Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esoto 24; 32–34: O le Amiotonu, Alofa Mutimutivale, ma le Faapalepale o le Alii

“Esoto 24; 32–34: O le Faamasinoga, Alofa Mutimutivale, ma le Faapalepale o le Alii,” Tusi Lesona a le Faiaoga Seminare o le Feagaiga Tuai (2026)

“Esoto 24; 32–34: O le Faamasinoga, Alofa Mutimutivale, ma le Faapalepale o le Alii,” Tusi Lesona a le Faiaoga Seminare o le Feagaiga Tuai

Esoto 19–20; 24; 31–34: Lesona 51

Esoto 24; 32–34

O le Amiotonu, Alofa Mutimutivale, ma le Faapalepale o le Alii

Mural depicting prophets and events from the Old Testament and the Book of Mormon. This part of the mural depicts Moses holding the stones of the Ten Commandments. The Israelites can be seen in the background with the golden calf.

Ua faapefea ona galulue faatasi le faamasinoga tonu, alofa mutimutivale, ma le faapalepale e faamanuia ai lou olaga?Ina ua toe foi mai Mose mai le afioaga o le Alii, na ia iloa ai ua solia e Isaraelu feagaiga na latou faia ma o loo tapuai i se tamai povi auro.Na mafatia le fanauga a Isaraelu i taunuuga o lenei agasala, ae ua faaalia e le Alii Lana faamasinoga tonu, alofa mutimutivale, ma le faapalepale ia i latou ua salamo ma toe foi atu ia te Ia.O lenei lesona e mafai ona fesoasoani i tagata aoga ia malamalama o le Alii e amiotonu, alofa mutimutivale, ma faapalepale.

Sauniuniga a Tagata Aoga: Valaaulia tagata aoga e mafaufau loloto pe na faapefea ona latou vaai i le faamasinoga tonu, alofa, ma le faapalepale (onosai) o le Alii i o latou olaga.E mafai ona e valaaulia i latou e asiasi i se tagata o le aiga po o se uo e uiga i le auala e galulue faatasi ai le faamasinoga tonu ma le alofa mutimutivale o le Alii e faamanuia ai Lana fanau uma.

Gaoioiga eMafai ona Aoao Ai

E faamasino tonu, alofa mutimutivale ma faapalepale le Alii.

Mafaufau e faaali atu se ata o le Faaola.Talanoaina le fesili lenei:

O le a se upu e te faaaogaina e faamatala ai uiga o le Faaola?

Valaaulia tagata aoga e tusi a latou tali i luga o le laupapa.Mafaufau i le filifilia o ni faataitaiga se lua ma valaaulia tagata aoga na tusia upu e faamatala le mafuaaga na latou filifilia ai lena uiga o le Faaola.

Ina ia fesoasoani i le fanauga a Isaraelu ia malamalama ia te Ia, na faaalia ai e le Alii nisi o elemene taua o Ona uiga.

Faitau le Esoto 34:6–7, saili mo uiga o le Faaola.

O le a le mea na e mauaina?

Faatasi ai ma uiga e mafai ona iloa e tagata aoga, faamamafa le upumoni o le Alii e amiotonu, alofa mutimutivale, ma faapalepale.Atonu e te fesoasoani i tagata aoga ia malamalama o le “faapalepale” (fuaiupu 6) o loo faamatalaina ai le onosai o le Alii ia i tatou.

E mafai ona e faasoa atu i tagata aoga o le a latou suesue pe na faapefea ona oo i fanau a Isaraelu le faamasinoga tonu, alofa mutimutivale, ma le faapalepale o le Alii.O le a latou suʻesuʻeina foʻi pe aiseā e tāua ai ona tatou malamalama i nei upumoni e uiga i le Alii.

