Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esoto 15; 17: Faailoaina o Upumoni mai le Atua O loo i Tusitusiga Paia

“Esoto 15; 17: Faailoaina o Upumoni mai le Atua O loo i Tusitusiga Paia,” Tusi Lesona a le Faiaoga Seminare o le Feagaiga Tuai (2026)

“Esoto 15; 17: Faailoaina o Upumoni mai le Atua O loo i Tusitusiga Paia,” Tusi Lesona a le Faiaoga Seminare o le Feagaiga Tuai

Esoto 14–18: Lesona 46

Esoto 15; 17

Faailoaina o Upumoni mai le Atua O loo i Tusitusiga Paia

Moses sitting on a rock having his hands held up by Aaron and Hur.

E masani ona faaaoga e le Atua aafiaga faaletino e aoao atu ai lesona taua faaleagaga. Mo se faataitaiga, sa faaaoga e le Atua manaoga o tagata Isaraelu mo vai ma mo se fesoasoani i le taua e aoao ai i latou ma i tatou. E ala i le faatinoga ma le taitaiga a le Agaga, e mafai ai ona tatou aoao e faailoa ma faaaoga upumoni faaleagaga o loo i tala o tusitusiga paia i o tatou olaga. E mafai ona fesoasoani lenei lesona i tagata aoga e faatino ai le faailoaina o upumoni mai le Atua i tala o tusitusiga paia ma fesootai atu na upumoni i o latou olaga.

Sauniuniga a tagata aoga: Valaaulia tagata aoga e mafaufau i tala na latou suesueina mai le Feagaiga Tuai ma le Penina Tau Tele e oo mai i lenei semesa.Fai atu ia i latou e o mai i le vasega ua saunia e faasoa mai pe faapefea ona latou faamaeaina le fuaiupu lenei: “Ou te fiafia i le tala ia, aua e aoao mai ai ia te au e faapea .”

Gaoioiga E Ono Mafai Ona Aoao Ai

O le faailoaina o upumoni o loo i tusitusiga paia

I lenei lesona, o le a maua ai e tagata aoga le avanoa e saili ai ma faasoa atu upumoni eseese o le talalelei. Atonu e fesoasoani le faamanatu atu i tagata aoga o le Tama Faalelagi ma Iesu Keriso o punavai ia o upumoni uma o le talalelei. Faamalamalama atu o le aoaoina o le auala e saili ai ma faaaoga upumoni o le talalelei e mafai ona fesoasoani ia i tatou e latalata atili atu ai i le Tama Faalelagi ma Iesu Keriso.

Ina ia amata le lesona, mafaufau e fesili atu i tagata aoga pe faapefea ona latou faatumuina avanoa i le fuaiupu o i lalo. Afai e aoga se faamanatu vaaia o nisi o tala na e suesueina, e mafai ona e faaali atu ata e pei o ata o loo i lalo. Pe valaaulia tagata aoga e faasolo le vaai i ata o le Feagaiga Tuai i le Tusi Ata o le Talalelei [2009], lea e mafai ona maua i le Potutusi o le Talalelei i lalo o le “Vitio ma Ata.”

Faamaea le fuaiupu lenei i se tala faatusipaia e te filifilia:

“Ou te fiafia i le tala i le ona ua aoaoina ai au e faapea .”

The Old Testament prophet standing beside an altar. Abraham's son Isaac is strapped to the altar. Abraham is holding a dagger in the air as he prepares to sacrifice Isaac. An angel is appearing before Abraham and commanding him to not sacrifice his son.

Joseph's brothers talking away his coat of many colors.

The Old Testament prophet Moses standing with his arm extended toward the Red Sea. Moses is commanding the Red Sea to part to allow the Israelites to escape the Pharoah of Egypt.

Tusifaamaumau au tali i fesili nei i lau api faamaumau mo suesuega.

