Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esoto 14: “Aua Tou te Fefefe”

“Esoto 14: ‘Aua Tou te Fefefe,’” Tusi Lesona a le Faiaoga Seminare o le Feagaiga Tuai (2026)

“Esoto 14: ‘Aua Tou te Fefefe,’” Tusi Lesona a le Faiaoga Seminare o le Feagaiga Tuai

Esoto 14–18: Lesona 45

Esoto 14

“Aua Tou te Fefefe”

The Old Testament prophet Moses standing with his arm extended toward the Red Sea. Moses is commanding the Red Sea to part to allow the Israelites to escape the Pharoah of Egypt.

Atonu tatou te lagonaina le leai o se faamoemoe i nisi taimi, e pei lava o lagona o tagata Isaraelu a o maileia i le va o le Sami Ulaula ma le autau a Farao. Ae peitai, o le fautuaga a Mose ia i latou o loo faatatau pea ia i tatou i aso nei: “Aua tou te fefefe, ia outou laulau tutu , ma vaai atu i le olataga a le Alii” (Esoto 14:13). E mafai ona fesoasoani lenei lesona i tagata aoga e lagona ai le manao e tuu lo latou faalagolago i le Alii mo le malosi ma le laveaiina.

Sauniuniga a tagata aoga: Valaaulia tagata aoga e suesue le Esoto 14:13–14 ma mafaufau i vaega o o latou olaga e mafai ona fesoasoani ai nei fuaiupu.

Gaoioiga E Ono Mafai Ona Aoao Ai

Siomia i tofotofoga

Fesoasoani i tagata aoga e toe mafaufau i luitau i o latou olaga e mafai ona latou lagona ai le lofituina po o le maileia. O se tasi o auala e faia ai lenei mea o le faasoa atu lea o le saunoaga lenei mai ia Brother Milton Camargo o le Au Peresitene Aoao o le Aoga Sa. E mafai ona e tusia le fautuaga a lona tamā i le ogatotonu o le laupapa.

Sa faasoa mai e Brother Milton Camargo, Fesoasoani Muamua i le Au Peresitene Aoao o le Aoga Sa, fautuaga mai lona tamā:

E masani ona fai mai lo’u tamā ia te a’u, “Aua le soona taulai atu i ou faafitauli e le mafai ai ona e iloa le vaifofo.” (“Taulai Atu ia Iesu Keriso,” Liahona, Me 2023, 64)

Fai atu i tagata aoga e faasoa mai mea latou te manatu sa aoao atu e le tama o Brother Camargo. Ona valaaulia lea o i latou e tusi faataamilo i le faamatalaga i luga o le laupapa soo se faafitauli, luitau, po o tofotofoga atonu e faigata ia i latou ona iloa ni [o latou] vaifofo.

E mafai e tagata aoga ona tali leotele le fesili muamua o fesili nei. I le fesili lona lua, atonu e atamai le valaaulia o i latou e mafaufau loloto filemu i a latou tali.

Mafaufau loloto i taimi atonu na e lagonaina ai e leai se vaifofo i faafitauli na e feagai.

O a nisi o auala e ono tali atu ai se tagata i ia ituaiga tulaga?
E faapefea ona e tali masani atu i tulaga faapena?

A o e suesueina le Esoto 14 i le asō, saili musumusuga mai le Agaga Paia e fesoasoani ia te oe e faateleina ai lou manao e faalagolago i le Alii a o e feagai pe saunia e fetaiai ma luitau ma tofotofoga.

O le tulaga fememea’i o tagata Isaraelu

Ina ia fesoasoani i tagata aoga ia malamalama i le tulaga o tagata Isaraelu i le Esoto 14, faaali pe fesoasoani ia i latou e sue le faafanua 2 i le Faafanua o le Tusi Paia, o loo maua i le lomiga a le Au Paia o Aso e Gata Ai o le Tusi Paia a King James. A o e faasoaina atu le parakalafa lenei, valaaulia tagata aoga e sue Pi-hahiroth (#3) i luga o le faafanua.

A o tuua e le fanauga a Isaraelu Aikupito, sa poloaiina e le Alii ia Mose e taitai i latou i Pi-hahiroth (Esoto 14:2). E lei leva ona uma ona tuu atu le fanauga a Isaraelu e o, ae iloa e Farao “ua punitia i latou i le vao” (Esoto 14:3), o lea na ia faamaaa ai lona loto ma tuliloaina i latou.