O Isaraelu o tagata o le feagaiga a le Alii

O le vaaiga faataitai lea o lo‘o fa‘aogaina i le lesona atoa e fesoasoani ai i tagata a‘oga ia malamalama pe fa‘apefea ona talafeagai le tala a Isaraelu’ i tupulaga i aso nei.O lo‘o fa‘aogaina e le vaaiga faataitai le igoa “Kylie,” ae e mafai ona e vala‘aulia tagata a‘oga e filifili se igoa ma fa‘aopoopo pe suia fa‘amatalaga o le tala.

O Kylie, o se tamaitai talavou i lau aoga, sa aoao e uiga i le talalelei a le Faaola ma ua tonu ai e faia suiga talafeagai e papatisoina ai i Le Ekalesia a Iesu Keriso o le Au Paia o Aso e Gata Ai.E manao o ia e faia se feagaiga ma le Atua e tausia Ana poloaiga.

Fesoasoani i tagata aoga e manatua ina ua uma ona laveaʻiina i latou mai Aikupito, na aumaia e le Alii le fanauga a Isaraelu i le Mauga o Sinai e fai se feagaiga ma Ia.

Faitau le Esoto 24:3–8, e suʻe ai se lagona faapena o tagata Isaraelu iā Kylie.

O le a se mea na taua ia te oe?

Atonu e fesoasoani le faamatala atu i tagata aʻoga e faapea, o le sausauina o le toto i luga o le fata faitaulaga ma luga o tagata (tagai i le Esoto 24:6, 8) o se faatusa, faaletino lea na naunau ai Isaraelu e avea ma tagata o le feagaiga a le Alii.

Sa finagalo le Alii e faamanuia le fanau a Isaraelu i sauniga o le Perisitua Mekisateko (tagai Mataupu Faavae ma Feagaiga 84:19–23).Na toe foi atu Mose i le Mauga o Sinai e talia faatonuga a le Alii mo nei sauniga ma fuafuaga mo le fale fetafai.

O le solia o a tatou feagaiga ma taunuuga

Faitau le Esoto 32:1–8, e saili po o le a le mea na faia e Isaraelu a o i ai Mose i luga o le mauga e maua faatonuga mai le Atua.

O le a le mea na e mauaina?

Composite of images of Moses, the golden calf and the Israelites in the wilderness.

Aisea e te manatu ai o le fausiaina ma le tapuai i le tamai povi auro o se agasala matuia?(Vaai Esoto 20:2–7.)

Ia mautinoa ua malamalama tagata aʻoga na solia e Isaraelu le feagaiga na latou faia ma le Alii.

E mafai ona e faasoa atu se isi vaega o le vaaiga faataitai e tutusa ma le mea na tupu i le fanauga a Isaraelu ma e sili atu ona talafeagai i le autalavou.E mafai e tagata aʻoga ona tuʻuina atu faʻataʻitaʻiga o mea atonu na faia e Kylie e soli ai le feagaiga na ia faia i le papatisoga e usitai i poloaiga a le Atua.

Ina ua uma lona papatisoga, sa amata ona faaalu e Kylie se taimi ma ana uo tuai, ma sa taitai atu ai i mausa tuai.I le taimi muamua, o mea sese na ia faia e foliga mai e laiti.Peitaʻi, e leʻi umi, ae toe foʻi o ia i ala tuai, na masani ai.Sa ia solia le feagaiga na ia faia i le papatisoga.

O le a se mea na ono aafia ai le faaiuga a Kylie’?

O le tulafono a le Alii o le faamasinoga tonu

Faitau le Esoto 32:15–20, e saili ai taunuuga na mafatia ai Isaraelu ona o la latou agasala.

O le a se mea na e mauaina?