Pe o fesoasoani lau suesuega patino o tusitusiga paia ia te oe e te latalata atili atu ai i le Tama Faalelagi ma Iesu Keriso? Aisea pe aisea foi e leai ai?
E faafia ona e taofi i le taimi o lau suesuega o tusitusiga paia ina ia e faailoa upumoni e te lagona e finagalo le Tama Faalelagi e te taulai atu i ai?
Pe e te saili ia malamalama i le auala e faatatau ai tala o tusitusiga paia i lou olaga?

A o e suesueina tala mai le Esoto 15 ma le 17 i le asō, ia gauai atu i mafaufauga musuia ma lagona mai le Agaga. Vaavaai mo uunaiga e mafai ona fesoasoani ia te oe e maua ai le tele o mea mai lau lava suesuega o tusitusiga paia.

Faailoaina o upumoni o le talalelei mai le Esoto 15, 17

A ua lava se taimi e suesue ai, talanoaina, ma saunia ai, tuu atu i paga le avanoa e faasoa atu ai mea na latou aoaoina. O auala nei e mafai ona faasoa mai ai tagata aoga e faalagolago i le taimi o loo avanoa:

E faasoa atu e paga taitasi i se paga na suesueina se tala e ese mai ai. Ona latou toe faataamilo tasi lea e faasoa atu i se paga na suesueina le tala o totoe.
E muamua ona faatasitasi paga ma faasoa atu i isi o e na suesueina le tala lava lea e tasi. (O lenei mea e mafai ona maua ai e tagata aoga ni malamalamaaga faaopoopo e uiga i a latou lava tala.) Ona faapotopoto lea o tagata aoga ma faasoa atu i ni vaega e taitoaono, ma o paga taitasi ua suesueina ni tala eseese.
E feauauai paga i le tuuina atu o mea na latou saunia i le vasega atoa.

Faapatinoina o le lesona

Ina ia faaiuina le lesona, mafaufau e faaaoga uunaiga e pei o nei e fesoasoani ai i tagata aoga e faapatino mea na latou aoaoina.

Tusifaamaumau ni ou manatu e uiga i fesili nei i lau api faamaumau mo suesuega.

O le a se mea e te lagona e finagalo le Tama Faalelagi e te manatua mai lenei lesona? Aisea?
E mafai faapefea ona e faaaogaina le tomai e faailoa ai upumoni mai tala o tusitusiga paia i lau lava suesuega o tusitusiga paia? E mafai faapefea e le faaaogaina o lenei tomai ona aafia ai lou aafiaga i tusitusiga paia?

E mafai ona e valaaulia ni volenitia e faasoa mai se vaega o mea na latou tusia i a latou api faamaumau mo suesuega.

Ma le isi, mafaufau e vaavaai mo avanoa i lesona o loo loma e valaaulia ai tagata aoga e faasoa mai upumoni ua latou aoaoina mai a latou lava suesuega patino o tusitusiga paia.

Punaoa Faaopoopo

O le a se mea e mafai ona tatou aoao mai le tala i le Alii o loo saunia vai faavavega mai le papa?

Na saunoa Elder David W. Ferrel o le Fitugafulu:

Sa faapotopoto le nuu, ma sa faaali mai le Alii i se ao i o latou luma i luga o le papa. E pei ona faatonuina ai, na taia e Mose le papa i lona tootoo, ma sa puna mai le vai, le vai na matua lava e faamalie ai le galala i le fiainu o se nuu a o latou tolauapi ai iina mo le tusa ma le tausaga (tagai Isaia 48:21; 1 Nifae 17:29). O le faia ai o lenei mea, na faaalia vave ai e Ieova o Ia o le Papa o Isaraelu, o le punavai sili o le vai ola (tagai i le Topical Guide, “Jesus Christ, Rock”), ma o Mose o Lana perofeta. (“The Lord Is among Us!,” Ensign, Feb. 2002, 35)

E mafai faapefea ona tatou lagolago i o tatou taitai o le Ekalesia?