Sa faamalamalama mai e Elder Jeffrey R. Holland o le Korama a Aposetolo e Toasefululua le mea lenei e uiga i tulaga [na oo iai] o tagata Isaraelu:

“Sa i ai le fanauga a Isaraelu i se tulaga matautia. … Sa i ai kariota i o latou tua, o faupuega oneone i itu uma, ma vai e tele i o latou luma atu teisi. I lenei tulaga, o le mea moni lava sa o se tulaga o le ola ma le oti. (“Aua Le Tu’u ese O lea Lou Talitonuga,” Ensign, Mar. 2000, 9)

Ina ia fesoasoani i tagata aoga e vaai faalemafaufau i lenei tala, e mafai ona e faaali atu ia i latou le ata lenei o le Sami Ulaula. Valaaulia i latou e vaai faalemafaufau faapea sa latou i ai faatasi ma tagata Isaraelu i le taimi lea.

E mata e faapefea ona e tali atu i nei tulaga?

Mafaufau e valaaulia tagata aoga e faatusatusa le tali a tagata Isaraelu i o latou tulaga ma le tali a Mose. O le maitauina o mea e tutusa ai ma eseesega i le va o tagata, aoaoga, ma mea na tutupu i tusitusiga paia o se tomai taua lea e suesue ai tusitusiga paia. O le faia ai o nei faatusatusaga e mafai ona fesoasoani i tagata aoga e faailoa ai upumoni taua o le talalelei atonu latou te le vaai i ai. Atonu e te manao e faamatala puupuu le tomai o le faatusatusaina. Valaaulia tagata aoga e faataitai i le gaoioiga suesue lenei.

I lau api faamaumau mo suesuega, tusi ai se siata laitiiti e lua ni ona koluma. Faailoga le tasi koluma o Tagata Isaraelu ae o le isi o Mose.

Faitau le Esoto 14:10–14, ma vaavaai mo mea na fai mai ai le fanauga a Isaraelu ma mea na fai mai ai Mose. Aotele mea ua e maua i le koluma talafeagai.

O ā mea na taula’i atu i ai tagata Isaraelu i nei tulaga? O ā mea na taula’i atu i ai Mose?
O le a se mea ua e maitauina i le faatusatusaina o mea na latou fai mai ai?
O le a se mea ua e aoaoina mai lenei tala e mafai ona fesoasoani ia te oe i ou luitau?

Faatasi ai ma isi upumoni e mafai ona faasoa mai e tagata aoga, fesoasoani ia i latou e iloa ai mea nei: O le taulai atu ia Iesu Keriso e mafai ona faateleina ai lo tatou faamoemoe i taimi o luitau ma tofotofoga.
O a ni faafitauli e te manatu e mafai ona tutupu pe afai tatou te taulai atu tau lava o o tatou luitau ma tofotofoga?

O le taulai atu ia Iesu Keriso.

Mafaufau e faasoa atu le vaega o totoe o le saunoaga a Brother Camargo mai le amataga o le lesona.

Na faasoa mai e Brother Camargo le mea lenei e uiga i le mana o le taulai atu ia Iesu Keriso:

E masani ona fai mai lo’u tama ia te a’u, “Aua le soona taulai atu i ou faafitauli e le mafai ai ona e iloa le vaifofo.”

Ou te molimau atu o le Alii o Iesu Keriso o le vaifofo lea e oo lava i o tatou faafitauli aupito faigata. (“Taulai Atu ia Iesu Keriso,” Liahona, Me 2023, 64)

Aisea e te manatu ai e aoga le taulai atu ia Iesu Keriso pe a tatou lagonaina le siomiaina pe saisaitia i o tatou luitau po o tofotofoga?

Ina ia faataitai atu mea na aoao mai e Brother Camargo, valaaulia tagata aoga e taulai muamua atu o latou mafaufau i luitau na latou tusia i luga o le laupapa. Tuu atu ia i latou e taulai atu i na luitau mo le 30 sekone. Ona fai atu lea ia i latou e faasoa mai po o a ni o latou lagona.

