻi Kēnaní. Ka neongo ia, ʻoku fakahaaʻi ʻe heʻenau ngaahi talí ʻa e founga naʻe sio pē ai ʻa e kau mēmipa ʻe toko hongofulu ʻo e kulupú ki he ngaahi palopalemá, kae tuku ʻe he toko ua ko eé ʻena fakafalalá ki he ʻOtuá.

Naʻe fakatokangaʻi ʻataʻatā pē ʻe ha toko hongofulu ʻo e kau matakí ʻa e ngaahi faingataʻa ʻi muʻa ʻiate kinautolú. Koeʻuhí naʻe ʻikai ke nau fakafalala ki he ʻEikí, naʻa nau manavahē ke muimui ki Heʻene fekau ke ʻalu hake ki he fonua ko Kēnaní. ʻI he tafaʻaki ʻe tahá, naʻe ʻiloʻi ʻe Kēlepi mo Sōsiua kapau ʻe maʻu ʻe he kakai ʻIsilelí ʻa e tuí, ʻe lava ʻe he ʻEikí ʻo fakatauʻatāinaʻi ʻa e fonua ko Kēnaní maʻanautolu. (“ʻOua Pē Naʻa Mou Angatuʻu, Pea ʻOua Naʻa Mou Manavahē,” Liahona, ʻEpeleli 2022, 46)

Ngaahi ʻEkitivitī Fakalahi ki he Akó

Sīpinga ʻo e Tohi ʻa Molomoná

Ke tokoni ki he kau akó ke nau vakai ki ha sīpinga ʻo e Tohi ʻa Molomoná ʻo e fehangahangai mo e ngaahi fakafeʻātungiá ʻi he tuí kae ʻikai ko e manavaheé, te ke lava ʻo ʻai ke fakafehoanaki ʻe he kau akó ʻa e 1 Nīfai 3:31; 4:1–3 mo e talanoa ʻo e kau mataki ʻe toko 12. Fai leva ha ngaahi fehuʻi hangē ko e:

Naʻe tatau fēfē ʻa Leimana mo Lēmiuela mo e kau mataki ʻe toko 10?
Naʻe tatau fēfē ʻa Nīfai mo Kēlepi mo Sōsiuá?

Nōmipa 11:29. “ʻOku ʻamusia ange ʻe au ki he ʻOtuá ke kikite ʻa e kakai kotoa pē ʻa [e ʻEikí]”

ʻE ala ʻaonga ke tokoni ki he kau akó ke fakaloloto ʻenau mahino ki he fakahā fakatāutahá. Ke fai ʻení, te nau lava ʻo lau ʻa e Nōmipa 11:14, 24–25, ʻo kumi e founga naʻe fakafiemālieʻi ai ʻe he ʻEikí ʻa e mafasia ʻa Mōsese ʻi he tuʻunga fakatakimuʻá.

Fakamatalaʻi ange naʻe tāpuekina ha kaumātuʻa ʻe toko 70 ke nau maʻu fakahā mo lea ʻo fakatatau mo e ueʻi ʻa e Laumālie Māʻoniʻoní. ʻOku lekooti ʻi he Nōmipa 11:26–28 naʻe kole ʻe Sōsiua kia Mōsese ke taʻofi ha toko ua ʻo e kaumātuʻá mei haʻana kikite. ʻE lava ke lau ʻe he kau akó ʻa e Nōmipa 11:29, ʻo kumi e tali ʻa Mōsese ki he hohaʻa ʻa Sōsiuá.

Fakamatalaʻi ange naʻe ʻikai pehē ʻe Mōsese naʻá ne fakaʻamu ko ha palōfita ʻa e tokotaha kotoa pē, ke maʻu ʻa e ngaahi kī ʻo e lakanga fakataulaʻeikí ʻoku fie maʻu ki he maʻu fakahā ke tataki ʻa e Siasí. Ka, naʻe mei lava pē ke ne ʻuhinga naʻá ne fakaʻamu ko e kakai kotoa pē ko e “kau palōfita,” ʻo ʻuhinga ke nau maʻu ʻa e fakamoʻoni kia Sīsuú, “he ko e fakamoʻoni kia Sīsuú ko e laumālie ia ʻo e kikité” (Fakahā 19:10).