Na aoao mai Peresitene Russell M. Nelson:

O lo tatou lagolagoina o perofeta o se tautinoga patino lea o le a tatou faia le mea sili tatou te mafaia e lagolago ai i a latou faamuamua faaperofeta. O la tatou lagolago o se faailoga faapei o se tautoga lea tatou te faamamaluina ai lo latou valaauga o se perofeta ina ia faamaoni ma ia iloa o loo noatia ai i tatou. (“Lagolagoina o Perofeta,” Liahona, Nov. 2014, 75)

Na saunoa mai Elder Ronald A. Rasband o le Korama a Aposetolo e Toasefululua:

O le lagolagoina o o tatou taitai o se faamanuiaga; e vaavaalua mai ma se tiutetauave patino ina ia fefaasoaai a latou avega ma ia avea ma soo o le Alii o Iesu Keriso. (“O Le Avega Fiafia o le Avea ai ma Soo,” Liahona, Me 2014, 10)

Gaoioiga Faaopoopo e Aoao Ai

Se isi amataga

Mafaufau e amata le lesona i le faaali atu o le ata lenei ma fai atu i se tagata aoga e faasino atu le foeuli o le vaa. (O le foeuli e aofia ai le tapili o loo i tua o le vaa faapea foi ma masini e faaaoga e le au seila e faatonutonu ai le tapili. E faaaoga le tapili e uli ai le vaa.)

Faasoa atu le saunoaga lenei a Elder David A. Bednar o le Korama a Aposetolo e Toasefululua.

O mataupu faavae o le talalelei e mo a’u ma oe e faapei o se foeuli i se vaa. O mataupu faavae sa’o e mafai ai e i tatou ona maua lo tatou ala ma tutumau ai, mausali, ma le lē faamaluelueina ina ia aua nei o tatou sipa ma pauu ai i afā malolosi o le pogisa ma le fememea’i o aso e gata ai . (“O Mataupu Faavae o La’u Talalelei,” Liahona, Me 2021, 126)

Fesoasoani i tagata aoga ia malamalama i le taua o le sailia ma le loto i ai ma le faailoaina o upumoni o le talalelei e mafai ona latou faaaogaina i o latou olaga a o latou suesue i tala o tusitusiga paia. E mafai ona e faasino atu se tasi o tala o mau e te fiafia i ai. Fesoasoani i tagata aoga ia iloa le eseesega i le va o le iloaina o le faagasologa o le tala ma le sailia o mataupu faavae talafeagai ma aoaoga faavae o loo i le tala.

O aafiaga o le autalavou i le faailoaina o mataupu faavae i tusitusiga paia

Ina ia mafai e tagata aoga ona faalogologo i molimau a le autalavou e uiga i le faailoaina o mataupu faavae i tusitusiga paia, faaali atu le vitio “Identifying Doctrines and Principles: Students’s Testimonies” (2:39). A uma le vitio, atonu e te fai atu i tagata aoga e faasoa mai ni aafiaga na latou maua ai se upumoni i se tala faatusipaia na faamanuiaina ai o latou olaga.

2:39

Muimui

Ina ia fesoasoani i tagata aoga ia malamalama i le matautia faaleagaga i le muimui e faasaga i le (faitio e uiga i) taitaiga mai o tatou taitai o le Ekalesia, mafaufau e faaali atu se filifili. Talanoaina pe faapefea e sooga taitasi i le filifili ona lagolagoina isi sooga. Valaaulia tagata aoga e fatu se “filifili o mau” o fuaitau e lagolagoina e le tasi le isi e ala i le faafesootai pe fefaasinoai faatasi fuaiupu nei:

Esoto 15:23–24

Esoto 16:2–3

Esoto 17:2–4

Valaaulia tagata aoga e faasoa mai mea ua latou maitauina e faatatau i uiga faaalia o le toatele o tagata Isaraelu. Atonu foi e te fai atu ia i latou e faasoa mai ni auala e muimui ai nisi tagata i aso nei e faasaga i taitaiga mai taitai o le Ekalesia.