Sosoo ai, tuu se ata o Iesu Keriso i luma o le vasega. Valaaulia tagata aoga e taulai atu o latou mafaufauga i Lona mana ma le alofa mo le 30 sekone. Valaaulia tagata aoga e tusi a latou tali i le fesili lenei i a latou api faamaumau mo suesuega.
O le a se eseesega atonu e te maitauina pe a e taulai atu ia Iesu Keriso ma Lona mana e sili atu nai lo luitau o loo e feagai?

Faaali atu fesili o loo i lalo, ma tuueseese tagata aoga i ni paga po o ni vaega toalaiti. Valaaulia i latou e filifili ni luitau se lua pe tolu o loo i luga o le laupapa ma talanoaina fesili nei.
O a ni auala e mafai ona avea ai Iesu Keriso ma vaifofo i faafitauli, luitau, po o tofotofoga na e filifilia?
E mafai faapefea e se tagata ona galue ma le faatuatua ia Iesu Keriso i le taimi o lena faafitauli patino, luitau, po o tofotofoga?

Valaaulia tagata aoga naunautai e faasoa mai mea na latou aoaoina pe lagonaina.

O le mana malosi o le Alii

Mafaufau e tuu atu i tagata aoga e faitau fuaiupu nei taitoatasi pe i ni paga. E mafai foi e tagata a’oga ona tusi ata o mea na latou faitau iai i totonu o a latou api o faamaumau mo suesuega.

Afai e aoga mo au tagata aoga, e mafai ona e valaaulia nisi o i latou e faatino faapuupuu fuaiupu 19–22. Mo se faataitaiga, e mafai ona e fatuina se papupuni laitiiti e mafai ona aveese pe tuueseese, e faataga ai tagata aoga e savavali e pasi atu ai.

O le isi filifiliga o le faaali atu lea o le vitio ata komi o le “The Passover” mai le faailo taimi 1:28 i le 2:32. O lenei vitio o loʻo maua i luga o le ChurchofJesusChrist.org.

2:54

Faitau le Esoto 14:15–31, ma vaavaai pe na faapefea ona tau le Alii ma laveaiina le fanauga a Isaraelu.

O le a se mea ua faagaeetia ai oe e uiga i lenei tala?
O le a se mea na e maua e fesoasoani ia te oe e te manao ai e tuu atu lou faalagolago i le Alii?

Malosi patino ma le laveaiga

O le fesili e sosoo ai atonu e faigata i tagata aoga ona taliina i le amataga. O le faalogologo ai i aafiaga o isi e mafai ona musuia ai i latou e mafaufau i o latou lava aafiaga. Atonu e te manao e faasoa atu se aafiaga na e maua po o se tasi e te iloa e mafai ona fesoasoani e tali ai le fesili. Pe faaali atu se vitio e pei ona tuuina atu i lalo o loo faaalia ai le taua o le taulai atu i le Faaola i taimi o o tatou tofotofoga:

“Mauaina o Keriso i Taimi Faigata” (4:35)

“Lagonaina o le Alofa ma le Agalelei o le Alii i Tofotofoga” (4:18)

O vitio uma e lua e maua i le ChurchofJesusChrist.org.

4:35

4:22

Na faapefea ona fesoasoani le taulai atu ia Iesu Keriso i le taimi o se luitau po o se tofotofoga ia te oe po o se tasi e te iloa?

Fesoasoani i tagata aoga ia iloa o nisi taimi atonu e le laveaiina ai i tatou mai o tatou luitau i auala tatou te faamoemoeina. Ae peitai, o le taulai atu ia Iesu Keriso e mafai ona fesoasoani ia i tatou e maua ai le faamoemoe ma le malosi e tusa lava po o le a le mea o loo tatou feagai.

Mafaufau e faaiu i le faasoaina atu o lau molimau ia Iesu Keriso ma le taua o le taulai atu ia te Ia i o tatou tofotofoga. Atonu e te mafaufau e faaaofia ai le faamatalaga o i lalo faatasi ma lau molimau.