Hili iá ʻe lava ke lau ʻe he kau akó ʻa e lea ko ʻeni meia Palesiteni Lāsolo M. Nalesoní:

Kuo teʻeki ha taimi ʻe hulutuʻa pehē ai hono fie maʻu ke ʻilo e founga ʻoku folofola atu ai ʻa e Laumālié kiate koé ka ko e taimí ni. …

ʻOku ou fakafoʻou atu ʻeku kolé ke mou fai ha meʻa pē ʻe lava ke fakalahi ai homou ivi fakalaumālie ke maʻu ʻa e fakahā fakatāutahá. (“Fanongo kiate Ia,” Liahona, Mē 2020, 90)

Te ke lava ʻo fakaafeʻi e kau akó ke fakalaulauloto fakalongolongo ki he meʻa ʻoku nau fai ke maʻu ai ha fakahā fakatāutahá.

Lāungá

ʻOku ʻi he Nōmipa 11–14 ha ngaahi aʻusia ʻe niʻihi naʻá ne tākiekina e kau ʻIsilelí ke lāungá. ʻE lava ke takitaha lau ʻe ha ngaahi kulupu ʻo e kau akó ha taha ʻo e ngaahi potufolofola ko ʻení:

Nōmipa 11:1–6, 16–20, 31–33

Nōmipa 12:1–13

Nōmipa 14:1–5

ʻE lava ke aleaʻi ʻe he kau akó ʻa e aʻusia naʻá ne fakatupunga e lāunga ʻa e kau ʻIsilelí pea mo e ngaahi ola ʻo ʻenau lāungá. Hili iá te ke lava ʻo ʻeke ha fehuʻi hangē ko e:

ʻOku fakatupu fēfē ʻe he lāungá ke tau mamaʻo mei he Tamai Hēvaní, Sīsū Kalaisi, mo e niʻihi kehé?

Te ke lava ʻo fakaʻaliʻali ʻa e “Stand and Be Not Moved” mei he taimi 18:43 ki he 21:15 ko ha konga ʻo hoʻomou fealeaʻakí.

Angamalū hangē ko Kalaisí

Mahalo ʻe ʻaonga ki he kau akó ʻenau ako lahi ange fekauʻaki mo e ʻulungaanga faka-Kalaisi ʻo e angamaluú. Te nau lava ʻo lau ʻa e Nōmipa 12:3, ʻo kumi ha taha ʻo e ngaahi ʻulungaanga faka-Kalaisi naʻe maʻu ʻe Mōsesé. Te ke lava ʻo hiki ha kupuʻi lea ʻe ua ʻi he palakipoé: Ko e angamaluú ko e … mo e Ko e angamaluú ʻoku ʻikai ko e … .

ʻE lava ke kumi ʻe he kau akó mo hanau ngaahi hoa ha ngaahi potufolofola pe fakamatala fekauʻaki mo e angamaluú ʻo fakaʻaongaʻi ʻa e Fakahinohino ki he Ngaahi Folofolá pe polokalama Gospel Library. Hili ʻenau akó, ʻe lava ke fakaʻaongaʻi ʻe ha hoa ʻe taha ʻa e meʻa naʻá na akó ke fakakakato ʻa e Ko e angamaluú ko e … kae fakakakato ʻe he hoa ʻe tahá ʻa e Ko e angamaluú ʻoku ʻikai ko e … .

Kapau ʻe ʻaonga, ʻe lava ke ke lau ʻa e konga lea ko ʻeni meia ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá:

Ko e angamaluú ko ha tefitoʻi ʻulungaanga ia ʻo e Huhuʻí pea ʻoku fakafōtunga ia ʻe he talangofua māʻoniʻoní, fakavaivai loto-fiemālié, pea mo e mapuleʻi moʻoni kitá. (“Angamalū mo Loto-Fakatōkilalo,” Liahona, Mē 2018, 32)

Hili iá, ʻe lava leva ke aleaʻi ʻe he kalasí ʻa e founga naʻe fakafōtunga ai ʻe Sīsū Kalaisi ʻa e angamaluú ʻi Heʻene moʻuí.