Fesoasoani i tagata aoga ia malamalama e ui lava e mafai ona tatou faaaogaina lo tatou faitalia e agasala ai, ae e tonu lava le Alii.O le mea lea, e le mafai ona tatou sosola ese mai taunuuga o a tatou agasala.Atonu e fesoasoani le faamatala atu na tata’e e Mose papamaa na i ai faatonuga mo sauniga o le Perisitua Mekisateko (tagai Esoto 32:15–19; ; Faaliliuga a Iosefa Samita, Esoto 34:1–2 [i le faaopoopoga o le Tusi Paia]).Ona o a latou filifiliga, sa le agavaa ai le fanau a Isaraelu e maua nei faamanuiaga mai le Alii.Na toe foi atu Mose i le afioaga o le Alii.Na faatonuina e le Alii ia Mose e nai lo o lena, ia faatuina sauniga o le Perisitua Arona (tagai Mataupu Faavae ma Feagaiga 84:24–26).E mafai foʻi ona e taʻua na tuu e Mose le faleʻie paia i fafo o le togālauapi (tagai i le Esoto 33:7), e fai ma faatusa o Isaraelu ua leiloa le faatasi mai o le Alii.
O a nisi o taunuuga faaleagaga ma faaletino e ono feagai ma Kylie mo le solia o lana feagaiga o le papatisoga?
E faapefea ona faaalia e taunuuga le faamasinoga tonu, alofa mutimutivale, ma le faapalepale o Alii?

Atonu e te manao e faailoa atu, e pei o Isaraelu, atonu e misia e Kylie faamanuiaga e maua mai i sauniga o le perisitua.E mafai foi ona leiloa le mafutaga faifai pea a le Agaga o le Alii.

O le tulafono a le Alii o le mutimutivale

Fesoasoani i ’tagata aoga ia malamalama na faamautinoa atu e le Alii ia Isaraelu o i latou lava o Lona nuu (tagai i le Esoto 33:12–19).

Toe faamanatu le Esoto 34:6–7, ma mafaufau pe aisea na taua ai i le Alii le faamanatu atu i le fanauga a Isaraelu o Ia e amiotonu, alofa mutimutivale, ma faapalepale.

Na faapefea ona faaalia e le Alii Lona alofa mutimutivale ma le faapalepale i le fanauga a Isaraelu?
E vmafai faapefea ona vaai Kylie i le alofa mutimutivale ma le faapalepale o le Alii i lona olaga?

Na faamatala e Elder Quentin L. Cook o le Korama a Aposetolo e Toasefululua le auala e faamalieina ai e le alofa mutimutivale o le Faaola le tulafono o le faamasinoga tonu:

13:53

A aunoa ma le Togiola o le Faaola, o le mataupu faavae e faavavau o le faamasinoga tonu e manaomia ai le faasalaga.Ona o le Togiola a le Faaola, ua mafai ai e le alofa mutimutivale ona manumalo ia i latou o e ua salamo ma mafai ai e i latou ona toe foi atu i le afioaga o le Atua.O le a lelei mo i tatou ona manatunatu loloto i lenei aoaoga faavae autu matagofie.

E leai se tasi e mafai ona toefoi atu i le Atua e ala i ana lava galuega lelei; tatou te manaomia uma faamanuiaga o le taulaga a le Faaola.Ua agasala tagata uma, ma e na o le Togiola a Iesu Keriso e mafai ai ona tatou maua le alofa mutimutivale ma ola faatasi ai ma le Atua.(“Ia Faamaoni i le Atua ma Lana Galuega,” Liahona, Nov. 2022, 119)

O a vaega o lenei faʻamatalaga e mafai ona e faʻasoa ma Kylie?

O le fesiligia o fesili e fesoasoani i tamaiti aoga ia malamalama pe faapefea ona faaalia e le Alii Lona alofa, mana, ma le alofa mutimutivale i o latou olaga e mafai ona faateleina ai lo latou sootaga ma Ia.O se tasi o auala e faia ai lenei mea o le valaaulia lea o tamaiti aoga e tali le fesili lenei.

Mo a‘oa‘oga fa‘aopoopo, va‘ai “Fesoasoani i tagata a‘oa‘o latou te iloa le alofa, mana, ma le alofa mutimutivale o le Ali‘i i o latou olaga” Atinaega o Tomai Fa‘afaiaoga.
E faapefea ona e vaaia le faamasino tonu, alofa mutimutivale ma le faapalepale o le Faaola i lou olaga pe i le olaga o se tasi e te iloa?