Na molimau mai Brother Camargo e mafai ona fesoasoani mai le Faaola ia i tatou:

O loo soifua le Alii o Iesu Keriso i aso nei. E mafai ona i ai moni o Ia i o tatou olaga i aso taitasi. O Ia o le vaifofo i o tatou faafitauli, ae e tatau ona tepa a’e o tatou mata ma si’itia la tatou vaai ia iloa atu o Ia. Ua Ia apoapoai i tatou e “Vaai mai ia te a’u i mafaufauga uma; aua le masalosalo, aua le fefefe” [Mataupu Faavae ma Feagaiga 6:36]. (“Taulai Atu ia Iesu Keriso,” Liahona, Me 2023, 67)

Punaoa Faaopoopo

E mafai faapefea e Iesu Keriso ona fesoasoani ia te au i o’u luitau?

Na valaaulia i tatou e Elder Ronald A. Rasband o le Korama a Aposetolo e Toasefululua e:

Taumafai e ta’u le suafa o “Iesu Keriso” i se tulaga faigata faatasi ma lē ua leai se faamoemoe. O le tau lava o le valaau atu ia te Ia i Lona suafa, ma le migao, e mafai ona faia ai se eseesega i se taimi faigata. (“O Iesu Keriso o le Tali” [afiafi ma se Pulega Aoao, Fep. 8, 2019], 3)

Na saunoa mai Peresitene Russell M. Nelson:

Po o a lava au fesili po o faafitauli o i ai, e maua lava le tali i le soifuaga ma aoaoga a Iesu Keriso. (“O Iesu Keriso Lava le Tali,” Liahona, Me 2023, 127)

Na saunoa mai Peresitene Russell M. Nelson:

Afai o le taulaiga o tatou olaga e i le fuafuaga o le faaolataga a le Atua … ma ia Iesu Keriso ma Lana talalelei, e mafai ona tatou lagona le olioli e tusa lava po o a mea o tutupu—pe le o tutupu foi—i o tatou olaga. O le olioli e sau mai ma ona o Ia. O Ia o le puna o le olioli uma. (“Olioli ma le Ola ai Faaleagaga,” Liahona, Nov. 2016, 82).

Na faamalamalama mai e Elder Isaac K. Morrison o le Au Fitugafulu:

O le alofa tatou te lagonaina ona o le Faaola ma Lana Togiola ua avea ma se punaoa mamana ia i tatou i o tatou taimi faigata. Na Ia poloai mai foi, “E maua foi outou e le puapuaga i le lalolagi: a ia outou loto tetele; ua ou manumalo i le lalolagi” [Ioane 16:33]. E mafai ona Ia fesoasoani ia i tatou e onosaia soo se tiga, ma’i, ma tofotofoga tatou te feagai i le olaga nei. (“E Mafai Ona Tatou Faia Mea Faigata e ala mai ia te Ia,” Liahona, Nov. 2022, 116–17)

Aisea e le laveaiina ai au e le Atua i taimi uma mai o’u luitau ma tofotofoga?

Na faamalamalama mai e Peresitene Thomas S. Monson (1927–2018):

O lo tatou Tama Faalelagi … ua Ia silafia tatou te aoao ma tuputupu ae ma malosi atili ao tatou fetaiai ma manumalo mai tofotofoga ia e tatau ona tatou uia. Ua tatou iloa e i ai taimi o le a tatou lagonaina ai le faanoanoa o le lotonutimomoia, o taimi tatou te faavauvau ai, ma taimi atonu o le a tofotofoina ai i tatou i le mea e gata ai. Peitai, o ia faigata e faatagaina ai i tatou ia suia mo le lelei sili atu, ia toe fausia o tatou olaga i le ala ua aoao ai i tatou e lo tatou Tama Faalelagi, ma ia avea ma se tagata e ese mai le tagata sa tatou avea ai—ia lelei atu nai lo le mea sa tatou i ai, sili atu ona malamalama nai lo le mea sa tatou i ai, sili atu ona tigaalofa nai lo le mea sa tatou i ai, faatasi ai ma ni molimau malolosi atu nai lo a tatou molimau sa i ai muamua. (“Ou Te Le Tuua Lava Oe, Ou Te Le Tuulafoai Lava ia te Oe,” Liahona, Nov. 2013, 87)

Gaoioiga Faaopoopo e Aoao Ai

O le poto ma le mana o le Atua

Pe a talanoaina le faafanua i le lesona, atonu e te mafaufau e faamamafa atu le poto ma le mana o le Atua e ala i le faamalamalama atu faapea, na muai taunuu le fanauga a Isaraelu i Sukota (Esoto 13:20). Fesoasoani i tagata o le vasega e sue Sukota i luga o le faafanua.) Valaaulia i latou e sue le ala sili ona tuusao mai Sukota i Kanana (le nuu folafolaina).