Fai atu i tagata aoga e faitau mau nei e lua ma faaopoopo atu i a latou filifili o mau:

Esoto 16:8; 1 Nifae 2:12

Tuu atu i tagata aoga e faasoa mai i le vasega nisi o upumoni ua latou aoaoina mai nei mau. Atonu e faailoa mai e tagata aoga upumoni e pei o le taimi tatou te muimui ai e faasaga i taitai o le Ekalesia, o loo tatou muimui moni lava e faasaga i le Alii po o le le malamalama i fegalegaleaiga a le Atua e mafai ona taitai atu ai i le muimui e faasaga i Ana apoapoaiga.

E mafai ona e tuuina atu i tagata aoga ni nai faataitaiga o ni taimi o le a i ai se filifiliga a se tasi e muimui pe talia ma le faamaoni le mea ua talosagaina i latou e fai. E mafai e tagata aoga ona iloilo faale-mafaufau pe faapeī le muimui pe tali atu ma le faatuatua i tulaga taitasi. O nisi o faataitaiga e aofia ai le valaauina e auauna atu i se misiona i se isi eria o le lalolagi nai lo le mea sa e faamoemoeina, le le taliina o se tatalo i le ala sa e faamoemoe i ai, po o le talosagaina e fai se mea e le talafeagai e se taitai o le Ekalesia i le lotoifale.

E mafai ona e valaaulia tagata aoga e faitau le 1 Nifae 2:16, ma vaavaai mo mea na faia e Nifae e faatino ai i le faatuatua ina ua feagai ma tulaga lava e tasi ia na mafua ai le muimui o ona uso.

Esoto 17:8–13. Lagolagoina o le perofeta

Valaaulia se tagata aoga e sau i luma o le vasega. Tuu se Tusi Paia po o se isi tusi tele i lima taitasi o tagata aoga. Fai atu i le tagata aoga e faaloaloa atu lima taitasi i autafa a o loka tulilima, ma uu tusi ia laina faatasi ma le maualuga o mata. Fai atu i le tagata aoga e taumafai e faatumauina lena tulaga mo le umi e mafai ai. A oo ina vaivai le tagata aoga, valaaulia isi tagata aoga e toalua e o mai e fesoasoani e lagolago lima o le tagata aoga.

Valaaulia tagata aoga e faitau le Esoto 17:8–13. Talanoaina pe faapefea ona tutusa lenei tala ma le tagata aoga o loo taumafai e uu i luga tusi.

Valaaulia le vasega e vaai faalemafaufau faapea o le tagata aoga na uuina i luga tusi na faatusa i le perofeta a le Atua. Tuu atu i tagata aoga e faasoa mai pe o le a le mea e mafai ona faatusa i ai le mea mamafa na uuina e le tagata aoga mo se perofeta. (O nisi o faataitaiga e mafai ona aofia ai le vaavaaia o le galuega faafaifeautalai, tausia o aoaoga faavae o loo aoaoina i le Ekalesia ia mama, vaavaaia o galuega fesoasoani alofa i le salafa o le lalolagi, ma isi mea faapena.) E mafai ona e valaaulia le vasega e toe fai le faatusatusaga, ma sui taitai i le lotoifale mo le perofeta. Mo se faataitaiga, atonu e faasoa mai e tagata aoga le mea mamafa e ono lagonaina e se epikopo, taitai o Tamaitai Talavou, po o se matua.

Fesoasoani i tagata aoga e faailoa mai le Esoto 17:11–13 e faapea o le lagolagoina o le perofeta a le Alii e fesoasoani ia i tatou e manumalo ai i la tatou taua ma Satani.

Faaaoga nisi po o fesili uma nei e fesoasoani ai ia malamalama tagata aoga ma lagona le taua o lenei upumoni:

O a nisi o auala patino e mafai ona e lagolagoina ai le perofeta (po o lou epikopo, taitai o Tamaitai Talavou, matua, ma isi) i lona tulaga faale tagata lava ia po o luga o le initoneti?
E faapefea ona fesoasoani le lagolagoina o le perofeta e te manumalo ai i le taua ma Satani?
E faapefea ona lagolagoina oe e le Tama Faalelagi ma Iesu Keriso a o e lagolagoina a Laua auauna filifilia?