Faataitai le malamalama

O lenei gaioiga e mafai ona fesoasoani i tagata aoga e aotele mea ua latou aʻoaʻoina i aso nei.E mafai ona e valaaulia i latou e faauma le tala a Kylie’.Mafaufau e faaali atu fesili nei mo tagata aoga e faauma.

Ona o ona aafiaga, atonu na aoao ai e Kylie o le Tama Faalelagi ma Iesu Keriso .
Ona o mea na ia aoaoina e uiga i le Tama Faalelagi ma Iesu Keriso, na filifili ai Kylie e .

Mafaufau e valaaulia ni nai tagata aʻoga naunau e faʻasoa pe faʻapefea ona latou faʻamaeʻaina le tala a Kylie’ i le vasega.A uma ona maua e tagata aoga le avanoa e faasoa atu ai a latou tali, e mafai ona e faasoa atu le auala na e vaai ai i le faamasinoga tonu, alofa mutimutivale, ma le faapalepale o le Alii i lou olaga.

Punaoa Faaopoopo

Ua faamanuiaina faapefea i tatou i le faamasinoga tonu a le Atua?

Na molimau Peresitene Jeffrey R. Holland o le Korama a Aposetolo e Toasefululua:

O se tasi o uiga o le Atua o le faamasino tonu, ma o le a tatou le maua le faatuatua— ona o le fefe— e ola amiotonu pe alofa lelei pe salamo atili pe afai tatou te le manatu o le a aoga le faamasinoga tonu mo i tatou, pe afai tatou te manatu o le a suia e le Atua Lona mafaufau ma filifili ai e i ai se isi seti o tulafono.Aua ua tatou iloa o le Atua e amiotonu ma o le a le avea ma Atua pe ana faapea e le faapena o Ia, ua ia i tatou le faatuatua e agai i luma, ma le iloa o le a le afaina i tatou i le tuinanau po o le le fiafia po o se aso leaga po o se ulaga leaga.O lena faamautinoa e matua faamalosiau lava. …

Ou te iloa e le faigofie le foi i tua ma toefaafoi i tua mea ua uma ona fai ma faia se amataga fou, ae ou te talitonu ma lo’u loto atoa e faigofie atu ma e mautinoa lava e sili atu ona faamalieina le toe amata nai lo le alu ai lava ma taumafai e talitonu o le a leai se aafiaga o le faamasinoga tonu.(“O Le Faamasino Tonu ma le Alofa Mutimutivale o le Atua,” Ensign, Setema 2013, 18, 19)

Esoto 34:7, vaefaamatalaga e.O le a le uiga o le a “e le Alii le tagata solitulafono” (fouvale)?

Na aoao mai Elder Gerrit W. Gong o le Korama o Aposetolo e Toasefululua e faapea:

O i latou o e filifilia ma le loto i ai le amioleaga, o e ua faatuai ma le iloa le salamo, po o e i soo se auala fuafuaina po o le iloaina e solia ai poloaiga, fuafuaina mo le salamo faigofie, o le a faamasinoina e le Atua ma se “manatua lelei o [la latou] tausalaina uma [Alema 11:43].E le mafai ona tatou agasala ma le iloa i le Aso Toonai, ona faamoemoe lea i se faamagaloga otometi e ala i le auai i le faamanatuga i le Aso Sa. …E leai se tasi o i tatou e tatau ona tuuesea le salamo.E amata faamanuiaga o le salamo a o amata ona tatou salamo.(“Fiafia ma Faavavau,” Liahona, Nov. 2022, 84)

Pe i ai ea se eseesega i le va o le vaaiga a le Alii i vaivaiga pe a faatusatusa i le fouvale?