Valaaulia tagata aoga e faitau Esoto 14:1–2, ma sue le nofoaga na fai atu ai le Alii ia Mose e taitai le fanauga a Isaraelu. Fesoasoani ia i latou e sue Pi-hahiroth i luga o le faafanua.

O le a se mea o e maitauina e uiga i le itu na taitai i ai e le Alii le fanauga a Isaraelu?

Atonu e manaomia ona e faamalamalama e faapea, o le ala aupito tuusa’o lava i Kanana o le malaga lea i matu o le Sami Ulaula i auvai o le Sami Meititerane. Nai lo lena, na faatonuina e le Alii le fanauga a Isaraelu e malaga i saute ma tolauapi i autafa o le Sami Ulaula.

O a ni au fesili atonu na i ai e uiga i le ala pe ana faapea o oe o se tasi o tagata Isaraelu?
E mafai faapefea e le aveina atu o tagata Isaraelu i le Sami Ulaula ona fesoasoani i isi ia “iloa o Ia o le Alii”? (Esoto 14:4).

Mataupu Faavae ma Feagaiga 8:3. “O le agaga lenei o faaaliga”

Ina ia fesoasoani i tagata aoga e aoao e uiga i faaaliga, valaaulia i latou e faitau le Esoto 14:15–16. Fai atu ia i latou e vaavaai pe na faapefea ona iloa e Mose le mea e fai ina ua maileia i le va o le autau a Farao ma le Sami Ulaula.

E te manatu na faapefea ona fetalai atu le Alii ia Mose i le taimi lea?

Valaaulia tagata aoga e faitau le fuaitau o le atamai i aoaoga faavae Mataupu Faavae ma Feagaiga 8:2–3, ma vaavaai pe na faapefea ona fetalai atu le Alii ia Mose.

O le a se mea ua e aoaoina e uiga i faaaliga?
O anafea na fetalai mai ai le Alii i lou mafaufau po o lou loto?

Valaaulia tagata aoga e fefaasinoai pe faafesootai le Esoto 14:15–16 i le Mataupu Faavae ma Feagaiga 8:2–3.

O le aafiaga o le tala ia Mose i le Sami Ulaula

Atonu e te manao e fesoasoani i tagata aoga ia iloa le aafiaga o lenei tala i o latou olaga. Mafaufau e faasoa atu e faapea, mo le faitau afe o tausaga, o le tala i le laveaiina e le Alii o le fanauga a Isaraelu mai le nofopologa i Aikupito sa musuia ai perofeta ma tagata ina ia maua le faatuatua i le Alii o Iesu Keriso.

Vaevae le vasega i ni paga po o ni vaega toalaiti, ma atofa atu i latou i se tasi o fuaitau nei e suesue i ai. Tusi fesili o loo i lalo i luga o le laupapa mo tagata aoga e faasino atu i ai ma talanoaina a o latou suesue.

1 Nifae 3:31; 4:1–3 (Sa taumafai atalii o Liae e aumai papatusi apamemea mai ia Lapana.)

1 Nifae 17:25–27, 51 (Sa taumafai Nifae e faatalitonu ona uso e fesoasoani ia te ia e fausia se vaa.)

Alema 36:27–28 (Sa aoao atu e Alema lona atalii o Helamana e tuu atu lona faalagolago i le Atua.)

E te manatu e faapefea ona fesoasoani le tala i le Esoto i lenei tagata po o vaega i lo latou tulaga?
O a laina po o fasifuaitau mai le Esoto 14 e mafai ona uunaia ai oe e faalagolago i le Alii ma Lona mana e laveai ai oe?

Valaaulia tagata aoga e faaaoga lenei tala i o latou lava olaga faatasi ai ma le uunaiga lenei:

Afai sa naunau ma mafai e le Atua ona vaeluaina le Sami Ulaula mo tagata Isaraelu anamua, ou te iloa e mafai foi ona Ia fesoasoani mai ia te au i le .