Na faamatala mai e Elder Richard G. Scott (1928–2015) o le Korama a Aposetolo e Toasefululua:

O le tala fiafia mo soo se tasi e manao ina ia aveese ia taunuuga o filifiliga le lelei o le tuanai e faapea, e ese le silasila a le Alii i vaivaiga nai lo Lana silasila i le fouvale.O lea e lapatai mai le Alii e faapea o le fouvale e aunoa ma le salamo o le a aumaia ai faasalaga, ae pe a fetalai le Alii e uiga i vaivaiga, o taimi uma lava e fetalai mai ma le alofa mutimutivale.(“Malosi Faaletagata e ala i le Togiola o Iesu Keriso,” Liahona, Nov. 2013, 83)

Esoto 24:6–8.Aiseā na sausau ai e Mose le toto i luga o le fata faitaulaga ma le fanauga a Isaraelu?

O le toto na sausau e Mose i luga o le fatafaitaulaga o se faatusa o le toto o Iesu Keriso, lea o le a Ia faamaligiina i Ketesemane ma luga o le satauro.Ina ua sausau e Mose le toto i luga o tagata, e faatusa i faamanuiaga o le Togiola a Iesu Keriso e ala i le feagaiga na latou osia ma le taua tele o na feagaiga.O le sausauina o le toto na faaalia ai sa noatia uma le Atua ma tagata i lenei feagaiga.(Tagai i le “Taulaga: I le Faatusa o le Faaola,” Liahona, Sept. 2022, na‘o faaeletonika.)

Gaoioiga Faaopoopo e Aoao Ai

“Pe a Faatasia le Faamasino Tonu, Alofa ma le Alofa Mutimutivale”

E mafai e tagata aʻoga ona manuia mai se malamalamaga sili atu i le auala e galulue faatasi ai le faamasino tonu, alofa, ma le alofa mutimutivale.Afai e aoga, faaali le vitio “Pe a Faatasia le Faamasino Tonu, Alofa, ma le Alofa Mutimutivale,” mai le faailotaimi 0:00 i le 3:39.O lenei vitio o loʻo faʻaalia ai le tala a Peresitene Holland’ i se auso se toʻalua i Iuta i Saute.Mafaufau e taofi tonu le vitio a‘o oso le uso matua (taimi faailo 3:39).Ona fesili atu lea i tagata aoga po o le a le taunuuga pe ana na’o le “faamasinoga tonu” sa i ai i le uso matua.Valaaulia tagata aoga e saili ni mau e faamatala ai le mea e manaomia e le tulafono o le faamasinoga tonu mai tagata uma.Afai e manaʻomia e tagata aʻoga ni taʻiala faaopoopo, e mafai ona e faaalia ni faaaʻoaʻoga e pei o le Mosaea 2:38; ma le Alema 42:11–13, 18.

5:37

Ona mafai lea ona e valaaulia tagata aoga e mafaufau loloto pe faapefea e le taulaga togiola a le Faaola ona faatagaina le tulafono o le alofa mutimutivale e togiolaina ai i tatou mai lo tatou tulaga pa‘ū.Mafaufau e faʻaalia le vaega o totoe o le vitio, mai le taimi faailo 3:39 i le 5:36.Valaaulia tagata aoga e vaavaai pe faapefea e le tulafono o le alofa mutimutivale ona faataunuuina le tulafono o le faamasinoga tonu e laveai ai i tatou mai taunuuga o le agasala.Atonu e te valaaulia tagata aoga e saili se mau e aoao mai ai le alofa mutimutivale o le Atua.O faataitaiga e mafai ona aofia ai le Teuteronome 4:31; Mosaea 29:20; ma le Alema 34:16; 42:15.

5:37

“O Le Puluvaga”

Afai e manuia tagata aoga mai se ata o le auala e totogi ai e le alofa mutimutivale o le Faaola manaoga o le faamasinoga tonu, e mafai ona e faaali atu le vitio “The Mediator” (10:44).O lenei vitio o loʻo faʻaaoga ai le faʻataʻitaʻiga o se tauleʻaleʻa na te faia se aitalafu e le mafai ona ia toe totogiina na o ia.O loo faaalia ai le auala e faataunuu ai e le taulaga togiola a le Faaola manaoga o le faamasinoga tonu.

10:47